永年士多港式車仔麵 (加拿分道)

營業中

休息中

好耐冇食過車仔麵，去尖沙咀買嘢時，路過見到有間永年竟然唔使排隊，即刻去朝聖一下，話晒唔使山長水遠去到元朗，但又可以食到，唔係要諗嘛？！蝦子撈麵爽口彈牙，條條分明，配上麻辣醬，平時食開撈麵最多都係可以落辣椒油，有另外一番感覺，先飲一啖湯頭，顏色非常清晰，單單魚味清甜，一粒蔥都鮮爽，牛筋炆得軟林，膠質豐富，冇奇怪嘅八角味道，雞翼炆得骨肉分離，完全被滷水汁滲透，雞翼應該係徹底解凍之後先至處理，豬手淡淡的南乳味，豬皮滑脫脫一條毛都冇，其實已經好耐冇食過有咁樣嘅質素，輕輕一咬已經感受到豐富嘅膠原蛋白，最值得讚係菜心，新鮮極致爽甜，唔柴勁嫩