段純貞牛肉麵XChatime (如心廣場一期)

營業中

休息中

去行Donki 肚餓，經過如心廣場時見到好多人排隊就試下。排左15分鐘到有位，地方都大。感覺好乾淨。牛肉麵手工口感幾彈牙，牛肉勁足料，個湯底都夠濃味，唔錯。蕃茄都咁大個。雞麵就俾好大隻脾！個湯底我感覺上冇乜味精因為我飲落去都唔覺得口乾。抵食，推薦。（我最後飲晒個湯🤣🤣🤣🤣）豚肉鍋貼好夠肉汁，煎得脆啲啲會仲好，但整體都係好好味。香芋奶茶以為會有香芋粒，有少少失望。我估計叫正常嘅珍珠奶茶會好啲。