正宗山西刀削麵皇

營業中

休息中

因屋企電飯煲壞咗, 附近多電器店, 方便格價, 今天便在這裡先醫肚. 這店已開了多年, 但門面不吸引及甚少在這頭開餐, 所以一直未到過此食店, 只是上星期見到這裡的下午茶吸引, 便想到這裡.點了菜肉雲吞刀削麵加豆漿, 餐牌上只有凍豆漿, 問女侍應有否熱的, 她說當然有, 來到時只是"暖", 但總好過無. 麵來後賣相很好, 有三粒菜肉雲吞加三棵白菜仔, 初食覺得湯底很夠味, 刀削麵入口時很滑, 但咬時有點粉團感覺, 我不知刀削麵應有的口感是什麼, 跟一般麵食很不同. 之後越食越覺得鹹, 喝了啖豆漿, 再食時仲鹹, 算, HK$18一個餐不能要求太高, 而且仲食得很飽, 不過, 為健康著想, 希望食店可減少鹹味.

尋晚唔知食咩...男友話要食麵........諗起呢間鋪都有幾多好評,一於試試先....20:00幾去到..都仲係幾多人...一睇餐牌..都幾多選擇!~叫了兩餸麵餐...男友要菜肉雲吞+牛展刀削面...我呢就要水餃担担拉麵...仲有一個小龍包...男友0個碗湯底算濃味..唔會淡..good!~牛展好多..有7大塊..我0個碗呢d担担好少呀..味道唔差...但我下次唔會叫呢個餸law!~~^^"小龍包ok la!~都有汁,但唔係好多,細細粒...都幾好...跟餐豆漿大杯呀..飲唔晒....夠cool~~下次會再去呀!~~想試麻辣同冷麵同炸餃(呢個多人叫wo)...

I like to hang around that street to get quick meals. This is the one that we will absolutely never return to.We ordered two bowls of noodles, a plate of vegetables and two drinks. The drinks should be fine. But there was a bunch of hair inside the vegetables and a few in noodles......My friend & I were so scared. We left there without finishing half......

兩個人去晚飯，見openrice 的comment 不錯，一於試試。我地點了豬手四川擔擔刀削麵及酒香滷肉刀削麵 (這兩都是一餸，餸可在約10款內任擇一款)，價錢都是大約$35 左右，包一杯凍豆漿。先說豬手四川擔擔刀削麵，麵帶點"un"，浸久了也沒有"林"，也不見發脹，幾好！這裡的刀削麵食落不會令人感覺一嚿粉咁，感覺不膩。由於本人少少怕辣，所以沒有把擔擔醬混和，只是偶爾把麵往醬醮下便算，不過只是這樣已經怠受到醬的香，醬內有不少的花生粒粒，不會太過大粒而覺得"ung"牙。醬不太辣，但也食到出汗，好刺激，好在有涷豆漿！！最後講下豬手，炆得幾夠林，好味。至於酒香滷肉刀削麵，材料豐富，滷肉很不少呀，切得夠薄，唔"chi"牙，都幾好食。至於湯是清湯，清清地幾好，不會太"漏"。因為男朋友仔怕我不夠飽，所以加多個小食--炸餃子。嘩~這個炸餃子一來到，我地就即刻食，熱到辣親條脷，擔保新鮮熱辣上枱。附有沙拉醬，不過無乜沙拉醬味，所以點唔點都無所謂。不過覺得餃子的皮厚左小小，唔知係咪北方的餃子的特色呢？(北方人要多吃澱粉質等飽肚食物) 本人較喜愛薄皮的餃子。又講下豆漿呀，亞姐"針"到好大杯，差唔多滿出來，好

