樂園

營業中

休息中

位於九龍城街市內「樂園」既邪惡名物必定係沙嗲牛肉，連貼地既發哥都係常客.茶記永遠係香港人既comfort food，簡單食物，簡單配搭，但味道並不簡單.開得早收得早，大約中午2-3點就會收檔，想食就記得早d起身過嚟試喇！***⭐️沙嗲牛肉西多士(鹹)表面炸得金黃香脆帶甜，切開後，內裏鹹香既沙嗲牛肉傾瀉而出，沙嗲味極濃。雖然又甜又鹹，但味道出奇地合襯⭐️阿華田醬西多士 (甜)面層脆脆係阿華田粒粒，口感脆卜卜，內層夾心就係阿華田流心醬，甜到入心🍹奶茶紅豆冰奶茶配紅豆，相當有趣既配搭。奶茶濃滑得來苦中帶甘，紅豆入口甘甜起沙，為苦澀既奶茶增添一份甜美口感***💰預算: 人均約HK$50

上星期六黎就大排隊大約有15-20人🥴🙈今次星期五黎一黎就入得🤣咁大家識做啦原本今次想試 紅豆西多士不過換左menu得反阿華田脆脆西多阿華田脆脆西多 $36上面有朱古力脆脆➕練奶有食緊穀類早餐既feel(feel到有少少琳左)西多都啦脆口，中間既包就琳少少濕身內涵呢 就係榛子醬咬落去有D爆醬既感覺👍🏻當然多DD就會更正🥲之前食過一間 都係咁組合呢間完勝 因為真係食到 榛子醬個西多做到多脆 內軟鴛鴦紅豆冰 $27之前呢間就飲過 熱奶茶覺得基本 有水準👌🏻一般鴛鴦都不多不少 偏苦不過今次 整合左可能➕埋 紅豆冰 又ok鴛鴦味出，紅豆 琳身又有少少咁多甜組合得 剛好👌🏻👏🏻蓮花焦糖餅醬西多面今次就有餅碎➕整件餅西多質感同其他一樣中間就 有焦糖醬呢個組合不錯上面既碎又脆既口感➕西多脆口➕中間甜度高既焦糖 中和👌🏻🤨結 : 食品 暫時除左原味(花生醬)，肉鬆個人 沙爹牛西多(no.1)👍🏻🎉之後 阿華田脆脆西多➕ 焦糖西多 (平分)飲品熱奶茶 (no.1)#阿華田脆脆西多#鴛鴦紅豆冰#蓮花焦糖餅醬西多#樂園

大家應該聽過不同西多最近有芋泥而沙嗲牛西多又試過未？沙嗲牛西西多上配上牛油，練奶我就切正方形入口同一般既西多不同薄脆口包不會琳身👍🏻成件事 正❤️中間沙嗲牛當中既醬不辣不濕至於肉就無筋少少琳整體:先甜(練奶)少鹹(牛油)脆(西多)咬口(包身)醬鹹➕琳肉(沙嗲牛)熱奶茶不➕糖入口不苦，有少奶味，餘韻就少甘🤔➕甜口感更滑結: 今次試2樣都推介👍🏻👏🏻沙嗲牛西➕ 熱奶茶🎉#沙嗲牛西#熱奶茶#樂園

上次星期日嚟到摸門釘，今次星期五再戰。一點幾嚟到已經坐滿晒，要等一等位，好彩等咗5分鐘就有位啦。等位期間可以喺門口睇吓餐牌先，入到去楚就可以即刻嗌嘢食。今次我同朋友已經食咗少少野黎，所以我哋嗌咗啲嘢食一齊分享。見到有唔少人推介呢個沙嗲牛肉西多，梗係要嗌返個試吓。另外仲嗌咗個辣菜蒲肉碎煎蛋飯，同埋奶茶紅豆冰。沙嗲牛肉西多非常非常邪惡，西多士炸到個麵包外脆內軟非常鬆化，入邊夾住嘅沙嗲牛肉分布非常平均，鹹鹹甜甜非常好味，配上一啖嘅奶茶紅豆冰，完全達到消暑作用，天氣熱食炸嘢都唔覺得辛苦。而家菜圃炒蛋亦都非常之香口，分量配搭非常之合適，白飯煮得粒粒分明，亦都有適量配菜食落唔會覺得太油膩。朋友最後話杯紅豆冰太好飲要再encore，咁我哋就試吓咖啡紅豆冰，咖啡味道稍為清淡，但係紅豆煮得非常之棉，仍然係一杯靚紅豆冰。係好地道嘅熟食中心格局，喺香港買少見少，值得珍惜呢種地道風情。

