樂天皇朝 (利舞臺廣場) (已搬遷) 新店位置

樂天皇朝已經食過無數咁多次，呢間應該係我重顧次數同頻密程度最高的餐廳，原因好簡單，環境靚、食物好、價錢合理，特別係銅鑼灣店就最得我心熟悉的前菜跟茶壺，喜歡呢款軟淋淋的花生，無咁熱氣健康得多每次見到呢個平日6折優惠都好想享用，但只限平日下午茶時段，辦公室人士表示無緣享用，正夕冬天，餐廳推出左時令蟹粉套餐，由頭食到尾全部菜色都有蟹粉，蟹粉粉絲必點陳皮五香牛肉 ($58)五香牛肉切成薄片，鹵得入味，有淡淡陳皮香，作為涼拌小食不錯蟹粉小籠包 - 6隻 ($108)小籠包可以ORDER 6隻或者10隻，我地得2個人叫6隻就岩岩好，今次捨棄平常必點的八色小籠包，時令蟹粉真係唔好浪費，每隻金黃色的蟹粉小籠包要趁熱食，皮薄餡靚，蟹粉味又香又濃蟹粉豆腐 ($128)再來另一道蟹粉菜色，蟹粉配味道淡淡的材料就最岩，可以更加突出蟹粉的味道，同樣地有濃厚的蟹粉香，如果唔係我地已經叫左個炒飯，一定會叫白飯一齊食蒜蓉清炒菠菜 ($62)每晚都要食蔬菜，今晚我地就選了菠菜作為我地的纖維朋友，蒜蓉係用上炸蒜而非鮮蒜老田家菜肉雲吞湯 ($52)湯底無味精可以放心飲，ORDER左呢個雲吞湯就唔洗另外專登叫碗湯，咁樣叫慳好

去到銅鑼灣🤔就諗緊食咩好，突然想起小籠包就去咗樂天皇朝🤤我地就點咗八色小籠包每隻小籠包都有特色，不過我最愛吃麻醬油麥菜又清爽又脆口🤪又叫咗糖甜酸魚塊好大件，兩個人都吃唔曬。

今日有個新加坡朋友黎左香港玩，諗住帶佢食個中菜，揀左呢間自己都係第一次食既樂天皇朝，點知食食下佢先話我知原來呢間係新加坡餐廳😹😹裝修係低調奢華，有件鏤空既皇袍係度，感覺上係度食飯都有型過人😎👍🏻佢聞名既小籠包，好多人會選擇8色試哂所有味道，但我就淨係想食蟹粉小籠包😆佢既蟹粉小籠包粒粒都金黃色，上枱已經聞到佢香味❤️一咬開就有肉汁，皮薄！絕對對得住佢名菜既名🤗食下又一粒，唔洗一陣就比我清哂🙈因為大家都想食辣，仲叫左個水煮牛肉（小辣），如果你同我一樣都係想食但唔太食得，建議你都揀小辣！因為會愈食愈辣😹😹牛肉依然好嫩，仲有芽菜，薯粉係底，吸哂個辣汁既味😻好食但好辣😹😹最後叫左碗清淡既拉麵，雲吞豬骨湯麵，個湯有好濃既蒜蓉味，which I like it😎 但到最後有d太飽，食唔哂🙈

一向好鐘意食蟹粉系列既野食見到樂天皇朝有得食，已經約定朋友啦銅鑼灣店既環境好好啊不過等位既人都唔少，平日都人頭湧湧啊！黎到樂天皇朝，點可以唔叫小籠包*蟹粉小籠包，六個皮薄，但唔易穿，最緊要係飲左入面個湯汁個蟹粉味真係大滿足，好好味啊~~~鐘意食津白，又愛蟹粉*蟹粉扒津白，一定要試下蟹粉量係極多？特多？仲可以撈飯食，大人細路都鐘意啊*李白醉雞花雕酒味超入味啖啖肉保持水準人生第一次食三色瑪瑙蛋蛋，全部都係蛋賣相好靚啊！唯一缺點係兩個人叫既話，份量會比較多雪菜蝦仁炒飯我地特登叫黎撈埋個蟹粉食既（蟹粉津白上面既蟹粉）原來簡單用雪菜已經好香，最緊要唔會好油丫雖然好飽，不過甜品係必要的！*擂沙湯丸*桂花酒釀丸子非常推介擂沙湯丸！食落仲䁔架！啲芝麻好香，湧住出黎個皮煙煙韌韌咁今餐真係好滿足！

