影片
更多
2019-06-21
261 瀏覽
今日朋友提議嚟食放題，回想起來，都有一段時間無食日式放題了，既然朋友咁想食，就陪佢試下。餐廳位於觀塘亞太中心5樓，一開𨋢門就發現好多人在等候，心諗：「有無咁誇張，真係咁好食？！🤔🤔」，職員俾左飛我哋之後，等左十幾分鐘左右就安排到座位。餐廳室內空間好大，樓底夠高，座椅大部分是梳化座，雖然二人座枱面比較細，但尚算坐得舒適。食物方面，除左係座位落單點食物之外，餐廳內仲有自助區，有餐前冷盤小食、炒蜆、甜品、糖果🍬、飲品等供應。餐廳沒有特別提供實體餐牌，點食物只要用電話掃描一下枱上或收條嘅QR code，就可以係自己部電話點菜，非常方便！登入到餐牌頁面，見到食物種類包羅萬有，有刺身、壽司🍣、串燒🍢、炸物🍤、鍋物🍲、創作料理🍗等。我同朋友兩個人點左幾轉食物，個人特別推介以下幾款：象拔蚌刺身 - 鮮甜爽口彈牙😋比目魚西京燒 - 薄薄地，邊位燒得香脆，食落好juicy😋燒紐西蘭香草羊鞍 - 熱辣辣、香噴噴，肉質嫩滑😋芝麻雞翼 - 雞翼炸得很香脆，不油膩，加埋芝麻好香口😋鮑魚粥 - 有驚喜，粥好甜好綿，內有一隻鮑魚，朋友分左一碗俾我之後，忍唔住食多碗呀😋菠蘿🍍 - 平時好少有機會食到咁鮮甜嘅菠蘿，真係好
食物方面，除左係座位落單點食物之外，餐廳內仲有自助區，有餐前冷盤小食、炒蜆、甜品、糖果🍬、飲品等供應。
餐廳沒有特別提供實體餐牌，點食物只要用電話掃描一下枱上或收條嘅QR code，就可以係自己部電話點菜，非常方便！登入到餐牌頁面，見到食物種類包羅萬有，有刺身、壽司🍣、串燒🍢、炸物🍤、鍋物🍲、創作料理🍗等。
我同朋友兩個人點左幾轉食物，個人特別推介以下幾款：
象拔蚌刺身 - 鮮甜爽口彈牙😋
比目魚西京燒 - 薄薄地，邊位燒得香脆，食落好juicy😋
燒紐西蘭香草羊鞍 - 熱辣辣、香噴噴，肉質嫩滑😋
芝麻雞翼 - 雞翼炸得很香脆，不油膩，加埋芝麻好香口😋
鮑魚粥 - 有驚喜，粥好甜好綿，內有一隻鮑魚，朋友分左一碗俾我之後，忍唔住食多碗呀😋
菠蘿🍍 - 平時好少有機會食到咁鮮甜嘅菠蘿，真係好好味😋
榴蓮炸彈 - 如果鍾意榴蓮味，這款絕對要推介，見隔離枱三位食客點左兩次，一邊食一邊話正，咬一口再聞下，好滋味😋
其實未嚟之前，對呢類日式放題沒有太大偏好，主要覺得餐廳供應嘅食物都係份量多而質素麻麻地，估唔到今次餐廳嘅食物，除左款式多，質素都幾高，另有啲細節位都幾細心，好似手卷，供應的是迷你版，食起上嚟唔會好狼狽，細細啖食一口，可以試多啲唔同款式嘅食物，另外，點餐電子化，真係清晰又方便。整體嚟講，值得推介。
張貼
