樂天皇朝 (雅蘭中心)

營業中

休息中

香港好多著名的上海菜餐廳，其中樂天皇朝小籠包最好朋友受吃，因為除了傳統的上海食物，也有不少創新的FUSION美食。同時，樂天的位置方便，今次就在旺角店食個午餐。 樂天皇朝旺角店在雅蘭中心，位處九龍中心地段，店面大而且寬敞，環境舒適有別一般港式食肆。 樂天皇朝食品選擇多，最經典的有特別的八色小籠包，另外不論涼菜及主食都有與別不同的菜式。 今次我地食左:1. 麻醬油麥菜2. 四川酸辣湯3. 原味小籠包4. 蟹粉炒飯人5. 竹炭流沙包前菜:麻醬油麥菜 好FRESH的一道小食，青菜新鮮生食，味道清甜簡單健康，加上凍食令人更加開胃。美味清新的麻醬也是錦上添花的配搭呢~四川酸辣湯(4人份量) 湯份量大而且夠熱，辣度4星適合愛辣之士~湯料也多，感覺蠻正宗上海風味的酸辣湯。原味小籠包(6隻) 小籠包肉質又滑，皮薄湯又多，新鮮出爐食最好食！個人比較喜歡傳統的小籠包，新派的小籠包都好特別，看見旁邊的客人點了色彩繽紛的小籠包，看上去也蠻給人的！蟹粉炒飯 具有上海特色的蟹粉炒飯，炒飯本身夠乾身，加上蟹粉嘅鮮甜味，真係令人食唔停口。我最喜歡炒飯爽口和油香味，另外唔會太油膩，係一個

味道：⭐️⭐️⭐️⭐️
❶原味小籠包 $68/6粒呢到小籠包嘅口味有好多😈（原味、人參、鵝肝、黑松露、芝士、蟹粉、蒜香、麻辣）而我哋今次就試左原味🌟一咬落去 湯汁隨即流出 湯汁濃郁同時又鮮甜👅而且餡料所選用嘅豬肉都好鮮嫩🐷建議大家趁熱食 一旦凍左就可能會影響味道🔥❷刀切小饅頭（炸）$30/3個小饅頭上枱嘅時候熱辣辣 外皮呈金黃色👍🏻入口鬆化 食落外脆內軟😳配上煉奶一齊食 超邪惡 但超好味 真係冇得輸🤎❸蒜香排骨 $108排骨大大份 三五之己share一齊食就岩曬啦🥳食落皮脆肉嫩同時又唔會好油膩🫶🏻而且蒜蓉嘅香味仲完全融入排骨當中👄❹上海炒年糕 $93個人超like上海炒年糕 🙆🏻‍♀️炒年糕係以醬油嚟調味🙈 仲加入左肉絲、蛋絲同埋蔬菜一齊炒 相當入味🌈 年糕就係一片片嘅 食落煙煙韌韌🥨 嚼勁十足 而且飽腹感極高🥢

上海店經常都會送啲烚花生做前菜，但係今次呢個連汁上，同埋味道好特別，係特別好嗰隻。我要問到第五個侍應，佢先至答到我，個汁其實係上湯。唔太重咪、唔太鹹嘅上湯，混上花生本身嘅甜，真係第一次食到⋯ 我想食多幾碟，可惜已經叫咗其他嘢食到飽晒。第二個特色菜，就係個芝麻醬油麥菜，簡簡單單，切塊薄青瓜捲起雪凍食⋯ 我本身唔鍾意食沙律，都會食晒佢。個擔擔面花生汁係我嘅重點，可以啦。其他嘅包括餐廳王牌小籠包，其實都係一般，碟燻鴨直程好唔得。

屋企人想食小籠包，未試過樂天皇朝，一於同媽咪去試下，去到唔使排隊 ，之前都聽人講過佢既特色小籠包 ，一共8隻口味，而且有推薦點食 👍🏻小籠包多汁，皮薄，另外再叫佐撈面，都大大碗，而且又入味，下次再黎食

