殿·大喜屋

營業中

休息中

Moko入面嘅帝京酒店自助餐易手變在「殿·大喜屋」放題，環境冇得輸，晚飯時間非常滿座，門口仲堆滿人等位。殿·大喜屋的食物、飲品種類超多！除咗QR code落單，即叫即做嘅壽司刺身都非常新鮮，仲設有有自助水吧、生果、小食涼菜，連榴連蓉都係盡情食，實在系非常豐富高質。自助區仲設成海鮮自助吧，多種海鮮：蟹腳、青口、翡翠螺、大蝦…中西合璧，肯定有嘢岩食。落單冇幾耐就送上嘢食，我哋嗌咗好多款嘢食，超級豐富！壽司細細件可以食多幾款，新鮮高質，尤其系海膽軍艦，用咗北海道海膽鮮甜好味～好抵食。嘢飲甜品都選擇多到大放心心眼，貴價牌子雪糕任食！甜品仲有椰皇燕窩燉蛋白，好高質！但真係吃幾多拎幾多，唔好浪費～📍 殿·大喜屋 (旺角)旺角太子道西193號帝京酒店

最近又俾我留意到旺角新開咗間《殿·大喜屋》一於約朋友去食返個日式放題😋壽司🍣今期有鮮甜嘅北海道海膽軍艦，鍾意食海膽嘅唔好錯過🫢刺身除咗一般嘅三文魚、甜蝦、帶子，連金槍魚腩同松葉蟹腳都有🤤熟食嘅選擇都非常多，有一口牛、燒乳鴿、避風塘炒蟹同埋肥美鵝肝厚多士都好好味😋必叫呀仲有大大隻嘅燒蠔同金蒜粉絲蒸扇貝，超滿足呀！😌自助區有榴槤蓉，鍾意食榴槤嘅朋友仲可以狂食，真係好正呀估唔到仲有埋點心，小籠包同蝦餃🙂而飲品櫃就有大量唔同嘅冷泡茶、啤酒同果汁🧃仲有sake都係任飲醉酒

知道京都酒店自助餐位置開左殿大喜屋，即刻約朋友去食個lunch先。環境裝修得寬敞舒服，感覺好高貴，食物新鮮高質，午市由12點至3點，可以任食3小時，我就先去自助區兜一轉，估唔到都勁多款式，熱盤有麻辣小龍蝦、小籠包、台式腸、老火湯等等，冷盤有海鮮、涼拌小食，生果有任食榴槤蓉，必食之選😍除左罐裝飲品、冷泡茶、咖啡奶茶之外，仲有多款酒類飲品，凍熱清酒、梅酒、白酒、紅酒、連真露都有。跟住就用QR code 落單，壽司必食海膽軍艦，餐廳用上高質北海道海膽，鮮甜creamy，仲有香蔥芝麻拖羅小卷，海膽拖羅黑松露帶子。刺身方面，除左有三文魚、帶子、海赤蝦等，仲有松葉蟹腳、金槍魚腩同池魚王，樣樣都新鮮肥美飽滿。熟食必食花雕醉鮑魚：鮑魚彈牙，鮮甜清爽、燒蠔、皇牌燒乳鴿：肉質細嫩惹味、鵝肝厚多士：鵝肝勁厚身煎得甘香味美。甜品有好多款、仲有軟雪糕添，我仲叫左極尚椰皇燕窩燉蛋同榴槤炸彈。

大喜屋絕對係日本放題嘅始祖多年來嘅食材都保持高水準最近仲進駐旺角帝京酒店環境更大更舒適．座位寬敞食物質數同環境都大躍進款式仲好多選擇估唔到放題嘅海膽咁正原來所有海膽都係使用北海道海膽味道仲好鮮甜性價比好高叫咗咁多樣野，全部到齊無漏單除咗日式刺身壽司．中式菜式都好正✨鮑魚皇帝蟹黃粥✨松葉蟹腳✨避風塘炒蟹，叫一碟有半隻蟹嘅份量香口又厚肉．一定要食甜品同飲品都好多款仲可以自己吱軟雪糕啱哂三五知己 ． 一家大細一齊嚟多款式又新鮮．以後一定再嚟

