極尚大瀛喜日本料理

營業中

休息中

帶女女去食放題 觀塘呢間出名多野食而且幾好味 雖然女女唔想食魚生 但都有幾多其他選擇可以食😆最岩佢口味係御品鮑汁燴花膠 花膠大大塊 好厚身 咬落彈牙爽口 而且炇得幾入味 最後食到飽都要encore 😋肉蟹粥煮得好綿滑 但可能栗米粥同蟹分開煲 所以蟹嘅鮮甜未入哂粥入面🤣 所以蟹仔先保留到鮮甜 而且肉質幾扎實😋出面仲有任拎炒蜆 蜆肉大大粒 炒得惹味😆 同埋估唔到有章魚小丸子！皮薄餡料多 好多木魚碎飄係面😋蒜片和風汁炒牛柳粒煮得惹味有鑊氣 肉汁鎖住係入面 十分juicy🤤 燒羊鞍燒得外表香脆 肉質厚身嫩滑 想孜然粉味 食多幾件回翻哂本😻 蒲燒鰻魚都係大家大推嘅！ 燒得均勻 而且燒汁味香濃 外層薄薄一層魚皮 內面軟腍冇骨 每人至少食幾舊😂 帝皇蟹棒壽司超大條 又夠厚身 加埋沙拉醬同埋扼得實實嘅壽司好夾😋 唔夠食埋呢個雪花牛肉鍋就一定飽哂！超大塊雪花肥牛 入面仲有椰菜🤤 鹽燒海蝦同埋鹽燒牛舌 燒得好香 牛舌剛熟透咬落去肉汁仲係入面😆最後當然食個榴槤炸彈 入面大半榴槤蓉 所以一咬開 榴槤味四射😂

上個禮拜我同我嘅母親大人一起慶祝生日，去完APM行街，再去隔離嘅亞太中心食一餐勁嘅，亞太中心選擇實在太多完全簡唔落手，我只好上Openrice睇下有咩好食嘅野，咁啱見到呢間嘅評分唔錯，所以就去咗呢一間試一試🤤首先講下我最鐘意食嘅炸物/天婦羅😋虎蝦天婦羅 又脆又多肉加上蝦肉好彈牙👍🏻皇帝蟹棒天婦羅 啖啖蟹肉😚跟住仲叫咗個瑤柱蟹肉粥，一鍋咁送黎，粥煮得好綿，蟹肉同瑤柱令到鍋粥好鮮味，仲有成隻蟹可以食。😚同埋雪花牛肉鍋，雪花牛肉肉質好嫩滑，湯底好香濃，牛肉好大塊，鍋低仲有啲粉絲，吸收咗牛肉嘅精華，勁好食😍食到少飽就出去睇下有咩自助小食食，竟然俾我見到有章魚小丸子新鮮滾熱辣，表皮薄脆又唔會太厚粉，加上熱辣辣，真係好好食😆食完小丸子又俾我發現到放題好少有嘅燒鰻魚，有魚油香，外層搽上鰻魚汁，加上燒到微焦，真係一流🤤🤤之後叫咗個牛舌串燒同燒牛肉粒，牛舌爽口，外面燒得香脆。😝同燒牛肉粒，都幾唔錯，牛香淋，調味好好🤤食到咁上下就想食下甜品，甜品方面好多選擇，有各式糕點雪條雪糕🍦同埋乳酪，而且仲有自助雪糕機，又高質又多選擇。🤣

今日lunch我們選擇了一個行得比較遠的飯堂，位於OPC的極尚大瀛喜，因為同事話想食魚生。點知去到見到有熱辣辣的午市定食之後，在這種秋意濃的日子，魚生當然會被擱置啦😂最後同事點了黑蒜豚肉烏冬，而我當然要點我至愛嘅鰻魚啦，蒲燒鰻魚丼定食😋除了這些定食之外，還可以到外面拿飲品同小食，我拿了烏龍茶和麵豉湯。《蒲燒鰻魚丼定食》見到個鰻魚好肥美，好吸引🤩上面灑上紫菜，旁邊還有幾片日式黃蘿蔔，好爽口。鰻魚上搽上燒汁，非常惹味，燒汁配上珍珠米煮成的飯，想食多碗飯添呀😅

