段純貞牛肉麵 (如心廣場一期)

營業中

休息中

好耐都冇出過街食夜晚，想食好西唯有提早出發！上次經過荃灣，見到好多人排隊食嘅牛肉麵，因為今日提早咗，終於可以好快入座！牛肉湯都有好多種可以選擇，我哋就叫咗一個兩隻辣椒嘅麻辣蒜味腱心牛肉麵配手工麵朋友唔係太鍾意食牛，所以就揀咗一個燉濃湯雞麵配細麵有兩種麵類可以選擇，我哋今次試晒兩款蒜味爆得好香，一拎上枱面，完全係味覺同視覺嘅享受！因為兩隻辣椒嘅關係，都見到佢表面有啲辣油，但係完全唔影響佢香濃嘅牛肉湯味個湯都真係幾辣，食咗幾啖就開始感覺到舌尖發麻，配左粗嘅手工麵，感覺剛剛好，少量啲湯汁掛咗喺面上面，粗麵嘅口感剛剛中和返個辣味另外一個雞湯面，睇落就清淡好多，佢嘅雞湯係好鮮甜，唔油膩，就算飲晒成個湯都唔會覺得膩俾咗兩個好大嘅雞髀，雞皮都好爽脆感覺上呢個麵配細麵更加適合，因為個麵質可以吸收到更多嘅湯，啖啖清甜！最後仲叫咗個滷水小食拼盤，樣樣都非常好食，牛展同牛肚果然入味，但估唔到杏鮑菇好油驚喜，平時好少食滷水菇，但估唔到食落似肉類！兩個人食咁多會食得好滿足，順帶一提佢嘅酸菜都非常好食，但食都唔會覺得鹹，不過就唔知有冇得refill

❐ 麻辣蒜味腱心半筋半肉麵(幼麵/手工麵) $84評分 ▮ ▮ ▮ ▮ ▮ ▮ ▮ ▯ ▯ ▯ 💁🏻‍♀️值得試不過建議叫唔辣❗️⟰ 湯底濃郁蒜味十足可惜偏咸同麻辣味蓋過原本牛肉湯鮮味及層次感，食落似濃縮麻辣湯，而且湯面實實實在太油！⟰牛筋牛肉份量超足！牛腱心似厚版牛𦟌，厚切大件啖啖肉，脂肪分明均勻軟嫩又入味，淋得黎又唔會散開哂，牛筋煮到軟淋滑溜啖啖骨膠原仲好入味！⟰手工麵屬闊身，不規則又滑嘟嘟麵條口感滿分，煙韌得黎每條都掛滿濃湯，麵條幫忙中和左湯既咸度，手工麵加分！❐ 台式香腸蝦肉蛋炒飯🍚 $84評分 ▮ ▮ ▮ ▮ ▮ ▮ ▮ ▯ ▯ ▯ ⟰炒飯粒粒分明唔油膩又充滿穫氣，讚！⟰配料十足，蝦粒彈牙唔腥，台灣腸配蛋炒飯好似好頹但味道的確不錯，略嫌切片台灣腸可以先烤香就更正！❐ 鹽酥雞🍗 $48評分 ▮ ▮ ▮ ▯ ▯ ▯ ▯ ▯ ▯ ▯ ⟰炸粉較厚不鬆化肉質較硬不夠嫩滑多汁⟰整體較淡鹽酥味不足不夠惹味🍚推介指數☻ ☻ ☻ ☻ ☻ ☻ ☻ ☹ ☹ ☹ (10為最高)

掛住台灣掛到失心瘋啦🥲好彩我仲有對腳，早排行完山去食番碗牛肉麵補補寶寶嘅弱小心靈🤪😍招牌三寶手工麵三寶係指腱心、牛肚、牛筋😗 今次仲唔可以品嘗牛嘅唔同部位☝🏻😌原來每隻牛有一個牛腱心，經牛骨湯炆煮，牛肉與脂肪平均，肉香彈牙；牛肚爽口入味，牛筋炆得軟腍不爛。手工麵掛滿牛肉湯汁，滿是牛肉香，而且麵質Q彈，口感豐富，我鍾意❤️！唔講唔知燉煮紅燒牛骨湯底，以20多種中藥藥材，鮮肥牛同上牛骨等食材燉煮，香而不膩，入口舒服唷！滷水拼盤不得不提佢聽日滷水評判裏面有豆腐、牛肚、腱肉、糖心蛋、菇片！佢嘅糖心蛋滷水得入味之餘，仲蛋香味濃，齒頰留香！滷水菇片少見可以食到嘅口感爽口清甜，特別推介！檸檬薏米水清甜解渴，味道唔太甜，清香嘅檸檬味，香濃嘅薏米味，比平時飲嘅檸檬薏米水更加足料！冷泡茶味道清香不太濃，解渴一流。新年去唔到台灣，食住先都唔過分🤪......#chantaljj荃灣#chantaljj台灣菜 #荃灣美食

