正潮樓 (富通大廈)

營業中

休息中

今晚行過謝斐道口，遠遠都看到呢間餐廳，門口掛咗幾個大紅燈籠，加上古色古香門面，價錢都算合理，太太又話好耐冇食潮州菜，今晚就喺呢度開飯。食潮州菜一定要食滷水鵝，即刻知道夠唔夠正宗，滷水鵝片$168，鵝片切得薄，鵝味濃郁，豆腐亦都滑身，加上正宗嘅醋汁，夠晒開胃。汕頭煎蠔烙$108，煎炸得好有水準，外面及底部有少少脆口，蠔烙份量算大，蠔仔份量亦多，隨便咬一口都食到一隻蠔，性價比高。梅汁焗豬手$128，雖然大部份豬手連皮一齊焗，用咗梅子汁加生菜吸收到一d油，酸酸地，感覺唔會太肥膩，可以食多幾件。古法炸粿肉$138，食落有少少似炸春卷，餡料有肉有菜混合，幾有咬口。

呢間係我食過最正嘅潮州菜餐廳，古色古香嘅裝修，又有時尚感，而且服務員待客有禮招呼周到，非常愉快的用餐體驗🥰特別欣賞佢天花吊扇燈，配合旁邊仿古屏風，自成一格，而且空間感十足，令客人坐得舒服👍🏻菜牌亦印刷得美輪美奐，好有心思，見微知著，感受到幕後團隊用心經營🤗招牌滷水鵝片$168，食潮州嘢必食之選，不過呢度嘅潮州鵝片質素絕對係天花板級數💯，冇花冇假，有圖有真相，片片肥美可口，睇見都已經口水流🤩再比個近鏡睇下，真係無得輸，筋肉嘅部份，帶皮帶肉，佢哋嘅滷水汁，更加係極品，咸味甜味滷水味，層次分明，而且肉質鮮嫩，彈牙得來又好有鵝味，正🤗而且份量十足👍🏻👍🏻👍🏻煎九肚魚烙$138，驟眼之下睇有啲似蠔餅，其實佢係九肚魚烙，未入口已經聞到好香，而且脆口而不膩，入口啖啖魚肉香味，再配上特製桔柚醬汁，零捨不同，食🉐️好滋味🥰芋頭炒香飯$128，又係估唔到嘅驚喜，呢個芋頭飯炒得好香，除此之外最驚喜嘅地方，佢仲竟然有微微嘅飯焦，有啲似煲仔飯嘅感覺，飯粒分明，材料豐富，絕對感受到廚師嘅功力👍🏻分量足夠四個人享用😎最後極力推介呢個飯後甜品，福果甜芋泥$48，即叫即做，絲絲綿滑，甜而不涸，福果嘅口感竟然會錯覺係芋粒，

好彩呀叔我慧眼識新星，先至識得分辦潮州菜其實係寶藏黎，總括黎講就係簡單得黎踏實踏實得黎夠又追求極致，淨係烹調手法都有十幾種，加上馳名既家常小菜，絕對唔可以睇小。👇📌家 常 小 菜 -▪️ 川 椒 雞 頸 肉 - $148▫️ 第一道必食人氣小菜「川椒雞頸肉」，味道適中，辣得黎唔會太嗆口，肉質食落鮮嫩爽口，爆炒過後相當惹味，加上唔會太油，即刻嗌返枝啤酒黎送飯，咁就最識食既。▪️ 沙 茶 炒 牛 肉 - $168▫️ 另一款送飯必備就係「沙茶炒牛肉」，佢個沙茶醬夠香夠濃郁，醬汁質地唔會太稠身，而牛肉炒得夠鑊氣，而且肉質唔會鬆軟，唔會太韌幾有咬口，加埋菜心幾抵食。▪️ 方 魚 炒 芥 蘭 - $128▫️ 最後呢味「方魚炒芥蘭」幾有驚喜，事關用上潮菜館必有既方魚，配炒芥蘭係最夾，方魚炒出黎果種獨有既鹹香味，再加埋芥蘭口感爽脆，果份家鄉風味真係回味無窮。

