極尚大瀛喜日本料理

營業中

休息中

今日又係一個飯聚，揀咗呢間夠近公司嘅極尚大瀛喜，入座時間係六點半，我哋準時到達，好彩下面𨋢口並無出現長龍。點菜當然唔少得嘅就係壽司啦，今次叫咗帆立貝同埋蟹子壽司，凡立貝壽司嘅飯帆立貝好好肉，好鮮甜，一啲雪味都冇，而蟹子壽司外層紫菜好脆蟹子仲卜卜脆好新鮮！出面自助櫃然有我最鍾意食嘅朱古力心太軟，有射燈照住，食落尚䁔，而且仲有流心添㗎！真係好難得！正！食到咁上下都總想食啲清淡啲，於是我揀咗一份蟹粥，個粥都煲得幾綿，食落有淡淡的蟹香味，唔錯！另外仲有豉椒炒蜆，啲蜆肉都幾大粒，而且都幾嫩口，冇乜沙，我一個人食咗唔少，食到唔停口！