段純貞牛肉麵 (MONTEREY Place) (已結業)

朋友住喺將軍澳，呢日同佢去左附近商場新開既餐廳食台灣牛肉麵。餐廳既環境唔錯。佢用QR code落單，好方便。我地點左原味牛肉麵，係正宗既台灣牛肉麵啊！麵底可以揀手工麵或者幼麵，今次就揀左手工麵。湯底好香濃，配埋煮得又腍又入味既牛肉，正！另外仲點左蒜香手斯雞乾拌麵，個醬汁整得幾好，入面仲有我至愛既溏心蛋，正！最後點左雞湯抄手，平時紅油抄手就食得多，雞湯抄手另有一番風味，清清地，抄手入面落左蝦，好有鮮味！