樂天皇朝 (雅蘭中心)

營業中

休息中

好多年冇食樂天皇朝喇, 今日再食感覺味道依舊, 唔錯位於旺角既呢間分店地方都幾大, 環境寬敞, 坐得幾舒服~~而家屬於秋冬季, 店舖主打食蟹呢....有多款蟹宴菜式選擇主餐牌就更多菜式供應啦, 好多都好吸引, 選擇困難又出現咯除左飲熱茶之外, 仲有多款凍飲~~呢個前菜小食$15真係超讚!!!好少食到炆得咁淋咁綿又入味既花生, 好正 原味小籠包 $68即叫即蒸熱辣辣~~小籠包皮既厚薄度剛好!! 唔會太薄至漏汁, 又唔會太厚再加上肉汁豐富, 餡料鬆軟瑤柱芙蓉賽螃蟹 $93食上海野好鍾意食佢既賽螃蟹~~高手師傅炒既蛋白又嫩又滑....加蛋黃&醋一齊食味道更豐富又出眾木樨肉炒拉麵 $88呢個炒麵落左單5分鍾就黎喇, 超快呀~~黎到既時候係熱辣辣出晒煙架, 真係快靚正木樨肉有多款配料, 例如雞蛋, 豬肉, 木耳, 菜等.....整體味道剛好, 唔會過咸或太淡~~宮廷驢打滾 $48驢打滾即係糯米粉做外皮, 內裏捲住紅豆餡, 再滾上黃豆粉, 就好似驢仔係黃沙中打滾咁~~好鍾意呢個甜品, 超軟糯既口感令人滿足感爆燈!!紅豆餡又唔會太甜, 味道同口感認真一流, 黎到必食之選!!

睇menu問有冇lunchset, 話冇, 但都想試吓咁都冇所謂，照睇有冇野岩食，門口個接待員行埋黎話而家主食有85折，佢一再強調主食，咁聽落計番都ok, 味道ok,不過不失，食完埋單見主食冇折，問佢主食唔係有85折咩，啲服務員第一句我地係外賣先有，我話係門口個接待員自己主動講主食有85折唔係我講（個接待員講果陣提都冇提過外賣兩個字），跟住第二個服務員黎，又講埋同一樣野，我話你搵番門口個接待員黎講（聽倒係Lxxx), 個接待員行埋黎話係外賣先有，即係其實呃我入去食完就話冇啦？！可能冇乜生意先做埋啲咁既野Ps:男經理服務態度幾好，係門口果個做生意不老實，老實講折左都係平左10幾蚊姐，你唔講都會食，純粹覺得比人厄左既感覺😅

朋友外地回港，相約旺角處理點事情，在雅蘭商場正直中午繁忙時段，左揾右揾，想食中菜，又要不限時間，又唔使等位，坐得舒服，於是決定過來樂天皇朝吃小籠包。朋友在門口看著大大個餐牌，已選定數款點心，於是一行三人，決定一路吃一路傾⋯⋯這個茶壺很有特色，外地朋友很喜歡。原味小籠包$68~招牌小籠包有兩款選擇，一是原味，另一款是彩色，而且每個味道不同，更可自由配搭，但相討之後，決定原味，吃回最基本。竹炭流沙包$45~包未算熱，但仍流心。蘿蔔絲酥餅$45~看色水，不是千年油，熱騰騰，大家都很喜歡。紅油炒手$65~薺菜黃魚春卷$53~用料用黃魚，可能難以控制火候，未見吸引。整體來說:點心水準平穩，在這裡，三個人到來吃點心都相當合適，因為大部分點心都是三件，但某些點心價錢偏貴，但勝在坐得舒服，地點就腳，方便傾計的一個好地方。

