極尚大瀛喜日本料理

營業中

休息中

我又來食依一間放題啦，老實講我真係食咗好多間放題，但係另外回頭嘅放題真係唔多，觀塘呢一間嘅放題啊我真係推薦！佢空間非常之夠同隔離位嘅距離都恰當，其實我真係唔鍾意食放題嘅時候同啲陌生人坐得咁近，所以枱與枱之間一定要有適當嘅距離！呢度既自助飲品區真係好多選擇，你講得出嘅佢有你講唔出嘅其實佢都有，不過有啲飲品好搶手(((o(*ﾟ▽ﾟ*)o)))，我好鍾意佢既熟食區，因為每次去都有唔同嘅驚喜，今次佢就有鹹蛋黃炸魚皮同埋雞煲！！！仲有小食區方面選擇都好多。用手機下單真係好方便，有啲咩食就可以用部機去落單，上菜嘅速度又好快，唔會要人等好耐！今次多咗好多新野，例如芒果椰汁糯米飯，烤鱈魚乾，椰汁燉燕窩等等我就好推薦大家試吓佢嘅芒果椰汁糯米飯，因為咁少份量嘅嘢佢都做得咁吸引，芒果好新鮮而且糯米飯唔會話好硬，煙銀口感！佢既鱈魚乾好正！好脆，做小食一流！我另外有嗌壽司，質素都唔錯啊！選擇款式有好多！佢嘅炒帶子都好好味，好入味！

官塘分店，經常去午市，每人只雖$206.6，這個價錢因為食物尚算不錯，又坐得舒服邊食邊和朋友吹水，是不錯的地方， sashimi盤=>必食劍魚腩， 希靈魚刺身，俄羅斯甜蝦刺身，熟食必食=> 紐西蘭香草羊鞍， 禦品鮑汁燴花膠， 鹽燒牛舌串燒， 芝麻雞翼串燒，比目魚西京燒 ，虎蝦天婦羅， 芝士墨魚玉子燒 ，燒甜品榴槤波波，熟食蘿蔔牛腩， 燒有機菠蘿 ，必飲 Hogarden 大罐裝啤酒和道地解茶，服務員也很好教導點餐，全場內也很 寬敞和乾淨。

老友記又約去食放題, 食肉獸當然 happy 啦, go go go今次又係揀中極尚大瀛喜 … 點解食左幾次都仲要嚟? 無計, 堅抵食, 招呼又好, 坐得又舒服!改左用手機apps點菜, 無得一齊睇 menu, 咁交俾老友做啦, 我走出去騰個 round 攞嘢食先.出面個自助 bar 依然咁多嘢食, 沙律菜都有4/5/6款 (雖然我戎左菜好耐, 都要讚下), 仲有7/8/9款日韓式前菜, 加埋炒雞球, 炸魚皮, 薯條, 葡撻 … 行 2轉都拎吾晒添.   返到位坐低, 大大盤剌身已經係枱面 :  蝦, 三文魚, 象拔蚌, 希靈魚, 北寄貝, 帶子, 八爪魚… 樣樣都咁正老友仲叫左壽司, 件帝皇蟹捧壽司, 大啖肉, encore!食肉獸極力推介 : 蒜片炒牛柳粒 --- 肉質夠林, 夠入味黑松露露筍炒帆立貝 --- 雖然吾係好見黑松露同露筍, 但D帆立貝好香口鹽燒牛舌 --- 正, 彈牙, 爽到好似食魚蛋咁天婦羅蝦 --- 新鮮炸起點會吾好食, 無限 encore 炸榴槤 --- 又係encore左吾知幾次, 榴槤控必食!仲有好多其他好嘢食 : 鰻魚玉子燒, 牛肉鍋, 燒蝦, 羊鞍, 雞

