正潮樓 (富通大廈)

營業中

休息中

公司附近開咗間新食店，於是一試下。點了一個三拼鹵水套餐，點了鵝紅（唔係周圍有得食）、鵝件及豬大腸。鵝紅彈牙very good👍🏻, 豬大腸好食，鵝件就……..皮厚好少肉，真係試唔真(下次點鵝片。Anyway, 鹵水汁幾好味。佢跟餐的海鮮湯也幾特別。我哋仲叫咗客蠔餅，他們的是煎蛋形式，不是炸到脆卜卜，其實我冇所謂嘅，但D蠔仔比較「醒」，所以就大打折扣，沾了魚露也蓋唔到那「醒」味。最後我哋點嘅係香芋飯，呢個較為濕身及淡口，爭咗幾粒鹽提味。總括嚟講，味道暫時只屬一般，不過在公司附近，可能可以試多次

我今天本來打算吃灣仔站附近的南記，路上卻意外發現了這間潮菜館。很久沒吃家鄉菜的我懷著試一試的心態買了一份外賣套餐，味道真的很不錯👍🏼！鵝肉的肉質很新鮮，白飯也不是隔夜飯，紫菜例湯也很美味！完全出乎我的意料。Btw，老闆是潮汕人，我用潮州話和他溝通完全沒問題👍🏼。由於疫情的關係，感覺生意不是特別好，但是這個老闆給人感覺還是很樂觀。希望大家多多幫襯他啦！也希望這個疫情快點結束。💪🏼💪🏼💪🏼

喱兩日真係好鬼死凍唔想老婆大人咁辛苦煮晏仔喱日就出去同佢食潮州嘢。老婆大人喺開飯見到灣仔新開咗間潮州菜館，環境睇落好企理一於去食個晏仔啦。廚窗掛咗滷水鵝好似唔錯喎，肚皮即刻打鼓好肚餓喇！入到去餐廳有大大幅五嶽獨尊泰山壁畫坐陣，五嶽之首穩如泰山好有氣派呀！除咗大廳原來仲有幾間房潮州菜館嚟講地方都算大。侍應見我哋一坐底即刻送熱茶嚟好快手，睇吓餐牌有乜正菜食先，同老婆大人一人揀啲心水嘢食。凍冰冰整碗老菜脯燉豬肚暖吓身光，黑炆炆嘅老菜脯香味好醇入面仲煲到淋晒嘅豬肚浸，湯好飲湯料又好食飲完成身暖粒粒正呀。老婆大人最鍾意食潮州醃海鮮尤其係螄蚶，不過要預訂先有得食咁就轉叫碟魚露浸花甲，花甲雖然唔係生醃不過一樣咁鮮味。肉就叫咗川椒雞頸肉第一次食雞肉係咁有口感，麻麻嘅香唔係好辣我都食到，老婆大人見到啲炸珍珠葉開心到震最尾成碟清哂。朥粕春菜煲個名睇到我一頭霧水原來即係豬油渣！喱味春菜係老婆大人嘅飛佛平時多數同排骨煮喱道用咗豬油渣香味梗係高幾班啦。唔算好肚餓叫兩隻五谷雜糧糉貪佢細細粒容易食，糯米入面有啲花生、白果、紅豆及薏米食落煙煙韌韌唔錯架。最尾叫咗兩隻潮汕鼠殼粿做甜品，皮好薄好軟熟入面係足料嘅黑芝麻好香

我其實真係好佩服潮州人的那份拼勁精神！而他們的懷舊家鄉美食更加令我食指大動！疫情的關係車爸爸這星期放了兩天假期，鬱悶在家多時的我忍不住要出動了！忽然間好想食潮州菜上網一看知道灣仔剛開了間正潮樓，一於就去吃頓豐富的潮州菜作午餐吧！來到門口看見這大紅燈籠高高掛感覺很喜慶，燈籠寫上傳統潮菜這四隻字就更教我十分期待。內裏裝潢用上白啡兩色為主，大廳有一幅五嶽獨尊的泰山風景畫霸氣之餘更令環境高雅不少，加上燈籠模樣的風扇掛燈徒添了古色古的味道，店內設有三間以潮州三條大江命名但包廂，環境比一般舊式的潮州店來得更為舒適。正潮樓的主廚是陳澤嘉師傅，更一門三傑父親、爺爺和他也是潮菜的知名廚師，從小就便烹得一手好潮菜27歲便已經擔任粵東地區高級技師(相等於全國最高級廚師級別)廚師長職位，幸運的我倆今天能一嚐陳師傅的手勢心中難免興奮。開始冷冷的天氣來一碗熱騰騰的靚湯便最好不過， 我們選了老菜脯燉豬肚＄68/位是一道著名潮州靚湯，用上來自潮州三十年以上的老菜脯、豬骨及豬肚燉製一個小時而成。湯內有不少老菜脯和豬肚浸淫在深啡色的濃湯之中，老菜脯已醃至黑色潮州人會稱之為黑金，原來老菜脯對腸胃好好剛於過年吃得膩好恰好用來