樂天皇朝📍旺角彌敦道639號雅蘭中心2樓203及205號舖樂天皇朝係香港屹立左多年出名嘅上海菜餐廳呢度嘅八色小籠包好出名 有八種唔同嘅味道今日約咗朋友嚟食個晚飯 試埋其他出名嘅上海美食🥕蘿蔔絲酥餅新鮮做起熱辣辣外層酥皮鬆脆 有層次感入面嘅蘿蔔絲有調咗味一齊食口感好豐富喎🥟招牌原味小籠包同樣係呢度嘅招牌做到皮薄餡靚可以點埋醋同薑絲啱啱蒸起要即刻食 會食到濃濃湯汁😌🦆上海風味醬鴨上海菜濃油赤醬 醬鴨入味非常就咁食已經好濃味🍲雪菜鹹肉炒年糕份量唔少 炒年糕一定要趁熱食雪菜同鹹肉唔會過鹹 年糕都好入味🍡宮廷驢仔打滾好少見到嘅甜品 係凍食用糯米包住紅豆蓉 外面塗滿花生碎煙煙韌韌 十分滿足👍🏻

依間雖然多分店但之前都未試過，今次試完都明點解平日夜晚都咁多人！餐廳坐嘅位置都闊落，同朋友聚舊傾下計都幾岩首先叫左個特色皇朝小籠包($138），八色由天然食材提煉而成，所以食得好放心。而八色分別係原味、絲瓜、鵝肝、黑松露、芝士、蟹粉、蒜香同川味。餐廳都有建議進食個次序，由淡味食到濃味。整體黎講每款都保持到皮薄多汁，特別口味係皮連入面個肉都用左果款材料整，所以味道自然足，好正！另外叫左個蟹粉鍋貼（$55），依個係季節限定，煎得好靚，外皮夠脆，入面個肉保持到水份，有淡淡嘅蟹粉香味。仲叫左個皇朝擔擔拉麵（$65），幾抵食，拉麵好幼好滑，吸哂香濃充滿花生麻醬香味嘅湯底，好味！依間野食選擇仲好多，所以一班人黎到食都實滿足到唔同人口味！

今晚放工同老公落咗旺角買日用品，落開嚟買嘢，就食埋晚飯先返屋企費事煮lu🤭老公話呢排同我食咗好多熱氣嘢，所以喉嚨有啲痛🥹今晚呢餐唯有陪佢食返清淡少少🤭🥢我哋今晚揀咗呢間星加坡過江龍餐廳 — 樂天皇朝👑食上海菜😌因為見佢哋Menu咩都有得食，都幾多選擇☺️先叫個前菜開一開胃先😎川味涼皮 $58拌勻後嘅涼皮超爽滑🤩帶微微嘅酸➕辣🌶️係一款唔錯嘅前菜❗️🥢一場嚟到，當然要食老公最鍾意兼佢哋嘅招牌菜 — 小籠包啦❗️特色皇朝小籠包 （八色）$138根據紙仔介紹，由原味食到川味，味道由淡到濃咁樣食就最有感覺喇😌鵝肝➡️好清香嘅鵝肝味，但食嘅時候係鮮肉口感，幾得意🤭黑松露➡️咬落去已經好香松露味，入面啲湯汁都有啲松露味滲出嚟，唔錯😌芝士➡️咬開已經見到好大pat芝士係隻小籠包入面☺️但估唔到芝士同鮮肉mix埋係咁夾😋蟹粉➡️蟹湯➕蟹肉味濃郁😍 我個人嚟講最鐘意呢一款☺️川味➡️ 微辣得來充滿麻辣香，唔算太辣，好易入口☺️生煎包 $45比起我平時食嘅普通生煎包size再大一d😲包底微脆得來唔會煎得過硬👏🏻入口軟綿綿仲好有蓬鬆感☺️而且肉餡都超鮮甜好新鮮，完完冇隔夜肉/雪藏肉果種味道🤩🥢鮮蝦豬肉雲吞豬骨湯拉麵 $83一碗有4粒

1️⃣小籠包$138八種不同色彩的小籠包，除咗顏色唔同，味道都有唔同，打卡一流📷包括: 原味蒜香人參鵝肝川味芝士蟹粉黑松露❇️個人覺得蟹粉超級好食😍完全真材實料，好多蟹肉❇️鍾意食辣嘅我就覺得川味都超級正🌶🌶⏺除咗咁樣一次過叫晒八隻味道，仲可以嗌單一嘅味道第一次試完鍾意咩味之後就可以叫返自己啱口味嘅👍🏼.2️⃣紅油炒手$65紅油炒手粒粒都好多餡，但係比我呢就覺得唔夠辣同埋佢上邊會加咗少少甜甜嘅脆脆嘅粒粒，食得都幾特別.3️⃣金華火腿炒年糕$93基本上年糕自己係冇乜嘢味道，一定要連埋金華火腿一齊食年糕煙煙韌韌配搭埋金華火腿味道就啱啱好.4️⃣醉雞$88醉雞葉德非常入味，每一啖食一口都濃濃嘅酒香而且個雞唔會特別鞋口.📍環境中間好闊落，會坐得好舒服雖然上菜嘅速度比較慢，但係一邊飲下茶可以慢慢地食.人均大約$200

