段純貞牛肉麵 (MONTEREY Place) (已結業)

🐾 段純貞牛肉麵 (將軍澳) 🐾麻辣嫩五花牛肉麵✔️蒜香手撕雞拌面✔️鹽酥雞✔️珍珠奶茶✔️荔枝乳酸飲料✔️-麻辣嫩五花牛肉麵：麻辣唔算好重，就算唔食得辣都可以一試🥰今次叫左佢地個手工麵，手工麵比較厚同長，入面有小小煙韌feel，不過一碗真係好大，我都差啲食唔晒😂-蒜香手撕雞拌面:宜個就揀左普通細麵，碗入面有好多豆、花生等等 雞絲份量都有好多 重有一隻滷水蛋🥰重要係溏心 超正-鹽酥雞：好好食！超推介，我估係即叫即炸😂因為一上枱係熱到食唔到咁濟，入面勁多肉汁，重要夠雞勁嫩，超級好食！-珍珠奶茶：唔會太甜，珍珠夠Q彈，茶底味比較重😌-荔枝乳酸飲料：酸酸甜甜咁幾解渴🥰咁熱嘅天氣飲就啱曬—(非專業,完全跟據個人口味☺)食物:7/10環境:7/10服務:8/10人均消費:$100———————————————▪店舖名稱: 段純貞牛肉麵 (將軍澳)▪店舖地址:🔸 將軍澳澳南海岸唐俊街23號MONTEREY Place地庫B03號舖

去Donki買野前，決定來段純貞牛肉麵食台灣面。六點到，幸好有位。環境舒適座位寬敞。同朋友點左兩樣主食和一樣小食。青花椒香手撕雞乾拌麵(含花生) 粒粒花生，配搭青花椒，令雞肉很香嫩，增添左口感。原味牛肉麵選左手工面選左手打面， 一片片，比較有口感，牛肉大大塊，牛肉味香濃，配合煲左好耐既湯食更滋味。小食 新鮮豚肉鍋貼 (5pc) 有驚喜的鍋貼，少台灣店整得好食，皮薄餡足，最重要係食到鮮味。香芋珍珠奶茶，荔枝乳酸飲料飲品味道不錯，香芋和荔枝味都夠味。欣賞餐廳用紙飲筒，夠環保。

佢台灣咁出名一直都好想去食💗最近原來將軍澳海濱公園附近都開咗分店，去開嗰頭，即刻去吃吃🥳位置就係喺Donki下面，好容易搵。裏面木系裝修好舒服，坐卡位好闊落👍🏼◾️麻辣嫩五花牛肉麵 $84好鍾意個湯頭💗非常濃郁，微辣麻香有層次，而輕涮過嘅牛五花肉味濃。落單嗰時可以揀手工麵/細麵。我揀咗粗手工麵，D手工麵好掛汁，入口彈牙又充滿嚼勁，口感一流👍🏼◾️青花椒香手撕雞乾拌麵 $78有青花椒丶高湯來拌麵👍🏼微微麻辣挺香口，拌以嫩滑嘅手撕雞，好有台式風味。◾️紅油抄手 $48餃子上面淋上咗微辣微麻嘅紅油，仲有芽菜同花生粒，食落去好有口感，唔會太辣。而餃皮好薄身💗豬肉餡惹味多汁，好滋味！◾️台式飲品🧋$28 點咗好經典嘅「香芋珍珠奶茶」同埋「胚芽珍珠奶茶」，份量都好大杯，唔算好甜，台式珍茶襯台式牛肉麵就啱晒👍🏼

將南新開左段純貞，仲要喺Donki樓下，實在太方便啦！嫩五花牛肉面($84）：面底可揀幼面或手工面，手工面其實唔錯，但因為個湯底好正，香濃又甜，下次會揀幼面，應該會索湯啲😋食完一啲都唔口渴❣️蒜香手撕雞乾拌面（$78）： 好岩夏天食嘅item...微辣帶酸好清新鹽酥雞真係強烈推介，外脆肉嫩加上調味粉十分惹味，而且唔貴，只係$48飲品叫左香芋珍珠同杯芽珍奶，同朋友都覺得2者都唔會死甜，珍珠軟硬適中🤩埋單加埋一先$293，地方寬敞舒適，職員服務都唔錯，係友聚好地方！去唔到台灣，黎段純貞食下個牛肉面都可以稍稍填補下對牛肉面嘅思念❤️

