殿·大喜屋

營業中

休息中

已預先訂檯，但現場可以擺漏兩份餐具同一張BB櫈，座位窄到無倫，成張檯得兩位較苗條的人士可以自由進出，食物款式比沙田大喜屋少（尤其缺少燒榴槤），而且出現大量漏單情況（漏蟹粥、乳鴿、牛肉鍋、雞翼、一口牛），全店唯一供應充足只有刺身同天婦羅，食物質素參差，同一款食物一碟好鹹而另一碟正常，收銀員服務態度較差，我只係想講“有會員coupon”，位女士已經急不及待咁答“自己儲分”，幸好樓面服務員追返少少分數。

Moko入面嘅帝京酒店自助餐最近轉手，變成殿大喜屋放題，環境比其他分店更靚，開張至今人氣十足，晚上人頭湧湧，想食嘅話最好預先book位😆😆😆.今期推薦「龍蝦芝士伊麵」同「泰式咖喱炒大頭蝦配薄餅」，龍蝦同大頭蝦肉質都好爽甜，估唔到放題都可以食到！.「清酒煮蜆」可以嫓美居酒屋嘅質素，encore咗幾次😋.另一個賣點係雪糕，款式非常多，呢間分店仲有Milk Top 可以揀，花多眼亂❤️❤️❤️.📍 殿·大喜屋 (旺角)旺角太子道西193號帝京酒店2樓

朋友生日想食大喜屋放題，好似疫情之後都係第一次食尖沙咀嘅殿大喜屋原來依家食物選擇多咗，有珍奶同加左好多特式飲品甜品，真係食兩個鐘都試唔晒我最鍾意係有熱既清酒任飲，Häagen-Dazs同埋有榴槤蓉😍重點回本必吃🫶🏻🌟鵝肝多士薄脆嘅多士上面嘅鵝肝真係勁肥美厚身,淋咗少少黑醋食落冇咁油膩🌟海鮮刺身大蝦長腳蟹拖羅❤️比目魚魚皮燒到好脆,魚油好香,肉質嫩滑 燒蠔上有滿滿嘅蒜蓉，好惹味冷盤凍蝦都好正好大隻😍🌟壽司手卷海膽手卷一大pat海膽好鮮甜，芒果卷都好正🌟甜品鮮奶燉木瓜好滋陰,好清甜,牛奶好滑,再加堆滿滿榴槤蓉真係捧住個肚走啊🤣開心大滿足🥳

首先嚴重誤導嘅係 所有嘅地址都話係喺帝京酒店，但係當你入到帝京酒店根本就冇呢間食店嘅入口，應該要上返樓上嘅商場係由商場入，咁即係同酒店無關啦！但係每一個地址嘅介紹都話自己係酒店！令人誤以為係酒店嘅其中一間餐廳，欺騙成分嚴重！！！好！講到食物，刺身唔新鮮！嗰啲蝦個頭係會甩出嚟嘅，帶子吞拿三文魚又唔新鮮乾嘅，我用餐完之後當晚半夜就肚瀉咗兩次。焗嘅生蠔又過咗火啲蠔好老唔好食，羊扒啲肉唔知係咪用咗千年殭屍肉，食落去一啲味都冇淨係超級重香料味，而且亦都燒到乾曬根本咬唔落難食到死！啲雪糕黐曬碎冰，根本就係溶過再重新雪返，所以好容易有細菌我打開見到係咁已經唔夠膽食。以前都食過其他大喜屋從來都覺得評語麻麻，今次因為係朋友訂枱而且個地址寫明係酒店嘅，以為係酒店辦理會比較好啲，所以先至去食，我以後都唔會再去幫襯任何大喜屋！

