段純貞牛肉麵 (MONTEREY Place)

營業中

休息中

餐廳以木系古典美為主，坐位闊落和舒適。由於個人好中意食台灣野。所以見到MENU 上的菜單都好吸引，樣樣都想食。最後我們一行四叫左以下食物1.犇牛四寶麵（$108）可以一次過滿足你所有願望，內有牛腱、牛筋、牛肚及嫩五花。湯底牛肉香味濃郁。手工麵可有兩款選選擇，我們選了口感煙韌彈牙的手工麵，麵身比較闊，彈牙，食落好有咬口。配埋酸菜，將湯底提升，成碗麵更加好食。2.慢煮囗水雞髀拌麵（辣）（$88）囗水雞嫩滑，帶點微辣，把汁拌上麵上，惹味。3.滷水拼盤（$78）4.鹽酥雞（$48）鹽酥雞比相像中多，且大嚿。咬落去肉質唔柴，有肉渾，而不會好厚粉5.鹽酥雞肶菇（$48)6.麻辣豬肉小火鍋($138)夠麻的小火鍋，內有多款不同的餡料。有貢丸、豆腐、芋線、菜、響鈴、菇類仲有好香好爽口的豬肉7.古早台灣腸($58)食台灣食物必食台灣腸，咬落煙煙韌韌又多汁8.仙草奶茶（凍）($32)8.愛玉蜂蜜西檸特飲($32)10.冷泡凍頂烏龍茶（凍)($34）11.台式綜合豆花($45)豆腐花好滑，口感好正。配上手工芋圓、紅豆、綠豆、珍珠、小丸子，非常滿足

餐廳名講明係牛肉麵店，咁就當然要試吓佢嘅牛肉麵。犇牛四寶麵（$108）非常足料，個湯係紅燒牛肉麵嗰種比較濃味嘅湯，食完略嫌有少少鹹。麵方面，可以選擇幼面或者手工麵（ 粗麵 ）。想食清淡啲，就可以試佢嘅燉濃湯雞麵（$88）。 湯頭清淡好多，而且味道豐富。雞肉有一隻雞上髀，一隻雞下髀，都算係啖啖肉。男士去食如果驚唔夠飽，可以叫多個小食。滷水拼盤（$78）有牛肚、牛𦟌、滷水蛋、豆腐同菇，一次過滿足你幾個願望，不過部份食物味道都係略嫌偏鹹。總括而言，今次試呢間餐廳，主要係有信用卡優惠。如果唔係有優惠，正價就應該唔會幫襯，因為未到好好食嘅程度。

香港將軍澳的段純貞餐廳以其高雅的氛圍和傳統台灣料理聞名。台灣拌麵是其菜單上的一個亮點，帶有台灣風味的經典美食。餃子以鮮美的餡料包裹，讓人回味無窮。炸雞則酥脆美味，是餐廳中的受歡迎點心之一。雞𢇁粉皮是道清新可口的冷拌小吃，適合夏日品味。甜品方面，紅豆芋泥仙草是餐廳的經典之選，濃郁的紅豆與香滑的芋泥結合，再配上清涼的仙草，為用餐劃上完美句號。🫘🥠🫘🥠🫘🥠🫘🥠🫘🥠🍿🥠🫘🥠🫘

段純貞近排經常吃台式餐廳，其實我真的很喜歡台灣喔～✅三寶麵（$94）湯底好濃嘅牛肉湯味，有點藥材味。牛肉很入味很腍，有我鐘意食嘅牛肚，又腍又入味唔韌，好食但94蚊都幾貴✅老火鍋腱心半筋半肉麵（$94）店員提我這碗是中辣，一試完全是假中辣，相等於5小辣而已，可以再辣一點。牛筋好好食，好腍好咬口，麵質好食好彈牙。✅炸台式香葱肥腸（$58）呢個超好食！肥腸炸到好香口，入面塞滿香葱令肥腸更juicy, 少貴但真心好食😋✅愛玉峰蜜西檸特飲（$32）好細杯，完全唔抵飲。味道一般🥹✅金橘蜂蜜綠茶（$32）都係一般，加錢叫餐飲冇半價完全唔值🥹