《台灣過江龍牛肉麵》想念台灣，好想快啲有得飛✈️，未有得飛唯有食住台灣過江龍既牛肉麵。————————————————————————#青花椒香手撕雞乾伴麵 💰78細心講明有花生🥜唔食記得走。麵底有手工麵同細麵揀。伴麵幼身啲，更吸汁。加咗青花椒令整體有微微辣既感覺。雞絲份量都幾多，每碗仲配有一隻滷水蛋。#蒜香手撕雞乾伴麵 💰78 好中意蒜味當然要試下！手工麵係粗身啲同厚啲，幾特別第一次呢款麵，麵條做到好長。#雞湯抄手 💰48令人諗起雲吞麵😲總共有6粒雲吞。#珍珠奶茶🧋&香芋珍珠奶茶🧋（各$28）個人口味中意珍珠淋身啲。🙃————————————————————————#台灣菜 #台灣美食 #牛肉麵 #段純貞 #鹵水拼盤 #將軍澳 #將軍澳美食 #新餐廳 #相機食先 #手機食先 #吃貨 #美食#yummyfood #hkfood #hkig #hkfoodie #foodie #delicious #hkgirl #hkrestaurant #hkfoodblogger #foodiehk #hkfoodshare #hkfoodlover #hkfood#instagram #hkeat

台灣人氣過江龍牛肉麵嚟到香港之後，分店越開越多，今次去咗新開嘅將軍澳分店拜會下🤩✅ 推薦: 原味牛肉麵 (手工麵) 牛肉採用咗一隻牛只有五碗份量嘅牛鍵心肉，如此珍貴嘅牛肉，肉質軟腍又冇筋位，既厚又淋身，果然冇令人失望😍湯底以牛大骨同埋23種藥材經過慢火細燉8小時熬煮而成，牛味香濃，精華湯底當然要配上掛湯力十足嘅手工麵條😋 粗長、厚薄不均嘅特點令手工麵更掛湯，以致完全吸收咗湯底嘅精華，非常入味！麵條有2️⃣款選擇，可以揀手工麵或者細麵，我希望試曬兩款麵底，所以乾拌麵就配搭細麵🤩 果然冇揀錯！細麵麵條幼身，較容易撈起碗底嘅醬汁🍜麵底被豐富嘅配料包括半熟溏心蛋、香蒜、花生粒、葱花完全覆蓋，再配上一小碟酸菜，中和油膩感，口感豐富且恰到好處👍🏻皮薄餡足，每粒抄手都包住一隻爽口蝦仁，微辣，小小刺激得嚟夠曬惹味，食小辣嘅朋友可以挑戰一下💪🏻平時飲珍珠奶茶多數會嗌半糖，因為好多手搖店都沖到好似飲緊糖水咁🤭 不過呢度甜度啱啱好，正常糖都唔會過甜，全因茶底濃度十足，一入口已經覺得茶底比起市面上嘅香濃，可以話係我飲過最濃嘅茶底，一試難忘😱整體嚟講，過江龍果然名不虛傳，係一間有質素保證嘅過江龍台式餐廳😙

見到呢間野成日都係donki下面大排長龍，今日終於抽倒時間嚟試吓，7:00到排咗都差唔多廿幾分鐘，建議可以食6:00 。呢度最出名食牛肉麵咁梗係要試吓佢哋嘅牛肉麵啦。我哋就揀咗麻辣嫩五花牛肉麵，呢度比較特別嘅係可以有兩隻面俾你揀，幼面或者手打手工粗面。辣度唔會太過辣，反而將牛肉嘅鮮味提升咗出嚟，另外由於揀咗幼面，都比較掛湯，一啖面一啖湯，一流個湯底唔會太味精。另外五花肉我都幾欣賞，比較嫩，好似食緊薄嘅牛肉片，但係又好重牛肉味。另外朋友就叫左，原味牛肉麵，佢就揀咗手打粗麵，我偷食左一啖，粗面比較有咬口，同埋條條都幾大條，好飽😂 我個人鍾意幼面多啲，不過粗麵都幾特別可以一試。仲叫左個小食，新鮮豚肉鍋貼 ，呢個都幾出色，皮薄ham靚，外皮煎得好脆總括嚟講呢間台灣過江龍，係台灣好多分店㗎，都幾值得一試，分量大性價比OK，裝修又幾靚，過下台灣癮。