上星期去旺角新世紀行街，見到本身帝京酒店自助餐位開左殿大喜屋，之前已經食過佢地尖沙咀分店知道有質素保證，所以又試下佢地新開嘅旺角分店😁價錢同尖沙咀一樣，都係300幾蚊任飲任食2小時，算係十分公道😊 可能因為餐廳前身係自助餐，所以自助吧個位超大超多野食，真係同自助餐有得比😨 除左standard嘅冷盤前菜甜品，自助吧仲有好多熱食，例如熱湯，炸物，蒸點心，最驚喜㑖連蒸魚都有，無諗過放題會有得食🤣至於放題食物，亦都係qr code落單，刺身壽司卷物全部先黎一round😌 必點海膽軍艦，因為餐廳用嘅係高質北海道海膽，而且好新鮮，絕唔會因為任食而比cheap野你，食到停唔到每round都要叫d🤭另一樣回本選擇當然係食甜品同雪糕，雪糕當然有貴野haagen daz同movenpick，而且仲有好幾款韓國日本雪條，鐘意食甜嘅你記住留肚！

為食妹👧🏻接近一年沒有吃日式放題，大喜屋絕對稱得上係日式放題始祖。知道最近「殿大喜屋」進駐旺角帝京酒店裡，心思思中午來個任飲任食三小時😎。手機落單食物包括刺身、卷物、軍艦、壽司、串燒、炸物、創作料理、一品料理、天婦羅、蒸焗鐵板、麵鍋、燒物等等，包羅萬有🫶🏻餐廳主打海膽軍艦，選用北海道海膽，超落本👏刺身新鮮肥美，忍唔住Encore三次拖羅🤪。多款美食之中，選了花雕醉鮑魚、皇牌燒乳鴿、避風塘炒蟹、西京燒比目魚燒、溫室甜菠蘿🍍、極尚椰皇燕窩燉蛋🥚。整體來說味道質素挺高🥰。自助餐提供一系列冷盤、沙律、生果、點心、飲品、甜品、雪糕🍦。最驚喜莫過於係榴槤蓉😍又香又臭又甜👅令人難以抗拒🫶🏻。

食物飲品種類繁多上菜速度快狠準食材新鮮賣相精緻唯二人座位比較狹窄👅極力推介：🐠鱆紅魚薄切 。。新鮮爽脆🐡拖羅刺身。。肥美🐚赤貝刺身。。爽甜🍣北海道海膽軍艦。。甘腴鮮味🦪蒜蓉粉絲蠔。。鮮味大隻調味佳🦆厚切鵝肝脆多士。。一嫩一脆完美配搭🦀️鮑魚蟹皇粥。。足料濃稠適中💣榴槤蓉。。啖啖肉☠️美中不足：收垃圾車喺食客旁邊周圍轉。。衞生欠奉1小時前已經催埋單未夠鐘已經催你走總括黎講食物環境價錢真係無得輸如有更多優惠就更好

在帝京酒店內的這間大喜屋是我最愛的日式放題。它不但環境裝修得富麗堂皇，而且食物出品高質新鮮，還不時有些新料理，真是每次去都有驚喜。繼之前令人非常滿足的榴槤蓉後，今期主推海膽和香蔥芝麻拖羅小卷。餐廳使用的海膽是北海這海膽，入口即化，且有濃郁的奶油味，非常美味。香蔥芝麻拖羅小卷有好大份量的拖羅蓉，味道甘香，非常新鮮，大滿足。榴槤蓉仍然是無限供應。我最愛把它加到椰皇燕窩燉蛋白以及雪糕中，超級好食。至於其它刺身、壽司、燒物等等不一一介紹了，總之新鮮即叫即做，任點任食。—平日午市三小時放題成人$338，物超所值。

