正宗水上人蒸氣鍋專門店 (已結業)

海鮮九層塔相信大家都試得多 氣鍋就未必試過今次朋友帶我去試既呢個海鮮氣鍋好特別 一去到就見到有頂好似越南傳統草帽造型既野係枱上 原來係氣鍋既蓋黎 海鮮種類琳瑯滿目 好多野想試呢波士頓龍蝦 呢個必食! 蒜蓉開邊蒸超正龍蝦好多肉 肉質彈牙 新鮮 $248抵食五頭鮑魚 都係心水之一 蒸既時間好準繩 唔會蒸韌 好爽大元貝真係超大隻 想一啖食晒都有d難道 好鮮甜白汁貴妃蚌既白汁用左金菇同忌廉 呢個配搭幾有新鮮感 金菇吸左貴妃蚌既鮮味 好味花蛤王又係好大隻怪味豚 唔識形容既味道 味道好有趣 肉質爽口 似食緊豬頸肉現場做緊半價重皮奄仔蟹 一隻只係$98 叫左一隻食 好好食第一次食重皮蟹 原來好甜 蟹仔細細但有好多蟹膏 愛蟹之人一定要試!最後既精華當然係個南瓜豬筒粥度啦 所以海鮮精華都留晒係粥入面 好甜好滿足

近年蒸氣鍋興起，可以原汁原味品嚐到各款食物海鮮等～朋友都嚷著生日飯想去食，於是相約一班朋友放工去食啦～成日見朋友係社交平台都Post上好似一個藤蓋一樣的蒸氣鍋，連我自己都未試過～上網搵一搵，就決定去試試呢間啦！它地點位於尖沙咀，MTR出步行5分鐘左右就到達，地理位置易搵！這裡不是任飲任食的，是單點／套餐形式的～而這裡的格局跟平時酒樓的無異，也備有調味料區，可以自己調出自己最喜歡的醬料！而這個外形好吸晴的藤蓋，下面就是將會蒸出美味的食物～每款食物需要蒸的時間都不同，我地可以睇返呢個表去蒸，不過都係只作參作，職員都會全程幫手蒸的，不用太擔心！蟶子皇（HK$48/隻）黑松露蒸大元貝（HK$58/隻）因為我遲到，叫朋友食住等～翻蒸熱了的也依然好新解嫩滑～蟶子已經先剪開蟶子肉，方便食用，蟶子肉質好爽口彈牙，還加了一點粉絲一齊食～而黑松露蒸大元貝有點Fusion，元貝好大隻，入口鮮嫩爽滑，上面加了一點黑松露醬，雖然黑松露不算太勁，但配搭得非常夾，好新鮮！黯然銷魂魚（HK$198）好特別的名字，夠竟係如何黯然銷魂呢？原來就是將魚件切成一件件，而且上面放了薰衣草及薑蔥去蒸～蒸好後開蓋就有一陣陣好芬芳的

講起都有啲失禮：p蒸氣海鮮鍋興咗咁耐上星期先第一次去食聽人講話蒸氣鍋可以保持海鮮嘅鮮味而且食完海鮮後嘅粥底融入咗全部海鮮材料嘅精華上openrice搵下尖沙咀嘅蒸氣鍋搵到呢間叫《正宗水上人蒸氣鍋專門店》口碑賣相都唔錯 即管去試試呢間正宗水上人蒸氣鍋 位於厚福街嘅街口地點超級方便餐廳嘅裝修好新 而且座位又有卡位同圓枱啱曬一家大細或者朋友聚會海鮮方面有好多唔同種類嘅選擇貝殼類 蝦類 蟹類 魚 差唔多你講得出嘅呢度都有每一種類都有過十種選擇最抵錫嘅係呢度大部分嘅食材都可以逐隻逐隻 又或者少量咁揀就算兩個人來撐枱腳都可以食到唔同種類嘅海鮮材料鍋底方面揀左鳳凰水蟹粥 $198（細）即係雞加水蟹 原來蒸氣鍋嘅粥底係唔需要加水只係用材料嘅水分加上蒸氣煮成粥 令粥更加鮮甜美味依家like佢facebook專頁 仲有每人一隻聖子皇送添 醬料方面有成二十種選擇隨各人喜好 隨便混醬呢度嘅蒸氣鍋預設咗倒數時間 又有專人貼心招呼海鮮唔怕蒸得過火紐西蘭鑽石蜆 每份88蚊呢隻蜆真係不得了冇沙之餘 粒粒蜆肉脹卜卜 充滿海水鹹鮮大元貝王每隻58蚊今次試咗黑松露味同蒜蓉味兩者感覺截然不同黑松露口味較為創新蒜蓉味就較為基本

