榕記車仔麵 (已結業)

#寶林車仔麵太耐無食車仔麵，行過經過見到就一於試下～店舖都算大，環境算乾淨，坐得都算舒服。餸菜選擇非常多👍👍好多都好吸引。—————————————————————#兩餸車仔麵 💰30有腩汁同沙嗲汁揀（下次會要求多汁😂，汁既份量真係比較少），每一次食車仔麵首選一定係河粉😋，呢間河粉既份量都比較少。兩餸：豬紅+溏心蛋🥚豬紅無腥味可以接受👍，總共有四粒，份量都唔算少。溏心蛋值得推薦，一咬落啲蛋汁漏曬出黎😂滷水味唔算太重，但都係必叫之選。湯底比較清，唔算好重味精。由於我太大食，下次可能叫三餸先岩我😕😋#豆漿 💰6 （唔記得影）太細杯，寧願叫多個餸仲好。

港式車仔麵向來都是油膩且濃味，十分高鈉，雖然很滋味，但還是少吃為妙。之前到過這間店，一直對那健康養生湯底十分難忘，所以再去吃吃吧～健康版的車仔麵，主打養身湯底，應該沒有添加味精，吃完也不覺口渴。松茸蟲草花養生湯：先呷點湯，湯頭雖然淡卻清甜，有足料的湯料、蟲草花及姬松茸，陳皮魚蛋、酸齋都是推介的配料之一。白果胡椒豬肚湯：湯底都是清淡，不會有一層油泛起，陣陣的胡椒味，湯裡還有豬肚絲及白果。配菜選了醬爆福州丸，彈牙，一咬下去就是肉汁；南乳豬手入味，夠鹹香，很多骨膠原。雞絲粉皮：滿滿的麻醬鋪在雞絲上，粉皮略為硬了點，蘸點辣椒醬一併吃，反而更勝一層。另外，本身有醬汁的配料都是分開碟上，以免醬汁影響湯底本身的味道，讓客人品嘗到最原汁原味的湯及配料，挺貼心。雖然價錢比一般的車仔麵貴，但是食材勝在健康。

今晚在將軍澳吃晚飯，順便選了一間麵店。麵店裝修得很乾淨整齊，牆上還掛了一個大靈芝，十分壯觀呢！但如此貴重的大靈芝竟然沒有任何保護的屏障，令我有些疑惑。有自家製香辣醬。⭐️金蟲草野菌養生湯$60點了一碗四餸米線，有紫菜、酸菜、醬爆福州丸和豬軟骨。試一啖湯底，有蟲草花和姬松茸，湯底很甜，味道淡淡的。米線配酸菜，酸酸甜甜的令我非常開胃。紫菜很爽脆，醬爆福州丸很彈牙，裡面還有肉醬，很惹味。豬軟骨煮得很軟很入味。由於我很喜歡吃麵，所以不免加了不少分，味道不錯。

榕記車仔麵 位於寶琳新都城三期， 由地鐵站一出，過條馬路直行30步就到啦，非常方便。 室內裝修都幾骨子， 即使只係買車仔麵，都好明顯睇到係有心機裝修嘅， 首先迎面而呢係一大片靈芝做裝飾， 再行入餐廳少少就見到有兩部單車掛咗喺牆身， 應該係老闆特意嘅一番設計。講返今次食咗啲咩先， 榕記車仔麵最 出名嘅當然係佢嘅胡椒豬肚湯及姬松茸和蟲草花素湯， 於是就叫咗兩個車仔麵同埋另外兩個小食。先講蟲草花姬松茸素湯底，湯底非常足料，有大量姬松茸和蟲草花，姬松茸菇味濃郁，湯底非常清甜， 估唔到食車仔麵都可以咁養生。再講埋其他配料， 叫咗蜂巢豆腐魚肉春捲以及柱侯牛腩， 柱侯牛腩因為有醬汁的關係所以分開咗上，唔怕影響湯底個味，做法貼心，而且 牛腩入味， 啖啖肉，係大胃人士必點之選。魚肉春卷彈牙， 蜂巢豆腐又係好好哨頭，非常不錯啊。另外一碗車仔麵叫咗胡椒豬肚湯，湯底仲有幾件豬肚tim! 胡椒豬肚湯做法胡椒味較重，絕對是冬天暖身之選。 送就叫咗雞翼冬菇同豬軟骨，全部都分開上。 冬菇非常厚肉， 又炆得入味， 唔想食肉但係又想有嘢照，一定要點 冬菇。 雞翼都炆得好入味，係淡淡嘅鹵水味，而且雞肉仲好嫩滑tim。 豬軟