朋友講灣仔有間正潮樓幾好味而且價錢好抵食，就決定平日來吃晚餐，沒想到7點多來到已滿座要等陣才可入去汕頭煎蠔烙$108，入面勁多蠔，仲要蠔十分大隻有驚喜，煎得都幾香口但不會好硬身肉碎蠔仔粥$168，原來例份量都幾多，3人食都食唔晒，入面蠔不少，仲有配料柴魚碎都有令到味道更濃郁，粥底都幾綿身滷水鵝肉$138，滷得幾入味又不會好咸，鵝肉都幾嫩，骨和脂肪偏少，我幾喜意食，底部仲有滑豆腐好滑身腩肉炆涼瓜$128，炆得好淋身涼瓜大大片，冬菇厚肉菇味幾濃，腩肉在底部食落油脂感沒有幾入味叫咗3個餸再加一個粥，沒想到份量多到一個點，幸好我哋3人來吃不然一定吃唔晒要外賣回家。性價比都幾高，下次再來都去openrice訂座方便啲不用等位

朋友生日話想食潮州野，一於帶佢去正潮樓食下正宗潮洲打冷。鹵水鵝片：鵝肉用上3歲以上的鵝仔肉來製作，鵝肉不但鮮滑嫩，而且醬汁十分鮮甜，食落不但彈口，而且好有潮汕風味。汕頭煎蠔洛：蠔餅用上新鮮蠔仔肉來煎炸，不但唔會太多油，而且炸得很脆口，用來送酒實在一流。潮洲炒飯：潮州炒飯用上潮州配料炒作，食落唔會太油，加上配料新鮮，師父技巧又高，實在係必食。總括依然，正潮樓食物不但有潮洲水準，座位又大，實在係同朋友必食之地。

身為潮州人既我，一向都鍾意食打冷，見呢間潮州菜館既評語唔錯，今日加班之後就黎慰勞下自己。兩個人叫先左碟滷水鵝肉、鵝肉份量唔少，鵝肉也帶幾濃滷水味。天氣開始凍少少，就叫個老菜脯炖豬肚湯暖身，燉湯飲落幾清甜，湯料如豬肚入口也爽滑。汕頭煎蠔烙十分吸引，成個蠔烙面層都是金黃色，吃著都是滿口蛋香以及蠔仔鮮味。吃了不少肉類，要來個菜類平衝一下，點了一客加上豬油渣的勞粕春菜煲。春菜全無苦澀還有油香加持，令人愈吃愈起勁。沒有點白飯所以叫了芋頭炒香飯，除了飯粒飽滿外，吃來也有芋頭粒的口感及食味，而且個飯真係好大煲，估計要4個人先食得晒。

是日同HONEY去灣仔行街，經過潮州菜館「正潮樓」，見到個門面真的好高貴感，佢地的潮州菜會比較新朝少少，地方大又乾淨~~幸好坐左卡位，真的好舒服，同HONEY點左個脆皮九肚魚，梅汁焗豬手，肉碎蠔仔粥(例)，福果甜芋泥，清心丸綠豆爽，肉碎蠔仔粥(例)，肉碎蠔仔粥(例)，份量二人可以食到四至六碗到，真的好多蠔仔，肉碎，粥水都好足夠，真的好足料~~~梅汁焗豬手梅汁焗豬手真的好驚喜，豬手真的好多，另外佢真的清走曬D毛毛，同埋食落好LUM好骨膠的感覺~~汁醬有少少梅味，真的好正，只差一碗飯就一流~~脆皮九肚魚脆皮九肚魚真的唔同的做法，炸出來好滑，同埋唔會有炸到鞋口的感覺，好香口~~真的同平時大排檔食開的感覺好唔同~~福果甜芋泥，清心丸綠豆爽福果甜芋泥真的要有心理準備，真的好好好甜，芋泥質感都唔錯，，清心丸綠豆爽真的好多清心丸，見到隔離食反芋沙，好想下次再食~~~

正潮樓 - a restaurant serving up authentic Chiu Chow cuisine in Wanchai. Led by a national-level Chao cuisine master chef, classic specialties includes Braised Goose, Fish Rice, and Pickled Live Seafood … all the dishes are true to the traditional flavor and style.▶️滷水鵝片（$168）The thinly sliced goose meat was extremely tender and the flavors came from the marinated sauce called “master stock”. The secret to the sauce is the combination of brown sugar, salt, soy sauce, galangal, and an array of natu