今日湊小朋友去玩，之後食飯，見到牛肉麵走入去，入去店員安排座位跟住有另一個應該高級啲嘅員工見到我一個人帶住小朋友佢就安排我坐喺入邊有梳化嘅位置，感覺親子有善！跟住叫咗一個牛肉麵配珍珠奶茶嘅餐，小朋友想食湯圓就叫埋湯圓俾佢食！小朋友話湯圓好好食，全部食晒！發現店員間中都會看下我以下我哋枱會唔會有什麼需要望一望，不錯！#lunch #food #yummyfood #yummy #香港#將軍澳

今晚同朋友嚟咗海濱附近搵嘢食😋呢間牛肉麵我都食過一兩次，暫時都幾鐘意佢個濃湯嫩雞麵👍🏻我哋叫咗牛肉麵，濃湯雞麵，小食叫咗鹽酥雞、紅油抄手，同2杯飲品，正正常常🤔牛肉幾多，大大嚿，都幾入味，夠晒淋🤣另外個雞麵，我就每次都食😍朋友都讚，鐘意佢配幼麵，好掛湯😋環境服務都ok，不過入嚟嘅時候有個小插曲。就喺我哋一入嚟話2位嗰陣，門口張枱兩個客人突然大叫🙀原來有🪳🤨⋯但我哋都無乜特別，照入去食🙈最多唔叫佢哋食嗰個⋯

嗌咗一個嫩雞煨麵，湯底好咸，麵底好少。我作為女生只係剛剛8分飽，如果男士去食一定唔夠喉。我唔明呢碗麵憑乜嘢賣$97連服務費！ 再講，呢度完全冇服務可言，第一次舉手扮睇唔到，第二次舉手又係扮睇唔到，第三次就叫我自助落單。好嘞，食完麵要出收銀處埋單，而收銀處係冇職員嘅，我不斷示意嗰位高高瘦瘦四眼女服務生過一過嚟，但佢竟然喺前面行過幾次都冇任何示事/意欲收錢，我足足企喺收銀櫃前5分鐘 ,嗰一刻我懷疑自己係透明定係諗住唔收我錢？！ 體驗極差，我唔會再幫襯

湯底係呢度嘅重點，餐廳堅持使用新鮮肥牛提煉出嚟嘅天然牛油脂製作，並加入香蔥、薑、蒜、豆辦同23種中藥材，慢火拌炒8-9小時後加入牛骨高湯中熬煮🥩.我地嗌咗犇牛四寶麵 ($108)同招牌紅燒腱心牛肉麵 ($86)，湯底清香濃郁，藥材香四溢🥰 牛腱心口感帶膠質、肉香醇厚，漿口嘅牛筋亦令人一試難忘！麵條非常掛湯，個人更喜歡有咬口嘅手工麵呢🍜🍗養生無骨紅棗黃酒雞 $84私房小食之一，雞肉薄皮而且嫩滑到好！誇！張！雞肉帶淡淡黃酒香，暖胃宜人🥰🥢滷味鴨腎 $98餐廳將鴨腎剪成一件件方便客人進食，鴨腎滷得入味而且非常有咬口～🍧純貞芋圓2號 $45呢度嘅甜品menu有豆花、芋圓、刨冰等等，真係豐富到眼花撩亂🤣 芋圓2號有桂花冰糖、黑糖珍珠、豆花同芋圓，最驚喜係個豆花，豆腐香氣十足！🍵冷泡凍頂烏龍茶 $34食著味道咁濃郁嘅牛肉麵，配搭返清幽嘅烏龍茶就岩晒喇🧊

段純貞喺灣仔新開已經想試，但奈何lunch time太多人。放工約開同事就一齊去將軍澳分店試。店內裝修光猛，好乾淨企理，座位都唔算逼👍🏻。🔅犇牛四寶麵 ($108)麵底揀左手工麵，係闊麵黎，個人幾鍾意🥰，食落有口感啲又掛湯。湯底微辣夠香濃，好正🤤。四寶有齊牛腱、牛筋、牛肚同嫩五花，特別一讚牛筋好腍👍🏻。🔅麻辣蒜味腱心半筋半肉麵 ($88)湯底都係偏濃味，帶有少少麻辣。牛腱同牛筋都係一樣入味夠腍😋。🔅鹽酥雞 ($48)鹽酥雞超好大粒😍，食落同台灣食到既鹽酥雞一樣。雖然粉漿較厚，但炸得好香，整體都好滿足👌🏻。🔅傳統滷豬腳蘿蔔 ($78)豬腳有滿滿既骨膠原，滷得都入味👍🏻。🔅柑桔檸檬愛玉 ($30)甜品menu好似將軍澳舖先有，梗係要試下特別啲既口味😝。呢款味道似咸柑桔，加埋檸檬愛玉食落幾特別。🔅牛乳剉冰 ($68)呢款剉冰超好味！有芋泥、芋圓、草莓、豆乳雪糕等等，超足料！煉奶撈埋冰，夠甜又好味😋。底層仲有oreo餅碎，連埋牛奶冰食好夾，大推！💬湯底同麵都幾用心，難怪灣仔分店人龍不斷🥺，但無諗過剉冰係最出色🤣，相當有驚喜。