呢間新開嘅放題餐廳最近人氣爆燈，放假帶咗媽咪嚟大食一餐。呢度勁full，每個時段門口等嗌位都勁墟冚，好彩餐廳都多位，環境坐得都幾舒服。我哋一坐低就用手機落單，跟住就出去自助區拎飲品同埋少少小食，估唔到呢度自助區竟然有蒸魚、中式點心、小龍蝦、煙三文魚，十足十自助餐咁。講返主角，食放題梗係要食刺身壽司。三文魚好肥美，油甘魚、深海池魚、金槍魚、希靈魚、帶子、赤蝦、甜蝦都新鮮。個人覺得壽司更加出色，最鍾意海膽軍艦，海膽質素好好，新鮮鮮甜。另外黑魚子拖羅壽司、蟹肉蟹膏壽司、辣味三文魚軍艦、炙燒左口魚裙邊壽司同埋炙燒三文魚壽司都我推介之選。日本嘢食方面，燒鰻魚都幾肥美，天婦羅蝦都幾好食，熱辣辣新鮮炸起。西京燒比目魚魚油甘香，肉質鮮嫩，沾上美乃至食，好好味。呢度嘅料理種類多，連鮑魚花膠都有，仲要係任食。其中酒浸鮑魚好好食，入晒味，鮑魚質地柔軟得來有咬口。花膠都大大嚿㗎，落足料。 川味燒生蠔都好正，隻隻號都好肥美大隻，而且新鮮唔會腥，我哋每人都食咗半打。燒扇貝都大大粒肉，底下嘅粉絲又入晒味。燒乳鴿、避風塘炒蟹喺放題都有得食，仲有燒羊鞍、燒翠玉瓜，全部味道都幾好，款式多到我哋都食唔晒。甜品有Häagen

嚟旺角東站買麻薯同時 嚟試下呢間放題🍣刺身同壽司方面 雖然都係雪藏貨 但都算係新鮮👎🏻羅勒醬燒大蝦：個醬係苦嘅 好伏👎🏻蟹皇卷：係空心嘅👎🏻芝士吉列蝦卷：吉列蝦一啲都唔脆 個皮淋晒🍤天婦羅同炸物方面 全部都係即叫即炸 炸粉唔厚 香脆可口🍢串燒方面 燒牛舌 都幾大塊 不過燒得太耐 有啲韌🥘蒸焗•鐵板方面💓鵝肝厚多士 鵝肝超大塊 入口即溶 配上面層酸甜啲醬汁同底層香脆的蒜蓉多士一齊食就係絕佳嘅經典配搭 不過要趁熱食先食到佢嘅外脆內軟👎🏻上湯芝士焗龍蝦烏冬本身以為會好濃郁 點知龍蝦味超啖太水 失望👌🏻金蒜粉絲蒸扇貝扇貝一啲都唔彈牙 偏軟爛 無鮮甜味 粉絲得兩三條 份量偏少 不過都幾入味😋椰皇燕窩燉蛋白面層有少量燕窩 蛋白滑溜溜 幾香椰子味🍲麵鍋方面👎🏻鮑魚皇帝蟹黃粥 未見到蟹肉之前就先見到蟹殼😓得好啖嘅鮮甜味🦀 成個粥都係見得半隻鮑魚🍖燒物方面👌🏻蒲燒鰻魚👎🏻燒香草羊鞍食到蜜糖bbq味😅肉質都偏嚡同乾🥤飲品方面有任飲嘅珍珠奶茶🧋（無咩甜味同奶茶香）、港式奶茶、冷泡茶、橙汁、椰青水、石榴汁、同多款罐裝飲品🥤有熱飲🍵 羅漢果茶、蜂蜜菊花茶、自泡茶、咖啡朱古力、美祿、檸檬茶有好多種酒精飲品🍻紅酒🍷

我地係夜晚食嘅，個場係爆爆爆，完全唔休做。裝修排場擺盤係令你開頭覺得物超所值，食物係新鮮嘅，不過只限部長未攞住張單同你confirm人頭，之後惡夢就開始。詳情建議去睇其他負評，寫得好中肯真實。差唔多食完兩round，頭45分鐘，之後就嚴重甩單，俾人催，催到走為止，仲有個app係離枱前45分鐘就係last order，成個流程係公司策略。如果你抱住食某間連鎖60分鐘嘅心態去食呢間所謂有兩個鐘位位4舊幾嘅放題，個感受即刻好好多，真嘅。如果以為有full個半至兩個鐘，係會好難受。仲有，個場係好嘈，收碟車冇停過係你身邊刷過，完全冇享受可言。今次用餐體驗，只怪我係新手。進食攻略係頭45分鐘，唔好講嘢，食咗先，之後先慢慢睇影食出面啲嘢，再講嘢。唔建議龍蝦伊面，舊蝦鞋咸，食新鮮同燒物好，佢個豆苗好食。

昨天和朋友去試下呢間。打電話去Book位話已經無得Book要walk-in 等位。去到拎左飛8:00等到9：00都唔安排入坐。不停話要等。等幾耐又話答唔到😡.最後等到佢最後book位個的客來哂先俾我地入去。真係一個不好既體驗。以後都唔會再去了。最後9:00入座。10:30截單11:00唔夠趕你走。

