正宗山西刀削麵皇

營業中

休息中

全香港能吃到刀削麵的食店,不出兩三間.荃灣沙咀道的山西刀削麵,係其中之一間.上周家母有命,下令小弟露一露面.順手食埋刀削麵.同媽子在荃灣,上酒家上得多,兩個人唔吃得多,來此麵店才能吃得滿足.打開餐牌,見到有幾味冷麵,小弟要客什錦刀削麵,諗住唔夠,再叫多客.一上桌,份量很大,一個人幹掉也感吃力.仲有我有心理準備要執媽子手尾.前菜拍青瓜,青瓜很爽甜.酸汁很醒胃,媽子唔受得辣,絕對深慶得人.冷麵賣相的確麻麻,面頭的沙律醬,踏過底下的青瓜絲,牛展絲,生蒜粒.撈埋火紅色但唔辣的醬料,刀削麵煙煙齦齦,很有咬勁,有別其他外江佬淋劈劈的麵條.同廣東系的蛋麵形成一脈.媽子個豬軟骨湯麵,刀削麵放湯後保持其勁度,豬軟骨做得非常稔熟,骨頭軟到索索聲.照前文食家一粒雪話齋,未食過的,下次一定要食.不出所料,媽子半碗過後已經拉停,剩下來的,當然由我來包底.眼闊肚窄,差點出事,下一次再來,要叫埋家弟出馬先掂.

呢到豬軟骨先至係極品. 軟骨大大件,唔會太硬,又唔會好似牛根咁淋,你o地下次一定要食啊!

話說上回吃了個有水準的麻辣冷刀削麵，已認定要再來吃其他的菜色。剛好與專兄提起，大家也有興趣，就約埋幾位食友來「掃」下個餐牌。天時暑熱，當然是吃涼伴麵而棄熱騰騰的湯麵，餐牌寫有5款，其中一款以新彊為名的沒有得供應，就叫了另外四款，分別是「特色冷手拉麵」及「消暑冰手拉麵」，「什錦冷刀削麵」及「麻辣手撕雞伴冷刀削麵」。幾款冷麵，賣相平平，但吃落都各有特色。最討好的是「消暑冰手拉麵」，是真的有一粒粒的凍飲的冰粒在面的，確保夠「冰」。麵汁甜甜酸酸的，非常醒胃。如果可以加點辣，就是日式中華冷拉麵的味道，相當之不錯。自家打製的拉麵，吃落有咬口，有水準。同檯食友都對這冰拉麵評價不錯，如果只吃一味，我會選這個；「特色冷手拉麵」就比較普通一點，都是生蒜粒加大量青瓜絲及牛展絲，加上麻辣料，吃落都不錯；兩款刀削麵以上次吃到的麻辣手撕雞較好，刀削麵很有咬口，配上各式麻辣料，仍然有水準，是另一味都吃得過的；「什錦冷刀削麵」賣相相當嚇人，有大量的沙律醬放上去，活像沙律似的。但拌勻再吃，味道又真的幾好，感覺又不如看見的怪，也是出乎意料的不差。總括而言，四款冷麵都算各有特色，相當不錯。除了冷麵，當然也不忘試試其他小吃。

上次食完後真是念念不忘，剛巧星期六落荃灣買野，又可以趁機再食。我又要了麻辣雞絲冷刀削麵-真是食過返尋味，除了夠麻又夠辣，麻辣醬及雞絲又夠多，夏天食真係幾刺激。不過今次刀削麵較腍身，欠缺點韌度，削得較細塊又較碎。可能冰容了關係，食到底時出了唔少水。老公要了刀削麵套餐，雲吞水餃刀削麵-兩者都ok，不過雲吞皮較厚，淥得不夠熟透。而套餐送的凍豆漿，雖然唔甜又夠豆味，可惜是完全不凍的。今次又食番麻辣豬，感覺已沒有第一次的食好。點解又係第二次不及第一次呀~~~

亞媽未食過刀削麵...今日專登同佢黎試下! 叫左個牛肉擔擔刀削麵....原來係牛...佢切左薄片...幾淋同埋好多塊! 媽咪話湯底太鹹...! 另外叫左個小食...海蜇..又係同上次既青瓜汁一模一樣...好鹹...!我諗除左刀削麵...其他小食我都唔駛再試lu!