日本人食拉麵，會把麵與湯底，全部吃得乾乾淨淨，一滴不留。這樣做，代表拉麵好好吃，是對廚師的最有力讚賞。 然而，小妹，素來覺得拉麵的湯底頗為膩滯，從不吃過乾淨﹗日本拉麵湯底如是，港式車仔麵湯底，更是混入了大量味精，濃鹹無比，伴麵吃已大感受不了，更何況要把湯底一飲而盡？﹗ 這夜，與小豬去寶琳Shopping，買靚衫過豬年。然後，吃了一碗車仔麵，連湯帶麵，吃個乾淨，吃個痛快﹗ ~~~~~~~~~~~~~~~~~~~~~~~~~~~~~~水泥地板，配以水泥牆壁，餐廳予人原始粗獷之感。一大幅紅磚牆上，筆鋒有勁地、以白油寫有大小字不一的「榕記車仔麵」店名。「記」字勾上，且有一輛單車，趣味十足。 年近歲晚，餐廳也擺放了饒富新春吉慶的飾物，也出售賀年禮品，如野生羊肚菌。 店內牆壁上，掛有兩架單車。一方面，既與「車仔」相呼應，另一方面，做計店主乃是熱忱單車之輩﹗ 如果說，一碗車仔麵，餸是主角，那麼，湯底必然是靈魂所在了。「榕記車仔麵」憑著香辣白果胡椒豬肚湯與素湯姬松茸蟲草花養生湯這兩款招牌湯底打響了名堂。 餐廳除了主打姬松茸蟲草花養生湯和白果胡椒豬肚湯，最平選兩餸麵$42；還有豬骨湯底，最平選兩餸麵$3

榕記在寶琳站附近開設了分店老公聞說九龍城店挺出名，便慕名來試試三餸麵$35選了最普通的豬骨湯底來見見真章點了油麵+雞中翼﹑魚肉春卷及酸齋加腩汁老公選的餸有豬紅﹑豬大腸及陳皮魚蛋另加腐乳通菜先來腐乳通菜，通菜爽脆，不會老腐乳的味道算香，但不算濃～我的三餸車仔麵，先試湯底雖然圈了加腩汁，但嘗不到腩汁的味道豬骨湯底，味道略淡，感覺像即食麵的豬骨湯味一樣，只是這碗沒有味精味油麵沒有鹼水味～～質感爽口～～雞中翼，是因沒了雞翼尖才選雞中翼，滷得夠入味，但肉質略為鬆散魚肉春卷，可能吃慣另一間的，覺得這款沒有春卷皮的油香，咬口也沒什麼嚼勁，不過不失吧酸齋，不知是否自家製的，不像一般的那麼橙紅色，雖然麵筋帶有酸味，但不夠入味！！老公的三款餸，豬大腸算是最好吃的一款餸大腸夠稔夠香沒羶味豬紅都有略略的調味，算是ok陳皮魚蛋確實是有淡淡的陳皮香味，不要期望這是款彈牙的魚蛋，這款是吃懷舊的味道～加$6的一杯豆漿，有淡淡的豆香味，不會太甜～總結來說，這家車仔麵的質素普普通通沒有太大的衝動會再去光顧可能好偶爾的經過才考慮吃一次半次吧！

成日都食車仔麵，其實出面d車仔麵都係咁上下，不過今日比我搵到一間好與別不同，覺得呢間小店好有心整車仔麵，因為佢d湯底係可以飲既，真材實料無味精。我叫咗個姖松茸養生湯底車仔麵，唔好以為得個名，黎到真係有蟲草花係面，正！湯底比較清淡，非常適合食素人士。講下d送味道如何先，蜂巢豆腐吸晒湯底d精華，呢個絕對叫得過，食落豆腐口感有層次，喜歡～溏心蛋係我每次見到都必點既送，佢真係溏心架入面，蛋味好香濃，好想食多2隻。柱侯牛腩忟得好入味，佢係分開上，所以唔會比個湯底溝淡牛腩味。另外加咗個小食，咖喱汁魷魚好爽口彈牙，十分過口癮！ 十分欣賞老闆將車仔麵整得咁有heart，一定要再支持。