就快生日, 老公話提前慶祝, 請我去食放題, 梗開心啦, 佢知我怕肥所以揀午市放題, 仲一早訂定枱, 咁細心, 抵讚觀塘呢間極尚大瀛喜我地都食過幾次, 貪佢近地鐵站, 又無旺角咁逼人.佢個裝修幾靚ga, 樓底夠高, D位又OK寬落, 幾好坐.今次有新搞作喎, 轉左用手機apps 落單, 吾洗再畫紙仔, 吾怕入錯單, 好方便呀.嚟呢度當然要食我既至愛“御品飽汁燴花膠”啦, 正呀, 超大件花膠, 好滑, 彈牙, 話減肥我都食左2碗 今日仲有花膠虫草煲雞腳湯, 又一大碗, 超養顏囉, 哈哈 不得不提佢果D日式前菜, 真係好好味, 尤其是個海哲, 林得嚟仲彈牙, 調味啱啱好吾會太鹹, 好得. 個帶子裙邊又係超好食刺身一如以往咁新鮮, 最欣賞件象拔蚌, 又甜又鮮 比目魚好食喎! 吾油, D肉好滑黃金醬燒海虎蝦, 無得輸啦, 勁多芝士, 淨係個醬汁都好食到暈.燒牛舌都幾OK, 香口得嚟吾乾, 仲有D彈牙實在太多好嘢食, 講吾晒 …講下甜品, 有我最愛嘅椰汁燕窩 --- 真係呢, 一大匙燕窩ga, 呵呵呵仲有心太軟, 熱辣辣的外層, 流心嘅朱古力餡, 點忍到口先.呢餐生日飯好正, 多謝老公~

同事介紹去極尚大瀛喜食放題，今日同屋企人book左7:00pm，呢個時段$258加10%，任食2小時，比起其他時段冇咁優惠，但冇辦法啦，要等大少爺放工。我地一坐低就要download RicePon apps，再掃描QR code先點order，有別於放題用寫紙order，呢個apps 既環保又可以追蹤到order，成晚都冇飛單，order到左會綠色顯示。刺身好新鮮，有三文魚，象拔蚌，甜蝦，北寄貝，帶子，榮螺，虎蝦我最鐘意就係芝麻雞翼，好香口，忍唔住都叫左2 round 燒香草羊鞍好騷，個人認為騷先好食。至於迷你海膽手卷，Yummy，要快食唔係紫菜淋哂鹽燒左口裙邊火灸壽司，食得出魚脂，入口即融。三文魚籽軍艦，牛油果醬蟹柳軍艦，蟹籽軍艦，好彩壽司飯唔多，一啖一口岩岩好。燒有機菠蘿好鮮甜飲品同雪糕都係自助，整體上都值得一試。

一家人食飯，突然想食放題，搵左好耐，最後都係決定食呢間，之前食過幾次，食物種類多，刺身新鮮，質素唔錯。價錢唔算太貴，2百幾蚊，食到個個抱住個肚走。落單快，出單仲快，辛苦了各位侍應生。

好耐冇同 屋企人 去食放題， 難得今日 個個時間都可以夾到。 所以決定 再次去觀塘 極尚大瀛喜 開大餐 呢度嘅水準 ，之前食過。 感覺好好 。 時段係12點至三點 200蚊有找自助飲品區 ，種類繁多。任君選擇自助甜品區，女士嘅至愛蟲草花 花膠魚翅雞腳湯 ，湯味濃郁，材料豐富 好正新鮮刺身 甜蝦 帶子鮮甜， 三文魚 油脂甘香我嘅至愛 燒羊架 同樣保持過往嘅水準 加少許檸檬汁 ，中和羊肉的油脂感。又可以刺激味蕾。一流燒菠蘿， 同樣係我嘅至愛。 燒烤後嘅菠蘿。 酸甜多汁 又可以幫助消化 好好味自助區 配有多款小食， 開胃有益 食客可以自由配搭 ，揀選自己鍾意嘅小食甜品 ，心太軟 。食甜品可以令人開心。 相信很多人都會咁諗 。呢款心太軟， 水準都好高㗎榴槤炸彈 ，皮脆內香甜。呢款 牛油果軟殼蟹 ，本人都好鍾意 香脆嘅軟殼蟹 配上牛油果， 好夾㗎