趁下星期學校開會前特登響荃灣區搵食,因為遲d可能出入呢區多,又鍾意食麵就試下咁多笑面既刀削麵啦!鬼咁熱,叫左個"消暑冷刀削麵"試下,其實佢冷麵有幾款,但都係麻辣之類既,另外有款叫特色冷刀削...我見之前有人post食過特色冷麵,似泰式酸甜汁又有d辣,所以特別問阿姐"消暑"同"特色"有咩分別囉!哈...佢真係答得太好啦,"吓,小姐,好難解釋架wor,咪麵囉,點講好呀..." 我又見佢趕住落單咁,咪話"是但啦咁,要消暑.."其實睇樣同口感,同之前人地post過既係幾乎一樣既??又係酸酸甜甜,有d辣,有人無話到我知兩者有咩唔同呀? 仲有呀,d麵同汁真係唔夠凍,食到底d冰出晒水tim,真係要快吃呀! 不過我好客觀既,d汁真係幾開胃好味,麵底都唔錯,同埋份量真係好夠,我食過元朗果間生記,食完都好似唔算夠咁,所以我幾鍾意呢間,會再黎食既!

經常黎呢間食, 特別鍾意食麻辣豬扒刀削, 豬扒入味又唔實, 好好味. 刀削麵有口趙頭, 不過要趁快食, 浸耐左就唔好食. 麻辣好正, 辣得黎唔會搞到成碗獨沽一"味".星期一至五有下午茶餐,$17, 有麵有野飲(加$2), 好抵!

今日同老公黎第二間試下刀削麵, 今次我叫左個蕃茄肉醬拌刀削麵, 原來係走左湯...雖然唔係好凍...不過, 好岩我, 因為我食襯湯麵多數走湯....(怕熱)! 酸酸地好醒胃, 而且都有好多蕃茄! 老公叫左個特色冰冷麵, 呢個有冰鎮住, 啲麵都好煙韌, 啲汁似泰式既...又酸又甜又辣, 唯一唔好係食到最後...冰會溶哂, 水汪汪咁! 另外, 飲左杯豆漿..我覺得唔太濃...!

看完網友介紹,和朋友去了吃下午茶$17 =豆漿+單料刀削麵/拉麵叫了1.五香牛肉刀削麵-五香牛肉不錯,刀削麵幾有口感2.紅燒豬手刀削麵-豬手一般3.鴨腎拉麵-一般,朋友說拉麵好吃d4.麻辣肚絲-正!又麻又香又辣!想不到會咁好吃^^下次會再吃其他小吃!

昨日趕完死線，終於有時間出來喘喘氣，友人說要在八月前還清生日債，見有時間，就約到荃灣食野吹水。早幾日聽老頭子說荃灣的刀削麵甚為了得，只要唔揀加了沙律那款就行，兩人食量不多，就叫了特色冷麵、雞尖、豬手。特色冷麵睇頭心足，用冰鎮著，麵削得好薄，軟熟而有咬口，有水準，但還是喜歡力生下面的蘭州刀削麵，夠厚夠煙韌，吃得出麵味來，說回此品，撈麵的醬又紅又鮮艷，友人說是泰式醬，試一口又甜又酸，那種甜度出面是難吃到，有水準，試幾口已大汗淋漓，是帶少少辣的，說來也奇，吃掉大半碗麵，還是冰力十足，怪哉。豬腳，是滷的，幾入味，嫌炆得不夠腍，但想想，豬腳炆太腍的話會散，叫做收貨啦。雞尖紅噹噹，初時還以為是紅椒，原來是椒鹽做的，又鹹又甜幾特別，而雞尖炸得又香又脆夾雜著充足的油脂，又是水準之作，值得推介。邊吃邊聽著師傅將麵團打在檯面的聲，是餐廳的增值位。

