樂天皇朝 (雅蘭中心)

營業中

休息中

在OpenRice 看到這家餐廳有很多好評打算慶祝朋友生日打電話預約時職員說平日只接受4人或以上的預約2人基本上都可以walk in 我們叫了皇朝小籠包有原味、芝士、川味、黑松露、鵝肝、蒜香、蟹粉和糟滑絲瓜小籠包好吃！多汁而且可以一次吃不同口味的另外我們叫了京醬肉絲看餐牌是餐廳推介的網上亦有推薦但真的很伏說穿了就是炒豬肉豬肉很咸一點都不好吃另外叫了紅油炒手乾麵味道一般沒什麼特別這家可能因為平時人不多沒有限時坐得舒服但是食物除了小籠包外其地食物質素不太好（小食花生粟子也不太好吃）而且吃飯途中發現一隻小小強在旁邊的櫃上衛生欠佳下次也不會再來吃

好耐無食過上海菜，橫掂遲下先有得去上海 一於就去樂天皇朝食上海菜止止癮先 旺角分店環境寬敞，設計就中式路線，古色古香適合坐耐啲傾吓計嘅中菜廳🥢京醬肉絲 香味十足😌一條條既肉絲份量好多 酸酸地好惹味，有少少似乾炒牛肉嘅醬汁肉絲同京蔥一齊放入中式薄餅食，口感豐富😌🥢招牌原味小籠包 外皮唔會太厚，肉嫩多汁 熱辣辣既湯汁恰如其分，加少少醋 ，更加開胃，令小籠包嘅豬肉味道更加提升🥢上海生煎包生煎包底部煎得岩岩好，香脆口感，內裹包含住香濃肉汁，絕對係必點之一🥢無錫鮮肉鍋貼 同生煎包一樣 , 鍋貼底部煎得好到位而且鎖住肉汁，皮薄肉嫩 一咬落去外皮香脆，內裏多汁，好juicy樂天皇朝旺角彌敦道639號雅蘭中心2樓203及205號舖

飲食都有潮流，曾經香港很流行上海菜, 不論街邊的豆漿粢飯小食，還是上海菜館都充斥著大街小巷。但隨著日本文化興起，韓國飲食文化的入侵，甚至近年的川菜熱潮。上海菜好像變得邊緣化了。上海菜以濃油赤醬出名，對於今時今日講求健康的飲食文化的確有點反其道但我就是愛上海菜的那種濃濃風味小籠包一直都算係上海菜的其中一個代表菜但樂天皇朝創新將小籠包加入了不同的味道唔止食得得，仲可以打咭八款味道分別為原味，青瓜(新)，鵝肝, 黑松露, 芝士, 蟹粉,蒜香, 麻辣而不同的味道更加上不同顏色的外皮，非常奪目小籠包依然做到皮薄爆汁，每款味道也很有特色, 一試就知咩味反而新出的青瓜味我麻麻, 因為我不愛食青瓜~XD 不過整體感覺無第一次食咁驚艷, 餡既肉有進步既空間呢~  醬鴨是江浙一帶的名菜, 也算是上海菜, 有少少類似我地既臘鴨用醬油將鴨變成醬紅色，風乾，故為醬鴨，實實在在的濃油赤醬醬鴨製作繁複，樂天皇朝 65蚊有咁大份，實在有點驚喜而且見到鴨皮依然完整好靚，賣相不錯京醬肉絲配薄餅呢個係我每次都必點的，京醬肉絲超惹味，就咁用黎送飯一流將肉絲包進薄餅食，又係另一個體驗~炒年糕的味道同京醬其實是一樣味的不過我鐘意