星期六1點左右去度，有人龍，但大家食碗麵都好快走，等左20分鐘入得。排隊嘅時候可以睇住menu先-紅燒腱心半筋半肉牛肉麵$84 兩件腱心肉兩件牛筋，腱心肉身幾厚，但咬落依然好軟腍🐰💞略嫌少左d jelly嘅部分。湯底係有藥材味的牛骨湯，伴隨少許豆瓣醬的辣味，辣而不嗆，幾好飲🍜-經典紅燒牛肉麵$80湯底係一樣，有三塊牛腱切片(牛𦟌)，肉質都係軟腍🧏🏻‍♀️但就薄身左d，呢個價錢性價比就低d-兩碗麵都揀左手工麵🥢係粗身寬麵，面積大而且有厚度。條麵淥得唔夠，有d硬，吸收唔到湯又好難成條麵掛湯，食落好寡😣如果想食得濃味d，細麵可能會係更好嘅選擇-鳳梨乳酸特飲$28非常之甜，就算冰溶哂都依然係甜到嘔-店員服務態度良好，雖然人流多，但都無做到暴躁。

去行Donki 肚餓，經過如心廣場時見到好多人排隊就試下。排左15分鐘到有位，地方都大。感覺好乾淨。牛肉麵手工口感幾彈牙，牛肉勁足料，個湯底都夠濃味，唔錯。蕃茄都咁大個。雞麵就俾好大隻脾！個湯底我感覺上冇乜味精因為我飲落去都唔覺得口乾。抵食，推薦。（我最後飲晒個湯🤣🤣🤣🤣）豚肉鍋貼好夠肉汁，煎得脆啲啲會仲好，但整體都係好好味。香芋奶茶以為會有香芋粒，有少少失望。我估計叫正常嘅珍珠奶茶會好啲。

過年前最後一個weekend出黎辦下年貨，突然好想食台灣野！搜尋附近食肆竟然見到呢間台灣過江龍段純貞係如心開左分店即試啦～～三寶麵(牛腱心，牛筋，牛肚)牛肚好入味，彈牙牛筋係全筋部位，好夠軟稔，帶點爽口，正重點推介牛腱心！！！質地係超嫩滑，牛味重，油脂味香濃，係超級驚喜麻辣蒜味腱心半筋半腩牛肉麵有幼麵同粗麵揀原來粗麵係手工麵～～我見到隔離枱食先知下次一定要試番！右面都不過不失，有粉麵香，都幾Q彈呢個酸菜係跟麵餐嘅好夠酸好開胃滷水拼盤牛展嫩滑軟稔，完全唔痴牙好好味滷水糖心蛋熟度適中，食到蛋汁香味，正冬瓜薏仁檸檬茶呢杯特飲相當推介薏仁味濃，配以檸檬清甜，超級清新，微甜，解渴消滯酸梅湯酸酸甜甜，提神醒胃，唔錯

食厭左愉景新城，路德圍同荃灣廣場之後，近期小金繼續向住荃灣西站一路殺(食)入去🗡🗡🗡今次唔講海之戀，講間近小小嘅-位於如心廣場一期嘅新餐廳，亦係台灣過江龍嘅段純貞🎉🎉🎉紅油抄手$48🥟咬落好足料，好滿足嘅口感😚幾juicy但唔太辣滷水拼盤$78🍱(有牛肚，牛𦟌，滷蛋，豆干，同雞脾菇)牛肚超級正，勁juicy。牛𦟌好稔。豆干亦好入味。滷蛋不過不失啦。唯一要彈嘅就係係菇，真係硬過我條命😭呀姐我食到牙痛，我啲牙都幾貴下，所以我試左一舊就放棄左🤐但整體係入味，juicy同性價比高嘅👍🏻珍珠奶茶$26🧋叫左少甜之後都覺得可以再少甜啲😂茶味幾濃，係幾好飲嘅😋紅豆奶茶$26🥤朋友話嗌左少甜之後味道唔錯嘅下次餓啲先再佢地主打嘅牛肉麵😛