星期六在tw表演完,,一行八個人乘的士去這裡=wwwwwww=的士司機告訴我們:::::::下午茶最抵,, 只需$18聽到整個哀怨Orz|||||||||||因為我們去的時候已經是晚市了大家都點了刀削麵~ =v=我點的是雙拼:::四川擔擔+雲吞刀削麵~drink選了豆漿]]]]有些人點了chicken wings,, 有些點了水餃..在此不作詳錄了=p只記下了她們的一些感覺]]先說我的感覺::::::::四川擔擔的花生味略為淡,,雲吞的皮超滑>//////<可是餡料的味道只是一般]]]刀削麵就真的很不錯~超有咬口豆漿......真的蠻像水一mmmmmmmmmmm一因為它只有super少的豆味~"~其他人的感覺::::::哥利亞跟巨毛就覺得chicken wings過份salty @@"spy就覺得蠻多味精]]]]肉意就覺得她的阿華田很甜ｘｏｘ而且白菜有陣怪味一一""""""ks則覺得水餃+ 雲吞都沒什麼特別~不過皮很滑,, 倒是真的=p還有.. 忘了but大家都覺得刀判麵是蠻不錯的~~~ 很有咬口]]]衛生是@#$的!!!!因為某肉意親眼看著廚房的阿姐...沒帶手

嘩! 終於有熟客仔同台主o黎呢到啦! 除o左刀削麵會令我三兩個星期都要特登走一轉之外,香辣豬軟骨亦引人入勝! 我試過係母親節當天預訂十笿淨豬軟骨做家庭派對o既小食! 送飯或麵確一流!

成日想找出色的麻辣菜，因為在香港做麻辣的食肆不少，但真正做得出色的，卻不多。有不少食友推薦過這裡，而麻辣食友專兄都對這裡的評語不錯，所以極有興趣，就趁是日落再荃灣來試試。果然有水準，不枉我老遠摸來。三點幾來到，人客可不少。看餐牌，這裡主力賣拉麵及刀削麵，還有碟頭飯及小炒等等，還有不少的小吃，幾夠陣容。拉麵即拉，刀削麵即削，誠意十足的。天時暑熱，就要了麻辣手撕雞冷刀削麵。等了一陣至有得食，檯麵用一個大碗盛著，相當之名份量。至於賣相，老實講只是平平。手撕雞是真的是「手撕」的，吃一口，味道實在是不錯。花椒的麻，黑椒的辣，因為是凍食，味道不靠熱力揮發，但同樣夠味。吃著吃著，發現味道又不止黑椒及花椒這樣簡單，還有生薑絲、生蒜粒、花生粒，一點不馬虎。尤其是生蒜粒，味道刺激又辛辣，相當之不俗，我雖不是北方人，但喝白干吃生蒜粒，可又是另一種happy hour的形式。混和中間的一堆帶酸味的蒜蓉辣醬，單吃配料也味道層次豐富，精彩；刀削麵全壓在底，長短及鋒度不一，呈狗牙狀，不用吃，單看已知是刀削的。麵身帶點咬勁，淥得剛剛好。溫度是夠凍的，配上麻辣的手撕雞來吃，很美味，是高水準的涼伴刀削麵。環境只是一般茶餐

唔知係咪口感問題....硬係覺得d力削麵...唔好食~~而且可能我叫炸菜肉絲~~無咩味~~~所以...ok啦~~不過下午茶~~17蚊~~~ok 啦~~

同2個同學來吃叫左豬軟骨刀削面,麻辣湯年糕,上海蒸餃我唔太好spicy,因為皮膚差,但我覺得麻辣撈埋落湯,味道幾gd~我最欣賞係刀削面,唔會太韌。大河道有檔專賣刀削面的,d面韌到嘔~食完個胃好辛苦~蒸餃就唔叫好過叫,因為只不過係街邊餃貨色。奉勸各位細食或食量一般人士,唔好自己叫一碗面食,因為一定食唔晒。最好的做法係同人share,然後再叫小食~