每次想食上海菜就會諗起樂天皇朝 仲要係旺角分店..... 超就腳超方便, MTR一出就係呢道環境都唔錯, 地方好大, 同隔離枱有距離唔會坐得迫~~餐牌有好多款式既食物選擇~~前菜, 小食, 包點, 主菜, 粉麵, 特色甜品全部都有茶介$10/位~~前菜小食$15一入坐低就先會有碟前菜小食~~花生同粟子都炆好淋好入味上海風味醬鴨 $65醬鴨由多款醬料醃製而成~每件醬鴨都入晒味, 味道甘香可口鴨肉肉質嫩滑, 肥肉瘦肉比例剛好......原味小籠包 $72小籠包一籠6個, 外形精形剔透, 小巧玲瓏~~外皮好薄喔, 我唔小心都整穿左咇晒肉汁出黎....肉儕口感非常清爽，鮮美爽口，入口即化瑤柱芙蓉賽螃蟹 $98呢排成日做運動好想補充多D蛋白質所以就突登點呢個餸食喇~~蛋白炒得好嫩滑, 瑤柱好香又添口感....中間仲有要溫泉蛋, 撈埋醋一齊食味道perfect皇朝擔擔麵 $68擔擔麵味道濃郁帶點微辣~~個湯底充滿芝麻醬味道, 好香好正麵質亦好幼滑~~

今天試了位於旺角的樂天皇朝餐廳，整體感覺非常不錯。首先，他們的凍豆漿和蘋果荔枝茶都甜甜地，但仍然好喝。接著，蒜香排骨王整得剛剛好，外皮脆脆的，內裡啖啖肉，讓人不禁多吃了幾口。此外，餐廳的鮮蝦雲吞拉麵也是一大驚喜。雲吞非常大粒，湯底也好入味，讓人一口接一口。最特別的是他們的鮮蝦抄手伴麵，底下會有醬油讓你拌麵，不會太乾，而且醬油還帶有醋的味道，非常開胃。整體而言，樂天皇朝的菜式都十分精緻，味道也很好，價格也非常實惠。如果你正在尋找一家好吃的中式餐廳，不妨到這裡一試。

招牌原味小籠包呢個係我每次回頭返嚟都會叫嘅招牌菜，小籠包，多汁得來皮薄餡靚，鮮肉同肉汁夠晒新鮮，係我賣飛佛！無錫鮮肉鍋貼同小籠包一樣，都係我每次必叫嘅菜式，鮮肉同肉汁都係咁新鮮，而且外皮非常之香脆🤤芝麻醬油麥菜朋友對呢個菜式非常之好奇，就叫黎試吓。油麥菜非常爽脆，適合鍾意淡口味嘅我，加埋芝麻醬，口感夠曬fresh！糖醋魚片同咕嚕肉差唔多味道，變左好脆嘅魚片，魚片夠大塊，係好清新嘅甜酸口味。皇朝擔擔拉麵又係我每次黎到必叫嘅菜式，湯底比較淡，但都有花生醬香味。雖然擔擔拉麵無選擇辣度，本身個湯係比較辣，都幾過癮。

久不久就想念這兒的小籠包，今天主動帶朋友過來品嚐。座位寬敞，坐得很舒適，餐牌選擇不少 ，有時也有些時令選擇，不沉悶。我們叫好食物後，小食就來了。前菜小食是花生栗子，炆煮得入味，花生🥜大又軟，栗子亦是軟綿綿。招牌原味小籠包皮薄涵靚肉鮮湯也不少，從前喜歡咬開包皮少許，吸啜湯汁再吃鮮肉和包，後來給點耐性，等小籠包稍涼片刻，不是熱氣飛騰的狀態，就可整個放進口腔裏一併咀嚼，湯頭香鮮，肉不死實，入口鬆軟，美味無窮。竹炭流沙包個子不大，貴精不貴多，流沙是穩穩的做到，奶黃帶些少咸香，美麗的咸旦黃色閃閃亮亮，配上竹炭軟熟的蒸包，真滋味。蟹粉餡兒餅爆汁最是難忘，之前食過滋味出色，今晚專誠再來吃這個。蟹粉食味真鮮，蟹肉一絲絲肉眼可見，加上豬肉餡，突顯出兩種食物原始味的香甜。上海炒飯上桌香噴噴，看上去很別緻，飯炒得粒粒企身，醬料調得恰好，和惹味叉燒、蔥花蝦仁菜心雞蛋等配料相加，令炒飯毫不單調，簡單卻味佳。食後感：裝修一如往昔的新，服務亦是很不俗，食物就更加可取，無法挑剔。

