155
18
4
港鐵將軍澳站 A1 出口, 步行約11分鐘 繼續閱讀
所有分店 (5)
電話號碼
34254620
55967618 (Whatsapp)
營業時間
今日營業
12:00 - 22:00
星期一至日
12:00 - 22:00
*最後落單時間: 21:00
付款方式
Visa Master AlipayHK 支付寶 現金 AE OpenRice Pay
其他資料
網上訂座
當面支付
以上資料只供參考, 請與餐廳確認詳情
有關獎賞計劃
食評 (186)
等級4 2023-03-20
33 瀏覽
係去將軍澳近海旁個邊嘅Donki行街,行到咁上下肚仔餓,行咗落去地庫呢間超有台灣風味嘅段純貞食牛肉麵,除咗牛肉麵,仲有滷味、其他小食、飲品及甜品,店內環境舒適,店員又nice爆必叫 [ 犇牛四寶麵 $108 ] 一次過可以食哂牛腱、牛筋、牛肚 及 嫩五花,牛肉湯香味濃郁,口感帶微辣,好飲到連個湯都飲埋;手工麵係粗麵,口感煙韌彈牙;牛腱味濃,口感鬆軟、牛筋軟腍、牛肚爽口彈牙、嫩五花夠哂嫩滑;伴上開胃酸菜[ 蒜香手撕雞乾拌麵 $78 ] 拌麵用細麵,細麵口感彈牙又掛汁,蔥花、花生碎、蒜粒 鋪滿哂係面,仲有夠哂流心嘅溏心蛋,而手撕雞撕到大細均勻,肉質嫩滑,份量仲幾多,撈埋配料一齊食夠咗,哂惹味,另外伴上開胃酸菜煎得香脆嘅 [ 三星蔥肉鍋餅 $48 ] 肉餡多汁,滿滿蔥花,必試小食。另外就係滷味,叫咗份 [ 豬耳 $78 ] 除咗有口感爽脆嘅豬耳外,仲有滷水豆腐,醃得夠哂入味,好正飯後甜品就叫咗個 [ 生果芋芋圓 $45 ] 好多款唔同新鮮生果,包括有草莓、香蕉、藍莓、芒果,仲有芋圓、芋泥、仙草、珍珠,食落超豐富,超滿足。特色甜品有可愛到爆嘅 [ 熊牛乳剉冰 $78 ] 熊仔頭灑上抹茶粉,雙大耳仔係朱古力餅,雙眼係藍莓,個鼻係泡芙雪糕,加粒珍珠,將練乳倒落刨冰一齊食,真係涼透心段純貞將軍澳澳南海岸唐俊街23號MONTEREY Place地庫B03號舖 繼續閱讀
(以上食評乃用戶個人意見 , 並不代表OpenRice之觀點。)
等級4 2023-03-11
77 瀏覽
🙋🏻‍♂️餓底探員今日去咗將軍澳調查呢間台灣過江龍牛肉麵專門店,佢主打食牛肉麵,仲有其他小食,滷味,甜品等等,全部充滿地道嘅台灣味道🍜犇牛四寶麵 $108📸表示個四寶麵有牛腱,牛筋,牛肚同嫩五花,配料多到覆蓋住碗麵,麵底可選細麵或手工麵,餓底就㨂咗手工麵,佢嘅形狀獨特,睇見都流口水🙋🏻‍♂️表示個牛腱鬆軟重牛味,牛筋好軟腍,牛肚食落爽口彈牙,五花肉夠嫩滑,個手工麵軟硬適中,食落好有咬口,獨特嘅形狀令佢掛湯力好強,湯頭用咗二十三款中藥材同香料熬製而成,飲落好香濃帶微辣,好味到連湯都飲埋🍚台式肉燥飯 $78📸表示個飯成碗鋪滿肉燥,好大碗,仲有隻半熟滷蛋,睇見都吸睛🙋🏻‍♂️表示個肉燥肥瘦適中,入口軟腍,每啖飯都充滿香濃嘅滷汁,味道好正,拍得住喺台灣食嘅🦆鴨翅 $78📸表示個滷鴨翅好大隻,餐廳細心將佢開半骨,仲有兩件滷豆腐🙋🏻‍♂️表示個滷鴨翅好多肉,食落好香好有咬口,滷豆腐吸收晒啲滷汁,食落好入味🌮三星蔥肉鍋餅 $48📸表示個蔥肉鍋餅一碟有4件,表面煎到金黃色,面頭滿佈香蔥,賣相好吸引🙋🏻‍♂️表示個鍋餅食落好酥脆,入面夾住好多蔥粒,好香口juicy,點埋個醬食更加惹味🍨桂花冰糖黑糖珍珠豆花 $35📸表示個豆花面頭有一半係黑糖珍珠,一黑一白形成強烈對比🙋🏻‍♂️表示個豆花食落唔同港式嘅豆腐花咁滑,口感好地道,黑糖珍珠Q彈,個豆花底有清甜嘅桂花冰糖,甜度指數有全糖,好sweet🥰🍧抹茶剉冰 $35📸表示個剉冰好大碗,有抹茶冰淇淋,抹茶寒天,抹茶糖漿同紅豆勁多配料,仲有煉奶可以倒落去個剉冰一齊食,睇見到興奮🙋🏻‍♂️表示個剉冰口感綿密,食落充滿香濃嘅抺茶味,食到中間仲有oreo喺入面,加埋煉奶撈勻一齊食仲好味📈吃貨指數😋好味度 8/10🔙返啅度 8/10 繼續閱讀
(以上食評乃用戶個人意見 , 並不代表OpenRice之觀點。)
等級4 2023-03-07