今日同屋企人黎食放題 聽朋友講呢間極尚好多選擇 而且味道唔錯🤤一黎到當然要叫刺身放題啦 有好多野揀 三文魚 油甘魚 赤蝦 北奇貝 帶子 虎蝦甜蝦都有齊😝 呢度d 甜蝦雖然細細隻 但味道鮮甜新鮮👍 呢度最多選擇係壽司 有成5版紙可以揀！每樣都有叫左d 黎試😻醬燒極尚帝皇蟹棒 蟹棒超大條 厚身多肉 好味👍 帶子壽司好肥美😆油甘魚腩油份充足☺️真係好多選擇 又有新意 有用甜芒果包住嘅新款式添 樣樣都咁好味🤤仲未完 呢度竟然有海膽手卷 好彩係細細舊 飯份量唔多🙈 海膽色澤光亮 望落好新鮮 味道帶鮮甜 一個唔夠食 自己都食左兩件😂 蒲燒鰻魚 燒汁燒到表面乾身 食落香腍冇骨 好味到encore 左😝燒紐西蘭香草羊鞍 燒到表面微脆 入口啖啖肉 肉汁鎖住係入面🤤 風汁炒牛柳粒 超濃汁 十分惹味 嫰滑夠鑊氣😋最後當然要食榴槤炸彈 好香榴槤味 入面爆榴槤蓉 係流心嘅感覺😆 雪糕都有好多選擇 食埋真係大滿足 可以自己整 又可以揀 例如我最鍾意都係Mega脆皮😻

見網上唔少人推介，午餐就試下極尚放題。空間幾大，甜品、飲品、頭盤係自由取。最好事先dl 點餐app, 叫食物方便好多。刺身、壽司都幾好，新鮮、上菜亦幾快基本上沒有漏單。整體來說，食物種類不是十分多，但尚算合理。甜品非常一般，不要期望太高，試左心形西米布甸不太好味，其他甜點沒有試，可能本身不是十分喜歡。至於放題焦點之一的雪糕也是阿x羅跟雀牌，不是名牌貴嘢，所以都冇試。見有脆皮雪條，但太飽了，都冇試，後悔呢......至於服務也不錯，坐位也算寬敞，場地較大，難免有點嘈，但感覺不差。

今日又係一個飯聚，揀咗呢間夠近公司嘅極尚大瀛喜，入座時間係六點半，我哋準時到達，好彩下面𨋢口並無出現長龍。點菜當然唔少得嘅就係壽司啦，今次叫咗帆立貝同埋蟹子壽司，凡立貝壽司嘅飯帆立貝好好肉，好鮮甜，一啲雪味都冇，而蟹子壽司外層紫菜好脆蟹子仲卜卜脆好新鮮！出面自助櫃然有我最鍾意食嘅朱古力心太軟，有射燈照住，食落尚䁔，而且仲有流心添㗎！真係好難得！正！食到咁上下都總想食啲清淡啲，於是我揀咗一份蟹粥，個粥都煲得幾綿，食落有淡淡的蟹香味，唔錯！另外仲有豉椒炒蜆，啲蜆肉都幾大粒，而且都幾嫩口，冇乜沙，我一個人食咗唔少，食到唔停口！

今年的中秋我地一家決定唔再去酒樓食飯做節，而係試下對於老人家係好新潮的日本放題近近地就去左觀塘呢間啦，細佬一早就book 左位，我地一行九人，但安排俾我地既坐位比較逼，要加張圓凳先夠坐，唔理咁多啦，食放題就是要把握時間食野先介紹下熟食、前菜、飲品同甜品吧同其他放題餐廳一樣啦，個人覺得冇咩特別驚喜。三位老人家不好刺身，只可食熟食所以點了一堆炸物，要推薦個燒鰻魚唔錯，我地點左兩轉，同呢間有鮑汁花膠，要食多幾個回回本至於刺身質素都係一般般，唔係太新鮮。埋單每人$258加一，價錢唔算貴，上菜的速度都算快，冇漏單情況，但食物質素一般。

話說母親大人前排話想食刺身，食刺身咁就梗係要食放題先抵㗎啦。之前有同朋友黎過呢間放題，性價比極高，地點又夠晒方便，所以今次就帶阿媽黎食好西。落咗單就梗係去自助區拎啲小菜同飲品先，飲品同小菜都好多選擇，我就最愛辣味螺肉，會食唔停口！放題既重點就梗係刺身啦！之前黎食個陣已經好滿意呢度既刺身，今次既都係一如既往咁高汁，非常新鮮同厚切，尤其係我最愛既三文魚☺️，鮑片都唔錯，又爽又鮮甜！平時食放題都唔會嗌好多壽司軍艦卷物類既，但黎到呢度就會忍唔住嗌，因為好多唔同款式而且細細舊唔洗擔心飽，仲要幾好味！特別中意左口魚裙邊，帶油香且甘甜。燒物例牌叫咗燒牛舌、燒蕃薯仔、燒帆立貝、燒翠玉瓜。我諗平時應該冇咩人會叫燒翠玉瓜，但有驚喜喎，爽脆又爆汁！仲有燒蕃薯仔都好好味，好香甜！炸物就叫咗三款，有榴槤炸彈、香芋丸、芝麻雞翼，個人認為全部都咁好味，阿媽就覺得香芋丸有驚喜。之後仲叫咗我最愛既牛柳粒，超級惹味啊！仲試咗新野，醬炒香辣牛孖寶，姐係牛柏葉同金錢肚，夠晒爽口，母親大人都表示幾滿意。