身為潮州人雖不致於要餐餐潮州菜，不過總有想食潮州菜既日子，今日就係灣仔呢邊試試。在滷水鵝片及鵝肉之間揀左後者，鵝肉味濃帶不錯滷水香。湯品既老菜脯燉豬肚送上，燉湯足料而湯頭飲落火喉足。菜類點了勞粕春菜煲，春菜食落無渣，邪惡豬油渣給春菜帶來了額外既油香。汕頭煎蠔烙上檯，蠔烙夠份量，蠔烙亦煎得香口兼有蠔鮮。芋頭炒香飯份量十足，飯粒都炒得好粒粒分明。

潮洲打冷店越開越多 最近見灣仔有間似係新式潮洲野 - 正潮樓 裝修好光猛 好寬敞 所以同朋友決定試一試 不得不叫滷水鵝片 肉質幾滑 加上滷得好入味 個底有大量豆腐 絕對推介 另外叫左一碗蠔仔粥 好大碗 夠二人份量食 入埋既蠔都算大隻 好抵食 粥底非常綿滑 必定會encore 再叫老菜脯豬肚湯 非常入味同暖位 入面都非常足料 全餐飯最出色當然係黃花魚飯好耐無食潮州凍魚 餐廳處理得好好 完全唔會好似有時出面食到咁霉霉地 配上豆醬 非常開胃好味 下次想試埋其他魚

餐廳環境相當寬敞 而且聚會可以訂座包廂魚露浸花甲 $188果然係招牌之一 味道的確唔錯 魚露調味唔會太重 食到花甲原來嘅鮮甜 肉質爽嫩👍🏻係份量比我想像中小d🤣汕頭煎蠔烙 $108食潮州菜一定要食佢哋嘅蠔餅🤘🏻粉漿比例剛好 邊邊位相當香脆 調味唔會太鹹 可以點汁增加味道 不過可以食得出蠔仔非常新鮮 而且足料！每啖都食到蠔仔💕梅汁焗豬手 $128呢個我好鍾意🤣💕豬手去骨(有少許細骨 食嘅時候唔好直接吞左😂) 梅汁酸酸甜甜！好醒胃 抵消左豬手嘅膩感 豬手肉質嫩滑唔柴 已經好多筋位🙉👍🏻豬皮都好淋 但又唔會去到入口即溶嗰種😂係淋中帶點彈性嗰🙈勞粕春菜煲 $118豬油渣煮芥菜！呢種煮法菜係偏淋 可以唔洗咬🤣我自己唔覺好膩 可能因為我無食d豬油渣🙊

終於搵到一間正宗潮州菜館，友人特別推介。位於灣仔謝斐道，近地鐵站，相當方便。紅紅燈籠高高掛，門外有氣派。店內裝潢雅緻，舒服。滷水鵝片是潮州菜必食的一道菜。一片片鵝片，皮下脂肪不會太厚，那油香散發出濃香，入口鵝肉在滷水的浸潤下，味濃香軟，肉質甜美，脂肪位更香。老菜脯燉豬肚漸入秋季，燉湯是滋潤一下皮膚的最佳湯水。老菜脯經過年年歲月嘅發酵製成，是窮人人蔘。非常有藥用功效。湯頭順口回甘，非常好飲。腩肉炆涼瓜平平無奇卻又不簡單。涼瓜甘味融入汁內。腩肉炇煮得軟腍，夠入味。糯米雞翼糯米飯釀入雞翼內，那種軟糯口感綿綿滑溜，推介嘅傳統手工菜。

