正宗山西刀削麵皇

營業中

休息中

我倆都從未吃過刀削麵，見近近哋有間好似唔錯，於是一試。此店乾淨企理，阿姐態度又幾好，算係一間以客至上的麵店。我不餓，眼見隔離枱碗麵超大碗，便只叫一個$30元(包豆漿)的雙併set，同理一客五件的宮廷餃子。雙併材料我們選了五香牛肉和雲吞，麵當然要這裡的生招牌-刀削麵。先論餸菜，五香牛肉做得一點也不乾，軟腍入味，讚！雲吞皮薄，可惜溶溶爛爛，勝在素菜鮮肉餡夠新鮮。輪到主角刀削麵，口感煙韌，吃落有點像烏冬和上海年糕，對於喜歡「淋」食的男友，刀削麵並非他那杯茶。我嗎？當然滿意，因為我偏重具咬口的食物。刀削麵的確唔錯，可惜個湯底對於我這討厭味精的人來說，實在太鹹，唯有問阿姐攞杯熱水，替食物逐一泡浴，方能下嚥。宮廷餃即係鮮肉餃，皮厚，有點硬，不吃也罷。

ｏ黎到雲林菜館林立ｏ既荃灣，去試下正宗山西刀削麵皇ｏ華，店內客似雲來，全世界都要搭枱，品質應該有保障ｏ尼～好ｏ拉，我要碗香辣豬軟骨刀削麵，　而ｂｒｏ　就要紅燒豬手刀削麵ｏ吾駛好耐，兩大碗熱騰騰就送到，趕緊試ｏ炎先：　麵條ｏ既相貌雖則有幾分似河粉，但冇ｏ甘滑，係比較彈牙ｇｅ；　豬軟骨大大舊，煮得相當入味，肉質鮮嫩，ｆｉｎａｌｌｙ　到我平日至愛ｏ既軟骨　ｍｍｍ　好得ｏ牙！　ｄ骨粗得ｏ黎又ｏ吾太硬，仲好好咬ｂｒｏ　都對佢ｏ個碗讚不絕口，　ｏ合，冇介紹錯ｏ尼

睇過評語, 所以專程一家4口去試下, 我叫左牛肉+ 雞翼刀削麵, 老公叫左菜飯, 家姐同佢個囡囡叫左豬腸+ 雞翼拉麵, d麵的確彈牙煙韌, 不過我同家姐都比較喜歡軟身d, 俾既餸料都唔少, 另外叫左豬手, 都算幾好食. 不過有一樣野就係食完好口渴, 我地幾個返到屋企都不停飲野, 可能味精太重, 呢到係欠缺左少少囉.....

話說上次點了什錦刀削麵變担担麵, 這次特地重來, 點這個什錦冷刀削麵.麵是冷的, 吃下去酸酸甜甜的, 非常開胃, 味道一流. 份量是超級地多, 食極都食唔完. (其實份量可減少1/3, 再減一點點價!)味道比担担麵正好多好多!

今日專程嚟食刀削麵下午茶，去到都差不多5點半，好彩還有得食．叫咗嗰五香牛肉刀削麵，有好多片五香牛肉，d麵d分量都幾多，嗰湯好濃味，d辣椒油好"正"，都幾夠辣味，杯豆漿都好大杯，以$17的價錢都算抵食．

無聊無野做, 出到荃灣食tea見到呢間食評不錯, 來試試下午茶餐\連豆漿盛惠17大洋, 可惜冇豬軟骨揀~~ > <!叫咗個五香牛肉刀削麵牛肉係牛「月展」, 夠淋夠薄夠多(有成8塊)湯底咸咗少少麵比較有咬勁, 但我偏喜較彈牙煙韌的麵, 所以呢道的麵都係試過就算涷豆漿甜甜地, 正好解解湯底的味精下次都是有緣相見吧

星期日專程黎食刀削麵, 我叫左個雙拼, 要水餃&豬肚. 碗麵都幾大, 刀削麵彈牙有咬口, 幾好味~~水餃同豬肚都普通啦, 味道都ok. 不過湯底就類似牛肉湯既味道, 我本人就覺得麻麻, 同d餸都唔襯既.30元一碗麵, 我見到仲有好多小食, 菜飯, 小籠飽, 仲有一個叫豆腐小籠飽, 好新奇...下次要試下~

由不開心至和解才一天，翌日還收到美麗的鮮花，真的多謝龍的包容與心意! 　週二晚不用上堂，兩口子即相約撐檯腳；凍凍的想食麵，一於放工後搭的來荃灣試試這間人氣麵店。　龍牙痛關係，點的都是不用費勁咬的菜式，包括：東坡肉($12)-當然不會是正宗杭州菜館那種入口即融貨色，不過是煮得較稔的半肥豬肉罷。加上肥肉部份，味道都不錯的，但淺嚐就好了!五香牛肉及雲吞刀削麵($30)-份量好大!還好只叫了一碗，因為兩個人都吃不完。五香牛肉很鬆化，但香味欠奉喎，相比之下雲吞較好味；刀削麵質感ok，與元朗山西刀削麵差不多。小籠包($18)-賣相精美但味道頗差，始終這裡不擅長上海點心嗎?　加上飲品，埋單每人三十幾，幾平。不過個人覺得，元朗山西刀削麵辣辣的又多莞茜較正宗，當然最地道的味道應在國內找。　但話說回來，不正宗又如何?兩口子吃得暖暖的，感覺滿足，都算ok了!

