正宗山西刀削麵皇

營業中

休息中

lunch食左菜肉雲吞雞翼刀削麵麻辣手撕雞小籠包菜肉雲吞雞翼刀削麵- 菜肉雲吞都OK不過有點膩囉,雞翼浸到爛晒,有d似o係海o既浮屍浸到甩皮(犯想......),刀削麵第一次食幾好味呀!不過個湯呢就似出前丁丁麻油味湯囉!麻辣手撕雞,ok呀, 唔係勁辣,不過我覺得都幾油,滴晒油小籠包超唔得,個賣相似冇湯的鳳城水餃,冇湯汁可言,個皮唔應該用水餃皮!熱豆漿都幾甜下不過都值得一試o既

同媽媽去荃灣行街, 經過呢間刀削麵, 見到門口有好多報紙介紹, 諗住入去試試. 叫左一個雞翼米線, 一個水餃刀削麵, 小籠包同油菜. 除左菜無問題, 其他三樣都唔得. 湯底超咸, 好似飲緊鼓油加味精咁, 飲一啖已經想叫阿姐攞水. 米線好硬, 好似未煮熟咁, 不過雞翼ok. 媽媽既水餃好大隻, 不過皮超厚, 而且又硬. 刀削麵都係偏硬, 開頭食都覺得ok, 幾特別, 不過食食下就覺得個口好攰. 小籠包又係個皮好厚, 尤其頂部硬到好似咬唔入咁, 而且入面又無咩汁, 唔掂! 唯一可取係份量多, 碗麵好大碗, 如果唔大食2個人都夠食. 不過唔好食再大碗又如何.

成日都經過此店，初開張時幫襯過一次，好耐之前，無乜印象。早幾日終於再試，原因是同枱有一個朋友常常去食，佢話都唔錯，於是以試下心態去食。刀削麵不過不失，配料雞翼雲吞之類也不突出，反而我最欣賞它的抄年糕，口感不錯，不會太硬和太林，味道也不錯。侍應態度都ok，但衞生就一般。

2007年12月17日由灣仔走去荃灣試下. 去到FEEL到地下”滑山山”, 好似有痰禁, 我咪轉過另一張o羅! 結果一樣. 是但啦! 男友話佢d野好食, 算啦!唔記得叫左咩啦! 太耐歷史, 都係大家介紹果幾款啦! 我記得個醉雞幾好, 酒味夠. 刀削麵亦ok! 味道無咩特別, 只係刀削麵有新鮮感. 總括黎講: 行過一試無訪, 特登去就無必要.之後我問男友點解個地有痰, 佢話唔係, 係待應咩鬼都掃曬落地下, 所以油淋淋, 滑山山

新年過後因工作關係要在荃灣流連,發現有好多京川麵鋪,都要逐一試勻.因為未食過刀削麵所以要試呢間.叫個併餐($32)要牛肉加擔擔刀削麵,仲包一杯豆漿.刀削麵就好胃口夠爽口,不過牛肉唔夠淋而擔擔只係一pat汁無乜肉,而豆漿就好淡.除麵外其他都唔夠特色,好普通而己.

與家人到荃灣行街,碰巧到了這間刀削麵吃麵因自己不餓,兩個人叫了一碗香辣豬軟骨刀削麵以環境來看,碗麵的品質算是意料之外的優良四件大大件豬軟骨加上很多麵$27這樣的品質實在物有所值只不過吃後回想,似乎欠缺了「香辣」成份...還好服務不過不失,亦不太多客人,鬆鬆動動令個人較放鬆不過位置較偏僻,我們又不常到那裏去所以應該不會專門去光顧了但如果某日經過附近,再來光顧亦不足為奇

星期四上大陸之前經開...叫下午茶餐: 上海雲吞拉麵配豆漿另外散哎個小蘢包...拉麵睇住個師傅拉...點都ok~反而係雲吞唔係我想像中皮厚大隻果d...有d失望...豆漿送...算係咁啦~小籠包...麻麻...整體o黎講...31蚊...算平...o野食...一般...算OK啦~~~

13/10/2007 路過此店,欲一試刀削麵之味道,叫了一客菜肉雲吞,豬手刀削麵,麵身外圍軟,但中間較硬,估計應是烹煮時間太短, 湯底算OK.食至一半時竟發現湯中浮現出一隻類似昆蟲的小動物,特意提醒大家,下次光顧,進食前記緊檢查清楚, 以免反胃.

