樂園

營業中

休息中

今日特登黎到九龍城有D野做，而且要買D野俾人，所以就過左黎啦。肚子有D餓，點都要搵D野食先，就上左黎呢度啦。個時大概係 4 點幾，上到去得呢間特別多人，其實店舖都無人既，呢間真係好多人食喎。叫左一個鹹牛肉蛋治同一杯紅豆冰。唔算特別貴但都唔係平，不過好食既話都無所謂既。個人覺得紅豆冰麻麻地好飲，超級多碎冰，太多啦，我飲親啖啖都有碎冰，搞到飲得好辛苦。非常多紅豆，不過杯野唔係好夠甜。奶味勉強，但如果再濃D就好D啦。鹹牛肉蛋治反而幾好食，鹹牛肉超多超厚，加埋蛋既香味就非常正。煎到有少少燶，不過唔算好嚴重。加埋一層淡淡既牛油，算是不錯的。不過如果佢再多D蛋就好啦，而家感覺鹹牛肉勁多不過蛋就無咩。埋單$27，算是不過不失有好有唔好啦。

見放假又要去圖書館還書, 就順便去試下奶茶紅豆冰啦, 我入圖書館還書前仲話有8張枱先到, 所以我就入去睇下書, 點知出番黎已經過左3,4張飛啦!! 又真係幾快喎....好彩佢唔駛我再等過~~坐低之後個帶位既叫我地自己寫紙落order, 哈哈, 真係O左咀~~奶茶紅豆冰都幾好飲, 唔會好似平時紅豆冰咁甜~~另外沙爹牛肉西多士, 朋友話覺得牛肉好韌, 但我又覺得幾好味~~內鹹外甜~幾得意。朋友另外叫左鹹牛肉蛋治, 佢話唔係間間茶餐廳有得食, 不過佢一試就話無佢之前觀塘樂華既茶餐廳做得好味~但都算可以啦~~~收錢果陣, 伙計計錯數, 差D 就收多我10蚊....無奈=.=" 不過食物質素黎講都唔差既~~不過好搞笑, 我地走果陣大概3:30, 但係佢已經唔俾人入啦, 話等D人食完就收舖....真係唔休做咁喎....星期六都3:30關門...

奶茶紅豆冰個茶味好濃…是正宗的港式喇…紅豆都好大粒同好淋…起沙咁呀…第一次咁既配搭…好似係珍珠奶茶…唔要珍珠…換左係紅豆…可惜…用左粗管都唔係好吸到d豆豆…都係用spoon 好了…ICE COFFEE AND TEA個TASTE…好似有D澀澀地既???COFFEE味好重…但又冇咩奶味…又冇左個茶味…變成怪怪地既味沙DAD牛肉西多士外表睇落去…好似普通的西多士ONLY…哈哈…一落刀切開…真的充滿了沙DAD牛肉….牛肉好入味…仲透左去個多士裡…多士又幾香脆的…搽左牛油…練奶…咸加甜的味覺…又係好新鮮…好得意…馬來咖央多士E…第一次食…原來係椰子味SAUCE…但係GREEN COLOR 既?!?? 嚇左一下~ANYWAY…幾好味喎…好香…又唔係好甜…人太多了...2點黎到…見到好多人係門口…不過裡面又有D位喎…一入左去…就有人問是否去樂園…要等位咯…個D位…係人地間店架…不過佢又幾有SYSTEM…要拎NUMBER…就唔會亂喇~ 原來係有紙自己寫低落單架...!!!唔怪得之...我地就咁同個店員落單...佢咁惡喇...仲見到有NOTCE...要DRINK 同FOOD分開PAPER 寫...仲要