其實上幾次係將軍澳踩完單車都已經好想去試下台灣好出名嘅 段純貞牛肉麵，所以就趁阿仔第一日放假，就嚟過食個豐富台式午餐，嚟一個偽台灣之旅。(冇得去旅行都可以治癒下…哈哈)阿仔一見到個Menu就已經俾啲甜品吸引住，不過當然係要食左正餐先，所以佢就叫左個 『招牌紅燒腱心牛肉麵手工麵』，揀左手工麵，麵面比較寬，所以個口感都幾特別，個牛肉炆得好軟稔入味，所以阿仔話唔錯，唯一就係個湯底味道帶點微辣，佢要邊食邊飲水…哈哈！我就叫左『燉濃湯雞麵』，揀左細麵，麵條索哂雞湯所以特別入味又夠彈牙。湯底好濃雞湯味而且唔會好油膩，切開兩大件雞髀，份量足得嚟個肉質又好嫩滑。小食我地叫左『傳統滷豬腳蘿蔔』，依個真係強烈推介，滷水夠入味香濃而且冇油膩感，加上豬腳好彈形又嚼勁，阿仔仲話個蘿蔔有十級好味哦。另外我地都叫左份『古早台灣腸』，咬落煙煙韌韌又多汁，真係啖啖肉呢。到左甜品時間，先嚟我嘅『甘露芋圓』，新鮮嘅芒果汁再配上手工芋圓、芒果肉、愛玉、小丸子同埋柚子肉，入口超豐富。 最後就嚟到阿仔至愛『草莓脆脆剉冰』，用上新鮮草莓配上草莓汁，入面又有小丸子同埋脆脆片，送到上枱阿仔都已經嘩..嘩…聲，食落仲大讚好味，因為啲剉冰

星期四晚飯時間去食，冇乜人，唔洗等位。環境：2個人坐卡位， 十分寬敞，環境乾淨衛生。價錢：性價比唔高，要用特定信用卡，有折，先抵食。食物質素：中規中矩，唔係特別突出。服務：侍應有禮貌，可惜唔太夠人手。叫咗兩個面， +1個小食，食到好飽，仲外賣左一碗糖水添！慢煮口水雞拌麵呢個幾好食，拌邊面唔會太乾，唔會太濕，口水雞都唔會太辣，但又好惹味，好滑，整體來講都算唔錯。犇牛四寶麵湯汁唔夠濃，牛肉尚算滑，整體來講一般。豚肉餃子正常餃子味，冇乜肉汁，都係一般。段純貞芋圓4號甜品份量超級少，一打開蓋，半碗都唔夠，味道都唔錯，芋泥同紫薯泥都好味，但食得多會覺得口乾，因為佢啲椰汁唔夠。

段純貞開到周圍都係，今晚終於有機會試下！星期五晚上店舖都幾清幽，坐得舒服。食物選擇都好多，除咗有麵外，仲有小食、滷水、飲品同甜品。而麵仲可以揀手公麵或細麵。犇牛四寶麵（$108）- 呢碗麵好豐富，有厚身嘅牛腱、牛筋、牛肚同嫩五花，啱晒咩都想試下嘅朋友。麵食仲配上一小碟酸菜。而啲牛肉全部都好腍而入味。手公麵亦非常之岀色，食落好彈牙。招牌紅燒腱心牛肉麵（$86）- 呢個都好好食，腱心勁厚身同入味，但卻完全唔韌，仲有好多舊添！養生無骨紅棗黃酒雞（$84）- 雞肉非常嫩滑，帶點酒味卻又不會過多，配上紅棗同杞子更顯清甜。滷水鴨腎（$98）- 鴨腎好爽口，底下仲有索晒滷水汁嘅豆腐。台式綜合豆花（$45）- 我碗豆花就揀咗熱，熱嘅豆花係我最鐘意食～所謂綜合有綠豆泥、薏仁、紅豆、黑糖珍珠、芋圓同花奶，勁多料！口感仲好豐富添，必食！甘露芋圓（$45）- 楊枝甘露、愛玉、芋圓、芒果、小丸子同椰果。有好多芒果，更香。