48 瀏覽
本人係將軍澳區返工,但係將軍澳話就話好多餐廳,但係台灣菜好似好少,最快都要出到去觀塘😭但係monterey開咗之後就spot到哩間段純貞!而且我地第一餐team lunch都係哩到食多🫶🏻🥹因為真係幾好味~今日新同事返工,帶佢去段純貞welcome lunch😚我地一人叫咗個麵同埋兩款小食我個碗係紅燒腱心半筋牛肉麵,同埋我配咗手工麵(有啲係拉布烏冬feel) 🫣 同埋手工麵係彈牙架,食到手工既味道~湯頭好濃而且食落完全無味精既感覺,肉唔會好韌,我15分鐘都唔使就食曬😂😂(Blue Monday?)台灣腸我覺得好出色,因為唔會炸得好乾,肉腸仲有好多肉汁,外脆內糯!同埋有配埋酸菜同埋蒜頭,一齊食個味道層次好特別🥹豬腳就無得輸,骨膠原滿滿😚 我自己食咗兩大舊,佢一碟有四舊,好足料❤️而新同事個碗就係最正宗既紅燒腱心牛肉麵,特別既係佢揀咗幼麵,幼麵就索汁好快,所以佢啲麵好入味,唔使飲湯都好夠🫶🏻最後就例牌一定要飲台式奶茶啦😎 同埋天氣涼涼地,所以我地都嗌熱飲🥰滿足!打敗blue monday🥹滿滿元氣食完仲走上去行咗陣donki再call車返公司好推介段純貞,而且舖頭都坐得好舒服❤️ 繼續閱讀
(以上食評乃用戶個人意見 , 並不代表OpenRice之觀點。)
等級4 2023-02-24
113 瀏覽
第一次品嚐段純貞牛肉麵是在台北,當大部分牛肉麵湯底都是帶有藥材味,段純貞的湯底卻有花椒及麻椒的味道,帶淡淡的麻辣辛香。來到段純貞,最懷念其獨門湯底,叫了犇牛四寶麵及紅燒牛筋麵。犇牛四寶麵犇牛四寶為牛腱、牛筋、牛肚及嫩五花。牛腱其實即是牛展,肉質帶點筋位,毫無脂肪,炆得軟硬適中。牛筋粗大,炆得火喉十足,煙韌彈牙,表面亦清潔乾淨。牛肚炆得軟腍入味。嫩五花與火鍋肥牛可以相比,同樣入口即溶,軟嫩可口。麵食可以揀選手工麵或幼麵,手工麵Q彈勁道十足,幼麵則比較吸湯。鴨腎鴨腎滷得非常入味,入口很爽脆。養生無骨紅棗黃酒雞 雞件已經去骨,黃酒醇香微甜,雞肉嫩滑,有補血暖身的作用,幽幽的芳香亦十分討人喜歡。雙芋紅豆湯段純貞台式甜品種類選擇非常多,有經典款式、豆花、台式芋圓及剉冰。雙芋紅豆湯的紅豆就好比紅豆沙一般,煮得起沙,非常濃郁。芋泥非常幼滑,芋頭味道香濃。芋圓軟滑煙軔兼備,很配合紅豆湯。濃醇豆漿豆花 此甜品材料豐富,計有豆漿、豆花、綠豆泥、薏仁、紅豆及另上的冰淇淋。豆花非常嫩滑,配上帶甜的綠豆紅豆薏仁,很美味亦很健康。冰淇淋放在熱豆漿豆花上會更加甜美。 繼續閱讀
(以上食評乃用戶個人意見 , 並不代表OpenRice之觀點。)
等級4 2023-02-22
65 瀏覽
台灣都終於開關,相信大家都好返會去台灣旅行但仲未有時間去台灣旅行既我,又要搵一間美味既牛肉麵感受返台灣的味道段純貞最近去到將軍澳開新分店,裝修以中式木系為主,古色古香餐廳堅持以傳統手法製作牛肉麵,湯底結合23種香料及中草藥材再配搭牛油、香蔥、蒜和豆瓣醬等多種食材拌炒熬製,味道清香濃郁每款牛肉都滷到相當入味,口感軟嫩適中,濃厚的藥材香味四散食物方面 :犇牛四寶麵 (牛腱,牛筋,牛肚,嫩五花) : 湯底味道濃厚,牛腱油脂分布均勻肉香醇厚,牛筋都煮到軟淋入味,牛肚爽滑有口感、嫰五花肉質鮮嫩,配上粗身有咬口的手工麵,非常豐富麻辣蒜味腱心半筋半肉麵 : 湯底味道濃厚得來再帶少少麻辣,大大件既牛腱牛筋同樣煮到肉香醇厚、軟淋入味,鐘意食辣既朋友,配上幼麵,吸收麻辣湯底的味道更佳三星花蔥肉鍋餅 : 鍋餅皮薄餡多,外焦裡嫩的口感,再蘸上甜酸醬,味道可口麻辣鴨舌 : 原條鴨舌肉質細嫩,香辣惹味,一條一條食過不停既台式小食純貞芋圓4號 : 有仙草、椰汁、黑糖珍珠、紫薯泥、芋泥、芋圓,款式足料,黑糖珍珠同芋圓夠曬煙韌,紫薯泥同芋泥口感綿密,配上椰汁夠曬台灣原味道提拉米蘇剉冰 : 剉冰份量多,有提拉米蘇、咖啡、手指餅、咖啡粉、咖啡寒天,再配上煉奶,鐘意食刨冰又鐘意食提拉米蘇,係一個不錯既選擇 繼續閱讀
(以上食評乃用戶個人意見 , 並不代表OpenRice之觀點。)