極尚大瀛喜日本料理

營業中

休息中

朋友生日一行6人預早BOOK位,去到亞太中心樓下好多人排隊上去, 上到去唔洗等就即時入座.自助吧好多野食, 有燒墨魚丸, 鳳爪等炸魚皮..飲品選擇夠多, 凍熱都有....炸魚皮好脆一開波叫了刺身先，三文魚切得大塊唔薄，食落都新鮮冇雪味,帶子夠新鮮。甜蝦新鮮因生日關係送了一板海膽, 口感不錯, 亦都夠甜燒物方面, 羊鞍,燒鰻魚超好食. 榴槤炸蛋夠脆2小時放題時間尚算充足,美中不足係食到個半鐘就要結帳....重有5分鐘都想趕人走..

慶祝爸爸生日，又到大吃大喝嘅時間...放題黎講，尼到質素好唔錯，出野快，環境大，座位多又唔會太迫，可以食得舒服點... 收工後一坐底，餓到4隻餓鬼瘋狂點餐，以家先進咗，電話掃QR code自己慢慢睇🔥🐮👅 好好味 無燒過火，而且有D厚度，食落有咬口，一D都唔un，調味簡簡單單鹽就好夠！👍🏼👍🏼👍🏼👍🏼👍🏼野食陸續上枱，密密夾密密食😋樣樣水準都唔錯刺身新鮮，特別欣賞尼間嘅wasabia好夠辣👍🏼生日優惠送一板海膽，樣子不錯，份量都唔小唔食海膽嘅我，見靚靚地都試下，又不錯wo！！綿綿地帶小小甘，無腥味嘅...但紫菜走咗氣un咗，有小小失色了。 尼間算系會翻吃再翻吃嘅放題，有心做好食物，雖然任食但一D都唔求其....希望keep住水準☺️會再來

上次黎食放題嘅時候，係用寫落單嘅。依家，用手機落單 快捷又方便仲可以睇番之前落過咩單添呢間餐廳之前都食過 食物有保證例如 刺身又新鮮 鮑魚又好食 野飲款式多種類上菜速度快 好可惜 改左餐牌冇左雞軟骨但有其他餸搭救甜品（雪糕）方面就選擇比較少希望下次去會選擇多啲啦

朋友幫我補祝生日 大家都係住附近所以就book咗係觀塘呢間放題餐廳裝修好fancy 座位好舒服😌坐係度慢慢食傾下計 好chill🤘🏻刺生無雪味 新鮮 切得好厚 食落好滿足仲有我最鍾意ge劍魚腩！朋友係三文魚狂迷 厚切三文魚 佢勁滿足係我最喜歡的灸燒壽司 燒一燒 啲魚油香標哂出嚟暖暖地 好好味 仲有其他款壽司🍣值得一讚壽司非常小件 食多幾舊都唔擔心太飽👍🏻海膽手卷 海膽鮮甜 手卷好袖珍 一啖食哂所以我食咗成4,5個😂 呢個忘記個名 入面有隻大蝦🍤D醬好好味 大蝦好爽口 我encore咗好幾轉朋友大讚呢個西京燒 燒得好香 味道好好 又唔腥 又係encore咗好多次呢間價錢唔算貴 坐得舒服 食物都唔錯下次係屋企想食放題都可以嚟啦！

一個人係觀塘食午餐，又想食好啲，見到極尚大瀛喜一個人200有找，即刻走左入去。 間鋪有提供wifi 比我可以用app 落單，仲可以用個wifi 上網睇片，一路食一路煲劇都咪話唔爽。間鋪今日唔算多人，唔駛等位即刻有得入。 講返嘢食先，必食刺身緊係三文魚同帶子，都ok 新鮮又鮮甜。最緊要唔會漏單，寫幾多比幾多。個人鍾意食依個芒果卷同牛油果卷，一口飽滿嘅感覺，好有滿足感。仲有個牛舌同紫薯都正，細細份，唔會怕嗌太多食唔哂。 至於個花膠，個人感覺不過不失，性價比最高，平時買都幾大，但一碗份量頗多，一個人唔係好食得哂，朋友嚟share食岩岩好。 總結黎講，質素唔差之餘又可以上網煲劇，就算一個人嚟食都唔驚悶。服務態度又不錯，會再黎幫襯👍🏻

友人推薦，終於去了一次，環境可以，二人位勉強可以，都不會太窄，食物都可以，但比其他地方，多了燒鰻魚和鮑魚仔，比目魚都不錯，羊架都夠味，不過辣酒煮螺太小氣了，每次都是兩顆，而且有小許沙，海膽手卷都不錯，多吃以上已翻本了，值得一提，生果太少了，只有一款