今日入咗將軍澳探好姊妹，佢同我講話佢樓下開咗間無味精既車仔麵檔，心諗真唔真呀？見還掂肚餓，就一齊落去食啦。入到店入面，見到d裝修新促促，好光猛，食物同餐具都似乎幾乾淨，有別於一般路邊車仔麵檔。點咗呢個胡椒豬肚湯底車仔麵，黎到既時候，老闆話要試咗個湯底先，第一次聽呢！飲落都幾鮮，仲有好多豬肚tim啊，幾抵食！陳皮魚蛋分碗上，怕辣汁污染到個湯底，真係好有心思！魚蛋好彈牙，細細粒有咬口。炸魚蛋好新鮮，食得出係手打喎，有魚肉味，唔會好粉。墨魚丸好彈牙，好想食多幾粒哈哈哈最鍾意就係醬爆福洲丸，第2度食唔到，入面d醬爆肉碎好香，好想知道出面有無得賣。另外加咗個菜心苗，上面淋咗腩汁，好香呢！如果我樓下都開返間呢d有心思既車仔麵檔就好了

今日專登走過去試呢間開左短短時間而又未曾入去食既榕記車仔麵。話說佢開正喺娘家樓下，閒來無事行過路過都會望下入去，但基於每資翻完娘家食飯都係太飽，所以一直無機會試，好勒。今日專登去試下呢間標榜有養生湯底，新鮮製造，無味精既車仔麵先。我同奶奶兩個分別點左白果胡椒豬肚湯底既魚肉春卷酸齋生菜米線同埋豬骨湯底墨丸大腸豬紅冬菇油麵！首先讚一讚分開上既酸齋。酸而不澀凍凍地分開上又幾好味！跟住有手指公既墨丸咬落去又唔算彈牙。墨魚味都一般，又無想像中好食，俾隻指公呃呃地。豬大腸林而入味，洗得都幾乾淨而且剪得粗厚適中，都幾好！冬菇都夠林同夠入味，而且好大隻。豬紅呢食落去就似雞紅。。白果豬肚我奶奶食到讚不絕口，覺得夠辣又唔難入口，食完好舒服(咁啱呢幾日凍)整體嚟講喺將軍澳食到呢個質素既車仔麵都已經好好，雖然麵底少左啲，應該得二両唔夠，女人食就剛剛好既！男人就爭少少勒。但養生湯底呢下有心又做得好味真係抵嚟食！價錢亦算公道，兩碗下午茶加埋99蚊仲送豆漿，唔平但亦不貴，比起你去大家樂兩個食70蚊有益得多。

大節日後，唔可以再食大魚大肉啦！今次帶愛人來食車仔麵，今晚呢度都滿坐依然是點了4餸，今晚點了米線，份量不是太多，如果男仕必定不夠。餸點了豉汁鳳爪，有兩隻，味道ok，但不算十分入味。魚肉春卷美味，有4件。流心蛋是極美味，好吃過日本溫泉蛋，蛋迷必吃！！豬紅入味，味道不錯！流心蛋是極美味，蛋迷一定要點哦！另加了一碟南乳豬手，今次感覺上咸了點，可能上次是放在湯麵上，中和了咸味。愛人説不夠淋，而我反而喜歡它不是太淋，喜歡它有點彈牙口感。今天是晚飯時間來，飲品半價。上次是下午茶來，是送飮品。埋單2碗麵+2杯豆漿+南乳豬手＄130。以香港地來說，這價錢算是合理。

今晚在家附近吃晚餐，最方便一定是吃碗麵。這家店吃過一次，印象不錯，於是再光顧。店舖裝修光潔整齊。最欣賞這家店的養生湯底，美味之餘又沒有味精。⭐️姬松茸蟲草花養生湯（素食）四餸米線$52湯底配料很豐富，姬松茸和蟲草花，入口甘甜，有淡淡的藥材香氣。我點了兩份紫菜、酸菜和金菇菜。不得不讚這裏的紫菜爽脆，十分滋味！⭐️炸魚皮（香港製造）$16以一包包獨立包裝，入口魚皮酥脆，很棒！⭐️醬汁魷魚（辣）$18魷魚微辣，但非常彈牙爽口！⭐️白果胡椒豬肚湯三餸河粉$47 湯底有淡淡的胡椒味，十分暖肚呢！湯底選了沙爹汁，配上蘿蔔、頂級貢丸和豬腩片，配料雖然是平常吃到的，但配上湯底，我覺得物超所值！