今日朋友提議嚟食放題，回想起來，都有一段時間無食日式放題了，既然朋友咁想食，就陪佢試下。餐廳位於觀塘亞太中心5樓，一開𨋢門就發現好多人在等候，心諗：「有無咁誇張，真係咁好食？！🤔🤔」，職員俾左飛我哋之後，等左十幾分鐘左右就安排到座位。餐廳室內空間好大，樓底夠高，座椅大部分是梳化座，雖然二人座枱面比較細，但尚算坐得舒適。食物方面，除左係座位落單點食物之外，餐廳內仲有自助區，有餐前冷盤小食、炒蜆、甜品、糖果🍬、飲品等供應。餐廳沒有特別提供實體餐牌，點食物只要用電話掃描一下枱上或收條嘅QR code，就可以係自己部電話點菜，非常方便！登入到餐牌頁面，見到食物種類包羅萬有，有刺身、壽司🍣、串燒🍢、炸物🍤、鍋物🍲、創作料理🍗等。我同朋友兩個人點左幾轉食物，個人特別推介以下幾款：象拔蚌刺身 - 鮮甜爽口彈牙😋比目魚西京燒 - 薄薄地，邊位燒得香脆，食落好juicy😋燒紐西蘭香草羊鞍 - 熱辣辣、香噴噴，肉質嫩滑😋芝麻雞翼 - 雞翼炸得很香脆，不油膩，加埋芝麻好香口😋鮑魚粥 - 有驚喜，粥好甜好綿，內有一隻鮑魚，朋友分左一碗俾我之後，忍唔住食多碗呀😋菠蘿🍍 - 平時好少有機會食到咁鮮甜嘅菠蘿，真係好

為了慶祝媽媽節，所以一家人訂咗位去食放題佢無圓枱只有長方形枱，對我地黎講就不是太方便，因有小朋友所以大家為有坐迫d佢利用ipad落單方便、快捷、環保，又唔會漏單我地一開始就叫咗刺身，手卷、軍艦而出面都有自助吧攞小食同飲品食物都好快就上枱，所有食物都係新鮮既，而且分量少少，試完覺得好味可以再叫又唔洗叫咗食唔哂浪費本人覺得最最最好味就係燒鰻魚，而屋企人就覺得佢既羊架燒得好味，唔會過老又嫩服務正常既都無因為好忙而黑面，環境都算乾淨

放題夜晚食得多，Lunch set就未試過同事話呢間都幾抵食，所以我就去試一試喇Lunch set係有一個主食，外面嘅小食任食，飲品任飲，但係甜品同雪糕係無得食嘅雖然身為甜品怪嘅我對於無甜品食，係有啲唔開心☹️不過lunch set嘅主食，真係有好多款，花多眼亂最後我揀咗三色魚生丼，之後就出去拎小食小食唔算係多款，不過都係大路嘢有枝豆，炸物，沙律，冷盤食咗一陣小食之後，主菜到嚕勁大碗魚生飯，啲刺身勁厚身，係平時夜晚食放題嘅厚度，帶子都係勁大粒最後因爲食得太多小食，連飯都食唔哂。如果想食日式飯，又想飽肚，不妨可以揀呢間P.S.樓下勁多人排隊搭𨋢，請預早出門排隊同埋食lunch放題係可以book，不過食lunch set就無得book嘅，所以早啲去霸位喇😂

又來到極尚大瀛喜，已經食開所以即時叫食物，食物都勁快到，立魚，甜蝦，北寄貝，劍魚腩，一盆刺身好新鮮又鮮甜，保持到水準喎，壽司點會錯過黑松露系列，當然仲有我最愛的黑松露蝦，蝦鮮甜配黑松露增加香味，回本之選。其他壽司都不錯，蟹棒加醬再炒味道好味又有少少燶味道，大隻帶子都新鮮，帆立貝啖啖肉，少少燒過的左口魚令到更香口加少少魚油好味道忍不住再叫了。燒物當然每款都試試，而且份量不多可以叫多幾款，特別喜歡牛舌，厚身味濃又吾乾身，而炸物點會放過吾油又脆口的雞軟骨，配汽水啤酒一齊食仲好，當然仲有勁多熱食選擇，最後仲可以選幾款甜品一點都不過份，勁滿足的一餐放題而且價錢都吾貴。

放工同朋友黎呢度食晚市放題，已經唔係第一次黎呢度食放題，仍然係咁高質，地方大、裝修靚，環境寬敞舒適。而加已經轉左用手機落單，掃一掃個qr code就得，方便快捷又環保，真係值得其他餐廳仿效。自助飲品區有好多飲品揀，啤酒、汽水、果汁，種類繁多。黃金焗葡撻一開始就出去睇下有咩野食拎先，見到d焗葡撻好似好好食咁，攞左幾件，葡撻皮好鬆脆，每層分明，焗得啱啱好。蟲草花膠魚翅雞腳湯呢個湯真係好正好好飲，香濃靚湯，我記得上次我都飲唔少，今次都飲左三大碗。芝味鰻魚板壓壽司飯粒壓得恰到好處，非常有水準，真係好芝味！迷你海膽手卷海膽好鮮甜，細細件唔怕膩，必食！芝麻雞翼炸得好好，金黃脆皮，內裡雞肉嫩滑，好味！溫室南瓜天婦羅、北海道牛乳炸鮮奶，炸到脆卜卜，皮薄薄地啱啱好。鐵板銀芽炒雜菜食太多肉要食番d菜，蘆筍好食又健康。有玄米茶雪糕、沖繩海鹽雪糕，第一次食，好特別！整體黎講食物水準高，環境正、服務周到，係而加少數嘅高質放題。