樂天皇朝📍旺角彌敦道639號雅蘭中心2樓203及205號舖同朋友黎食上海菜揀咗呢間出名專食小籠包嘅餐廳招牌原味小籠包🥟皮薄餡靚 上枱嘅時候熱辣辣點醋同薑絲 啱啱蒸起要即食 中間有濃濃湯汁蘿蔔絲酥餅🥕一款好考手工嘅點心 外層酥皮鬆脆中間蘿蔔絲調咗味 食口感好豐富炸饅頭🍞簡直係童年回憶 將饅頭炸到香脆再點煉奶食 簡單又好味雪菜鹹肉炒年糕🍲炒年糕要趁熱食 炒得好軟身配埋鹹肉同雪菜 好有上海風味宮廷驢仔打滾🍡幾有特色嘅上海甜品糯米外皮包左紅豆蓉 外面有花生碎煙煙韌韌 十分滿足👍🏻

廚師推介 - 上海風味醬鴨$65相片與現實永遠都不符😓但實物上到數埋得10件，味道唔錯，不過有一半都係骨另一廚師推介 - 蟹粉餡兒餅$68都係失望完全食唔到有蟹粉味，隱約見到有一粒蟹粉🥲同普通豬肉餡餅冇分別木樨肉炒拉麵$90太多豉油，又唔夠熱，側邊伴碟仲有一團炒燶咗嘅蛋絲🤣🤣甜品 - 宮廷驢打滾$48 好味嘅👌🏻有紅豆香，帶點椰香味，不過欠缺一點賣相😆呢間店已經食過好多次，不過質素開始下降，會唔知係咪因為假期前夕人流太多，所以未能控制食物質素🥲

前兩日同老公講起好耐冇食小籠包，佢就提議嚟雅蘭嘅樂天皇朝試下呢度特色嘅八色小籠包，順道陪豬太郎滿足一下小籠包癮！➜特色皇朝小籠包（八色）原味/川味/蒜香/芝士/絲瓜/蟹粉/鵝肝/黑松露樂天嘅小籠包一向都好出色，皮薄餡靚，一咬就可以食到滿滿嘅湯汁同餡料，而七彩顏色嘅小籠包都各有特色，芝士口味仲有拉絲㗎！.➜醋醬海蜇頭一向都鍾意食海蜇嘅豬太郎更鍾意食海蜇頭，醋香開胃，爽口嘅海蜇頭，絕對係必食嘅前菜！.➜成都口水雞鍾意食辣嘅老公就指定要嗌返碟口水雞畀佢歎下，單睇外表未係太吸引，但麻辣鮮香嘅醬料配搭嫩滑嘅雞肉，配飯一流。.➜蟹粉炒飯晚餐嘅主食除咗小籠包，我哋仲嗌多個炒飯。炒飯底配上滿滿嘅蟹粉精華同絲絲嘅蟹肉，口感豐富而不膩。

11月尾，約咗友人食生日飯。我哋叫咗個4人餐再加了兩個涼菜。個餐有一籠8隻小竉包，我食咗隻最普通白色，黑色係黑松路，紅色係辣嘅，朋友覺得可以接受，哈哈。個酸菜魚味道唔辣，夠酸，好啱香港人口味，魚滑，粉條多。醉雞份量係例牌咁，酒味唔多，小朋友食都冇問題，雞髀位滑。素鴨冇食，買相正常啦。排骨，啲骨多，不過份量搭夠，甜味重。仲有啲菜，炒豆角，海哲，全部不過不失。當日星期二晚，真係冇乜客，同朋友聚會，靜靜食飯，真係唔錯，食物就水準，冇伏冇驚喜。

好耐冇食呢度既特色皇朝小籠包，今日決定同男朋友黎試吓佢有冇失水準😂叫左我最中意既酸辣湯麵、水餃麵、特色皇朝小籠包同埋叫左個炸饅頭做甜品。呢個水餃麵清清地幾好味，麵質好滑，水餃又有5-6粒，抵食。 我個酸辣湯麵我就覺得杰咗啲，同埋味道唔夠辣，但酸味還是夠的。至於個小籠包覺得不過不失，個皮還算簿，但唔係隻隻味都咁出，最好食始終係原味。我同男朋友覺得最出色既係炸饅頭，佢炸得岩岩好，保留𠱓既口感，又唔會炸得太耐而令個饅頭好硬，建議大家想食炸饅頭可以試下呢間

