樂園

營業中

休息中

九龍城除左岀名食泰國菜之外，依家仲開左好多新cafe,但今日嚟到呢頭就反而想食返啲comfort food—童年回憶舊式茶檔😛😛之前book mark左呢間樂園茶餐廳，一直都未試到，今日出開九龍城買野，襯住平日下午少人啲就過嚟食個lunch😌😌一入到熟食街市第一檔就係佢哋喇，一坐低就即刻點餐～～叫左個必食既沙嗲牛肉西多士、紅腸雞蛋一丁、奶茶紅豆冰🧋平日過嚟食都好多人，證明真係好受歡迎！！食既係童年回憶🥺🥺🥺一碗簡簡單單既腸蛋麵，真係好難會唔好食！ ！！沙嗲牛肉西多士的確無點錯，即叫即製西多，上枱熱辣辣，無諗過沙嗲牛肉可以同西多士係咁match, 牛肉非常入味，濃厚嘅沙嗲味，西多上面淋上煉奶同埋牛油🧈，炸得外脆內軟，真係超好味！！奶茶紅豆冰，都唔錯，可能因為叫左少甜，覺得差咁少少濃味！整體不錯，一定會再嚟食個沙爹牛西多士！😋😋

最近愛上左沙爹牛肉？唔係啦其實由細到大都好鍾意食只係冇刻意去搵去排隊我係... ...佛系ᶠᴼᴼᴰᴵᴱ嚟嘛😆Bookmark 左好耐既沙爹牛肉西多士一坐低就即刻點餐超吸引既西多士！😍外層既西多士炸到少少脆而牛油配煉奶就係靈魂所在🤤融合埋入邊嘅沙嗲牛肉食咸甜交融，但餡料唔會好咸食落真係好正😚鍾意食沙爹牛肉既真係要試下佢一定會一試難忘❤️呢張係冇修圖原圖直出，個色都係咁金黃個餡都係甘多咁深色嫁🤤沙爹牛肉麵就唔推薦啦色澤都幾夠，不過早排食過間更好食既自自然比下來🙈

今日去左接女朋友放工，佢帶左我地附近既樂園度食沙嗲牛~之前去左幾次都咁岩無開門，摸門釘~今日終於食得到喇我地叫左個沙嗲牛肉米，沙嗲牛肉西多同埋鴛鴦紅豆冰🐮沙嗲牛肉米沙嗲味帶香濃花生味同偏辣~湯底十分濃厚，有沙沙既感覺～牛肉係有口感，有牛肉味，唔會醃到無晒味~ 🍞 沙嗲牛肉西多個西多士真係好好食，炸到超香脆，最抵讚係食到最尾都係脆，一切開有足料沙嗲牛，不得了～🥤鴛鴦紅豆冰都係呢度出名名物，紅豆大粒且綿~配埋鴛鴦好夾~好邪惡又好好味既一餐！

係九龍城番工以來食過2次2次食物都幾係叫一樣的 只是飲品有異 ✨沙嗲牛米〰️牛肉不是滑脫脫的那種 最怕食到用好多生粉醃嗰隻 呢個唔會 不過略嫌味道有點甜✨花生醬西多士🥜〰️唔知係咪我一路食一路飲谷古 所以花生醬味唔係好出 不過都好食 仲有埋牛油搽 邪惡至極喔✨熱谷古杏仁露〰️第一次見到呢個飲品 好好奇問咗店員 原來係類似牛朱古力 不過冇咁甜同扁少少苦 有少少似黑朱古力咁 而且朱力味濃d 聽到話似黑朱古力🍫+無咁甜 原本想飲杏仁露 就轉咗試呢個了 好好飲🥺 午市都好熱鬧 果然美食才能留住人心👐🏻仲可以屹立於咁多新餐廳其中！

病左成個幾月，冇唸過咁大件事，（自出娘胎都冇再入過院），連味蕾都變埋😭咁鍾意食嘢嘅我簡直係懲罰。今日返去覆診，見胃口好左啲，就唸好一定7要去街市食。平時都冇乜機會。（未好返晒已經忍唔到口，食埋晒啲唔健康又heavy 既野） 我就係唸住橫掂都冇乜味，不如食啲濃味小小刺激下個味蕾。 🤪叫左炸豬扒面加沙嗲汁 ( 又令我唸起之前有專人幫我切豬扒😩）以前有人同我share 胃口又好，有專車接送，未到已經唸好哂自己想食咩，（唸埋佢果份，好開心。） 而家食之無味，連飲奶茶都唔係好大興趣😔雖然都食鬼哂😜其實我重有好多野想食⋯［炒米粉、煎腸粉、多士⋯］幾時味蕾正常返再嚟食過！💪🏾💪🏾