超級耐冇食放題啦！入到鋪坐底後，哇，同其他舖頭好唔同，比較與時並進，掃QR code點餐！有壽司🍣、刺身、卷身、燒物、炸物、一品料理任君選擇。最愛三文魚刺身嘅我當然毫不猶豫簡左我嘅至愛啦。三文魚刺身鮮甜可口😍好滋味。花之戀當然避唔開我嘅五指山啦，沙律醬加蟹籽配上三文魚刺身圍成嘅玫瑰花形狀，靚靚之餘又lamlam利呀。鰻魚亦係我嘅愛，好滋味亦唔會腥腥的😋而且都係唔大唔細塊，岩岩好夠食。/為左健康，緊係要食下菜啦，炒雜茶又唔會話炒到好油，又唔會有穫氣味🧡當然唔少得要露荀炒帆立貝、牛油栗米啦，fresh fresh之餘，帆立貝都幾鮮爽。/雪花牛肉鍋製作得個湯好有蔬菜嘅甜味以及肥牛大大塊，肉質鮮美，好滿意。/避風糖魚塊大大件，炸到金黃色同好香呀，配埋蒜好好味！總括黎講，好滿意今次嘅放題。野食未黎到可以去自助區先拎熟食甜品，亦有五個雪櫃左右擺左係到比你任拎野飲，非常方便👍🏻

久違的豪食放題大餐。今次到觀塘大灜喜跟很久不沒見的朋友們聚會。選擇放題的原因是多款式：壽司、刺身、卷物、手卷、炸物、燒物、料理、甜品等等。這間餐廳是使用掃QR code點餐的，相比以前方便多了。在等待食物期間，還可以到自助區選擇熟食、甜品、飲料，極之方便呢！牛油果軟殻蟹卷物口感脆的，配上青瓜非常清新。超喜歡三文魚刺身及鰻魚，極度推薦。三文魚刺身非常鮮甜，質感嫩滑。鰻肉非常可口，不鹹亦不會腥的。雪花牛肉鍋也非常滋味。蔬菜菇類以及牛肉的甜味散發在湯內，整個湯鮮甜鮮甜的。牛肉不會肥膩以及非常大塊呢。雞翼的皮脆脆的，點點芝麻味配上嫩滑的肉感，大讚！與朋友必選的放題餐廳，坐位舒服而且點餐後食物來得很快。位置亦很近地鐵站👍🏻

去開觀塘買電器，順便喺觀塘覓食，見到呢間放題咁多正評，一於去試吓！上次我喺葵芳食過一個週末午市特價放題，真係好有心理陰影，本身都好擔心今次再次中伏，點知！今次嘅用餐經驗絕對係喜出望外！一出lift，見到環境乾淨企理，又大！已經暗自加分！見到佢個飲品區除咗有大雪櫃之外，最warm嘅地方係佢有暖櫃同埋室溫嘅嘢飲揀，真係唔係間間放題都有，絕對要讚！另外呢，佢落單係用app，唔係平時嗰啲一大疊點餐紙，極唔環保又污糟🙁欣賞!到野食啦！佢種類都算多，仲有啲驚喜嘅食品tim! 例如劍魚腩、榴槤炸彈、芒果黑糯米、燉花膠等等！普遍來講佢嘅食物質素都唔錯，刺身嗰啲都新鮮不過要注意：佢係冇吞拿魚刺身，吞拿魚愛好者千祈唔好黎啦😓同埋佢個羊鞍都又老又鞋(仲有啲押味）😢Overall黎講，given呢個價錢同埋食物質素，呢間餐廳嘅回頭率絕對係100% ！

一班friend 幫老友慶生，有人一早提議黎食呢間日式放題，話佢選擇多質素好，食完果然係冇介紹錯！自助飲品區嘅選擇係超級多！花多眼亂，諗飲咩都諗左成分鐘先揀得落手！甜品有各式各樣嘅自家製蛋糕及啫喱等，另外仲有一個凍櫃放有雪糕雪條，選擇一樣多！食日式放題主打當然係食刺身，呢間嘅質素非常之高～魚生肥美可口，睇得出來貨新鮮。有啲刺身嘅款式要壽司先有～但原來佢嘅壽司都做得不錯👍🏻飯唔會做得好大舊，亦有足夠嘅酸醋味。放題都有任食炆花膠～正！芒果糯米飯用咗紫米來做，略嫌有啲太硬，芒果都算鮮甜。呢個椰汁燉燕窩好好味！