相信近日已有不少朋友在電視中看過介紹此食店，也相信會有很多朋友專程去一試。現在就補充一下在電視中沒有看到的資料，讓大家可先先在文字上感受一下此店的特色..他們真像一間星級的大排檔，如果在星期六的時間，很多時都要在入口處先登記、等候，但入坐的情況當然不是順序啦.. 。當有幸入內後，大家會見到老闆及他的員工在內不停的走動，很忙碌的樣子。但大家會發現一奇怪的事情，為何沒有店員在幫客人落order?! 因為此店的特色之一就是"互動"。當客人們選好食品時，店員會叫大家用枱上的紙筆，把自己想要的食物寫下，記得一張紙只可寫一種食物或飲品。讓大家可在如此特別的大排檔內，還可體會一下做"樓面"落order的樂趣...。落完order後，大家可以同朋友們"長談"，或者從袋中取報紙、雜誌慢慢細看。當然，名星、名人或者超熟客就例外啦。當大家可能已看完整份港聞版時，店員就會慢慢把已點的食物，好像食法國菜般，續一咁送上給客人慢慢品嚐。食物方面，電視或雜誌已介紹很多。但也不得不在此多讚一次，食物質數真的很高，好好味。可能是慢工出細貨，又或許是由餓等到勁餓的關係吧...最後，就是不得不讚這店的態度。員工們: 個個都非

星期六特登去九龍城試奶茶紅豆冰同埋沙爹牛肉西多士~~上到去要攞籌等叫NUMBER~ 不過其實呢個制度都幾好~ 好過就咁入去霸位~ 等左三個字度啦~好采冇再遲Ｄ去JA~ 隔左一陣, 已經聽到老闆話唔再派飛, 準備收舖~ 所以要去都3點前去啊~~坐低叫野食係自己寫紙既~ 當然叫左個奶茶紅豆冰 ($16)同沙爹牛肉西多士啦~ 朋友仲叫左個雪菜牛肉拼沙爹牛肉米粉 ($22)~奶茶紅豆冰, 冰唔太多~ 味道O岩O岩好~ 都唔會太甜~ 但係我會嫌佢少紅豆左D~ 呢樣野大型連銷店好似好D~ 沙爹牛肉西多士真係幾特別啊個味道~ 又鹹又甜咁, 但係又唔會覺得奇怪~ D牛肉質地好好食~ 唔似用梳打粉LAR到鬆哂咁~ 個米粉望落去冇咩特別, 食落去又OK好食喎~~雖然係幾特別, 但係我諗都唔會再特登入去食喇~ 一黎要等位~ 二黎佢又唔係太平~ 16蚊一杯紅豆冰我寧願飲台式飲品~ 埋單119, 俾左120, 佢奉旨唔會找返1蚊~ 我唔介意唔找既, 不過佢奉指就唔係咁好囉我覺得~或者講聲啊~~

第二站去到九龍城市政大廈既樂園啦。呢度有好多間食店俾你選擇，食乜都得。奶茶紅豆冰呢個配搭好得意，紅豆係好淋同起哂沙。真係好正。而奶茶就好有茶味同奶味好夾，呢個配搭唔錯架，不過要有紅豆同靚奶茶先得啦。不過呢度感覺上亂小小，坐得無咁舒服。

聞名不如一見, 今天決到樂園一會它的奶茶紅豆冰. 約12時到達, 可能時間尚早的關係故未見太多人. 這裡是沒有套餐叫的, 所以我點了一杯奶茶紅豆冰和一碟餐肉紅腸雞蛋飯. 估不到紅豆跟奶茶這般搭配, 加上冰粒打得極碎, 我終可沒餘沒剩的乾了一杯奶茶.那碟飯也不錯, 有2片餐肉, 4-5片紅腸, 1隻煎蛋和一些椰菜, 味道算不俗. 基本上這間茶餐廳十分吃得過. 不然也不會又有蔡瀾的題字- '勝過鮑參肚翅'. 老板十分有禮貌, 永遠聽見他唔該前唔該後地招呼客人. 這也是舊時人的特色吧. 也不要小看它店子小小, 竟也有5-6個員工, 看來生意應不錯, 因它每天只營業至下午5:30.

時間 12:30 比預期中早了半小時到達等位時間: 約5分鐘, 近門口第一張枱 食物 : 咖啡紅豆冰, 鮮牛西多, 蛋治 招牌野應該無甩轆 (想叫豬扒麵, 無奈比人叫停, 因要等至小30 分鐘, 無奈性既我梗係唔啋佢) 先黎蛋治: 麵包軟熟, 蛋沒有過老, 但沒有半液體狀, 蛋份量也佈滿一份三文治, 合格咖啡紅豆冰,: 其實香港地好多茶記都有呢味, 睇下又係咪呢到最好飲先咖啡香濃不滑, 相信奶唔多夠, 加埋大大粒紅豆, 軟糯之餘還保留點咬口, 沒有投訴之餘地, 合格之上 鮮牛西多 : 聽講只此一間, 創意十足, 上枱時天時熱辣辣, 牛肉無用上鬆肉粉,質感實在, 西多炸成金黃色, 非常香口, 配上是一大片牛油, 一咸一甜感覺微妙, 驚喜 今日好彩早了半個鐘到, 過了一點鐘後, 老闆做到上晒火叫客人唔好再等, 今日唔做啦, 咁做生意既, 死得!