最近同朋友係灣仔做完公司嘢，順便就係附近一帶揾食，見到呢間新開嘅中菜館，二話不說當然就入咗去試吓。餐廳裝修古色古香，裝飾及牆身都以木材為主，再加上一幅山水畫，整個氛圍都唔錯。餐牌款式都有幾多種類，最後叫咗招牌菜膽火腿翅餐。招牌菜膽火腿翅 ($268) : 上枱時熱辣辣，而且火喉十足，湯底味道非常濃郁，清甜嘅菜膽加上甘香嘅火腿，每一啖才都相當滿足，而且魚翅份量亦非常多。川椒雞頸肉 ($148) : 幾有驚喜嘅菜式，雞肉非常嫩滑，而且只帶點輕微嘅麻辣口感，大人細路食都冇問題，而伴碟嘅川椒葉亦非常香脆可口，自己同朋友都非常喜歡這道菜。膀粕春菜煲 ($118) : 將腩肉煎至金黃色再配搭鮮嫩翠綠嘅春菜，春菜一啲苦味都無之剩，更中和了腩肉嘅膩感，味道非常唔錯。薯仔炆牛筋 ($168) : 份量非常之多，薯仔同牛筋都炆得非常軟腍同入味。整體嚟講無論烹調手法及味道都相當出色，係一間唔錯嘅潮州菜館，如果第時晚市重開一定會帶埋屋企人嚟試吓。

過年緊係要食好D，起初以為正潮樓係飲茶既餐廳原來佢係一間食潮州菜既餐廳我同媽咪首先每人叫左個招牌菜膽火腿翅，每位 $268呢個翅非常足料，個湯都濃郁唔會油膩，唔係平時酒樓食茨汁嗰啲魚露浸花甲花甲肉飽滿而且唔會有沙，花甲肉都幾鮮甜煎九肚魚烙平時食煎蠔烙就多，九肚魚烙真係第一次食每一啖都係九肚魚肉，個蛋煎得好香薯仔炆牛筋呢個牛筋選用既係半筋腩，肉味都幾香，而且炆得好諗薯仔都炸香過，牛筋同薯仔都煮得好入味今次食完真係對潮州菜多左認識，唔係局限住潮州打冷既菜式啦

今日老細請食飯帶咗我哋去灣仔嘅呢間正潮流度食潮州菜 午餐時間嚟到人唔太多 座位坐得舒服裝修簡潔典雅 梅醬拌海蜇 味道偏酸好夠開胃 加埋梅醬甜甜地配搭得宜 海蜇十分爽口川椒雞頸肉 外面有炸咗嘅蔬菜好脆卜卜 雞頸肉第一次食 非常嫩滑一啲都唔肥 醬汁味濃郁 唔辣 味道唔錯筍乾炆鴨肉 份量幾大 鴨件已經去咗骨 炆得又淋又入味 筍乾爽口同有獨特香氣 用嚟送飯一流招牌菜膽火腿翅 份量十足 入面嘅魚翅支支都粗過牙籤又幾爽口喎 湯底味道清淡帶點火腿香氣 突顯到成度菜嘅味道

很久沒有食潮州了，心血來潮 約會好友午餐，最近新開，位於灣仔謝斐道 「正潮樓」環境寬躺，牆上 中國風 畫，卡位坐得舒服招牌菜膽火腿翅👍非常足料， 金華火腿絲，大大梳魚翅，份量多，滿滿一湯匙🥄 ，紹菜軟綿綿，冇味精燉湯，清甜可口 ，隨個人口味，可添加醋及芫茜。梅醬伴海蜇爽口海蜇，梅醬酸酸甜甜，開胃醒神魚露浸花甲鮮嫩肉質，大大粒，配合魚露，吃得滋味老菜脯燉豬肚第一次食老菜脯，雖然外觀黑色，營養價值高感受特別的味道，豬肚夠淋，仲有辣辣胡椒，確實好刺激😀