環境更加闊落更加高級，飲品方面除咗一般罐裝飲品之餘、居然仲有紅白酒，同清酒🍶梅酒提供好surprise啊呢期做緊北海道海膽推廣，各式種北海道海膽壽司創意料理都有,食落去鮮甜新鮮有少少奶油感真係超水準，絕對值得一試既當然係海膽軍艦✨自助區另一邊有海鮮自助吧蟹腳、青口、翡翠螺、大蝦！熱盤都非常用心有麻辣小龍蝦🦞、蝦餃、中式燉湯都有放題必食刺身先，除咗坊間一般常見三文魚、赤貝、北海親帶子之外仲有蟹腳，吞拿魚腩等名貴食材餐後甜品🍨更設有Häagen-Dazs，movenpick，名字雪糕等等比客人隨意享用，榴槤控絕對唔可以放過新鮮榴槤肉放題啦

之前喺日本返嚟香港冇屋住期間成日住帝京酒店🤣貪佢價錢合理之餘又乾淨整齊～最近朋友講開佢自助餐個位轉左做放題👀仲有我最愛嘅北海道海膽🥹不問價即book🤍-餐點種類非常豐富除咗大家最鍾意嘅刺身之外🍣仲有各種海鮮、水果🍓值得驚喜嘅係炒牛柳粒都有茶餐廳水準🔥真誠係一班朋友口味唔同都可以喺呢度enjoy食食食🫶鈴鈴最喜歡既係榴槤蓉任食😍😍😍諗起之前夜市一匙羹榴槤已經要$20 我決定食窮佢💥💥💥(邊有咁易😂)嘢飲方面汽水任飲就基本總而言之真係超級抵食✨重點係地點方便 最啱一班人過嚟❤️

第一次來殿大喜屋，由於好耐無食過放題，所以都有點期待。上網睇返見有好多好評，而且呢度地點都方便我地㨂左20:45時段，20:30左右到門口時都見到有唔少人等緊位，我地3位都準時安排到入座。一入座已見到有張QR code落單紙，我地都好快手落單，食物都好快上到枱，同埋無出現過漏單情況飲品種類十分多，罐裝支裝飲品齊全，仲有熱飲、即磨咖啡機同自助添既酒類。雪糕都有唔少類式（有movenpick, haggen daz杯裝同日本雪條），另帶一提是水果好新鮮，哈密瓜同士多啤梨都好好食熱食就一般般，不過整體來說都係唔錯既，無食物係覺得難食，相比之下呢間放題既水準都係中上既，兩小時放題埋單人均$382.4，3人合共$1148.4。新會員仲有迎新禮物送（環保袋一個），下次幫襯仲可以用$20 cash coupon個人覺得呢度都適合一家人來食返餐既，四人坐卡位岩岩好，相反如兩人既話，眼見有d二人枱較細張，食物必夠放小小美中不足既係呢度尾輪會好準時送客，我地20:45入座，待應大概10:30就催交枱，仲好快手埋枱收你枱上既碗碟，呢個位有少少突兀，因為好似好心急趕客咁，搞到我地雪糕都未食完就要離座，走返出去