早兩天家父在這裡外賣了些滷水鵝片，覺得十分有水準，決定來堂食。門面裝修風雅，古色古香。內裡座位寬闊，亦設有卡位。由滷水至生醃海鮮、小炒、潮式甜點亦一應俱全。滷水鵝肝（半份） $128入口粉綿細緻，嫩如一口慕絲，用舌頭輕壓則可化開鵝肝滷水入味而不過鹹，出奇地完全不膩，後悔沒有點全份！油泡南澳鮮魷 $288老闆推薦的菜式，說汕頭出名水質清澈，專門出產肥大肉厚的鮮魷，鮮魷上水後馬上急凍送到店內。看到鮮魷上的雕花就知道肉有多厚，一般的魷魚絕對做不到麥穗狀的花樣。魷魚爽而不韌，鮮香而不油膩，沒有過多的調味配菜，突出食材的鮮味。汕頭煎蠔烙$108沒有刻意營造「爆餡」，蠔仔與粉漿份量平均，入口吃到蠔仔的鮮，亦吃到木薯粉的軟糯，蛋香十足，每塊亦份量十足，吃了兩塊已有點飽。糖醋煎伊麵$188即兩面黃，把麵煎香兩面至金黃，蘸點陳醋和砂糖同食，酸酸甜甜，已甚飽的我仍然能吃下2塊！正潮樓座位舒適，食物水準不錯，員工勤快有禮，難怪一到晚飯時間便座無虛席。

今晚好特別，俾朋友拉咗去食潮州菜，就在公司附近~ 灣仔地鐵站行過去都好近。裝修優雅，有點中西合璧，座位闊落，一半圓枱一半卡座，還有獨立廂房，最啱好友聚會。滷水鵝肉 $138正宗潮州滷水鵝，鵝肉幼嫩，滷水甘香入味但又唔會過鹹，下面鋪了滷水豆腐。這塊豆腐好吃不得了，又滑又香，滲滿滷水鵝嘅精華😋方魚肉碎蠔仔粥$68粥底綿滑，好足料，蠔仔夠大隻又肥美，方魚塊帶點鹹香增添鮮味。鵝蛋(每隻$28）還是第一次吃，超巨型比一般雞蛋大二、三倍。蛋黃好香，蛋白有啲似鐵蛋嘅皮，但冇咁硬，好彈牙煙靭，仲充滿滷水嘅香味！梅醬拌海蜇$168只採用海蜇頭部位，口感特別爽脆！秘製酸梅醬汁加上蔥香，芝麻青瓜絲，勁滋味嘅冷盤！煎蝦米筍粿（3隻）$68潮州傳統小食，大大隻煎得好香。粿皮軟糯，餡料豐富，煎蝦米勁香。五穀雜糧粽$28細細隻，五穀餡料有紫米、蓮子、紅豆、銀杏和花生🥜，有少少鹹鹹地所以入口唔會好齋，健康美味!椰汁雪耳$48椰汁入口香甜濃郁，雪耳爽口。熱辣辣，滋潤美味，超級圓滿😋❣️

中菜之中我幾鍾意食潮州菜，因為比較接近我哋成日食嘅粵菜口味，多款菜式都有海鮮，而且煮法多變有冷盤又有熱葷，好有特式。今日就去咗灣仔嘅【正潮樓】，門口掛住幾串大紅燈籠，燈火通明，喺假日夜晚比較僻靜嘅灣仔謝斐道中顯得鮮明出眾。入到餐廳，方型格局好寬敞，以木質裝潢為主，風扇、壁畫、燈飾充滿中國風。加上整體乾淨整潔，帶俾人舒適嘅感覺。食潮菜菜一定要食鹵味，【鹵水鵝肉】先試吓鹵水汁，鹹香中淡淡鮮甜味。鵝肉份量都幾多，我哋呢隻相當肥美，大半碟都係肥肉。不過我都忍唔到口食埋鵝皮，油香同肉香加上肉質相當嫩滑，食得出係靚鵝肉，令我停唔到口。另一必點嘅係潮州凍魚，潮州人叫「魚飯」，意思係魚同飯一樣咁重要，係每餐必食。我哋點咗【馬友魚】，魚肉味鮮濃，點豆醬食有另一番風味。另外魚身上面嘅奶白色啫喱狀魚脂，入口即溶好特別，都幾好味～最後就到兩道蠔嘅熱葷。【汕頭煎蠔烙】蛋香十足，一定要趁熱上枱即刻食，口感會更鬆脆；【肉碎蠔仔粥】潮州粥食落比廣東粥感覺輕盈，飲得出蠔嘅鮮味。兩道菜蠔嘅份量都幾多，而且鮮甜大隻，抵食。