疫情關係六點後又冇堂食， 經常要自製early dinner～臨近年尾梗係要食番餐好嘅迎接新嘅一年。行經灣仔諗住買年花， 發現這間新餐廳 ，  內籠光猛，裝修別緻帶點古色古香， 主打正宗潮州菜， 趁有堂食把握機會入內光顧～卡座和圓枱都好好坐。 圓枱坐椅好舒服， 圓枱也不會頂腳那種。新張期內， 好像不设茶介。 幾間貴賓房暫時都沒有最低消費～招牌菜膽火腿翅潮州菜裏較高級嘅菜式。 心機火喉燉翅， 菜膽嘅清甜， 令湯底味道更出色， 足有二両嘅魚翅， 分量十足， 燉盅keep 到溫度好夠熱，非常暖胃！筍乾炆鴨肉味道非常有特色， 做法講究，用了新鮮筍同筍乾同炆煮， 鴨肉濃香， 肉質軟腍亦能保持鴨件原狀， 竹筍切薄片，夠爽口， 以為炇鴨會好油膩但一啲都唔肥，仲散發出一股荀香！煎九肚魚烙蠔仔烙吃得多， 九肚魚則較少見。 特別考功夫，九肚魚肉質太嫩容易散， 大廚唔會落好厚嘅粉漿， 味道唔錯， 依然香口惹味， 啖啖都係九肚魚肉非常滋味！薯仔炆牛筋用煲仔熱住上～ 超級滾熱辣香噴噴！大大件嘅牛筋腩炆得好腍， 薯仔略炸過， 唔會炆到又腍又爛， 醬汁調教到啱啱好， 微微的辣又唔會太鹹， 配白飯真係超正～！服務唔錯

日日都係屋企，間中都要出去食飯透下氣，農曆新年當然食下中菜最有氣氛。我哋2公婆出左灣仔食潮州菜😁食間酒家新開，裝修好有特色。開個好年就黎個菜膽火腿翅好意頭👍🏻未飲已經聞到金華火腿既咸香🥰魚翅條條分明又爽滑，而且到多真係可以「溂口」，湯底飲得出熬咗好耐，因為好入味，而且又唔會漿口，火喉時間控制得好好😊芥菜吸收咗所有材料既精華👍🏻由於夠火喉味道所以我無加到醋和莞茜，當然加咗會有另一翻味道既層次😘朥粕春菜煲朥粕即豬油渣， 我至愛之一，超香豬油香🥰豬油渣的油分被春菜吸收後，食起上黎一啲都唔油膩，仲多一份香氣，正呀！加上爆過既蒜頭粒超香，食落好甜😊春菜即芥菜，平時我唔太鍾意食因為有苦味，但師傅烹調得好好，我反而食到甜味👍🏻梅醬拌海蜇由細到大我都超鍾意食海蜇，依味梅醬拌海蜇將海蜇切條，超彈牙超爽脆。梅醬既香加上辣辣既調味，令味道平平既海蜇超級惹味，拌著紅椒絲，青瓜，三重爽、爽、爽、脆、脆、脆！亦有「撈起」的意味，虎年撈得起呀💪🏻筍乾炆鴨肉潮洲出名菜，第一次食，老公最愛食筍😋聞起黎好香，筍片爽+滑+脆，而且好香筍味，鴨肉下面全部都係筍，老公今次真係好筍呀😁加上鴨肉特有既鴨香肉滑，炆得夠鍾數所以鴨肉都

我平日太鍾意食西餐，好少食其他菜😂 今日去完利東街行街，行行下見到呢間餐廳，話食正宗潮州菜，門面又幾靚，所以決定試吓🤪😜其實喺門口我望到個餐牌，首先最吸引我嘅係個✨菜膽火腿翅！😍 呢個翅得呀，湯頭清甜，冇味精，入面嘅翅絕對足料。不過如果除咗娃娃菜同埋翅之外，有其他配料就更加好，例如金華火腿😛😛✨梅醬拌海蜇：醬汁酸酸甜甜仲有微辣，好好食！上面有好多青瓜絲，同海蜇好夾，令人好開胃😘✨煎九肚魚烙：一上枱見到好似煎餅咁覺得好新奇，即刻問老闆，老闆話呢個菜式係好地道嘅潮州菜，入面有芹菜、九肚魚同埋葱，加入麵粉同蛋漿，混合煎製而成嘅。呢個好有驚喜，因為從來未食過，食落口感有啲似韓式煎餅😂，但入邊嘅九肚魚好嫩滑，仲要冇骨！✨芝麻落湯錢：其實就好似我哋平時食開嘅糖不甩，糯米糍上邊鋪咗黑白芝麻同埋砂糖，甜甜鹹鹹幾好味😋整體來講呢餐食得好開心，員工服務態度又好好，下次一定會再過嚟食✨✨😍