早幾日去左食呢間麵店，因為o係openrice見到佢d comments 都好似幾好，況且我未試過刀削麵，於是就走左去一試la.店子可以容納幾多人下，所以晚上顧客幾多但係都坐唔滿，可以坐卡位，都算幾舒服，又唔逼。店子感覺是清潔的，美中不足是有一隻小小昆蟲時不時o係檯面飛來飛去，有少少影響整體印象。二個人當晚吃了一個四川擔擔刀削麵、一個酒香魯肉刀削麵。我吃了後者，碗刀削麵好大碗，都幾飽肚。碗麵上擺著一排薄薄的魯肉，整得幾淋，不過其實唔太入味，相反個湯底就ok，令d麵都入味。今次o黎重點是吃刀削麵，d麵做得好，一條條麵條，一邊厚d，一邊薄d，薄d o個邊有波浪紋，咬落去真是煙煙韌韌，好有咬口(不喜歡麵條太硬或太粉)。此外，再點了一個餃子，炸得幾脆，很熱的，不過，只因餃子皮身太厚，即使炸得夠，入口有d硬，個餃子d肉普普通通罷。另外，套餐包一杯豆漿。

一直想到濕地地園拍攝, 剛好專兄換機, 也和食友 A 行一趟. 去完濕地公園, 出返荃灣食 late lunch, 專兄提議吃個刀削麵, 我當然舉腳讚成! 走到門口已是下午茶時間, 但店內仍人頭湧湧, 不過這裏 turnover 極快, 不消一會便找到位置安頓好. 馳名刀削麵, 當然要試其是否虛有其表, 專兄提議吃冷刀削麵, 愛吃麵偏硬帶爽韌的我一定說好.豆漿 ok, 只作一般貨色, 不過解喝度幾夠. 醉雞有三隻翼尖唔太掂, 酒不夠香和入味, 廿多塊不太抵食, 各位可以不理.麻辣肥牛肉夠麻夠掂又夠香, 但怕蒜蓉者應避之.小籠包三蚊一隻又夠平, 專兄的麻辣手撕雞冷刀削麵我試了一口, 辣不算很辣, 但麻味很足夠, 最重要是麻味吃完才慢慢滲出來, 真好味!!! 不過下次我會減辣減辣, 我怕火山爆發呢!我的特色冷刀削麵樣子不甚美觀, 難聽的說很駭人, 一 pat 沙拉醬圍著一圈, 一點不吸引, 但當和配料混入一起吃又很合適, 牛展和大量蒜蓉, 正呀, 唯一是可能沙律醬太多了吧, 都有點點滯滯的, haha. 出色有韌勁的刀削麵, 每人吃得飽飽也只是五十多塊, 勁抵食呀!!!!!謝專兄推介,

好耐無食刀削麵了，第一次來，但有久違的感覺。店入面播緊八九十年代d愛情金曲，D阿姐一口帶鄉音既白話，幾親切。環顧店內，卻吾見削麵師傅，可惜見識吾到柳葉銀魚離刀落鍋的景象。一個大碗端上來，賣相不錯，面白而軟，細而長，一條條浸在湯中。好面要有好醋拌。店內的醋吾錯，香過普通鎮江香醋，不知咩牌子。咬落去面質還算好，但厚度參差不齊，有d厚到中間還未煮透，看來店家生意吾錯。終歸系香港可以食到甘既面，系甘拉….全碗落肚，滿足地離去。

記得第一次去這間店食野時,真係覺得好好食,d麪好煙韌,d湯好好飲,真的.....但自佢開始開到第三間店時就開始走下坡了,琴日下午就同女友來呢間店度食晏,叫o左醉雞,一碗雞翼水餃刀削麪同一碗五香牛肉魚蛋擔擔拉麫,先講醉雞,真係冇味,會呂會o廿難食呢,碗刀削麪,d麪淋到呢,真係好過分,o廿係刀削麪咩,拉麪相比起就好d,但都同以前差好遠啦,d餸就更加差,唉~~開o廿多分店,但都唔夠d勁o既師父,唔差就真係冇可能啦!