朋友一直都好想食放題 約左好耐終於搵到個時間一齊食放題 講到放題好多人都會去旺角食 之前起mk食過 覺得質素一般 價錢偏貴 而且時間好短 今次起openrice見到呢間評語唔錯 價錢都好好 5個人連加一 每人$262 仲可以食2小時45分鐘 可以慢慢食 慢慢傾計 而且地方都好大刺身好新鮮 三文魚好肥美 帶子好夠厚 甜蝦都唔錯（有小小lum 但鮮甜）北寄背爽 玉子偏甜 鰻魚好食不過有d小骨 食時要小心 燒鯖魚同比目魚都好好味 肉質鮮嫩厚實 唔會過鹹 個帶子鵝肝sushi都正 好香鵝肝味 不過鵝肝好細粒 羊架都唔錯 肉夠淋 調味唔錯 牛肉鍋 d牛好大塊 有牛味 不過肉質較鞋 （無辦法啦 呢個價錢唔可以期望有入口即溶肉食ga嘛） d燒日本甜薯好好食 外皮脆得黎好煙un 好鍾意 不停加叫出面都有得自己夾前菜 有salad veg, tomatoes, watermelon, 中華沙拉，kimchi，酸辣蘿蔔，拍青瓜木耳，雞腳，茄子，煎餃子（個人覺得唔好食 皮太厚），迷你蛋撻，炒辣蜆等等野飲要自己攞 ok多選擇 不過去過日無解茶飲（但去廁所果時 見佢有一箱箱解茶 唔知點解無放出黎） 雪糕可以自己

依排突然好想食鰻魚，然後就醒起依度有得任食又肥美又熱辣辣既鰻魚，就即刻book啦🤤🤤🤤為起黎 如果食力夠 都真係抵過自己出去仲買一條 ∠( ᐛ 」∠)＿巧巧痴～🤤🤤🤤放題又點少得刺身同更多既刺身✌️(⁎⁍̴̛ᴗ⁍̴̛⁎)依間野上菜都上得好快又上得都算准，而且都幾厚切，啖啖肉💖 同埋都幾新鮮～ 正喔～但要特別推介下既係 油甘魚魚魚魚魚！好肥美好香呀🤤🤤🤤叫刺身一定要叫呀！食呀食呀食(⁎⁍̴̛ᴗ⁍̴̛⁎)最後緊係要食甜品💖 我覺得依度既甜品質素唔錯，又好多款，又細細份唔怕太膩，而且味道都好正常/好味我個人本身好中意食奶凍，而佢啲奶凍類都 好滑！好濃！好好味！♪( ´▽｀)仲有個椰汁西米奶凍好QQ，用細細個心形盒仔裝好精緻，而且味道同樣好香濃 好好味~😆😆😆真係好滿足喔～ ~\(≧▽≦)/~

突然之間好想食肥美嘅鰻魚就同靚女黎食放題一去到就即刻例牌叫咗一大盤魚生今次最肥美係油甘魚！帶子亦都好好食，切得冇咁細粒就仲正！吞拿魚嘅味有d怪怪地🤔呢個比一萬個like, 鰻魚厚身又肥美！花膠雞腳湯，都幾正！烤牛脷都好軟幾好食再多啲蟹膏就更好食啦鵝肝伏伏地我哋兩個都冇乜胃口想叫下啲菜食點知香港人都係食肉獸成個餐牌都冇菜最清就係呢個牛乳海鮮煲啦xD 個湯好濃好重牛奶味不過都有少少味精咁啦偏甜烤羊好好食！

day off同朋友喺觀塘行街 朋友話想食放題 咁就梗係要滿足佢嘅願望 呢間放題我已經食過幾次 每次都非常滿意 一於就帶朋友嚟食呢間落完單就帶朋友去自助區拎嘢食 自助區都要好多唔同嘅選擇嫁 有好多飲品,甜品,前菜等等 而且味道都不錯每次放題必點既刺身 新鮮又肥美 特別中意赤蝦 又大隻又鮮甜 果然keep到高水準壽司同卷物當然都係必點之一 全部都細細舊 唔使驚食到太飽 個人認為左口裙邊同蒜香牛肉最好味 最尾仲encore咗輪 朋友就最中意拖羅軍艦 話佢入口即融炸物同樣唔可以錯過 芝麻雞翼真係好正好香口 榴槤炸彈都勁香勁濃榴槤味 不過朋友就一臉嫌棄哈哈燒物都嗌咗啲 燒牛舌好濃牛味 燒菠蘿好甜 忍唔住要再encore呢個牛柏葉加金錢肚之前嚟個陣無㗎 梗係要嗌翻嗰 如果可以冇咁鹹就更加好啦~