　　半個月前~ 男朋友請我食woooooolo..... 果間，今次都請佢一餐好既~以前成日都係佢請~ 係時候做番d野~ 同佢食留餐好既~　　咁就去左正宗水上人到食海鮮大餐！！！　　　　因為平日既關係，7點半入去都冇咩人，但坐多一陣，大概8點左右就開始人多~ 如果星期五六日都係最好就book定，甘就唔會怕要等~　　我地2個人都唔係好餓，所以就揀左個398左右既套餐，咁人少少又可以食多幾樣，會化算啲，不過其實我勁多野想食咯，下次嗌多啲朋友一齊黎食先！！　　咁我落左單之後，自己就出去拎醬啦，望住幫我地落單職員叔叔係大魚缸前面等拎我地啲海鮮，望住啲海鮮係即時撈出黎～搞到我對等陣既菜式越黎越期待～始終食海鮮一定要新鮮麻！！　　無耐之後就上左好多海鮮　　　　　　咁枱上面有得校時間提醒蒸幾耐既，夠中佢就會咇咇咇咁響，不過有專人幫我地整，我地負責食同食，哈哈　　男朋友幫我拆晒啲肉出黎～好正咯，好鮮，重正過係福建食果啲蜆仔，又清甜又無沙！我食5隻都無中一隻蜆係有沙既～正　　我地重有個黑松露蒸扇貝，本身都無留意上面既係黑松露，以為係秘製醬汁，食完先覺得好夾，幾得2既味道。而且，個扇貝我一口食5晒，分左兩

自從上次四個女仔食過蒸氣鍋之後, 一直念念不忘.之後原班人馬再搵食,這次朋友找到另外一間不錯的餐廳,大家夾好時間, 相約閒日收工再去大擦一番.正宗水上人蒸氣鍋位於尖沙咀, 就在加拿芬廣場對面的小巷內,位置十分易找.今次用的蒸氣鍋外貌很有趣, 外型就像一頂藤帽.聽說是有效保持食物的原汁原味.配有計時的電子鍋, 不怕蒸得太老.餐廳有套餐供應, 如果想抵食一點,套餐不妨是一個好選擇. 不過嘴刁的小伙伴表示散叫更合心意, 可以吃到自己最想食的東西.未食之前, 可以去醬料吧幫自己調配合適的調味料 醬料及配菜選擇特別多, 我就最愛於鼓油內加上大量蔥花及榨菜粒.南瓜豬筒骨粥 (中) HK$128粥底選擇不多, 這個看似比較清新.原本以為中份量的粥底不夠吃, 誰不知這個粥底夠10個人份量. 餐廳會先於鍋內放入南瓜豬筒骨粥底配料, 不需要加任何水.之後放上隔層網就可以開始在上面蒸海鮮.花蛤皇(份) HK$78當造的花蛤很肥美, 蛤肉不會太瘦, 正是肉身飽滿的時間.有鮮甜的海產味道, 也有海水的鹹度.黑松露蒸大元貝 HK$58/隻黑松露香味濃郁, 加上元貝肉厚大粒,底下更墊有粉絲盡吸精華,這個推介要試.黯