平日下午2:30去到, 諗住過左食晏時間無咁多人, 點知都係排晒隊, 老板伙記就係咁做到無停手. 搵到位坐低, 就聽到老板話 "我唔接新單, 做唔切呀". 唔係掛! 一場黎到, 點都唔走. 呢到又要自己寫單 (檯面會有紙筆, 記得寫清楚d), 老細唔收單, 但有個後生d 好人d 既男 生會收 (應該係太子爺), 紅豆冰類飲品會快d 上檯, 食物就肯定要等, 要有心理準備. 紅豆冰係唔錯, 其他麵食就係一般荼餐廳既水準啦.我地食到3點左右, 繼續都有客慕名而來, 但無耐老細唔止唔接單, 仲話收檔, 貼埋個休息牌出黎, 好多人都失望而回呀, 所以想去試要早d去到!

早上跑完步後，我便想起阿SO介紹的奶茶紅豆冰，便乘著今天大假出發往九龍城嘗嘗它的味道。下午一時許，我們便到達九龍城熟食街市，而這因間樂園十分容易抓到，坐下不久，他們的伙記（or老闆）好像很急似的，所以我們沒有看清楚餐牌，便草草地叫了一杯奶茶紅豆冰、一杯紅豆冰、一碗沙爹牛肉米和一碗回窩肉米。奶茶紅豆冰和杯紅豆冰先上枱，我把那奶、茶、紅豆冰"搞云"，便急不及待嘗一口，味道果然不錯，茶不會太濃、而紅豆的甜度和質感亦適中，大家恰如其分，配合起來----正。但跟著上來的沙爹牛肉米和回窩肉米真的不知所謂，那些牛肉硬到死、而那回窩肉更加是完全沒有處理，只是從冰箱拿出來便放到剛煮好的米粉上.....不知所謂......其實這樂園位於九龍城街市，我對他們的招呼不帶一點期望，但他們未免太差了吧，給我的感覺是他們不愁沒有生意，所以對侍客人一點禮貌也沒有.......其實他們除了奶茶、咖啡、鴛鴦紅豆冰外，還有紅豆西多士和沙爹牛肉西多士這些奇東西可試，但嘗過了他們的招待後，我亦沒有心機再幫襯他們了。而掛在店舖前，蔡瀾所提的"勝過鮑參肚翅"實在是過譽了。

係電視介紹前已經定期到樂園與奶茶紅豆冰一聚~~ 好似有d上癮咁, 成日都心思思想飲... 聽到老細個仔同人講係嚴選靚紅豆, 紅豆真係大大粒~ 食落唔會好似其他地方果d, 粒豆裡面已經煲到冇晒, 得返個殼, 好唔實在, 甜度岩岩好, 同佢地既奶茶好夾! 每次都好滿足~~ 不過依家多得亞so, 上星期6, 2點左右去到, 人多到爆, 隔離舖既檯都full晒, 因為要自己搵位, 場面都幾混亂~ 而且紅豆都好似賣晒!! 唯有過2日再去過~ 今日去到好彩飲到, 唔係我又心掛掛. 我準備走時聽見紅豆又賣晒lu (果時3點幾)!! 有客問做咩唔整多d? 老細話, 地方有限, 雪櫃唔夠位擺, 一日都賣成3百幾杯... 以本人之經歷, 想樓面服務好d, 笑容多d, 對你好d, 食既又快d, 最好就平日去, 次次星期6去都見佢面黑黑 (上電視個X叔, 都幾惡死, 我見有人比佢鬧過, 不過佢平時好好人, 有講有笑架!)睇下幾時又發作去飲返杯先~~