突然好想食潮州菜☺️， 朋友推介這間新開的正潮樓📌， 位於灣仔謝斐道117-119號富通大廈地下2號舖。 店內裝修以古韻中國風為主🧨🧧， 座位優雅舒適， 更設有VIP房間， 私隱度高。 過幾日就農曆年，大家都想食好啲🥢， 先點這裏的招牌菜膽火腿翅(每位) $268， 另外有三道小菜，魚露浸花甲$188、 薯仔炆牛腩筋$168和梅汁焗豬手$128。 🔴招牌菜膽火腿翅 ～ 有火腿絲、菜膽和翅， 非常足料， 魚翅好大梳🤩，質感晶瑩，粗壯肥厚。 燉湯天然清香甘甜， 火腿絲襯出咸鮮的味道，若是嫌淡， 可放醋和芫茜作調味， 但個人感覺不用放任何配料已經色香味俱全😋👍🏻。 🔴魚露浸花甲 ～ 鮮味十足🤤， 粒粒脹卜卜，又沒有沙，極開胃的一款冷盤前菜。 🔴薯仔炆牛腩筋 ～ 份量十足， 牛腩炆得好入味😚， 薯仔更是吸盡牛腩汁的味道，非常惹味。 🔴梅汁焗豬手 ～ 豬手口感很軟腍，梅汁酸酸甜甜很開胃😋， 越食越好味，完全不覺膩。 正潮樓的食物有質素，環境舒適， 服務更是非常好， 每一位員工都很親切友善， 主動有禮， 是一間高質的潮州菜館💯。

新開的潮州菜館以傳統潮菜作賣點，細心看看，餐牌上除了見慣的潮州菜式外，的確有些陌生名字，例如紅炆鳥耳鰻、玉枕白菜、 朥粕春菜煲、芝麻落湯錢等頗吸引。亦不乏矜貴菜式，三年以上老鵝頭承惠$1680，真是吃過方知有幾好。生醃系列亦比較少人做，生醃膏蟹賣相非常美味，三款之中只有魚露浸花甲無需預訂，今日可以吃到。最後決定今日食呢啲：招牌菜膽火腿翅 $268湯清味醇厚，翅足料，紹菜燉至極軟嫩，飽吸高湯，加些芫茜提味更香，整體滿意。魚露浸花甲 $188魚露與川椒混合的味道出奇的討好，魚露本身沒有過鹹，輕輕透出川椒香，喜歡這特別味道。筍乾炆鴨肉 $158炆至火喉十足，鴨肉鬆軟入味，鴨皮入口即化，非常滋味，筍乾原來亦幾好吃。薯仔炆牛筋 $168牛筋保持些嚼勁亦好，骨膠原豐富，薯仔已經半化，原來炆至此程度甚入味，調味出色。礦泉水白粥 $30平衡肉膩，配碗老火白粥合拍，胃納稱心滿意；想不到，這麼大碗，兩人分吃真夠飽。中式飯店傳統佈置，光猛清潔。有三間私人房，兩間細房門前有對聯，可以打通。據說老闆是潮州人，趕在過年前開了這間潮州飯店，座落名店聚集的灣仔，首次光顧，評價唔錯，平實中有點不一樣。

聽朋友講，謝斐道開了一間正宗潮州菜館。新年將至，約她出來午飯團年。位置非常方便，菜館內裡裝潢雅緻，舒適。招牌菜膽火腿翅一絲絲翅，份量不少。湯底非常清甜，啖啖甜美，滋潤。老菜脯燉豬肚老菜脯要經過長年累月醞釀出來，是窮人版人蔘，非常有益。湯底完完全全是老菜脯的精華所在。還有胡椒的芳香和辛辣，潤喉至極。豬肚處理得非常好，軟熟有口感。梅醬伴海蜇好特別的梅子醬汁，開胃。配合海蜇一流。魚露浸花甲花甲肉質鮮嫩，魚露的調味恰到好處。