我最鍾意食台灣牛肉麵，見將軍澳新開左段純貞，襯下午茶無咩人，一條友去試吓先🤪今次叫咗燉蕃茄鍵心牛肉麵，個蕃茄牛肉湯底唔錯，試得到唔係個d罐頭蕃茄湯汁，同埋個湯底應該無乜味精，起碼我成碗湯飲晒都唔會太口渴，抵讚👍🏻👍🏻配料來講，牛肉幾淋幾好味，不過我最鍾意都係個蕃茄，好甜好多汁好入味，正😌😌不過敗筆之處係我竟然叫左手工麫🤨，其實個麫質都ok，不過手工麫好大塊，有啲難咬，我仲食到d汁彈左落恤衫到🥲下次再食要叫番普通麫先😒整體來講，碗麵幾好食😋，不過我自己覺得$84都幾貴😂

“麻辣嫩五花牛肉麵”($84)“青花椒香手撕雞乾拌麵”($78)“鹽酥雞”($48)“香芋珍珠奶茶”($28)“荔枝乳酸飲料”($28)嚟自台灣嘅段純貞喺香港開咗第3間分店啦😍終於可以唔駛排長龍就食到🥰叫咗1個湯麵1個拌麵再加多份小食試吓😛而呢道嘅麵都可以揀闊身嘅手工麵/細麵☺首先係麻辣嫩五花牛肉麵🌶🐮呢碗揀咗手工麵😆湯頭果然夠香夠辣好惹味😍手工麵滑嘟嘟😚估唔到都幾掛湯☺牛五花大大片超嫩😋另一碗叫咗青花椒香手撕雞乾拌麵🐔個人覺得細麵就襯拌麵多啲😆拌麵條條分明,唔會一patpat咁😋手撕雞份量夠多,雞油味好香☺加上花椒,花生碎🥜食落少少麻又有口感~溏心蛋個黃仲有啲流心架😍去親台灣餐廳都忍唔住要叫返份鹽酥雞食🤩呢道嘅鹽酥雞一件size都幾大😍粉漿超薄,食落入面仲好嫩滑🤤最正係有埋炸九層塔做拌碟😍飲品要咗香芋珍珠奶茶同荔枝乳酸飲料🧋香芋奶茶唔會太甜,珍珠都qq好咬😋荔枝乳酸飲料飲落幾清甜☺仲有2大粒荔枝可以食吓😆唔錯😝

今天非常感恩，又去到曾經一段養育我的集團。咖啡大哥的集團，根據維基百科，這店是專門引入到香港的，一定要試吓。睇開我食評嘅都知道，我都會講吓交通先，嘩揸車來原來係非常之方便，直入停車場，推開兩隻門就係，中間仲有啲電器睇吓。商場成個設計都好細心。講番正經，原味牛肉麵，湯底特別。試吓你就知唔係一般嘅湯底，果幾件展肉真係靚到不得之了。可以一試！蒜香手撕涼拌麵、冇得輸試吓就知道！兩杯飲品一杯胚芽珍珠奶茶、一杯係荔枝乳酪雞湯抽手絕對係水準之作！如果我介紹錯你可以搵返我😂😂😂絕對係大眾化嘅價錢，味道水準還偏高呢！臨走我忍唔住手仲要打包左啲，堅好食！五月份屬於有驚喜嘅餐廳！

台灣過江龍越黎越多，真係好食有水準嘅無幾間，知道段純貞黎左香港一段時間，咁啱將軍澳開左新分店，當然要搵朋友陪我黎食啦。餐牌選擇幾多，主要以麵為主，有手工麵同細麵，喜歡麵有韌勁嘅我地，當然選擇手工麵。麻辣嫩五花牛肉麵 $84嫩五花真係好嫩，仲見到佢pink pink地，鍾意食熟啲嘅可以浸多陣湯，好似我咁鍾意牛肉嫩口嘅，當然直接食啦😋抵讚係食得出牛肉來貨靚，嫩滑得黎好重牛味👍🏻蒜香手撕雞乾拌麵（含花生） $78同樣選擇手工麵，由於拌麵無熱湯，師傅煮得啱啱好，食落有啲咬口。雖然話乾拌麵，但其實個低係有汁，應該係紅燒湯底個汁，撈埋食好好食🥰鹽酥雞 $48都係好嫩滑，但味道不過不失。香芋珍珠鮮奶 $28 & 胚芽珍珠鮮奶 $28胚芽珍珠鮮奶嘅茶膽做得唔錯，一飲就飲到濃郁茶香，可惜冰有啲多，如果黎叫記得少冰！香芋珍珠鮮奶就唔太推薦，香芋係香芋精，唔太接受香芋精朋友千萬不要選擇。