因為一個節目所以黎左lee 樹 節目播出第二日就黎左, 一點幾黎到...唔洗等位, 不過要搭枱!! 咩都唔洗諗舉起手講唔該, 結果無人理 因為樓面得2個...佢地忙到不得了, 老板係我身邊行過, 我好快同佢講奶茶紅豆冰!! 結果老世邊行邊講...無啦無啦...唔好意思...賣晒啦 下~~~ 賣晒?!?! 結果飲唔到 因死心不息, 最終星期一就仆左出去 今次選擇過左lunch 時間先黎因為我估佢地應該會準備多d 紅豆冰呱賣呱....應該唔會又買晒既今次一樣唔洗等位, 都係要搭枱!!!! 眼見佢地今次仲好忙...坐底唔夠5分鍾已經見到起碼3 pair 人未食就走心想我又唔趕時間, 又一定要食到為止,咁我就好靜心咁等每當一有人望黎我就示意我想叫野食....過左唔知5, 6, 7 定 8 分鐘...終於有人黎啦, 第一時間就叫左 ~~~ 沙爹牛肉出前一丁 + 奶茶紅豆冰沙爹牛肉出前一丁 ($17 + $4 出前一丁) 先黎 ~~~ 好食~~~ d 牛好好好食...好明顯係無比梳打粉醃過, 仲有牛肉味又唔"鞋", 雖然係無用梳打粉醃過但一d 都唔 "un"...好好食, 仲好有水準 ti

某食家不下兩次介紹九龍城街市的紅豆冰奶茶好味云云…而我這個「自以為懂吃」的人,例必跟風去湊熱鬧啦!現場所見,多是湊熱鬧的人,人氣紅豆冰奶茶票數之高,差不多佔了八成(場內有食客約廿零人)…啖一口紅豆冰奶茶($16),又不是那麼驚喜,奶茶甜度低,幾好! 但茶奶比例偏淡兼不太滑;紅豆夠腍但豆味不夠…比較有誠意的是冰粒夠碎,和紅豆size差不多,啜一啖可以有齊奶茶、紅豆、冰在口腔內cross over,都幾得意!老闆及員工招呼有禮,但這裡沒有套餐供應,稍嫌不化算! 如熱潮一退,又如何為繼? 希望我想的是「多餘」!有時媒體的渲染,真不能少窺!廣告?

呢日誤打誤撞來到九龍城，想話去試試樂園的食品，誰不知午飯時間去到，只見人頭湧湧，人多得誇張！四處一望，幸運地見到其中一張枱有兩個空位，連隨上前坐下，諗好食乜之後，跟住就揮手找人落單。誰不知那裡的伙計人人都在行來行去幫人落單同埋單，但是等了十分鐘有多，都未有人來招呼自己，隔離的兩個座位更是換了兩次人坐，先前坐下的人都等得不耐煩離開了。於是決定不再在此等候，轉去另一處地方吃午飯，稍後才來下午茶。下午三點幾，吃過午飯，在九龍城逛了一會後，再上市政大廈想話幫襯，誰不知除了很多枱再沒有人外，還看到有一個伙記在執拾東西，一問之下，那位伙計竟說已經收市，因為所有東西已經賣光。嘩！不是說收下午五點鐘的嗎？乜得咁快無貨賣。唉！都是蘇絲黃惹的禍，在佢的電視節目裡講到呢度好正，等d人一窩蜂到來搵食，結果一係就人山人海，做到d伙計踢晒腳，唔想等的人客就唯有走頭。一係就搞到d想來食嘢的人無其他嘢食，只係有得食「閉門羹」。蘇絲黃，呢度都多得你唔少啦！！

今日落開來買月餅~順手走上樂園試下奶茶紅豆冰~~是日點餐為雪菜肉絲米加雞扒~~奶茶紅豆冰雪菜加左沙爹汁,比一般茶記好食~最得係個雞扒~~新鮮炸個皮脆卜卜~~又醃得入味~~其實我覺得呢間檔既員工好好禮貌~~呀姐見我杯冰差不多飲哂~會走來問我要唔要水~(哇我未試個係茶記有人問我要唔要水架)因為諗住之後去買曲奇餅~唔記得條街係邊我問呀叔條街應該點去~~呀叔即刻問~買曲奇呀~,跟住就話比我知點去啦~一路食聽到呀叔~客起身~會同人byebye同熟客講乜太走啦~多謝晒咁.我覺得佢地都好好禮貌窩~乜有人講過佢地態度唔好咩?今日連續幫襯2間買野食野,都好好禮貌~實在難得,所以今天我心情很好xddd