早幾星期食過一次好驚艷。 對上一次食覺得食材好新鮮，而且上菜速度好快，味道好好。由於第一次食完感覺十分良好就一直念念不忘， 所以決定舉家20/2 再去食過。哇⋯幾你星期後再去⋯點知咩都唔同哂。 例如：1）啲燒蠔縮哂水仲一啲鮮甜味都無2）鵝肝厚粉又無油脂香3）燉椰皇又鞋又唔好食Etc….好明顯係連入既食材都低質哂真係得番個榴連蓉仲放得入口⋯咁既價錢真係⋯ 俾一半都嫌多唔夠2個月就回哂塘，眼見人流都少左大半真係揾鬼食

睇完多個KOL 食評，知道有咩可以多食，今次可以平反以往對大喜屋的品質，就算食午餐都是超高質的高級放題，咁岩係情人節所以價格比平時唔同，每落一轉都會有刺身，刺身部份好高質。刺身：全部刺身都係厚切，三文魚、油甘魚、拖羅、甜蝦、希靈魚，帶子、赤貝、赤蝦都好鮮甜，池魚配魚子是另外上，跟其他酒店級有得揮。壽司 & 卷物：海膽軍艦&吞拿魚蓉值得推薦，食左幾轉都好好食，仲有三文魚腩、海膽拖羅、鹽燒左口魚邊好好食、另外海膽黑松露帶子屬創作料理部份超班水準，令鮮味更昇華。熱盤：只叫瑤柱扒豆苗 (encore 4次)、乳鴿夠熱皮夠脆。炸物/ 天婦羅：芝麻雞賢翼炸得香口，肉質唔會乾，天婦羅蝦炸皮薄熱辣辣好食，絕冇成舊粉。燒物：羊鞍即叫即燒，等左接近20分鐘先到，燒得剛熟又夠腍，食一舊就算好易飽，至於蒲燒鰻魚 (encore 3次) ，要小心食有碎骨。蒸物：金蒜粉絲蒸扇貝即叫即燒，用左炸蒜口感上冇咁好，如果用返蒜蓉出黎的效果會不得了。其他：自助區有飲品、甜品、部份熱盤，如需落單的甜品只有半個椰皇燕窩燉蛋白，以放題級數黎講係高質，入口有陣陣椰青水味，蛋白滑嫩甜度適中。生果區更有榴槤蓉任食，味道夠濃冇渣啖啖肉。

大喜屋集團最新開幕只有幾個月的「殿．大喜屋」，似乎挺受歡迎，為家人慶祝生日，一行十多人的晚餐，最早的日期也只能選擇兩星期後，大家如果想星期六、日過來，要預早一點訂位呢單以款式來說，別說放題，它的食物款式真的豐富得連大部分自助餐都不能相比。點餐是以QR code自助落單，再另設了自取區域，自取區域有熟食、飲品、甜品、水果等，款式非常非常之多。熟食方面，媽媽特別喜歡它的蒸石斑魚，看到不少人都搶著拿蒸魚，一大盤很快就取完，幸好店員refill 的速度也算快。除了熟食，其他自取區域的食物refill 速度是令人滿意的兩小時任食時段，價錢已包括所有飲品，一整列的大雪櫃，幾乎你想得到的飲品款式都在其中，而且亦包含了酒精飲品，除了紅酒、SAKE、還有非常多不同牌子的啤酒、低酒精的甜汽酒、Takara日本果酒等刺身很新鮮，切得頗厚身，當然這樣的價錢，你不會要求它是頂級質素，但算是相當令人滿意了。松葉蟹腳以QR code 落單，但多款刺身送到，卻一直遲遲未見松葉蟹腳出現，最後在多次追單下，終於送上，蟹腳味道ok，不過szie 比較細小，肉不算多。任食的海膽壽司是另一亮點，因為大部分放題都沒有此選擇，我一

