段純貞牛肉麵 (MONTEREY Place) (已結業)

見到呢間野成日都係donki下面大排長龍，今日終於抽倒時間嚟試吓，7:00到排咗都差唔多廿幾分鐘，建議可以食6:00 。呢度最出名食牛肉麵咁梗係要試吓佢哋嘅牛肉麵啦。我哋就揀咗麻辣嫩五花牛肉麵，呢度比較特別嘅係可以有兩隻面俾你揀，幼面或者手打手工粗面。辣度唔會太過辣，反而將牛肉嘅鮮味提升咗出嚟，另外由於揀咗幼面，都比較掛湯，一啖面一啖湯，一流個湯底唔會太味精。另外五花肉我都幾欣賞，比較嫩，好似食緊薄嘅牛肉片，但係又好重牛肉味。另外朋友就叫左，原味牛肉麵，佢就揀咗手打粗麵，我偷食左一啖，粗面比較有咬口，同埋條條都幾大條，好飽😂 我個人鍾意幼面多啲，不過粗麵都幾特別可以一試。仲叫左個小食，新鮮豚肉鍋貼 ，呢個都幾出色，皮薄ham靚，外皮煎得好脆總括嚟講呢間台灣過江龍，係台灣好多分店㗎，都幾值得一試，分量大性價比OK，裝修又幾靚，過下台灣癮。