今晚收工，约了幾個好朋友聚餐，大冢最後選了水上人蒸氣鍋專門店試試。餐廳裝修很中國化和舒適，店內還擺放不同配料和醬油調味櫃供客人自己調較。待應遞上套餐和散叫的餐牌给我們。我們點了黃金汁聖子皇，特大元貝，美國石蠔，手打四寶丸，臘香鲍魚粒蒸糯米飯，金蒜篜勝瓜和梅菜蒸菜遠。開始時，侍應先將水上人神仙粥的食材先放進入鍋內，材料有珍珠米，椰青水和肉排。完成此程序後再放上蒸盆，這樣便可開始蒸海鲜了。侍應根據食物所需時間分開將海鮮和其他食材放於鍋內清蒸。全程都是有侍應負責，我們只是等食，服務一流。清蒸的和帶有蒜香味，石蠔蒸完仍然很大隻和多汁，非常鮮味。元貝用了黑松露和蒜蓉調味，更能帶出元貝鲜甜。用清蒸 方法烹調蔬菜，更加原汁原味。神仙粥特別之處，用了椰青水來煮，甜甜地，很特別。吃完以上主菜，當然要試下中式甜品啦。馬拉糕是我的最愛，真的沒有令我失望，很鬆軟和不太甜，口感一流。今晚這餐飯非常滿足。

今次幫好朋友慶祝生日，特意選了她喜歡的蒸海鮮，眾多之選中最後是水上人，因為水缸放置近入口位置，海產新鮮程度就一目了然。環境比我之前光顧的同類型食店較寬敞，最貼心是有usb叉電插頭，這裡原本也捉到小精靈！Pokemon go!!套餐雖多款抵食，但份量太多及我們想吃黃油蟹，最後是單點。Like 水上人facebook就送上蒜蓉粉絲蟶子，免費的一點也不馬虎，夠大隻爽口彈牙，粉絲吸收了蟶子鮮味，另有惹味蒜蓉，簡直是絕配。貝殻類實在款式眾多，第一次品嚐鑽石蜆 $88，店員調較的時間剛好，鮮甜味非常濃郁，剛熟、嫩滑彈牙。波士頓龍蝦 $248出爐的橙紅色龍蝦令人食指大動。龍蝦肉彈牙肉厚，鮮味十足，不過蒜蓉太多會搶去鮮味。黃油蟹 $198大閘蟹就食得多，黃油蟹還會第一次，夠新鮮 放在檯上還會爬來爬去，蟹膏多得很壯觀，質感黏口，跟朋友share就剛剛好。海產相當新鮮，令人回味無窮，不過太多雜費要收，一千蚊內還可接受。

近呢兩年蒸氣鍋真係周街都係,食過都有好幾間,有好有唔好既,最重要果句食材要新鮮....用蒸既方法,就係想保持食物既鮮味,如果本身食材唔新鮮真係會想人再黎食都難~去尖沙咀捉精靈,行過厚褔街口,見到好大個周中師傅推介(有睇美女廚房就知邊個),唔知係代言定佢係老細,原來係蒸氣鍋,見都有海鮮set 都係3百幾,4百幾蚊就去試下.食蒸氣鍋同打邊爐一樣中間都要有個鍋既,套餐真係幾抵食,有粥底,幾款海鮮,菜,牛或豬等等,怕食唔晒都可以散叫,有每份計/每兩計......出面有個魚缸仲可以自己捒海鮮左邊係象抜蚌仔,右邊係聖子皇 聖子係送既,只要like佢地既facebook每位送一隻,仲可以選黃金汁/蒜茸粉絲/清蒸雖然係送既個質量都唔差,大大隻非常彈牙,蒜茸份量剛好唔會搶左聖子既鮮味,粉絲它好似係配角,但當佢吸收晒聖子同蒜茸既精華,分分鐘比主角更吸引 將象抜蚌仔切成條狀,相信係平均同易熟一啲,蒸左大約30秒,就食得好好食,真係爽口鮮甜 波士頓龍蝦,大大隻蝦鉗,至愛蒜茸開邊蒸蝦肉肥大肉厚,仲有唔少蝦羔,龍蝦真係無得輸架