講到香港地道美食，不得不提各區既熟食市場，不少臥虎藏龍的店舖阿華田醬西多士炸到金黃香脆，食到淡淡蛋香，夾心阿華田醬適量，配埋牛油糖醬都唔會好膩，再灑上朱古力可可米，口感更添樂趣，乖乖獻上Quota。炸豬扒米粉米粉同豬扒分開上，先講豬扒肉質厚實唔乾柴，炸漿薄身炸得酥脆，咬落卜卜脆，而且食落特別香，係加左少少蔥係炸漿度。米粉較粗有嚼口，唔會索水軟淋淋，當日揀左清湯，相信沙爹牛湯底會更出色，岩濃味既朋友。其他補充 九龍城熟食市場面積唔算大，只有數間店舖，中午2點左右黎到，只有兩間鋪開，已樂園範圍已佔據半個場，需排隊等候，但等約5分鐘左右就好快有位。難得咁忙碌，但各個店員都好有禮。

前排聽講九龍城街市要拆啦 (報導話係「重置」，但聽住先啦😏 )，咁有機會就盡量食多啲啦💪🏻其實佢地馳名嘅係沙嗲牛肉西多士同阿華田西多士，但我偏偏鍾情佢地嘅豬扒，幾乎每次來都會叫豬扒米加沙嗲汁😋仲有奶茶紅豆冰☺️當日特別餓，咁加多一份奶醬多啦😛常客都知道他佢地有一幅由蔡瀾先生題字嘅墨寶「勝過鮑參翅肚」。當然，每人口味唔同，但往往令人最牽掛嘅永遠係 comfort food 嘅味道❤️ 咁你嘅 comfort food 又係咩？😉(溫馨提示：佢地平日三點半左右/星期六兩點左右就收工、星期日休息喔)

平時去九龍城都係食泰菜，今次慕名來到九龍城街市食西多！西多食得多，睇完某YouTuber 介紹先知有咁特別嘅西多口味 — 沙嗲牛肉西多士🔥所以決定特登搭車過嚟試一試佢！星期六去，基本上熟食中心只有佢同另一間餐廳開，而樂園就要排長龍，等了大約大半小時，終於可以入座～值得一讚的是冷氣充足！而且一睹蔡瀾先生的墨寶，就即管試試是否勝過鮑參翅肚😋點了紅豆奶茶，但因為太口渴而忘了拍照😅 奶茶很香，紅豆不是紅豆蓉那種，而是粒粒分明，脹卜卜那種，所以加入奶茶也不會令成杯飲品過甜！食晒成杯紅豆都幾飽肚😂基本上檯檯都點的沙嗲牛肉西多士，即叫即做，都大概等了20分鐘。熱辣辣上檯，賣相和一般西多士沒有大分別；切開後，沙嗲牛肉的香氣方湧出。沙嗲牛肉不是平時茶記帶有微辣的味道，反而是帶點甜甜的那種沙嗲味，所以同西多幾夾！幾有驚喜，建議可以一試，不過個人還是比較喜歡傳統的西多士😝

一直想試呢間茶餐廳好耐，因為星期一到五淨係開7:15- 15:30，星期日又唔開所以今日星期六終於都趕到係2點關門之前去到😆好彩排隊都唔洗等好耐就有得入炸豬扒煎蛋沙嗲牛汁撈丁真係好好味！！啲蛋汁撈埋啲沙嗲牛汁到真係好夾👍🏻 佢仲會俾包出前一丁麻油俾你自己落😆但個炸豬扒就有少少乾$42 都幾抵食成日係IG見到啲人食，搞到我都好想試佢個阿華田醬西多士，但咁啱賣哂🥲只好食翻最傳統嘅花生醬西多士$26 下次要早啲再黎

本身係網上見到啲POST寫到有幾好食咁，就充滿期待放晏一個鐘都衝去九龍城試下佢喇大概1點去到即刻有位吾洗等，記得有位Youtuber話佢炸豬扒出色，有個FB Post話個西多又爆餡咁咁就啊呢兩樣『炸豬扒沙嗲牛汁蛋撈出前一丁，阿華田牆西多士』喇，加杯奶茶紅豆冰添豬扒黎到有兩件，一件微暖一件凍，又要乾柴烈火，又要硬喎沙嗲牛汁撈出前一丁，個沙嗲汁啖到呢，好似健康餐咁個西多士個醬完全冇味既，出面茶記啲西多都好過佢3樣野多謝＄105，老老豆豆我就覺得吾值呢個價，出面啲茶餐廳都好過佢所以吾係經開，而你又吾信邪既，咁你就去試下喇吾係既，我會建議你去食其他，九龍城大把好野食講完。

來過二次,每次來到都叫好滿足好邪惡既沙爹牛肉西多.第一次聽感覺怪怪的,但食落又意外地夾.西多既外表貼滿蛋漿,金黃香脆,有好香煎蛋味,但又唔算有好重油益味.西多上重有一塊半溶既牛油,真係邪惡.沙嗲牛肉味濃,牛肉碎條多,份量算唔少,有好香既花生味.$35 蚊,老實講,我覺得好抵食.另外有叫一杯熱茶走.茶味香濃,但口感頗薄偏水.中規中距.總结,位置算方便,MTR 行幾分鐘就到.我會為沙爹牛肉西多專登過來食.