工作壓力大，放工梗要食餐好啦！今晚同閨蜜去左極尚大瀛喜食日本放題，一於盡情舒壓~~~ 首先食D前菜warm up下，都有十幾款既，味道OK，我推介少辣蘿蔔，爽口香辣~飲品種類都好多，不過緊係飲平日較貴少飲又正既，我揀左荔枝紅茶、蘆薈奇異果、芒果汁、水蜜桃汁、忌廉溝鮮奶……等，好似喝左好耐咁，不過清甜果香好難忍~ Order好食物又等緊既時候，最好及下出面既熟食，唔好蝕~ 有豉椒炒蜆、炒四季豆、蛋撻仔……好似去左中菜廳咁~ 仲有花膠雞腳豬骨湯，好濃郁呀~ 食得生冷野多及坐得耐涼涼地，飲呢個好正，所以我飲左3~4杯~ 跟住唔使問，大家指定動作緊係食刺身先啦~ 有13款選擇，我地就叫左三文魚、大赤蝦、希靈魚、北海道帶子、螺片、虎蝦及鮑片，整體質素都OK，幾鮮甜，當中最鍾意北海道帶子，一定要試~然後就到壽司類啦！點食紙都有5張，有成30款咁多，但食唔到咁多，唯有精選4件壽司 +4大軍艦 +5大卷物，有蒜香牛肉、牛油蒜蓉大蝦、帝皇蟹棒……我就鍾意山葵八爪魚軍艦、香蔥拖羅蓉軍艦及野菜燒牛肉卷，貪佢好味又夠濃味~~~涼涼地就點左個超人氣雪花牛肉鍋，真係蒸氣騰騰牛肉鍋，米睇佢咁生，撩兩下熟晒，湯底好甜

個人揀放題來講，都幾睇重佢小食、燒物等等，今次揀咗極上大型喜，絕對冇令我失望。刺身壽司不在話下，新鮮得來夠晒厚肉，而最吸引我嘅當然就係佢嘅吞拿魚茸軍艦，吞拿魚嘅魚油香得來而唔會太膩，侍應捧想來嘅時候紫菜仲係脆扑扑，好好食！另外一個回本之選，當然就係海膽手卷。佢個海膽手卷唔會淨係得啲飯，海膽嘅份量亦都夠晒，一啖一件，絕對係encore之選！至於燒烤食物方面，我最鍾意佢燒雞軟骨同埋牛舌。佢串雞軟骨唔會油淋淋，咬落去好爽脆，又唔會燒得太燶，好好食！佢嘅牛舌唔會燒得太乾，啱啱好！雖然好多人覺得係放題叫烏冬唔抵食，但有時覺得不斷食生冷野，食返啲亂粒粒嘅嘢食，個胃會覺得舒服啲。今次試咗佢個湯烏冬，可能我個人鍾意昆布湯，清清地，其實都幾開胃。而且佢嘅烏冬都幾有咬口，食得出絕對係手打烏冬，如果佢有埋咖喱湯烏冬就好啦！

今日專程過去觀塘同朋友食晚餐, 喜歡吃日本菜的她當然二話不說吃日本菜,最後決定去食放題, 而看到不少好評的這間就打去訂位, 約八點多到達, 沒想到咁大間而座位都不少, 看到一疊厚厚的餐紙就知道有不少選擇, 即時點了不少而再出去拿東西食.出面小菜不少而且飲品和已經有三個櫃咁多, 仲有甜品櫃和雪糕雪條, 有驚喜,二百多元就有咁多食物.喜歡吃炸物的我當然沒有錯過濃郁而新鮮的榴槤炸彈和口感十足的炸蠔, 而出面拿來鮮的章魚小丸子都十分好味,醬汁夠又軟熟而入面足料. 熱食當然不會不叫炒椰菜啦, 炒十分香口而又翠綠.而壽司都叫了不少有,芒果卷,吞拿魚碎,蟹籽....壽司細細舊一口剛剛好, 材料都新鮮而紫菜都夠脆口. 喜歡吃三文魚的我都有叫花之卷, 三文魚質素都吾錯, 仲有魚油香係度. 手卷有海膽和鵝肝,吾大舊, 而海膽味道都突出而吾會有腥的感覺.最後都叫多咗一輪熱食鰻魚,菠蘿,晴魚,每款都叫咗一舊, 岩晒我一個人自己食又想多選擇. 炒蜆係朋友最愛, 都幾香而厚肉.豆腐花就係我地最後的甜品, 這個價錢有這質素很好又抵食,.