樂天皇朝 @paradisegrouphk📍旺角彌敦道639號雅蘭中心2樓203及205號舖啱啱睇完戲就到食晚飯時間，諗起之前食 #樂天皇朝 ，即刻等位入座，之前食過一次所以好有信心保證🤭 今日侍應嘅服務殷勤有禮，一坐低已經即刻送上茶水同小食速度👍🏻我地叫左個口水雞，我哋想食雞髀肉，所以+$10，見到個表面以為好辣但其實啱啱好，雞肉有雞味，肉質唔會鞋口，幾好食👍🏻 仲叫左碗鮮蝦炒手拌麵 ，雲吞外皮薄，咬落去蝦肉爽口彈牙👍🏻加埋辣味嘅醬汁撈埋一齊，正！仲有點可以唔叫呢度最出名嘅竹炭流沙包，即叫即蒸，見到流沙爆出黎就好滿足😋

樂天皇朝唔經唔覺都食左好多年，咁多年黎既水準都差唔多，所以我都會間唔中回頭食下雅蘭分店空間感足夠，坐得舒服李白醉雞（$88）雞件好滑，去左大部分既骨，酒味岩岩好唔會太濃紅油抄手（$68）抄手皮薄，比一般紅油抄手唔同就係呢度加左炸蒜，味道多一種層次，紅油只有少少辣，相信大部分人都食到皇朝小籠包（$142）黎到呢度必食皇朝小籠包，8款小籠包係唔同味道，淨係睇顏色已經好吸引，對住張紙食就知道自己食緊咩味，每次夾起小籠包都好緊張，由於皮太薄好易就會穿曬d汁出黎呀酸辣湯拉麵（$78）叫呢個拉麵好抵食，又有得飲酸辣湯，又有麵食，一次過滿足左兩個願望，呢碗麵有唔少蝦，味道偏辣，唔食得辣既朋友可能會食唔到宮廷驢打滾（$48）呢個甜品好少地方有得食，所以我黎親呢度都一定會order，外面係黃豆粉，入面係軟熟既口感，非常好味

樂天皇朝真係食幾多次都覺得水準唔錯嘅餐廳😂今日跳舞前同個frd衝咗嚟食🥳 好彩今日上菜都幾快，10分鐘左右就上齊啲嘢食⏰👨🏻‍🍳🤳🏻#八色小籠包 佢有張紙仔list曬由清到濃嘅口味，不過其實我覺得好少有人會一次過試曬成個順序，通常都share😂 小籠包皮似乎有稍稍薄過之前🥢我食咗糟溜青瓜、鵝肝、芝士、蒜香出奇地覺得芝士好好味🧀🧡，有creamy少少拉絲感😚青瓜有一絲清爽嘅，蒜香嘅蒜好濃，唔係爆炒完/蒜蓉味，係單純一股蒜粒香入口🧄，幾特別～個frd揀咗原味、蟹粉、川味、黑松露，覺得黑松露味最好食🖤，同埋味濃啲～👨🏻‍🍳🤳🏻京醬肉絲呢個係配薄餅上枱，個薄餅係用仿蒸籠膠盒裝住._.個京醬嘅味同片皮鴨會用嘅調味好似，入口微酸惹味，肉絲粗身，雖然成個樣有少少似蟲😂😂😂 肉絲份量好多，個皮會好快凍建議盡快食～👨🏻‍🍳🤳🏻鮮蝦抄手拌麵 ❤️‍🔥覺得呢個頗有驚喜😳 拌麵幼細，廚房會剪開咗做幾餅咁煮，啲麵唔會太長食落方便好多👍🏻 蝦肉彈牙大粒，抄手皮薄滑溜😋😋 個醬汁喺底，要撈混先食，個味道係先辣後麻，而且麻得幾過癮😛，再加上個frd發現加咗少少醋更加好食（應該係會有齊酸辣麻味，層次多咗嘅感覺❤️‍🔥）我包