海鮮是我的至愛, 不論是何種菜色, 那種煮法. 近期潮流興海鮮蒸氣鍋, 貪其夠健康, 今次食了$398, 和$498套餐, 已試了大部份菜色.粥底當然是留在最後吸收了海鮮精華才吃. 龍蝦 - 有膏, 波士和南非龍蝦比較, 後者稍勝.象拔蚌仔 - 大仔, 勁鮮味, 好正黑松露蒸元貝 - 加黑松露有點畫蛇添足, 蓋過元貝的鮮味胭脂蚌 - 較特別的一種蚌, 味道方面, 感覺上與其它蚌沒有大分別.總括來說, 海鮮蒸氣鍋只要海鮮夠新鮮, 不蒸過火, 都不會有大問題了. 

第二次食蒸氣鍋，第一次是潮福，今晚就試下水上人。入到店內，裝修華麗闊落，桌與桌之間有屏風阻隔，有私隱，不是普通的中式酒樓裝修，坐得舒服。看過餐牌，選了A餐。立即去混醬....先上鑽石蜆及花蛤皇，鑽石蜆肥美鮮甜，好重海水味，不用點任何醬料，已很美味。花蛤皇味道較淡，無沙，肉質滑。象拔蚌仔，肉厚飽滿，鮮甜有嚼口。貴妃蚌爽口，配上金菇，金菇菜吸收蚌汁，鮮味滿瀉。波士頓龍蝦，蝦肉彈牙，啖啖肉，正！奄仔蟹多膏，蟹膏甘香，蟹肉亦相當美味。怪味禾豚肉，豚肉很爽，惹味。梅菜菜芯，食左咁多海鮮，食D菜令個胃好過D。最後是南瓜豬筒骨粥，所有海鮮及肉的精華所在，粥味鮮甜可口。

連周中都推介食蒸氣火鍋, 就知道有幾熱潮啦~ 我又好怕熱氣, 唔打邊爐, 原來蒸氣火鍋都係一個選擇! 超多款式選擇既醬汁, 最特別係有泰式辣醬, 湖南醬, 薑蓉, 菜絲菜脯, 重慶醬 等等淨係蜆肉已經令人驚訝啦, 超肥美, 黃黃的蜆肉部分肥肥的最好食! 蜆肉本身就有少少海水咸, 成隻蜆飽漲到!好難拆殼既龍蝦! 估唔到佢殼咁硬, 但原來越難拆越好, 因為拆完就食到佢好豐富既肉汁, 平日好少食到咁濃既龍蝦味! 肉質又彈牙又滑, 我唸應該係新鮮捉上水的吧?煮完海鮮既湯底加埋煲粥應該係最正既配搭啦, 仲有2條筒骨可以食, 女仔同男仔都唔理儀態係咁吸啜! 好正! 最後仲有生果送, 好細心~