如果講到食上海菜，樂天王朝係我心目中一直都係一間評價幾唔錯嘅餐廳，二來分店多，幾乎遍佈港九新界，今次就完完全全為咗佢嘅小籠包以及竹炭流沙包而黎！

招牌原味小籠包 $68 
招牌小籠包，唔使多講， 皮薄餡靚爆晒汁，一定要趁熱食，如果唔係啲皮就慢慢會變凍變硬😎

蘿蔔絲酥餅 $45，竹炭流沙包 $45
點心同樣出色，尤其係個流沙包，除咗奶黃香之外仲有淡淡咸蛋味，非常好食🤤

辣子雞丁 $98
我哋叫咗少辣，唔好俾佢個樣嚇親，味道係啱啱好，雞粒炸到香脆，送埋飯一流🥰

皇朝擔擔拉麵 $65
麵質幾好，軟硬度適中，帶微微辣度，芝麻香味稍微不足，如果再香麻一啲一定會更加掛汁好食！

瑤柱芙蓉賽螃蟹：無蛋香，蟹肉不多。肉碎乾煸四季豆：肉碎有微辣，炒得乾身。原味小籠包：皮薄，會爆汁。上海炒年糕：有冬菇絲、肉絲、白菜絲、津白絲加入一齊炒，很入味。

要欣賞中國菜的特色文化俱傳統菜式外店中馳名「手作包點/水餃」或「小籠包」亦非常受歡迎，新鮮食材水準穩定每粒形狀厚薄適中兼透光、以口感軟腍精緻既賣相之餘「三鮮鮮肉水餃」濕潤肉餡分量混和湯汁，肉味鮮甜不鬆散薄身而不易破外皮加添醋吃更提味！「李白醉雞」滑溜肉質軟嫩豐富且彈性，雞肉連皮食酒香四溢，經花雕酒浸泡風味極佳真是懶人福音「上海炒年糕」大眾化的小炒(燒、燜、炒或放湯)卻能帶出家鄉風味，雖然材料簡單以醬油調味放入一起炒，將至年糕切成片煮至稔身入味讓人大快朵頣「炸饅頭」金黄酥脆色澤現點現炸香氣也撲鼻而來，香軟既口感保持之餘蘸埋煉奶食超邪惡

旺角雅蘭中心樂天皇朝地方幾大空間感十足，座位同座位次間夠闊落，而且餐廳裝潢都有品味，帶點富貴唔俗套，感覺都幾k。-餐廳以各種上海菜為主打最出名莫過於可以睇師傅即場包的小籠包吧～即叫即蒜，真的皮薄餡靚，最重要係肉汁滿滿，夾上黎唔會穿底外皮皺摺公整，每一粒都相同大小功力一流。-陳皮五香牛肉切得好靚，片片厚薄一致淡淡的陳皮香味，滷得入味豐富的膠原也讓人超愛。-蝦仁酸辣湯拉麵好大碗，集醋酸香辣於一身材料也多豆腐，蝦仁，木耳，旬絲也爽爽的拉麵麵條也彈牙不過淋-雪菜咸肉炒年糕年糕夠煙韌，雪菜咸肉的香味都滲進年糕裡咸香好食，是上海的味道呢～

今日係旺角shopping完，想食小籠包，所以約埋朋友去這間餐廳。八色小籠包是這裏的主打，所以點了一客，上菜時見到唔同色既小籠包，但又唔知什麼顏色是什麼味道，所以要照着餐牌試，細味品嚐。剩是小籠包已經食咗好一陣子。另點了小黃魚，炸得金金黃黃，帶點微辣，香脆可口，味道不俗，但略嫌條魚細了少少。每次食上海菜必點的了蔥油餅，都係比較細份，同油比較多，有點失色。但服務員態度良好及勤快，這個可以讚一讚👍👍