唔記得睇下師父個樣tim. 第一: 入面環境唔同左, 好似黑左d. 格調有少許不同.第二: 碗刀削面一擺低, 嘩, 咁薄ge, 以前又厚又大條.懷疑換左人甚至換過老細, 加價又細碗左. 呢個經已成為餐廳ge統一技巧.但係湯仍舊好野.面都好ge, 不過就係薄左好多咁囉.不嬲都係咁, 刀削麵 係最正, 而你叫咩餸其實都唔太好味架0者.刀削麵!

很久沒來，碰巧要找點吃麵的資料，是日就來吃吃刀削麵及手拉條。周日下午來到，人客不多，就要了豬軟骨刀削麵及麻辣雞絲拉麵。先來些前菜，就來一碟拍黃瓜。黃瓜拍得不夠碎，吃落有點實。汁也酸酸的，要後加糖才好一點，這碟拍黃瓜，有點失手。只見師傅拿起麵糰，三兩下手勢，就煮好兩碗麵。刀削麵很對辦，長短不一的刀削麵條，邊幅呈鋸齒狀的，吃起來中間位煙韌，邊位滑溜，有水準。如果熱一點就來冷刀削麵，現在就吃放湯的，感覺也不差。豬軟骨煮得腍身，湯底是有點味精，不過全都是配角，我所想吃的，是麵矣；拉麵也出色，吃起來帶爽勁亦有咬口，麻辣雞絲是越吃越麻的，反而不太辣，雞絲還是手撕的，仍然有水準。要了涼伴，也做得夠凍，是暑熱天時不二之選。無論拉麵及刀削麵，這裡也是即叫即做的，單是這一點，便充分解釋了為何要老遠來吃，相信我還會再來，因為，我喜歡吃麵。要彈的是衛生一項，時常有小蟲在飛飛下的。埋單七十蚊有找，非常經濟，是麵迷必來的地方。

我聽完朋友提及過呢間舖, 又上過黎睇下D食評, 於是抱住試試下的心態去。由於我係荃灣區返工, 食飯時間由2:30pm-3:30pm, 所以專程去試下。第一日叫左個$33雙併餐 - 五香牛肉併水餃刀削麵, 湯底真係有少少似出前一丁, 五香牛肉味道ok, 水餃皮太厚, 味道一般, 刀削面好多, 算大碗, 我覺得麵質太厚, 食到口軟, 至於杯豆漿普普通通。第二日去試左個$18下午茶餐 - 坦坦手拉麵, 麵質口感唔錯, 睇得出真係手拉(見到有D粗有D幼), 但係個坦坦醬就超咸, 食完成個下晏要狂飲水都仲係好口渴

我最愛!即場人手即打一落單就打我次次去都係叫上湯拉麵咩都無最食得出拉麵ge味道最緊要係俾$3x可以有表演睇果度d師父即場打拉麵真係好有氣勢!之後我都會再加多樣小食果度d小食真係辣到飛起但係辣得黎又好爽!真係好正最好食係麻辣手絲雞d雞肉好滑辣得黎又有雞味

荃灣有幾間刀削麵，我食過路德圍一間，我覺得一般。不過呢唔錯呀，ｄ麵唔會太厚同粗，而且個湯都好唔錯。我最鍾意食個豬肚。唔錯ga。^^

早兩年前我重係青衣返工 , 差不多逄星期六我都會去荃灣食刀削麵 , 鐘意食辣既我一定點麻辣肚絲加菜肉雲吞刀削麵 , 重要多蒜頭同多麻辣 , 真係超正呀!!! 今日要去荃灣買東西 , 諗起好耐都無食過刀削麵 , 梗係叫返我既例牌嚟食啦 , 徐咗價錢貴咗之外 , 味道依然不變呢 ! 另外隔離街都有一間分店 , 但我都係覺得哩間好食好多 !!!

昨晚8 時獨個兒在荃灣, 食怎麼好?點了 五香牛肉拉麵 ( 牛肉幾好味, 拉麵好彈牙, 但湯底較咸)豆漿 ( 有D少少酸味,不知是否天氣熱) 下次再幫襯的機會...應該唔多.