經過銅鑼灣就揀咗樂天皇朝,兩點幾到入坐時佢問我地等唔等下午茶,三點開始下午茶但入坐計,下午茶有六折,但仲要等半個鐘,所以無等lu。無試佢個八味小籠飽。叫咗排骨湯麵,生煎飽,鍋貼,酸辣湯,豆沙鍋餅。排骨麵份量少,得兩舊排骨。生煎飽都唔係好熱,唔脆口。鍋貼ok啦。酸辣湯好辣,又酸又辣,比一般上海店既辣。豆沙鍋餅凍的,唔知係咪因為佢比錯咗再換過關係,佢第一次比咗蔥油餅。整體覺得佢d野食麻麻地,無咩特別。

開心等2018年到啦，今晚來吃樂天皇朝！當初知佢嚟香港開，好開心。因為一路聽新加坡朋友話不錯，所以有佢後，都食左幾次！蟹粉白玉盅 58元，一盅可以2個人食，份量多，非常抵！點解？首先一開，香氣撲鼻既蟹黃味，熱辣辣。看得見的蟹肉和蟹黃。豆腐小小粒粒增加口感同香嫩滑感覺。湯濃蟹味同薑味，廚師調味好好，少少薑辣味同蟹味十足，而不咸帶酒香。松子鮮果桂魚 238元太多汁，有點過酸。松子同鮮果多既，開胃菜。魚size中等，炸得白黃，但未到蘇脆。感覺小熱氣點，橙色脆硬之身包住白魚肉。服務貼心，專門比多個碟我地食。大方一樽薑絲比客人任添，屋企人愛吃薑，岩哂啦。榴槤小籠包 88元，叫個時怕怕地，未食過甜色小籠包同擔心蒸左既榴槤會失味。低頭食中，眼未見真身，就已經嗅到佢嚟啦！榴槤容在口，對於愛好者係滋味嫁，不俗既新嘗試。點薑醋係無味嫁，因為榴槤味好重，嘻嘻。聞香葱油餅 35元，小小一碟，一口一件有蔥香味同酥餅多層爽。不辣五香牛肉豬骨湯拉麵 68元，拉麵份量適中。麵條硬度夠爽，未到偏硬。麵湯汁不咸不乾口，飲了少少。至於五香牛肉有香味觸法在牛肉上，牛肉算林，但根位硬身左d。千層油糕 28元，係上海街頭食過覺得

在樂天皇朝吃東西都不是第一次，每次跟朋友來都是叫八色小籠包，不過大家都是分得一個或是兩個，其實就有點不滿足。今次專程來到銅鑼灣店，來吃小籠包啦ＸＤ銅鑼灣店的裝潢很有氣派，甚有中國風，坐在這裡吃飯很有對味。隨便叫了一些涼菜及小菜，當然也要叫小籠包這主角啦！服務員很快就幫我點菜下單，未己芝麻醬油墨菜及口水雞就上枱了。麻醬油麥菜——油麥菜是用薄薄的青瓜片包著，伴著芝麻醬一起吃，意外的好吃得讓人驚艷；作為開胃菜是非常好的選擇！成都口水雞——雞肉很嫩，吃下去的雞香味不錯，麻辣不太麻不太辣，甚至有一點甜，對愛吃辣的人來說這個不合格。不過我不愛辣，綜合來看這個口水雞適合大部分人的口味。蟹粉炒飯——蟹粉比飯還要多，$128這份量很良心了。蟹粉的味道有很濃濃的蟹香，但有點偏鹹，單吃的話有點受不了，不過伴著飯來吃味道是一絕。竹筒剁椒蒸魚片——因為不想吃得太膩，想來點酸酸辣辣的小菜，就選了這個。意外地這個蒸魚片比我想像的更為出色。表面鋪了一層厚厚的酸菜及剁椒，使下面的魚片吸收味道，魚片吃起來是爽口且滑滑的，魚味稍弱但酸菜的酸及剁椒的辣彌補了它魚味稍弱的缺點，反而變得酸酸辣辣有層次，著實佳品。原味小籠包及蟹粉

今日同媽媽去咗銅鑼灣嘅樂天皇朝食午餐，裏面環境設計格局優雅，非常適合一家人或者朋友聚餐。黎到當然要嗌下佢哋個招牌皇朝小籠包 $98一籠有八個唔同口味，分別係原味、芝士、人蔘、黑松露、蒜香、鵝肝、麻辣、蟹粉佢有教你要食邊個先嘅次序，由淡至重口味咁食！當中最推薦係人蔘味，除咗外皮係有香濃嘅人蔘味外，連入面嘅豬肉餡都有人蔘香！芝士口味係真係有一粒芝士係入面，外皮都有芝士香。黑松露有一片厚身嘅黑松露係入面，但餡料就無咩黑松露香。所有嘅豬肉餡都肥瘦分布均勻，入口生香，而且湯汁豐富！瑤柱芙蓉賽螃蟹 $82雖然只係一款普通嘅菜式，但係蛋白煮得嫩滑，調味適中，做得唔錯！只係略嫌瑤柱份量過少。揚州糟溜滑魚片 $92魚片肉質爽滑，而且夠厚身，啖啖肉嘅口感非常滿足。芡汁帶點酒香，當中還有黑木耳。整體清淡而不失美味，不錯！蟹粉豆腐 $128蟹肉和蟹膏的份量十足，配上嫩滑的豆腐，味道鮮甜！只是略嫌過油。薑汁酒炒芥蘭 $62芥蘭非常幼嫩，而且薑汁味十足，感覺非常新鮮！宮廷驢打滾 $38糯米部份非常軟糯煙韌！外面的黃豆粉加相中間甜蜜的紅豆沙餡，吃下去非常滿足！擂沙湯圓 $38外面是滿滿的花生粉，而中間是香濃幼滑的芝