-呢間上海菜開咗喺旺角咁耐以來 第一次去⋯成日喺樓下見到個廣告牌 特色八色小籠包 都好想好想去試吓但唔知點解永遠諗食咩嘅時候都唔會諗起佢今次終於約埋朋友去試一次.❇️海中寶爽口海蜇 加上白灼魷魚 白灼蝦撈埋醋一齊食 酸酸may may 做開胃頭盤岩哂❇️特色皇朝小籠包(8隻)(原味、漕溜絲瓜、鵝肝、黑松露、芝士、蟹粉、蒜香、川味)八個味道各有特色 我同朋友兩個人每人就試四個味道啦🤭👍🏻每一粒嘅豬肉味都好濃郁 加上特有嘅調味 好特別雖然有好多新奇口味 我都係中意原味😝.❇️沙拉排骨有5塊超大塊裹滿沙律醬既排骨 🤪好想叫碗白飯排骨肉質偏腍 有幾塊有少少骨🤏🏻 ❇️皇朝擔擔麵辣辣地好惹味唔會太搶喉 加埋花生香🥜份量都幾多 🤔對我來講⋯略嫌麵質有少少太腍❇️京醬肉絲配薄餅肉絲好夠味 原來京醬係甜甜地嘅 好似係第一次食呢道菜不過今次呢個薄餅皮唔夠煙韌 有少少粉粉地❇️雷沙湯丸一定要叫個甜品作結幼細嘅花生粉包住一粒粒圓轆轆嘅湯圓 😂好飽滿好煙韌

想食上海菜，第一時間都會想起樂天，因為佢個小籠包真係好出色，選擇又多，而且價錢合理。.💕小籠包 $68小籠包皮薄餡靚，湯汁香濃，新鮮整起，肉質夠嫩。.🥟無錫鮮肉鍋貼 $38鍋貼煎得好香，外皮香脆，湯汁加肉食落好juicy，感覺好惹味。.🫓京醬肉絲 $98京醬肉絲整得好入味，放上薄餅皮上，捲起來吃好美味。.🍜木樨肉炒拉麵 $88其實即係豬肉條、雞蛋、木耳炒成的炒麵，爽口木耳配上有咬口的肉絲，加上醬汁和蛋一超炒，火喉好足又惹味。

樂天⏰3:00後下午菜指定食物有6折加一以正價計算茶位$8 抵👍🏻☕️1️⃣李白醉雞🐔$88 x 6折比想像中好食雞胸都滑仲要咁既價錢 2️⃣酸辣湯拉麵 🍜 $75 x 6折食咗先記得影相好大碗加好好味唔係好辣3️⃣三絲春卷 $45 x 6折唔食炸嘢都話好食好熱加好脆 但要自己間侍應拎4️⃣原味小籠包 $68/6 隻 x 6 折皮簿 有肉汁 比起好多酒樓好食好多 下午茶 2人食咗$210.80 👍🏻

今晚同老公出旺角shopping再食少少嘢🥢我地係雅蘭搵咗間食小籠包嘅「樂天皇朝」🥟叫咗我最中意食嘅小籠包😍原味小籠包 (10粒) 💲108熱辣辣上枱♨️外皮厚薄適中，承托包內湯汁。內餡豬肉肉質鬆化有咬口，肉味香濃。放入口中超滿足。京醬肉絲 💲98傳統北京風味菜，配上薄餅。肉絲用洋蔥炒香加上惹味京醬。特別在於配上薄餅食，有少少似片皮鴨嘅感覺。搭配好好，咁味道就唔會過鹹。川味涼皮 💲58晶瑩剔透嘅涼皮掛起麻辣香醋調成的醬汁。蒜蓉香氣十足，帶少少辣，非常開胃。自製檸檬薏米水 (凍) 💲20清新好飲，健脾清熱。粒粒薏米好有咬口。📍樂天皇朝 旺角彌敦道639號雅蘭中心2樓203及205號舖