隨着將軍澳發展成熟，將軍澳南都到多咗好多新餐廳，近日更有最新進駐的台灣段純貞牛肉麵，聽聞是台灣新竹市、被視為當地最具人氣的牛肉麵！新店主打木系古風裝潢，環境舒適優雅。餐廳提供一系列不同的麵食，麵底分別有手工麵和細麵選擇。麻辣嫩五花牛肉麵 $84牛肉份量唔少，牛味濃郁嫩滑。麵底選擇了手工麵，麵條比較粗身，麵團有韌性，滑溜。段純貞的牛肉湯用牛大骨熬幾小時熬製而成，牛味香濃，配合麻辣確是惹味。蒜香手撕雞乾拌麵 $78手撕雞肉質鮮嫩，帶有配料味道的香蔥和蒜蓉很入味。麵底選擇了細麵，氣孔較多，可以吸入更多醬料香氣。另外更配有花生粒，讓你的爽彈麵條上增添咬口。蛋黃需不算是流心，但頗有蛋香 。鹽酥雞 $48鹽酥雞炸得不錯，皮脆肉嫩，調味鹹香得宜，炸粉夠薄。香芋珍珠奶茶$28食得台灣嘢又點少得珍珠奶茶，香芋味道濃郁，珍珠煙韌，味道不錯。荔枝乳酸飲料 $28味道酸酸甜甜，夏天飲好涼快！令剛才吃過的麻辣牛肉麵減輕辣感。

朋友住喺將軍澳，呢日同佢去左附近商場新開既餐廳食台灣牛肉麵。餐廳既環境唔錯。佢用QR code落單，好方便。我地點左原味牛肉麵，係正宗既台灣牛肉麵啊！麵底可以揀手工麵或者幼麵，今次就揀左手工麵。湯底好香濃，配埋煮得又腍又入味既牛肉，正！另外仲點左蒜香手斯雞乾拌麵，個醬汁整得幾好，入面仲有我至愛既溏心蛋，正！最後點左雞湯抄手，平時紅油抄手就食得多，雞湯抄手另有一番風味，清清地，抄手入面落左蝦，好有鮮味！

將軍澳海濱有台灣牛肉麵食， 位置喺donki樓下， 行完街就食嘢十分方便。睇返介紹原來呢間舖頭大有來頭， 係一位四川人移居台灣開創嘅台灣牛肉麵， 所以面同湯底嘅味道係集四川同台灣之大成。原味牛肉麵，$84。 呢度可以選擇手工麵或者幼麵， 手工面會更接近山東刀削麵嘅款式， 但係估唔到同台灣牛肉麵嘅紅燒湯底都非常合襯。 除咗比起幼麵更加煙韌 同有咬口之外， 每一啖都食到好濃嘅牛肉湯味。鹽酥雞，$48。 呢個係經典嘅台式鹽酥雞， 酥脆的外皮同埋嫩滑嘅肉， 係永恆經典嘅配搭。胚芽珍珠奶茶，$28。 甜到非常適中， 除咗珍珠淋身啲之外 ，對比外面珍珠奶茶專門店絕對可以爭一日之長短

將軍澳新開咗好多餐廳，不過就以cafe居多，知道呢間來自台灣嘅人氣牛肉麵新開左喺將軍澳，作為將軍澳人近近地去試吓先！.嫩五花牛肉麵 $84一般台灣牛肉麵入面嘅牛肉都係牛腱牛筋牛肚之類，見到menu有嫩五花，覺得幾特別所以試吓，麵可以揀手工麵或幼麵，我就揀咗手工麵。嫩五花比火鍋嗰種薄薄牛肉片略厚些少，牛肉份量唔少，肉質軟嫩牛肉味重。紅燒湯底濃郁帶藥材香味，但又唔會蓋過牛湯嘅味道，加埋微甜嘅酸菜，更加提升湯底嘅味道。手工麵一夾起好有驚喜，比一般嘅手工麵更闊及厚身，質感煙韌彈牙，因為係手工麵，所以厚薄不一，食落口感更加豐富，而且十分掛汁，見到啲麵索左牛肉湯汁，變晒啡色就知非常入味啦。.蒜香手撕雞乾伴麵 $78上枱時微暖，我覺得好食過一般涼伴嗰種。雞絲一樣咁軟嫩，份量亦唔少，加上花生碎，增加口感。蒜味唔會太重，帶少少麻醬嘅味道。手工麵一樣索晒啲蒜香汁，十分惹味開胃。溏心蛋都唔錯，入味又唔會過熟。.鹽酥雞 $48鹽酥雞係新鮮炸起，熱辣辣外脆內軟，配埋炸九層塔，很有台灣嘅感覺。.凍珍珠奶茶 $28凍胚芽珍珠奶茶 $28呢兩杯係泡沫奶茶，茶味奶味適中，珍珠有咬口，ok唔錯。.總括而言：餐廳以木系古風