點了一個二人套餐，只能夠說除了蟹粉，還是蟹粉。其實好食，不過份量好多，主要真係食蟹粉，所以樣樣嘢都加咗啲大閘蟹蟹粉，仲要係加好多好多。基本上碟碟餸嘅味道同顏色都係一樣，食完感覺有啲悶。個飯最好食！我覺得似用日本米，因為飯粒細，炒得又乾身！連茶錢加小食同老公必叫的啤酒，埋單都只係八百蚊。其實平，又抵食。不過如果唔係趕住去行街買禮物，餐廳又只提供個半小時其實真係真係冇乜時間食。下次情願食自助餐。一次過食太多蟹粉，我諗我短期內都唔會再食蟹了。

今日去了鑼灣樂天皇朝 ，聽講個度新推出美味蟹菜，即管去捧捧埸~~一入樂天皇朝門口，見埸地寬落，座位舒服，透過門口廚房透明玻璃已看見大廚整緊餸~坐下便急不及待叫了蟹膏菜第一味未吃先有特別配搭的小前菜!花生粟子，花生粟子很林甜，好味！第一味:蘿蔔酥! 一碟三件，色香味俱全，金黄色外脆皮， 一絲絲清甜的蘿蔔， 一層層脆脆的酥皮，口感無窮，老少咸宜。第二味:樂天皇朝嘅表表作小籠包!我吃的是原味小籠包，皮薄餡靚，外皮彈牙，一咬口便有濃郁的肉湯流出，而且肉鮮不肥膩， 讚不絕口👍😋第三味:蟹皇宴嘅蟹粉白玉盅！一打開便聞到好香嘅蟹香味，原來食落去有好多蟹膏粒，再加埋滑滑豆腐粒，入口香濃流滑，食過返回味😋第四味係蟹粉蝦仁!蝦有鲜蝦味，蝦肉彈牙，上面鋪咗一層蟹膏汁 ，海鮮味十足，值得一試🤤第五味:蟹粉扒津白!採用了菜膽，上面鋪了一層蟹膏汁😜😜 第六味係甜品:千層油糕!一上枱就聞到好香奶味，一層層一絲絲嘅糕層，口感鬆化，奶味十足😋

今日我同朋友黎到樂天皇朝，終於可以一償心願試到慕名已久既皇朝小龍包跟住佢推介既次序去食別有一番風味，特別係蟹粉味、黑松露味同麻辣味令我印象特別深刻！跟住我地再食個生煎包同炸饅頭，呢啲簡單既菜色更彰顯到廚師功力，物超所值。之後我地再試京醬肉絲，似係北京片皮鴨既肉絲版，都非常好味！再嗌左個個蟹粉炒飯同炒白菜仔，已經食到好滿足，每款菜式都係誠意之作正所謂甜品係另一個胃，所以最後就算食到幾飽當然都要食甜品啦，我地叫左個驢打滾仲嗌左個沙鍋餅，都相當不俗。呢間樂天皇朝個格局仲要好好座同好有自己既空間，最適合一邊歎美食一邊暢談。下次會再帶朋友黎！

今日同一個新相識嘅朋友食飯。由於大家都鐘意食。所以一拍即合。一齊上網搵餐廳（銅鑼灣區。因為大家都係同區返工）見到Openrice 樂天皇朝有皇冠。而且食評都唔錯。地點又方便。就係時代廣場對出嘅利舞台廣場。一於試試佢。出就係樂天皇朝。門外有好大張梳化，方便食客等位。餐廳好大，不過我自己就覺得燈光比較暗。如可以光猛少少就更加好。坐位就幾舒服。餐牌都有好多食物選擇。真係唔知揀咩好！麻醬油麥菜-賣相非常靚，用一片薄薄嘅青瓜包住油麥菜葉。再揸上秘製麻醬。好清新爽脆。京醬肉絲配薄餅-京醬肉絲有點兒似片皮鴨的醬汁。夾上京葱用超薄嘅薄餅皮包住。口感非常唔錯。之後我地仲用咗麻醬油麥菜嘅菜包一齊食。又有另一番味道肉碎乾煸四季豆-味道唔錯。四季豆嫩。冇渣重慶水煮魚-我地叫咗小辣，辣味剛好，食落有少少麻。面層佈滿指天椒。配上龍利柳，芽菜，百葉，薯粉。龍利柳好滑冇骨。百葉爽。皇朝小龍包8隻-8隻都唔同的。黑松露-味道濃郁。芝士-但我覺得芝士味唔夠。人參-好香人參味。麻辣-少少麻辣味。鵝肝-鵝肝味特出。仲有蟹粉/蒜香/原味。肉汁及肉都好好味。只是覺得小龍包頂就厚咗少少。整體好味的桂花酒釀丸子-唔太甜，酒味香濃，