好耐冇食「段純貞」的牛肉麵啦😍😍前幾日放工後同朋友黎到段純貞食晚餐～餐廳環境舒適，食物keep住有水準！值得回訪🙌🏻🙌🏻🍜 犇牛四寶麵 $108✨四寶包括牛腱、牛筋、牛肚同嫩五花，可以一次過試哂4款牛的不同部位🐂～～湯底結合23種香料同中草藥材，味道濃郁！！麵條可以揀手工麵/細麵，我地揀左手工麵～麵條粗身，口感Q彈煙韌！好入味😋😋🍜招牌紅燒腱心牛肉麵 $86✨牛腱心肉質軟腍，油脂分布平均～～咬落啖啖肉，好重牛味🐮！麵條揀左細麵，口感幼滑、好掛湯～配上香濃微辣的湯汁，味道好豐富🤤🤤🍗鹽酥雞 $48✨一共有5大舊，即叫即炸熱辣辣🔥🔥外層炸得酥脆，內裡嫩滑juicy！十分香口～～🐷滷水豬耳 $78✨豬耳咬落爽脆彈牙，醃得好入味！！滷水味道香濃，另外仲有滷水豆腐～份量啱啱好👍🏻👍🏻🥣純真芋圓4號 $45✨賣相吸引！包括有仙草、椰汁、黑糖珍珠、紫薯泥、芋泥同芋圓～～仙草滑捋捋，紫薯泥同芋泥口感綿密🍠！加埋煙韌的珍珠同芋圓，好有咬口❤️❤️🍧 牛乳剉冰 $68✨望落都唔錯！包括有芋泥、什錦芋圓、草莓、優格珠、煉奶同豆乳雪糕～～刨冰入口即溶，加煉奶後味道更香🍼！豆乳雪糕香滑軟綿、豆味重🍨～推介大家試試🙌

段純貞牛肉麵，聽到個名feel到好霸氣，好台灣feel，食左真係無失望。最多牛肉品種既四寶牛肉手切麵，有牛五花，牛筋，牛腱，牛肚。牛五花牛肉味最香，牛筋夠爽口，牛肚好入味。配合埋有咬口晚既手切麵，再有濃郁既牛肉湯。好正。但出乎意料之外原來佢幫濃湯雞面真係勁好味，個湯超超超香味，隻雞好新鮮好有雞味，唔會軟綿綿。對比起黃酒雞反而無濃湯雞咁香口，有淡淡既酒香味，還可以。鹵水鴨翅就好香鹵水味，少少微辣，而且鴨翅好有咬口，唔會炆得過淋。食完仲有甜品可吃，豆腐花同香糯芋圓。燒仙草加軟滑豆花。是一餐完美的台灣菜。

隔左一段時間，就會想食正宗台灣滋味的#段純貞 ，今晚又經過開附近，買完野後便進入開餐☺️。燉濃湯雞麵，雞髀🍗醃製入味，皮爽煮得很嫩滑，雞皮不覺得肥膩，雞湯呈奶白色，飲落很鮮甜，整碗比我飲晒。紅燒牛根半麵🍝，牛根煮得軟淋，黏口有豐富的膠質，湯底是牛骨湯，飲落很濃厚，麵質幼滑軟淋很老友說好吃😋啊。紅油炒手，雲吞皮薄餡靚，紅油直接淋上，再加埋蔥同芽菜的配料，麻辣味很香口😘，係一款惹味小食。傳統滷豬腳蘿蔔，正宗的台式料理，香氣四溢搭配油亮的色澤，Q彈入味的滷豬腳。愛玉蜂蜜西檸特飲，大大杯的很解渴，愛玉份量足夠，口感似足啫喱咁，微酸帶甜都唔錯👍。台式薑母奶茶☕️，老友話茶香夠滑。