好耐冇同媽媽撐枱腳🍽️~前幾日同佢喺旺角行完街，就同鍾意食中菜嘅佢去左呢間餐廳☺️🌟招牌原味小籠包上菜時熱辣辣，每個小籠包都摺足十八層皮薄得嚟又唔會一夾就穿，肉餡夠曬鮮味🐷不過食嘅時候要小心🫢因為咬落去超多肉汁🌟蘿蔔絲酥餅越黎越少餐廳有得食蘿蔔絲酥餅，一見到menu有就即刻叫左清甜嘅蘿蔔絲粗幼度啱啱好，口感十足一咬開外層酥皮一層一層分明散開，鬆化香口👍🏻下次絕對要encore！🌟松子鮮果桂魚松子鮮果桂魚炸至金黃香脆，賣相好吸引🤤魚肉唔會炸到散曬同乾曬，仍保持嫩滑彈牙🐟加埋酸酸甜甜嘅糖醋汁非常開胃🌟上海風味醬鴨呢道上海名菜，味道濃郁，甜中帶鹹香醬鴨肉質軟嫩，唔會柴🦆鴨肉嘅油脂加上香料嘅馥郁芬芳，下飯一流🌟香煎豆沙鍋餅外層餅皮又薄又脆，色澤金黃😍中間嘅豆沙餡香滑軟熟，甜度適中最啱做呢一餐嘅結尾餐廳面積大，熟客唔少，即使係平日都滿座🤓座位之間夠晒闊落，坐得非常舒服

呢排食得太多火鍋所以今次嚟食返餐上海菜，位於旺角雅蘭中心這間「樂天皇朝」裝修很有特色又可以食到正宗上海菜。原味小籠包這個小籠包是必點菜式，皮薄多汁豬肉好鮮甜美味，配搭埋薑絲同醋一齊食，味道更加有層次😋菠蘿咕嚕肉咕嚕肉炸至金黃食色好香口，甜酸度適中，酸酸甜甜好開胃，配白飯一流👍洋蔥油拌拉麵蔥油炸過之後又香又滑，加入煙煙韌韌的拉麵，好食到停唔到口😋四川辣子雞丁上枱時香噴噴辣椒味道濃郁，雖然面頭好多辣椒粒，但食落不會太辣，雞肉粒粒都炸到脆卜卜，好脆口食落惹味😋宮廷驢打滾賣相好吸引😋咬落軟綿綿中間包住豆沙蓉，好好食！

2022年9月28日 星期三今晚同老婆出咗去旺角食飯，終於嘗試左佢期待已久嘅樂天王朝，因為成日去嘅時候都有好多人排隊，咁啱今晚可能我哋早去，所以餐廳仲有位入到去地方好闊落，枱與枱之間有足夠距離，仲有空氣清新機添嚟到呢度當然要試吓餐廳嘅招牌菜式八色小籠包，外皮分別用咗唔同嘅餡料製造，所以有唔同嘅顏色，另外都叫咗幾款上海菜，價錢中規中矩，唔算特別貴另外每枱都有小食，係花生炆栗子，栗子同花生都煮到好腍，全部入晒味，食得出烹調咗好耐，食完之後好開胃等咗大約15分鐘菜式就開始陸續送到，先有肉碎乾煸四季豆，四季豆炒得好乾身，每一粒都痴滿咗肉碎，食落去好惹味之後終於到主角八色小籠包登場，一打開個蓋，熱氣即時走晒出嚟，香氣滿溢，餐廳有張紙仔指示推薦食法順序，由淡味既原味開始食到最濃味既川味小籠包，我同老婆分別各食咗四隻，每一隻既外皮都好薄身，但係裏面有好多湯汁，唔會辣口，溫度啱啱好，其中我最鍾意嘅係鵝肝小籠包，因為有好濃郁嘅鵝肝味，冇諗過鵝肝同小籠包都會咁配合，而且食完之後都唔會覺得太膩最後我哋仲要咗個豬骨湯年糕，以為睇落個碗好細，唔多料，點知我哋食極都仲有好多年糕同菜，兩個人都爭啲食唔晒，年糕好煙靭