今日同屋企人嚟到銅鑼灣呢間樂天皇朝 係食上海嘢嘅餐廳 一入到嚟燈光昏暗 但係裝修得好有格調 中間有一條長廊係整到水池咁 另一邊就係卡位 而牆身都有唔同嘅裝飾 喺個咁靚嘅環境食飯 味道都得以昇華 前菜叫咗李白醉雞 醉雞畀咗雞脾我哋 肉質好嫩滑 而且個皮係爽脆 一啲都唔油膩 加上花雕酒嘅香味 好易入口 雞肉都好入味 皇朝小籠包 喺呢度嘅招牌菜 佢有八種唔同嘅味道 所有小籠包都皮薄多汁 當中最特別同最好食嘅就係黑松露小籠包 一咬開已經好濃沃嘅黑松露味湧出嚟 然後入面並唔係用黑松露醬 而真係用黑松露 仲有五蚊銀咁大嘅大片黑松露喺入面 超級驚喜 沙拉排骨 都有些67舊 上面沾滿咗沙拉醬 肉排好厚身 而且整得好林 同上海排骨差唔多糖醋魚片 佢嘅糖醋係咕嚕肉汁 但係配咗魚片 魚片大大嚿 肉質好嫩滑 冇出面餐廳嗰啲魚片嘅鹼水味 好食 蟹粉炒飯 炒飯底炒得好乾身粒粒分明 而且係用珍珠米好有咬口 上面嘅蟹粉汁超多蟹粉 不過蟹粉味唔夠濃郁 蒜香排骨拉麵 好細心咁樣分開上 唔怕浸淋啲排骨 排骨好厚肉而且整得好林 係上面加咗炸蒜 味道好夾 拉麵好有咬口 而且有半隻糖心蛋 味道同價錢屬於中上 但係最欣賞喺呢度嘅

平時都好鐘意食蟹，今日收工特登約老友去樂天皇朝朝聖。夜晚7點幾已經好多人，不過入面好大，所以都唔洗點等就入得。一埋位就有一碟小食送上，有花生同栗子，食落好稔好入味。懶得拆蟹肉又想食蟹嘅我地叫左大閘蟹套餐。蟹粉白玉盅可以一人一份，賣相好吸引，一打開個盅蓋已經聞到蟹香，真材實料，每啖都有蟹肉蟹粉，好鮮味！蟹粉蝦仁，蝦仁好彈牙，加埋蟹粉一齊炒，蝦同蟹嘅配合令道餸鮮上加鮮。蟹粉豆腐，豆腐好嫩滑，清淡嘅豆腐同蟹粉一齊煮好野味。蟹粉扒津白，蟹粉嘅鮮加埋津白嘅甜，配合得天衣無縫。蟹粉炒飯，炒飯好有鑊氣，面頭加上蟹粉，蟹嘅味道好濃郁，蟹粉有非常多蟹肉同蟹膏，真係食落啖啖都好滿足！最後我地叫左個擂沙湯丸，即叫即整，外皮煙煙韌韌，黑芝麻流心餡甜而不膩，值得一試。

我朋友說想吃八色小籠包，我們便去了樂天皇朝，它就在利舞台6樓，位置十分方便很容易找，之前跟家人也來過一次，今次只有兩個人就可以試更多唔同的味道我們兩個人點了很多菜，先來個李白醉雞，這個雞肉很嫩滑，酒味很濃，個人喜歡酒味較濃的醉雞，所以很合我的口味，跟著是麻醬油麥菜 ，之前沒有試過油麥菜，是朋友推介必吃的，油麥菜口感十分爽脆，再配上特製芝麻醬，很清新的感覺吃紅油抄手主要是它的辣汁，喜歡它的麻度和香味，沒有太辣蟹粉白玉盅，味道很鲜甜，十分足料裏面有海鮮和豆腐，清清地也不錯最後的主角是皇朝八色小籠包，原來每個小籠包皆有精巧的18摺，分別有原味、蟹粉、蒜香、麻辣、人參、鵝肝、黑松露、芝士，朋友說一定要吃黑松露味，因為松露的味很突出，而鵝肝比較沒有很特別，吃了4個口味後，還是覺得原味最適合我的口味