預早Book了成個月的殿大喜屋終於今日試到了！但因為人太多，都只能book到食8:30那場！準時到達門口已經擠滿等入場的人，當然入面食緊的人就早已滿座。自助區就在入口處，飲品應有盡有，冷熱、自家製飲品、還有酒類，都有好幾十款。餐前冷盤小食、海鮮類、熱葷、點心、生果等，任君選擇。最驚喜的是有煙三文魚、煙鴨胸、風乾香腸等。刺身上枱前，已經試了鳳爪、鴨腎、魚皮、螺肉、蒸魚、炸物、花雕醉鮑魚，以及必食的北海道海膽壽司！不得不提，殿這裏所有的海膽都來自北海道，真係要食多幾件！刺身是一如既往的厚切又新鮮。三文魚、油甘魚、吞拿魚、赤蝦、甜蝦、帶子、北寄貝、赤貝等，每款皆肥美鮮甜，來這裏，真的能實現刺身自由！瑤柱抓豆苗、一品花膠盛，皇牌乳鴿王、燒銀鱈魚等，都係必食的，味道及得上出面的中菜館！重點推介是燒生蠔，這分店的燒蠔每隻都有手掌般大，肥美多汁，上面的炸蒜夠多夠脆。點了2打没有漏單，被我們秒清了。仲有燒鵝肝、鰻魚、菠蘿、牛舌和龍蝦伊麵，都是必食。基本上食完以上食物一次，都已經飽了8成。剩下的時間建議encore想食的一次！我們encore的主要是燒蠔、牛舌、海膽壽司及刺身等！刺身主力encore了拖

---殿大喜屋一直以來都係美食愛好者心目中的高質料理代表。在這家日式放題餐廳，你可以體驗到各式各樣精緻的日本料理。這次我專程品嚐了他們的乳鴿、刺身和龍蝦伊麵。首先，乳鴿的部分實在值得推崇。這道菜肉質細嫩，香氣撲鼻，乳鴿經過精心烹調，保留了肉汁，口感豐富又不失嫩滑。這樣的烹調技巧在放題餐廳中可說是難得一見。接下來是刺身，新鮮度是刺身的靈魂，殿大喜屋在這方面做得非常到位。刺身的切割厚薄適中，入口即化，每一片都透著海洋的鮮美，讓人忍不住一再夾起。最後談到龍蝦伊麵，這道菜是這餐中的亮點。龍蝦肉質彈牙，搭配上輕盈的伊麵，龍蝦的鮮甜與麵條的Q彈相互輝映，湯底的味道也恰到好處，既不搶味也能提升整體的風味。總體來說，殿大喜屋的食物質量相當高，每道菜都體現了廚師的用心。雖然是放題形式，但在食材的選擇與烹調上都顯得精緻。這裡的氛圍、服務以及食物本身都讓人感到滿足，絕對是值得再訪的地方。而且，這裡的放題定價合理，給人一種物超所值的感覺。如果要給這次的用餐體驗打分，我會毫不猶豫地給予8.5分（滿分10分）。---

今日就來試下晚餐，本身見環境都唔差，又有卡位坐，點知服務真係好失望，食物有幾好都冇用，服務好差，今日選擇了18：00至20：00時段，入座時都話食到20：00，去到19：00已經叫我地賣單，都接受啦，仲有15分鐘就推住架車嚟執走d野，見隔離枱都比佢地執晒枱面d野，之後仲有10分鐘先到20：00，又話夠鐘，叫我地拎齊野，不停摧我地走，佢地要收野擺過新位，趕住做下一輪，安排真係好差！！！唔會想再去！！

📍殿 大喜屋 日式放題嚟講，第一時間我就會諗起大喜屋，大喜屋又想食得好啲嘅話，就要過嚟呢一間殿大喜屋😙除咗一般有嘅刺身壽司之外，仲有任食嘅拖羅！另外仲會有海膽手卷，帝王蟹手卷等等～如果要熟食嘅話，酒醉鮑魚，冬菇炆花膠，鵝肝多士同埋燒蠔全部都有。如果仲食得落，佢哋仲有熱辣辣乳鴿，芝士蝦伊麵，壽喜燒🤪至於出面自助區，有叉燒， 蟹粉豆苗，餃子，炸雞，仲有蟲草花膠湯～如果甜品嘅話，有差不多10款雪糕，任食嘅榴槤蓉，木瓜燉鮮奶等等。飲品方面最基本講得出都有，另外仲有熱飲櫃，日本清酒，梅酒，椰青水，總之一定有一款啱你飲☺️咁多嘢食連加一都係差不多$400一個人，包你食到抱住個肚走🤰🏻🫃🏻