上個星期同友人黎呢度食飯，叫左個麻辣冷手撕雞刀削面，另外加多個小龍包，個小龍包唁得, 冇咩汁, 皮又有d厚，反而個面好有驚喜, 不過都幾難辣下...個醬好好食

五香牛肉刀削麵$24: 好大碗,份量都幾多,但湯好咸五香牛肉是好腍的薄片牛展,有好多片而刀削麵大部份削得過厚及硬,少部份則較腍及薄,為何這麼極端?

叫左一碗山西刀削麵,湯底唔錯,清清地,同埋好大碗,2個人食都夠..而且d刀削麵幾彈牙..另外叫多個麻辣豬耳+青瓜拌手撇雞...雖然好辣,但好好味..而且非常之入味...如果坐廚房隔離個位都幾得意,因為係開放式廚房,可以見到個師傳點樣整d刀削麵..

在門口見到話連蘭州都無既冰刀削麫，咁勁喎，點都要試一試。點知一試就知......，其實碗麫本身就問題不大，燻蹄青瓜再加上酸尾尾既汁，成碗麫亦夠凍，夠哂消暑開胃。雖然ｄ麫好似硬左少少，但未至於難食。不過我始終都覺得麫係要熱辣辣既先好食，下次都係叫番湯麫。

冰鎮冷麵，每次來這裡的指定動作。冰鎮著的冷麵依舊的冰涼，吃到底亦不覺跳入汪洋，為小店得意之技也。刀削之下是平條形、稜形及梯形三種麵形，薄身，曾聞麵形取決於刀的設計；看情況，是取決於削的位置多於刀的設計，水平切割自然是平薄形，四十五度斜切的話呈稜角，同樣是四十五度，沿方才落刀處繼續角切，出到來成梯形狀。最喜歡還是稜形麵，好的刀削麵外軟內煙韌，小師傅削的麵只能稱作外軟內「韌」，薄薄一片，吃不出層次感，加上麵質挺實，吃了四分一碗，投降，要幹掉此物，少點「牙力」也不行，又或者叫碗拉麵、一碗刀削麵，二人分感覺會好一點。每日單手托著重達十斤的麵糰，練臂力的妙方，菜鳥入門方法，可參考小師傅的方式，木棍穿著麵糰，並以前胸支撐著，曲手削麵，日子有功\，不久可削出條條皆薄的輕韌麵條。削麵技藝雖不及同區的蘭州拉麵，但獨門冰涼酸甜配方，久不久會來一試，若小師傅不以老街坊來開玩笑的話，會吃得更稱心。

刀削麵套餐$28(一)刀削麵好大碗呀, 我唔想"格硬"吃晒,好飽! 一入門口就見到師傅削緊d麵, 但見到師傅樣幾後生, 心諗唔通係學師? 試過都ok wo, 係麵身比較硬d, 唔夠彈牙, 但就好有口, 自己就係鍾意, 好有口感. 如果可以煮番淋少少就最好啦! 其實比起之前食過第二間刀削麵, 就真係呢度好味d ga! 唯一唔好就係湯底好味精lor. 湯年糕套餐$23(一)唔係招牌菜, 平$5一碗! 但味道都好好wo! 年糕唔係一片片, 而係條條, 呈長方柱體, 吃落就真係又淋又彈牙, 唔錯唔錯!

一食完就想留食評, 一向我都唔留的!! 但今次真係太差了, 不論食物及職員態度!!入到去, 已經急住要人落order, 咁第一次去, 都要諗一諗啦!! 諗左一陣, 叫人落order, 我女朋友叫了一個單拼麵, 個職員問要餐抵食, 我地話唔洗, 就問我女朋友飲唔飲野, 佢話唔飲; 到我叫另一個麵, 又問我飲唔飲野, 我話唔洗!! 佢就講:又唔飲呀?? 個感覺完全係唔飲野係有問題咁!! d態度真係難接受!!之後上既刀削麵, 真係超難食, 唔正宗都唔怪佢, 但係真係硬到唔係路!! 仲有價錢真係幾貴, 我o係"大家食"食都唔洗咁貴, 連價錢都唔吸引!!!我有d奇怪點解會有咁多個"好評"!! 希望多d新人試試, 睇睇係唔係我有問題, 不過唔好食唔好話我wor!!