在荃灣辦完事搜一下看到這家新餐廳，店員有禮，聞到香味就進去吃了。朋友點的三寶麵（$88）有腱心、牛肚及牛筋，選了手工麵，朋友大讚湯濃郁，全部配料都很入味，說很久沒有在香港吃過這麼好吃的牛肉麵呢！紅燒腱心半筋半肉牛肉麵（$84）相對辣一點，但其實也就是非常的溫和，味道濃郁，腱心軟腍入味卻一點也不鬆散，太好吃了！整碗輕易KO！香麻醬涼拌豆腐（$48）屬濃味小吃，有很多豆芽，口感豐富，不過相對地沒有牛肉麵那麼驚艷。秘制酸梅湯（$28）酸酸甜甜，桂圓蜂蜜薑母茶（$28）感覺養生又足料，都好喝！

知道如心廣場開咗一間台灣好出名嘅牛肉麵店，段純貞。今日就去試一試佢！11點開門，我去到就剛剛好。環境舒服，乾淨，防疫間隔都做得唔錯，員工有禮。我同先生叫左兩碗麻辣蒜味腱心半筋半肉手工麵。賣相唔錯，麻辣湯底加上重重嘅蒜香，牛筋煮到好淋好入味入口即溶，滿滿嘅膠質！手工麵好好味，但太長，如果可以長度減一半就好！另外！⚠️ 雖然味道好味！但係！個湯唔熱。。。。。。呢個真係需要改善，我見其他食評都有提及。希望食店注意一下先生就話湯底有d似擔擔面嘅湯底加左辣。豚肉鍋貼，皮薄餡多，好味👍🏻香辣麻醬涼拌豆腐，豆腐好滑，基本上同個麻辣湯底一樣味 。總結，碗麵熱d會更佳，熱食熱上，好基本，做返好就會好好多

之前幾次經過荃灣如心廣埸都見到呢間店成日都有人龍✨今日一黎先發現佢地原來係台灣的人氣麵館呢次係平日時間，我地大約係門口等左5-10分鍾已經有得入去食店內的裝修主要係行木系風格，簡單而整潔.▪️$88 招牌三寶麵 - 手工麵因為太多野想食，就決定叫佢個三寶麵試一試餸菜有店內的招牌食物牛腱心之餘，又有牛肚牛筋咁紅燒腱心肉份量都有兩大舊，夾上黎個時仲見到係布滿濃濃的湯汁🤤腱心肉食落口感好腍，就好似係平時牛腩麵個種再腍多D最後飲埋佢個充滿牛味同多種唔同香料慢火煮成，正 !😋.▫️$80 麻辣蒜味腱心半筋半肉麵 – 細麵 (腱心、牛肚、牛筋)今次就試左個麻辣蒜味麵雖然餐牌上面寫個辣度有兩隻辣椒，但對於平時食開三少辣的B先生黎講真係小兒科😎湯底飲落有陣陣的牛味同蒜味，但麻味則略為不夠牛筋食落同牛腱心一樣都係入口即溶，唔錯唔錯.▪️$78 滷水拼盤 (牛肚/牛𦟌/滷蛋/豆干/鮮菌)滷水拼盤方面，份量真係非常豐富尢其係豆腐放左係濃濃的滷水汁上面，索曬D精華😆牛𦟌亦都相當入味，肉質一層一層咁，味道不比招牌牛腱心遜色最後仲有隻半流心狀態的滷蛋隻結尾，食完真係捧住個肚走～.▪️冬瓜薏仁檸檬特飲▫️香橙飲酸特飲飲品方面

