影片
更多
2010-08-09
8 瀏覽
星期六下午同朋友仔相約四圍搵食, 本來諗住去深水埗食完維記至落九龍城, 不過見呢間話早收就唯有掉轉行程啦...一上到去都算多人, 不過好彩都有位, 坐低商量咗一陣之後, 為咗保留食力, 我哋決定嗌一個沙爹牛肉西多+一件炸豬扒 "些呀", 而後朋友仔飲好立克咖啡, 我就要咗咖啡紅豆冰...先講食物:沙爹牛肉西多 - 牛肉有沙爹味, 多士有蛋味, 又夠軟熟, 叫做食得過啦炸豬扒 - 朋友仔話都見到好多人推介, 所以想試下, 結果上枱時朋友仔都有d失望呀, 件豬扒又薄又乾, 咪好一般嘅炸豬扒囉, 我個人認為大埔東記的好食好多...再講嘢飲:好立克咖啡 - 朋友仔開頭仲擔心唔記得嗌少冰會好多冰, 結果杯嘢未飲到1/5就已經冇晒冰囉, 朋友仔就話飲唔到可力味, 只係得少少咖啡味咖啡紅豆冰 - 咪以為叫做紅豆冰會俾多d冰你呀, 一樣未飲到一半就冇晒冰嘞, 不過啡味都算香濃, 配埋紅豆嘅甜都ok囉總括嚟講, 下次去到九龍城會試晒其他嘢至會考慮再嚟嘞
一上到去都算多人, 不過好彩都有位, 坐低商量咗一陣之後, 為咗保留食力, 我哋決定嗌一個沙爹牛肉西多+一件炸豬扒 "些呀", 而後朋友仔飲好立克咖啡, 我就要咗咖啡紅豆冰...
先講食物:
沙爹牛肉西多 - 牛肉有沙爹味, 多士有蛋味, 又夠軟熟, 叫做食得過啦
炸豬扒 - 朋友仔話都見到好多人推介, 所以想試下, 結果上枱時朋友仔都有d失望呀, 件豬扒又薄又乾, 咪好一般嘅炸豬扒囉, 我個人認為大埔東記的好食好多...
再講嘢飲:
好立克咖啡 - 朋友仔開頭仲擔心唔記得嗌少冰會好多冰, 結果杯嘢未飲到1/5就已經冇晒冰囉, 朋友仔就話飲唔到可力味, 只係得少少咖啡味
咖啡紅豆冰 - 咪以為叫做紅豆冰會俾多d冰你呀, 一樣未飲到一半就冇晒冰嘞, 不過啡味都算香濃, 配埋紅豆嘅甜都ok囉
總括嚟講, 下次去到九龍城會試晒其他嘢至會考慮再嚟嘞
張貼