自從7月搬0左0黎荃灣之後先知呢度好多麵食出名, 但係都只係試0左兩間, 今日終於再的起心肝, 拉埋媽咪同我去揀0左從未食過0既刀削麵, 呢間係冇喊面0既, 而且又近我屋企. 間鋪比我想像中舊, 普通茶餐廳咁, 不過衛生係ok 0既食物選擇唔算非常多, 我一心想食雞, 原意係手撕雞冷刀削麵, 但係今日天氣涼0左好多, 想食熱0野, 就叫0左熱0既, 走辣我覺得d 麵有粗有幼, 有厚有薄好得意, 仲好多0添; d 餸係另上0既, 伴青瓜絲, 咸咸的加上麻油味, 味道普通; 麵0既湯底好深色, 千祈唔好飲食完之後好口渴... 如果再去0既話會試冷刀削麵

男朋友將會搬到荃灣，所以做定資料搜集，看看有什麼好食﹗見咁多人都話山西刀削面好食，就去試o下啦，我o地一人要一個餐，我要雲吞擔擔刀削面，男朋友就要水餃豬手刀削面，再加一個涼拌青瓜。面碗好大，但見都係湯多，應該食得晒，點知越食越有，食極都唔完，真係唔可以睇小佢。而味道方面真的不錯，湯底好好味，餸又好味﹗下次會再試o下其他小食﹗

今日一家人去o左食, 之前都去過一次, 今次多o左ar爸. 叫o左四個餸.1. 手撕雞冷刀削麵: 刀削麵真係好有咬口wor,同埋我係見住個師傅削ga,d雞又好好味wor, 正!!! d醬好香, 不過媽咪唔食辣, 所以下次會叫唔辣.2. 麻辣雙拼: 有豬腸同熏蹄, 一冷一熱,cool~~~3. 宫廷餃: 有d似鍋貼, 係個鐵板上有蛋, 個餃底好脆4. 熏魚菜飯: 爸爸話d熏魚好好味, 有鰻魚的口感, 又唔乾身wor, 好多時d熏魚都好乾ga. 不過菜飯冇特別lor.真係好味又平, $120ja ma.

下午茶餐, 叫了東坡肉刀削麵, 送凍豆漿.東坡肉夠入味, 又不太肥, 有少少豬軟骨, 一流.刀削麵夠特色, 看上去像機製, 但開放式廚房讓你看着廚師貨真價實地製麵, 無花無假.最畫龍點睛的是那幾片莞荽, 連麵吃下去香味四溢.看餐牌, 平時一個麵大約束$28-30, 下午茶能以$17吃到如此質素的麵, 好吃又抵食.

點了什錦刀削麵, 可能太細聲, 侍應聽錯, 變成担担刀削麵, 覺得不對頭時己吃了一半….担担麵OK, 但當然沒有詠藜園好.另外要了豬舌, 味道不錯, 份量十足.遲點會再來試!

好多蒜ar..相信睇到上面嘅相，都會有咁嘅反應...真係好多蒜...先嚟個蒜泥熏蹄。D蒜多到完全蓋住D熏蹄，真材實料，攻鼻度可謂達至頂點。嘗蒜者如小弟真係過足癮；可惜熏蹄過瘦，如果係五花腩肉(白肉)就冇得頂lor...嚟依度點可以唔叫刀削麵呢? 就整個麻辣手撕雞冷刀削麵。辣有餘而麻不足，可惜可惜...刀削麵煙韌度十足，足到有D硬，但比起普通貨色，已是超人一班...份量十足，兩樣嘢都食剩，罪過罪過...成口蒜味，好似廣告入面隻餓狼咁...Wo....

同阿妹兩個人係想食麵之下去左呢樹食個麵,入到去都見到幾多人下,搵到個位坐低兩個人分別叫左......自己叫左個"豬軟骨刀削麵"(見圖)--個湯底唔錯同飲落味精應唔太多,而麵質咬落有咬口反而豬軟骨似乎唔太入味始終差小小,但大致都唔錯!細妹要左個"四川擔擔刀削麵"......我冇試過但見個湯底同麵都應同我o既一樣只係上面個睇極都唔似擔擔麵o既醬有d怪咁!聽阿妹講只係一d普通豆瓣醬一句"普通"!之後加多個小籠飽都只係普通可以唔叫都得,下次去都係以食麵為主!