成日都聽到👂🏻人講見到靚野人都開心𝐝🙆🏻‍♀️咁我相信依籠色彩繽紛🌈既小籠包🥢就一定可以令你開心☺️仲可以滿足埋個胃🤰🏻~•~•~•~•~•~•~•~•~•~•~•~•~•~•~•~•~•~•~• ▪八色小籠包 ($138)依個應該係必嗌，𝟖個唔同色🌈夠晒𝐂𝐨𝐥𝐨𝐮𝐫𝐟𝐮𝐥， 打卡一流📸重點❣️顏色皮係用天然食材做調色✨落單紙有提示客人由最淡味開始食💁🏻‍♀️原味 > 糟溜絲瓜 > 鵝肝 > 黑松露 > 芝士 > 蟹粉 > 蒜香 > 川味雖然我冇數過係唔係𝟏𝟖摺，但望落隻隻都𝟗𝟗.𝟗%似，摺紋平均，大廚👨🏻‍🍳手工滿分💯外皮唔會好厚🤏🏻，每粒入面都有湯汁💦，肉唔會實的的🐷蟹粉幾鮮🦀️，糟溜絲瓜食落甜甜地🍬，蒜香最惹味🧄但咁多隻入面，我最鍾意黑松露🖤味最濃 • 最出😎枱面上有薑絲 ＆ 醋汁🥢.▪蘿蔔絲酥 ($45)依家飲茶都好少見，即點📝外層酥酥脆脆💥，拎起記得要輕輕手🫴🏻包住蘿蔔絲，外酥內軟💫.▪流沙包 ($45)個餡真係好流沙呀🤤唔會好甜，包體又夠軟熟🧏🏻‍♀️金黃色🧡撞埋黑色🖤夠搶眼🤩.▪川味涼皮 ($58)食辣野開胃🌶，天氣又熱辣辣🔥食

可能前排經過雅蘭都中見到樂天皇朝個八色小籠包既廣告牌，攪到我依兩日心思思想食小籠包❗️第一次去雅蘭店，原來都幾大間下，裝潢設計帶點古色古香但唔老土，環境幾舒適👍🏻坐低後好快店員就擺低熱茶同墊小食，係花生粟子，味道香甜口感綿腍，又幾好食。小籠包 $68雖然依度既八色小籠包又靚又特別，但我就始終最鍾愛原味。用布墊底整體感覺更濕潤而且小籠包唔會一夾就扯爛皮，六粒大小平均，夾起已感受到內裡湯汁重量，沾上薑絲同醋，一啖入口充滿肉香同湯汁，正😋生煎包 $45底部脆卜卜，麵包又香又軟熟，肉餡幾juicy，3個包都幾大個，兩個人share岩岩好🫶🏻上海風味醬鴨 $63色澤油潤，醬香濃郁咸香，連骨位都入哂味，食完口腔仲帶餘韻😋京醬肉絲配薄餅 $98肉絲夠粗身有口感，味道咸香帶點甜，加左京蔥絲令成個味道提昇，多左層次👍🏻薄餅薄身得黎質感q彈，唔會輕易破損，可以好好包起肉絲，好味😋成份都分到7至8件薄餅，份量比想象中多。整體有質素👍🏻小籠包更加唔會令人失望，值得回頭❗️

每逢去旺角行到過哂lunch time，又諗唔到食咩，我一定會黎樂天皇朝，不論weekend定weekdays下午茶都係6折，又好食又抵食！每次都必點既8色小籠包，我個人最鐘意蒜味，鵝肝，黑松露🥰叫左上海名物：開陽蔥油拌麵，因為太好食，所以未影相就清咗🤣真心好好食，D蔥炸過再撈埋D蔥油，每次必點！叫左個上海油燜筍，好食最後以暖暖的桃膠紅棗桂園湯收尾，感覺好補🥰靈魂同胃都得到美好嘅昇華🤣佢既蘿蔔酥餅、蒜泥白肉同紅油抄手都好好食，不過今次無叫，唔緊要啦，反正一定有下次🥰