極尚大瀛喜一向都係有保證嘅放題餐廳，估唔到lunch已經要排隊等位。餐廳裝潢得非常高雅，坐得又舒服。最近仲新增手機點餐，唔洗再咁麻煩。侍應非常有禮貌又合作，好留意客人嘅需要，值得一贊。門口附近有自助小食、飲品、甜品，特別嘅係有軟糖食添，啱哂一班細路。必食刺身！種類唔算特別多，但係已經非常足夠，而且非常爽滑。壽司方面亦都有唔少選擇，好味之餘仲有番咁上下嘅外觀，韓風吹襲，有韓式泡菜牛肉卷供應，緊係即刻試番舊~其他食物都係多到眼花瞭亂，我最中意食芝麻雞翼，炸得非常惹味。另外心太軟都係必試嘅，雖然食到最後有啲飽，但係抵擋唔住心太軟嘅誘惑，點咗黎食。即點即叮，熱烘烘嘅，流心嘅朱古力非常濃郁。Lunch除咗送題之外，都有午餐供應~

觀塘呢間極尚大瀛喜可以話係我食過咁多日式放題中最鍾意嘅一間～食物款式多又保持到水準，價錢十分合理，可以話係我嘅無限encore首選今日係星期一但係都爆曬場，雖然訂咗枱但係都等左10至15分鐘先有位。重頭戲先來個刺身，一嚟到錯重點Focus落左隻豪華大帆船到講返刺身～款款都十分新鮮美味，尤其鍾意甜蝦、北寄貝、油甘魚等等，真無食多幾件都值回票價！鍾意食蝦嘅我超級鍾意食呢個鹽燒大蝦！肉質結實，燒得香口壽司都做得很不錯。屋企人鍾意食天婦羅，我食咗個南瓜片都幾好食～食放題連炆花膠都有得食！呢個椰汁雪燕甜品非常好吃！椰汁十分香濃，雖然係碎燕窩但係分量十足，放題來講非常有誠意！

再次重臨觀塘極尚大瀛喜,睇睇全場客人九乘九滿座,再去自助區攞嘢食,葡噠仔,炸薯條,醬爆雞,再去雪櫃攞罐啤酒係比利時製造,飲啖啤酒,入口味道和感覺好啱我口感,落單叫了燒羊鞍,燒鰻魚,燒菠蘿,都是我食放題必叫,燒羊鞍肉好霖肉汁好香燒鰻魚燒得魚油脂還保持得非常好燒菠蘿燒得外皮有小小焦香入面水份相當甜,呢三樣一定再落單,刺身有三文魚,吞拿魚,甜虾,帶子,刺身方面都好新鮮,湯我飲了幾碗,蟲草花雞腳猪骨湯,好真材實料所以好好飲,煎比目魚都煎得好香炸香芋丸子和炸榴槤蛋,榴槤味相當出衆,在胃入面榴槤氣味保持好耐,串燒牛舌和串燒虾,送啤酒都係最佳配搭,壽司我食了八件多,肚子飽飽想食雪糕攞了沖繩 海鹽雪糕,吃了之後離座,後會有期！

最近好耐沒有跟友人出外聚會 因此今次我們決定了吃放題 這樣便能夠滿足所有人的胃口 讓他們選擇適合自己的食物 我們這次到了位於觀塘的亞太中心5樓的極尚大瀛喜享用我們的午市放題 個人而言 我相當喜歡這間分店 首先 觀塘店的裝潢比較新 而且座位的間隔也很舒適 所有人也有絕對舒適的空間品嘗美食 在這 我會推介一些食物是我個人喜愛的 第一 燒菠蘿 當日 我們共點了超過20塊的燒菠蘿 除了因為有營養外 更是因為菠蘿經過火槍燒過過 內面的果汁甜度 更能提升出來 第二 芒果椰汁糯米飯 我看到時令我相當意外 我沒想到放題當中會有著名的泰國甜品 於是我們也點了一客 嘗過後果然沒有令我們失望 芒果非常清甜 我能夠品嘗到這是新鮮的芒果 而且糯米飯的味道也成功保持到泰國的風味

星期五lunch約左朋友食放題，估唔到已經人頭湧湧，座無虛席，非常熱鬧。以前係填紙點菜，而家採用手機app，有指示同埋侍應係隔離指導，餐廳亦都有提供wifi，方便又環保。極尚比起其他分店更加high class，食物亦都有少少唔同，上菜亦都係非常快。刺身依然係咁新鮮，擺碟非常精美。其餘既例如壽司、炸物、燒物、煮物等等都一應俱全。灸燒玉子甜甜地，好食。燒物雞翼外皮脆，夠熱，而且調味適中，唔會太鹹。煮物螺夠鮮甜，用竹籤拮起轉幾圈就食得。仲有唔少美食、飲品同埋甜品都以自助形式供應，一目了然。特別要介紹尼個椰汁芒果糯米飯，椰香味濃，芒果酸酸甜甜，加上軟軟既糯米，可以媲美正宗既泰國餐廳。整體，落完order好快就送上食物，唔駛擔心漏order或者得唔切。