晨早約咗同學喺九龍城做field trip就順便食個早餐先～我嗌咗個蔥蛋三文治🥪你睇！塊包係金黃色㗎！食落都幾脆！口感即刻提升咗😋重點係個蔥蛋！嗰陣香蔥味係撲鼻而嚟！唔係講笑，回想起個味道都流晒口水！趁街市重建前大家都應該要去試一試🥹否則真係一大遺憾！

一個月總會來三數次，但一次比一次退步當然唔係太差，比外面一般茶記ok價錢方面唔講啦，服務同衞生、環境都唔講啦，呢啲一向都唔係樂園嘅賣點。以前奶茶真的出色，現在雖然不至於差，但是出面好多茶記已經比呢度好，因為有太多關注組同資訊，好容易知道邊度有有水準嘅食物去試食，同外面比較之下就知道樂園係頂級嘅茶記，不過只限於係喺九龍城街市入邊，如果係同十年前嘅樂園比直頭唔同level沙爹牛肉：自從加入咗沙嗲牛肉關注組之後，試過不同地方嘅沙嗲牛肉，呢度唔係算差嘅，但係唔算出色。只有豬扒係keep到水準總括嚟講，經過而又肚餓嘅會上去食，唔會特登走去食，值70分（以前嘅樂園有90分）

重建前懷緬一下-九龍城樂園九龍城市政大廈將會重建，好多為人熟悉嘅餐廳好似排哂隊既樂園，要另謀地點🥲襯而家試多幾次先😛成日都有條人龍喺門口㗎，而且好早休息，假日兩點就會關門，真係要d耐性先食到😅小仙子同小🐷等左10分鐘就入得，點左最出名既沙嗲牛肉西多士同奶茶紅豆冰🤩小🐷係第一次食沙嗲牛肉西多士😂表面佈滿糖漿，切開入面有勁多既沙嗲牛肉，甜甜地鹹鹹地幾得意😙而奶茶紅豆冰，奶茶夠香濃，配上紅豆唔太甜😜座位唔好預太舒服，都係黎打下卡支持下💪🏻

樂園岀晒名食沙嗲牛肉，今次食咗集合鹹甜於一身嘅沙嗲牛肉西多士，西多有蛋香😋 新鮮熱辣，鬆厚又脆身，入面牛肉都唔少，鹹香惹味，不過肉質偏乾，如果滑身少少會夾啲👌🏻食唔慣又鹹又甜就乖乖地分返開叫沙牛麵同西多喇🤭另外意外地好食係個沙嗲牛汁蛋撈丁，醬汁剛好拌勻唔會太濕，仲俾返包麻油俾你落🤤重點係半熟太陽蛋唔使擔心佢會溶咗落湯度😳放心撈埋入個麵到一齊食，令每條麵條都沾好沾滿蛋汁😍簡單又好味😋豬扒係即炸，肉質唔乾，不過有少少鹹🤏🏻-🧈沙嗲牛肉西多士 $35🍜炸豬扒沙嗲牛汁蛋撈丁 $42🥤奶茶紅豆冰 $27🥤鴛鴦紅豆冰 $27-🍜樂園🏡地址: 九龍城九龍城市政大廈3樓6號舖☎️電話:2382 3367🕚營業時間: 07:15-15:30 (Mon-Fri); 07:15-14:00(Sat)———————————————🌿以上圖文由Bobowannaeat版權所有，轉發需授權喔

沙爹牛肉關注組成員睇個名就一定會知呢間🤭呢間位於九龍城熟食中心入面✨真係老字號屹立不倒🥹上次我新年期間摸門釘，今次終於都朝聖到！😆啲人話要排長龍，我平日去直接有位lu😆不過就口味既野個個唔同，我就覺得幾中伏下😂🐮沙爹牛肉麵 $32牛肉份量多，賣相勁吸引，不過口感好鞋。湯底勁油。。。沙爹味我就覺得唔算好出色，好咸既湯底🙈🍜🍳辣菜脯肉碎蛋麵 $34個蛋有啲似奄列𝐅𝐞𝐞𝐥，中間夾住肉碎同菜脯，我期望佢係好辣既菜脯，但真係好鬼死咸🥵一般般。絕對岩啲勁重口味人食🥹🥪班蘭咖央多 $21好一般，建議叫鮮油咖央多，呢個無咩特別😂凍奶茶 $23一般，無咩驚喜。其實我同我朋友食完都柯左2次，真係太油拉呢間😵腸胃差既真係慎重考慮呢間⚠️題外話，我覺得紅茶冰室既沙爹牛好食好多🤤同埋呢間係無套餐，全單點⚠️