之前見到呢間茶餐廳有女小編最鍾意食嘅阿華田西多士 見到超級吸引 所以就去到九龍城呢間茶餐廳試吓😚👅阿華田醬西多士 $34西多上枱嘅時候熱辣辣 炸到金黃色🤩西多士食落有好濃郁嘅朱古力阿華田味 好邪惡😋 而西多士上面佈滿好多早餐食開嘅朱古力脆脆🍫令到口感更加豐富 好好食🥰佢嘅阿華田醬西多士真係特別得嚟仲要好好食😛大家一定要嚟呢度一試呀‼️😋 好味：8.56/10🤑 價錢：7.99/10🤗 服務：7.78/10😝 環境：7.12/10😚 衞生：7.98/10🤩 整體：8.37/10

預約左九龍城附近既診所覆診，由於唔太熟呢區，搵食梗係問問身邊朋友。朋友介紹我去政府大樓既樂園，仲叫我必試佢既奶茶紅豆冰。勁鍾意飲奶茶既我，聽到即刻plan定路線，準備好要去朝聖一下。餓左一晚無食早餐，抽完血見完醫生都十點幾十一點，行到去樂園，入邊都已經坐滿7/8成。一坐低，唸住叫個早餐set啦，睇睇menu，原來全部都係要散叫。睇open rice大多數食評都會推薦沙嗲牛肉西多士，但係啱啱先睇完醫生，都係唔好食得咁盡咁Heavy，係咁易就叫個沙嗲牛肉麵啦😂😂😂紅豆冰奶茶$26 唔知係咪叫左少甜，幸福感立即減左一半，如果有quota既話，都係飲返原味啦沙嗲牛肉麵$30 湯底夠濃，好惹味。不過唔知係咪餓左一晚，食完有d未夠喉差d想再打包個沙嗲牛肉西多士😅😅好彩都忍得住，下次等身體好返d先再食罷啦。

樂園喺九龍城熟食中心，週末多人到要排隊呀！佢收下午兩點，想試嘅話要早啲嚟！🔸 炸豬扒、沙嗲牛汁撈丁🐮豬扒薄身唔韌，炸粉好脆，入口有外脆內軟的感覺，所落的味粉有少少似豪大大雞扒的味道😂沙嗲牛汁味道濃郁得黎又恰到好處，無味精唔會好鹹，食完唔口渴，我個人覺得仲好食過同區沙嗲牛肉專家方榮記既沙嗲牛肉麵！🔸沙嗲牛西多呢份係後來追加既，無撈丁咁有驚喜，不過都好食既🤪🔸 奶茶紅豆冰正正常常唔係好特別🧋

《製》樂園（九龍城）《號》沙爹牛肉西多士《貝》$33《案》🔷「看見皮瓠藤籃之類，鼓鼓囊囊的裝著許多東西。」——《文明小史》第四十九回🔷看見金黃方塊之類，鼓鼓囊囊的裝著許多人間滋味。《品》🟤奉桌時鼓鼓囊囊，似將破未破🤌🏻，令人食指大動。🟤黃油煉奶受熱飄香，留影時滴滴如金露，惹人津河暗湧💧。🟤西多表面脆而不硬，內裡鬆而不乾，咀嚼聽索索之音，為此食口感之當家。🟤甜煉奶分量恰到好處，與鹹沙爹成極致平衡，隔以麵包調和，方使二者濃而不相斥，其般配不亞於蜂蜜牛油炸雞，一品！🟤牛肉碎塊份量慷慨，精瘦而不柴。改刀成碎塊，令沙爹味入肌理，同時無難咬筋位。覆上牛油煉奶的滑膩，唯對坐之人曉其滋味⋯⋯《號》蔥炒蛋治 + 煎底《貝》$20 + $5《案》🔷「早知如此絆人心，何如當初莫相識。」——李白《秋風詞》🔷始聞煎底之法，落黃油而煎，麵包合「鬆軟」、「酥香」之絕，唯無處可尋。早知煎熬如此，何苦聽聞。今尋得滋味，不悔煎熬。《品》🟡香煎之食，表面金黃微焦為上品。奉桌之見，底色金黃，絲絲褐色焦斑如虎紋，清晰可辨，斑駁陸離，均覆整片方包，心頭撞鹿，哽咽難言。🟡焦面無聚於一隅、無燶黑難辨、無疏密不均，非烘底可比，非急煎可

