榕記車仔麵 (已結業)

今日專登走過去試呢間開左短短時間而又未曾入去食既榕記車仔麵。話說佢開正喺娘家樓下，閒來無事行過路過都會望下入去，但基於每資翻完娘家食飯都係太飽，所以一直無機會試，好勒。今日專登去試下呢間標榜有養生湯底，新鮮製造，無味精既車仔麵先。我同奶奶兩個分別點左白果胡椒豬肚湯底既魚肉春卷酸齋生菜米線同埋豬骨湯底墨丸大腸豬紅冬菇油麵！首先讚一讚分開上既酸齋。酸而不澀凍凍地分開上又幾好味！跟住有手指公既墨丸咬落去又唔算彈牙。墨魚味都一般，又無想像中好食，俾隻指公呃呃地。豬大腸林而入味，洗得都幾乾淨而且剪得粗厚適中，都幾好！冬菇都夠林同夠入味，而且好大隻。豬紅呢食落去就似雞紅。。白果豬肚我奶奶食到讚不絕口，覺得夠辣又唔難入口，食完好舒服(咁啱呢幾日凍)整體嚟講喺將軍澳食到呢個質素既車仔麵都已經好好，雖然麵底少左啲，應該得二両唔夠，女人食就剛剛好既！男人就爭少少勒。但養生湯底呢下有心又做得好味真係抵嚟食！價錢亦算公道，兩碗下午茶加埋99蚊仲送豆漿，唔平但亦不貴，比起你去大家樂兩個食70蚊有益得多。