♡♡♡📍 樂天皇朝 (雅蘭中心) (旺角)旺角彌敦道639號雅蘭中心2樓203及205號舖一直都知道8色小籠包係呢間餐廳既名物～今次襯住媽咪既生日就黎試下😎！私心就一定會試下個8色小籠包啦🤪，真係無理由黎到都唔食既。🍽李白醉雞李白醉雞成個外型都覺得幾可愛，因為出到嚟真係一個波咁😂～聞落都好有酒香味，而且雞肉都幾滑😉，再加上係雞胸嘅話無骨真係啖啖肉！另外亦都可以加$10換成雞髀～🍽上海風味醬鴨醬汁夠晒入味😉，可以食落 更加滋味而且賣相色澤油亮，鹹甜適中😍～🍽皇朝小籠包呢間舖頭最出名嘅食物一定係呢一個，所以我哋都想試吓究竟會係咩味🤩！各式各樣嘅小籠包擺埋一齊嘅時候顏色都幾鮮艷， 而且一開始落單紙上面仲會夾咗一張紙寫上應該食邊一隻味道先，覺得咁樣都幾貼心因為食既次序都好緊要如果唔係就會浪費咗🤪🤪！ 呢幾款嘅獨特口味又真係好特別，因為真係食得出嗰一種嘅味道，而其中我就最鍾意黑松露同埋蟹粉味🥰😋，而且入邊嘅味道都相當濃郁真係不妨一試😆！🍽蟹粉炒飯向來都好鍾意食蟹粉嘅食物，所以喺Menu入邊見到呢個蟹粉炒飯就已經決定好要食呢一個🥰！一上枱嘅時候已經聞到勁香嘅蟹粉味，而炒飯亦都係粒粒分明相當吸引😝！

另一半極愛食小籠包，呢間嘅八色小籠包真係想試咗好耐，今次終於有機會試下。 特色皇朝小籠包($138) - 首先，賣相已經好吸睛，八個顏色，八款口味，打卡一流。佢亦有提供建議食用次序:  原味、糟溜絲瓜、鵝肝、黑松露、芝士、蟹粉、蒜香以及川味，由淡味食到濃味。小籠包包得好靚仔，皮薄多汁，入面有少少湯。各款味道都有特色，鍾意試唔同口味嘅朋友真係啱晒。當中我地最鍾意蒜香，蟹粉同黑松露，同薄薄嘅小籠包皮好夾，味道好出。 皇朝擔擔麵 ($65) - 鍾意佢有濃濃嘅花生醬味，入口味道好豐富，麵身亦都好滑及煙韌。煎鍋貼（$38）- 皮脆肉嫩，肉汁豐富，煎得香口，鍋貼都好大隻。蒜香青瓜（$45）- 估唔到小食分量都有咁多，蒜味好香，配埋青瓜，味道好清新。揚州炒飯（$93）- 炒飯分量十足，熱辣辣，材料有蝦、肉、炒得好香，飯亦都粒粒分明。 餐廳裝潢靚，有唔少中式裝飾擺設，座位寬敞，坐得舒服。整體食物質素，尤其係小籠包真係做得好出色。

呢間真係近十幾年我覺得最好食嘅小籠包!!一咬爆湯❤️🥰(因為一行五人所以就冇選擇佢哋出名嘅特色小籠包)花蔬菜蒸餃❤️ ; 三鮮蒸餃❤️ ; 三鮮春卷❤️ ; 醉雞髀❤️ ; 紅油抄手❤️ ; 糖醋魚片❤️煎鍋貼三件所以我冇食到。以上都好有水準好味，紅油抄手嘅麻辣我好喜歡，醉雞加錢改為雞髀好滑，炒拉麵就普通冇乜特別。另外我未聽過”宮廷找完驢打滾”原來係糯米做皮，紅豆蓉做餡，外面黏住黃豆粉，煙靭好味又唔會好甜。五人唔使$1000 送$400 減$100 coupon下次光顧可使用但上菜太快樣樣我都想趁熱食，好趕頭趕命，我覺得要改善一下。員工好忙冇乜時間留意客人嘅需求例如換茶壺，食物質素咁好裝修環境都好靚乾淨，但係似食快餐就唔好。#人多情況下用餐時間為個半鐘#來自星加坡的小籠包

呢間餐廳環境好大，比一般餐廳既燈光柔和，個人覺得係舒服嘅。點左重頭戲既特色小籠包，一籠有8種味道，有原味、蒜香，絲瓜，蟹粉，芝士，黑松露、川味（辣)和鵝肝共8種口味，當中個人覺得蒜香味和川味最好味，因為其他都好淡，唔係好夠味😅特別係絲瓜唔知想點。不過作為打卡用既話係幾好既🐒反而個三絲春卷好好味呀，值得推介，可能係新鮮炸出來，真係好脆好香口。至於冷盤小食既素鴨都好好味，少少酸酸地好岩夏天食，好開胃。整體來講，一份錢一份貨，如果對食物要求不太高既話係值得試既餐廳。