屯馬線..開通..真的很興奮第二站去左人氣港式茶記試一下網友口中既名物🥇沙牛西多同沙牛麵。.九龍城樂園係老字號茶記，身處九龍城街市既熟食市場，環境上唔好有太大期望，眼不見為乾淨。開店時間只有一至六既大清早到下午2點，真係唔係超級神心想去打個卡試食都好難會食到。.其實只要係介紹香港西多既貼文，應該都少不了會見到樂園沙牛西多既大名。除左沙牛多，樂園其實仲有其他名物例如阿華田脆脆西多、雪菜米、炸豬扒、奶茶紅豆冰等。.今次先試兩大名物：沙嗲牛肉西多士 💲33⭐️3.8/5傳統牛油煉奶西多夾沙嗲牛肉，沙牛餡唔算多無爆餡既感覺，同想像中唔同牛肉係碎牛唔係一片片。其實未食前係有懷疑，覺得咸牛配甜多會唔會有點古怪，但食落比想像中夾好多。其實都係傳統西多再搞搞新意思味道上冇太大驚喜，不過不失有Quota 都可以Encore。.雪菜肉絲沙嗲牛麵 💲38 + 💲5 一丁⭐️3.5/5貪心一次過試晒網民推薦嘅雪菜肉絲同沙嗲牛肉。第一啖食落去覺得認真的鹹，超級濃。沙嗲汁湯底可以，雪菜肉絲幾鹹不過食多幾啖覺得都算野味。反而牛肉有啲鞋，我慶幸叫咗雙併，因為雪菜肉絲好食過沙嗲牛肉。如果再有機會我會叫雪菜肉絲麵加沙嗲汁（加

九龍城都係一個常去嘅地方間唔中都會去街市有時去買牛肉🤤有時去食泰國嘢又有時去打邊爐😌隱身起九龍城市政大廈入邊呢間沙牛我覺得👌🏻係正常質素奶茶算香滑, 唔會太澀口同有茶香炸豬扒其實吸引啲😌炸得好脆, 粉又唔會太厚,仲有無影嘅👇🏻沙牛西多同紅豆奶茶都係可以一試沙牛西多係好得意, 2種味道係MATCH的~總結：某程度上係情意結唔係咩「平民美食」，因為幾貴的😂同首先你要接受到熟食中心個環境

減肥期間，已經盡量少d出街食嘢但早幾日買完餸好肚餓就去咗九龍城街市食早餐沙嗲牛肉通心粉 $30呢個通心粉事隔1年冇食，真係覺得好差！冇沙嗲味，花生味更冇，用粉「lar」到d肉真係1食就知....哎...勁失望....奶油脆脆豬 $21正正常常，雖然燶到黑，但好彩冇苦凍檸茶 $22呢杯檸茶好普通Overall今非昔比！咁嘅價錢咁價質素，短期內都唔會再試，雖然佢嘅阿華田西多士..好出色...但早餐真係....差咁好多

Weekend一點幾專程過嚟食樂園，見到人龍即刻好擔心，因為星期六兩點就收舖🤣 不過好彩唔係等咗好耐就可以入座🥰以熟食市場嚟講環境都企理，幸運嘅話仲可以見到神秘嘉賓🤪沙嗲牛肉西多士 ($33) 作為招牌果然不失所望，煉奶同沙嗲牛一甜一咸加上牛油香味，味道幾豐富🤤 牛肉偏瘦啱我口味🤪炸豬扒沙嗲牛汁蛋撈丁($40) 冇咁出名但更驚喜，沙嗲牛汁好正，麻油都唔使落🤤 豬扒都炸得夠脆好食😋最後神秘嘉賓出場🐱

差不多每個星期都食一次，既然而家寫開食評，就一於寫下呢間啦呢間茶餐廳嘅名物-奶茶紅豆冰飲左兩啖先記得影紅豆一粒粒，唔會太甜，奶茶都仲係好有茶味🙂其實平時我多數叫熱奶茶，同一般茶餐廳嘅港式奶茶有少少唔同（冇咁粘，多左一份西茶嘅感覺）今日食奶油豬好有誠意，好多奶同油，外脆內軟食左呢度之後，我好耐冇喺其他地方食奶油豬了（有次老公買左太x外賣奶油豬俾我...又乾又冇味😞）仲叫左豬扒米，又係好好食而家打完個食評，好想食....

之前只知道九龍城市政大樓的樂園出名炸豬扒，原來真正名物是沙嗲牛肉。當然街市熟食檔格局，對環境不會有要求但地方尚算企理。其實樂園的選擇不多，專程來到一試，就要揀最有特色、坊間少有的推介–沙嗲牛肉西多士和檸檬紅茶菠蘿冰。🥢西多士賣相相當吸引，外層金黃色，火喉剛剛好，上面淋上煉奶正合我心意😬，夾心係馳名沙嗲牛肉，咸甜融會在一起竟然出奇地夾，煉奶中和了沙嗲的咸味，沙嗲牛肉又帶出更多味道層次，有別一般西多士的死甜。確實好味，傳統港式香濃風味，牛肉略嫌碎 (叫沙嗲碎牛較貼切😜)，但不減野味，切開西多士即流出沙嗲汁，麵包又不會過份濕潤，第一口只覺得很JUICY，熱呼呼的忍不住一口一口地吃😋😋，停不下來。🥢檸檬紅茶菠蘿冰即是凍檸茶加罐頭菠蘿，沒甚特別，只是茶餐廳較少有，建議可試試他們的奶茶紅豆冰。同行朋友點了雪菜肉絲米加沙嗲汁 (免費)，都大讚沙嗲汁有水準👍🏻。下次我要試肉鬆西多士，再追加沙嗲牛肉麵，十分期待✨✨！