普通湯底，無咩豬骨味，蘿蔔唔夠入味，牛丸味道可，豆卜一開二，總數兩位，份量少。湯底唔夠味，份量極少（本人是女士），魚肉春卷，一開三、再加一粒，價錢貴，不會再光顧。

和好友到這裏附近逛街，逛了大約兩三小時，又餓又累，在網上看到這車仔麵店好像很好吃，專程來找找，這小店的門口位置在街上，我們也找了一會才找到入口。店內位置足夠，坐得舒舒。我們坐在比較入，近出菜的位置。我們點了基本湯底的車仔麵，一麵4餸，因為點餐的時候已是下午二時半，有免費豆漿送哦！熱豆漿送來，喝了一口，濃郁的豆香真的是十分驚喜，令我眼睛也瞪大了！至於車仔麵我們點了粗麵，是蛋面沒有鹼水味！餸就點了南乳豬手，炆得夠淋夠入味，很出色。另外點了豬軟骨丶魚肉春卷丶甜酸齋也不錯。整體上屬於中上，會下次再來光臨！

又同隻🐷食好西聽講將軍澳榕記唔係1般嘅車仔麵，放工就同咗隻🐷尊登走過去食，交通方便，鄰近地鐵站，仲要係喺地舖嚟。地方寬敞乾淨，店員友善，仲有好多款式選擇，除了車仔麵外仲有大碗飯，有必吃小食，飲品有兩款特別，薑汁咖啡，薑汁好立克。因為今日唔係好舒服所以無叫到嘢飲，下次會去試試薑汁咖啡😋😋我就叫咗個車仔麵，湯底係白果胡椒🐷肚湯（個湯裏面有好多🐷肚絲😍）溏心蛋（好味，不過略嫌鹹咗少少）陳皮魚蛋（都幾特別😋），醬爆福州魚蛋（這個普通）, 冬菇（好入味呀😍又夠厚肉😋😋） 另加咗啲沙嗲汁，註明咗沙嗲汁另上，店員就將冬菇同沙嗲汁放埋1碟，咁就唔會破壞咗白果胡椒🐷肚湯嘅味道😋😋。講番個湯底都幾好味，如果再多啲胡椒相信會更加好🤩隻🐷就揀咗 姬松茸蟲草花養生湯（素）湯底（個湯底好清甜👍😋）， 蘿蔔，🐷腩片（肥瘦均一👍😋），魚肉春卷，🐷大腸。或者係因為🐷腩片同🐷大腸味道濃郁，店員就細💖將這兩樣另上👍因為隻🐷好大食仲叫多碗🐂腩🐷手大碗飯，好多汁同埋好好味😍😋平均嚟講每樣都好味，如果將🐷🐂（係炆定滷水😅）味道略為淡少少就會覺得更加好味👍😋😋差啲漏咗個榕記香辣醬真係好正👍😍😋

我原本都無諗過要寫食評..因為我都無寫開既習慣，但今次真係不得不寫！其實呢間車仔麵之前我間唔中都會中午時食...因為我真係好中意食車仔麵同牛腩...難得佢又係張點餐紙上有個讚係牛腩，心諗應該係招牌菜掛如是者，我今次黎食都係食左碗牛腩豬紅河..可惜晨早流流就話賣哂豬紅...咁我最後焗揀左豬大腸牛腩，點知個牛腩我一食落去好似石頭咁硬....碗麵裹面大概有3-4舊...只係得1舊係正常..其他都好硬...硬到我跟本食唔落...但我果刻無出聲...打算去到最後比錢果刻先同個收銀講...可惜個收銀竟然調返轉頭話我咁後生排牙咁快唔掂咬唔開啲牛腩...我果刻心諗我比個石頭你咬...睇下你又咬唔咬得開...之後我同佢解釋返係啲牛腩既問題..唔係我排牙既問題...同時我都提及到我上幾次去食都有牛腩硬既問題..個收銀竟然咁上次黎又唔講既？我當堂扯火咁講其實上次已經換過，最後佢無出聲，收埋錢多謝哂咁