今次同朋友喺下晝嘅時候食放題講真真係第一次 去到嘅時候覺得幾靚 裝修特別一入門口已經見到好多飲品選擇 不過自助bar嘅選擇就唔算好多 第一輪就叫咗好多刺身同埋壽司 之前食放題都按人數比例但呢一間就真係叫幾多出幾多 咁就唔會造成浪費 幾好刺身唔算最新鮮 甜蝦都有小小腥味 不過三文魚腩就好厚身 壽司就正正常常 火炙壽司嘅選擇唔算好多 冇火炙三文魚有少少失望 不過火炙左口魚都好好食熟食就唔錯 燒牛脷同埋燒菠蘿都叫多咗一輪 炸物都幾脆 食得出係新鮮炸好 最出色嘅當然係榴槤波波 好濃郁嘅榴槤味之餘又好鬆脆 鍾意食榴槤嘅朋友一定要試！飲品來講選擇就好多 不過全部都係凍野為主 如果女仔唔方便就可能淨係可以飲麵豉湯 或者室溫嘅紅茶 甜品就麻麻哋 我哋叫嘅兩個糖水都偏甜 而且心太軟唔流心當係普通朱古力蛋糕食就OK嘅

上星期先食完buffet，媽咪可能食大左個胃，又話要食放題於是就近近地帶佢黎觀塘呢間大瀛喜試下。我之前係銅鑼灣食過同集團之後都好耐冇食，記得質素都唔錯，今次就試下觀塘分店味道如何~專登book左星期三諗住冇咁多人啦，點知一去到真係嚇一跳，6點已經坐左8成人，到左一陣已經全場坐滿哂，所以提議大家一定要book位，walk in真係隨時冇位。坐低就即刻點野食先啦，呢度落單模式係用電話app落單既，夠環保!一黎就叫左d刺身同壽司先。呢度既三文魚好新鮮，係鮮橙色，脂肪分佈均勻，雖然而家好多人唔敢食三文魚，但我都唔理咁多食左先算啦!壽司都好多選擇，全部細細件唔會塞飽你搞到你食唔到其他野~最推介蒜香極尚牛肉火灸壽司，蒜香味好濃，牛肉薄薄一片燒得好香!我前後encore左5次~其他火灸系列都好好食!超級推介呢度既壽司!!!燒物都叫左好多唔同款，推介燒鰻魚同鹽燒鯖花魚，燒得好香一d都唔腥，不過有D骨，老人家小朋友要小心D食。炸物全部新鮮炸起熱辣辣，蝦天婦羅同蟹棒天婦羅都encore左幾轉!芝麻雞翼好香口，佢有另一款冬蔭功雞翼，不過試完覺得芝麻雞翼仍然係no.1!另外不得不大推呢個鮑魚粥!好入味仲真係有

首先呢間既位置好就腳，係地鐵站附近，放工去食個放題都好方便！餐廳地方又大，感覺好寬敞，有卡位坐，唔會好逼。然後出面自助區有好多選擇，除左有一大排飲品櫃令人心心眼之外，仲有好多甜品俾係揀，另外有沙律吧同小食！真係想食咩都有😍講返重點！刺身壽司好新鮮，選擇都幾多。我就最喜愛三文魚，又厚又鮮！而甜蝦都好唔錯，encore左幾碟😋仲有平時屋企唔會整到既燒菠蘿，好juicy，d汁多到食三碟都唔夠喉！另外壽司唔會好大件，可以留返d位食多d野！我就最中意呢個芝士玉子鰻魚壽司，好有層次好好食🤤甜品來講選擇都唔少架，我就揀咗木糠布甸、tiramisu同埋抹茶芝士蛋糕，味道都好濃郁。我好欣賞呢度既職員，上野食既速度好有效率，仲有個落單程式出咗問題佢哋都好快咁樣幫我地仲有個落單程式出咗問題佢哋都好快好有效率咁樣幫我地處理。