蒸氣鍋在香港已盛行好一段時間，由身邊好多朋友試，試完同我講，到衣家已經無咩聽到朋友講，對一D新興熱潮一向唔熱衷既我，一向都等人排夠隊先慢慢歎！今次家人帶隊去呢間水上人食，全家都已經食過多次，得我一個鄉里。店面唔算大，但座位尚算舒適，卒之比我見到傳說中既草帽，有趣有趣。店裡面既混醬，十足十打邊爐，數十種配料漿料任揀，食新鮮海鮮當然要食原味啦，好多漿汁都係味濃，但係又好吸引，我好勉強咁混左兩碗，用黎空口食……好變態，但係想講，佢個沙醬係好正，好香，我攞左1/4碗，空口食下食下食晒，實在忍唔住！餐牌上九成都係海鮮，有D都唔係成日食到既，就叫左幾個餐Share………….由於唔洗廚房煮，好快手就已經攞晒D料上黎，鍋底先放左入豬桶骨、南瓜同米預備粥底。煮食全程由店員服務，店員根據唔同食物種類，分批張食物放入個蒸氣鍋！先食既係鑽石蜆、胭脂蚌，兩者都唔算太大隻，但肉質肥美鮮甜，份量唔少。象拔蚌仔切成一絲絲，有厚度，口感爽脆，味道極之鮮甜，呢個要比十個讚。南非龍蝦同波士頓龍蝦我地都有叫，每樣都食左半隻，夠新鮮。南非果隻肉質較爽口彈牙，仲要有膏…正！花蟹仔，蟹味濃，實肉，件頭唔細。雪花和牛，well…….

上一趟和好友在此食到了一頓非常令人愜意的海鮮蒸氣鍋。今次再斬四兩，偕極好此道的為食兵團一眾人到來這裡的新分舖，大啖港式海鮮....新舖明顯比舊的來得更闊落，冷氣亦來得更強勁。最後忍不住要著侍者將最近我檯的冷氣機關掉才頂得住....那呈海藍色的魚缸陣及檯上的竹藤帽依舊健在；另外"混醬counter"當然也少不了的，依然在一眾醬料找到了如泰式雞醬及湖南醬一類較特別口味的東西。但最愛簡約，喜吃原味的我，頂多只溝了一碗集合了生熟蒜、蔥及醬油的醮料，而且最後在吃時基本上都沒有多醮，頂多只在吃牛、豚肉及菜蔬時大派用場....不過特別一提的是這裡的沙茶醬是異常的香及惹味得讓一眾交口稱譽，差不多便開口想問侍者是否有樽裝可供買走....是夜我們點了兩款套餐，其中以不同的貝殼類海鮮為主。一口氣的試了好幾款，可算是吃了全年quota的總和了....在品嚐過後眾人不約而同的認為既爽脆又鮮味的象拔蚌仔最令人難忘....其次肉邊緣帶有點點胭脂紅色的胭脂蚌以及鑽石蜆。完全不需醮醬來作無謂添加的它們肉身飽滿之餘又倆貫著海水的鹹鮮。若此時再加所謂的添味醬料的話，那就真是暴殄天物了....蟶子皇雖是大路嘢但是夜在此食到的

Pokemon Go推出一星期，已成灸手可熱的新玩兒，竟然引得井水、整餅及板臉英雄都沉迷着要當訓練員，出外四出捕捉小精靈。透過一般的手機，可以捕捉的精靈有限。仮面超人團隊在雷達系統方面的開發技術，遠比任天堂更為先進。其實在社區還有很多的地方，隱藏了許多特殊的精靈。是夜仮面Sky開啟仮面radar ， 發現到一處精靈聖地， 於是立刻顆同肯恩，井水，整餅與板臉四大名捕趕往食店聖地，捕捉 "鮮" 屬性系稀有品種小精靈。店子是正宗水上人最近在尖沙咀新開的分店。登記地址雖然是加拿芬道，但食店大門入口其實是在厚福街街口，與朋友相約時乾脆說是位於厚福街的食店還更好找。食店老闆本身與演藝界藝人關係非淺，上Facebook看看便可略知一二。除了邀請得周中師傅作推廣推介，不時會有藝人集郵照片刋登。連鄺美人也可被捕獲，明星效應已為食店作出很好的宣傳。没有過份鋪張的裝潢，少許的擺設與設計，與食店正宗水上人的名稱互相呼應。二樓入口旁一列偌大的魚缸，將新鮮的海鮮食材盡收眼瞼。食店的開放時間基本上分為四個時段，由中午時段至深夜。Facebook打卡基本上是指定的動作，不同時段可以享用不同的附加優惠。深夜到來練習，更