估唔到殿大喜屋開分店開到去MOKO帝京酒店~~放得早食晚市頭輪都唔算太多人，點知越夜越旺，食飽走時見到出面大排長龍，其實餐廳沿用酒店以前自助餐位置，容量已經好大，走時見到排成咁都真係 “嘩”一聲~自助區食物區款式多，仲有煙霧效果更吸睛!各款冰凍茶飲汽水果汁咖啡清酒要樣樣齊，仲有羅漢果茶同松草花烏雞湯!!!坐低即點刺身船，款式幾多仲有大拖羅點係幾開心~ 油甘魚夠肥美，其他如三文魚、帶子、蝦等都夠新鮮!!火灸魚背有油香，另海膽菜式都用上北海道海膽，唔錯唔錯!熟食一樣夠多選擇，一如其分店芝麻雞翼有水準!鐘意乳鴿夠熱辣辣，皮香肉滑，Encore之選~另外龍蝦伊麵細細碟已經有兩件龍蝦肉，醉鮑魚淡淡酒味幾清香~臨尾再點一鍋蟹粥暖笠笠!尾聲當然不能錯過生果同甜品，雪糕有Movenpick，Haagen-Dazs同Milk Top選擇，生果仲有士多啤梨同榴槤蓉，Yummy~~

家人見網評好，於是今日一齊去試，因為我遲到直接入去坐底，本來印象都幾好，環境寬敞，魚生刺身尚算新鮮，熟食一般，可惜坐底15分鐘後，垃圾車喺隔離不停轉，員工阿姐成日哄吓哄吓，睇下有咩收走，都幾厭惡，食到40分鐘左右，隊張單埋嚟叫你埋單，心諗咩料呀，其他放題都係截咗單，先會叫你埋單，都算喇，可能人哋多客收唔切錢啦！俾完錢就升級喇，哈…….漏單、回答態度差、語氣好似仇人咁，架垃圾車轉得再密d，收碟粗魯，嚟到呢度大約食咗1小時15分鐘，之後已經冇乜再叫野食，都冇晒胃口，淨係飲野吹水食生果，突然員工阿姐大聲講 ‘夠鐘喇拎齊野走’🤔望一望錶，仲有12分鐘喎，於是繼續吹下水飲埋罐野先，5分鐘之後，員工阿姐又大聲講‘拎齊野走，夠鐘喇’ 講明6-8pm，都未夠鐘就吹人走，成餐飯感覺都係趕你走嘅節奏，講真就算食物高質，都唔會再去，更何況野食真心好一般，仲有個廁所🚽污糟到得人驚，塞晒又屎又尿咁🤮好恐怖

野食OK。收加一服務費。服務態度好差。6點入座。食到8點。味夠7點話埋單。7點40話差不多。7點45分話夠鐘。入去食野好似打仗咁。架收垃圾車。係你傍邊不停咁出出入入。食咁多放題未試過未試過俾人咁樣趕走法。仲有嘢食黎唔齊。個洗手間勁污糟。再好味。我都唔會幫親。

呢間連鎖放題之前食完一次唔夠喉🙌🏻最近飯腳話而家連旺角帝京酒店都有新分店啦～而且睇宣傳得知其所有海膽菜式都使用北海道海膽🤤🤤即刻忍唔住又要book位去刷番餐勁啦～呢間新分店更有高級感又明亮寬敞～用餐情緒更澎湃興奮😝 .當晚週末嚟食每位都係$388(另加一)第一輪除咗必叫鮮甜肥美嘅✨刺身拼盤 之外～最鍾意呢間有大量創作壽司🍣如: ✨海膽拖羅黑松露帶子, ✨滋味燒皇帝蟹棒, ✨鹽燒左口魚邊, ✨香芒甜蝦塔, ✨海膽拖羅, ✨香蔥芝麻拖羅小卷等等～好味又有新鮮感👏🏻👏🏻其他重點推薦有:✨殿堂級鐵板鵝肝厚多士(油潤入口即溶x脆脆衝突口感), ✨芝士年糕(軟糯非常), ✨皇牌燒乳鴿王(皮脆肉嫩), ✨川燒珍寶鮮蠔燒, ✨瑤柱扒豆苗(當季時令蔬菜就係嫩), ✨蒲燒鰻魚, ✨鮑魚皇帝蟹黃粥(食落鮮味綿密)....美食一口接一口～就怕張枱同個胃唔夠容量😂😂唔好忘記仲有啤酒🍺汽水🥤清酒🍶珍奶🧋果汁🧃等等可以任飲～.甜品時間🍧除咗多款雪糕(🥰有Hagazen),雪條(大推😘日本ice bar),蛋糕甜食🍰🍮等等之外～Be仲食埋✨極尚椰皇燕窩燉蛋白 (滑滑溜又矜貴) & ✨貓山皇榴槤蓉(邪惡到痺!!)食到勁