同小朋友交收完功課（幾時可以返學呀，究竟香港人做錯啲乜？）之後老婆話試新嘢呢間嘢人齊先比入座（喂，而家限坐兩件，又唔係五六七八件，唔使呀🙄）坐低叫咗個三寶手工同紅燒牛手工加炒手首先三寶登台，一啖湯底⋯微辣，但其他湯底味唔太出，再嚟多啖⋯一樣🤔之後紅油炒手上枱，配料充足，一碟五六粒，但紅油唔太多⋯一般🙄再來一杯凍薏米🍋水，Errr...........無冰嘅🤔🤔🤔但係杯薑茶幾香味幾出，龍眼乾幾甜⋯⋯可以不過，呢餐嘢食咗半隻大🐂有多都唔平⋯⋯性價比一般，唔係特別好食亦唔見值咁嘅價位🤦

無得去台灣，只好係香港食下台灣嘢，彌補一下啦！聽講荃灣新開左一間過江龍，仲要係食牛肉麵，就同朋友去左試下啦。招牌紅燒腱心牛肉麵碗麵一嚟到，我同朋友都嚇親。令我哋嚇親嘅係啲牛肉，超級超級大舊，係三大件。比起其他店嘅，佢哋一舊抵人哋三舊。呢個肉嘅份量真係一百分。麻辣蒜味腱心半筋半肉麵呢碗嗌左幼麵，以為會無咩咬口，點知都好有筋道，非常啱我哋嘅口味。麻辣味都幾香架。配酸菜一齊食都幾夾。鹽酥雞台灣必食嘅小食。份量幾多，雞件大大舊，食落啖啖肉，香脆可口，一流！香橙乳酸飲料幾清新，唔會有個種人工嘅味道！冬瓜薏米檸檬特飲唔會好甜，仲有啲薏米咬下咁！

最近荃灣最紅的新餐廳，相信非段純貞莫屬這家台灣過江龍在香港開設的首家分店，每次經過如心廣場，必定看到排隊的人龍，所以又怎能不嘗一嘗呢位置：如心廣場中央位置，正好在Pacific Coffee的對面環境：裝修古式古香，有傳統的感覺服務：店員下單快、上菜收拾同樣很有效率食物：味道偏重，用料十足麻辣蒜味腱心半筋半肉麵 $84這款麵讓人第一感覺的肯定是其辣勁，湯頭香辣且蒜香味濃，喜歡重口味及辣的朋友一定會喜歡牛肉選用了較稀有的腱心部分，非常軟腍，而牛筋亦煮得很軟滑易入口太太選了像刀削麵的手工麵，易吸入湯頭且口感很不錯三寶麵 $88三寶麵同樣有牛腱心及牛筋，再加入同樣軟腍的牛肚，相當豐富最有特色是可以喝充滿藥材味的湯頭，十分養身本人選配了細麵，幼滑順口鹽酥雞 $48加點了台灣傳統的鹽酥雞，炸的酥脆，細細粒很易入口香橙乳酸飲料 $28乳酸飲料一直是太太最愛，這款飲料加入了香橙及橙汁，增添了一點香氣，亦有乳酸的開胃感覺冬瓜薏仁檸檬特飲 $30主要是冬瓜茶的味道，既有冬瓜薏仁的清熱氣，亦有檸檬的清新開胃，是很潤喉養生特飲這次光顧過後明白為什麼餐廳一直都需要排隊，不是因為店員效率低，反之全因食物水準比較

由於疫情嚴重，我冇得去去台灣旅行，十分想念台灣的味道，沒想到在香港也能吃到如此地道的台灣牛肉麵。三寶麵 （$88）呢碗係我食過最道地既牛肉麵佢既湯低十分濃郁麵質彈牙，十分推薦

今日都ok多人排隊，不過又唔係排左好耐，10分鐘左右就有得入講下啲嘢食鹽酥雞 - 入口熱辣辣，食得出係即炸，但無咩雞味，而且肉好乾，似炸雞多過鹽酥雞三寶麵 - 全部牛件都好入味，湯夠厚身，幼麵都掛到湯，係略嫌鹹左少少冷泡烏龍茶 - 好好飲，唔係平時樽裝茶嘅貨色，有茶香，水準之上埋單$183，以質素黎講，主要係個鹽酥雞真係麻麻，麵同茶都唔差，但呢個價錢，可以有其他選擇