極尚大瀛喜日本料理

營業中

休息中

又到今年生日飯系列既最後一餐啦🤣🤪今次入列元朗，因為有啲aunties住Yoho，難得開左大瀛喜、唔駛出市區咁辛苦，一於趁平日抵食啲就去試下！😋我特登今日中午都唔食去留啲位畀自己食，因為大瀛喜都出名以放題黎講食物質素好，所以我都有啲期待架！我地約左6點，因為早啲開始唔駛咁多人，估唔到一入餐廳其實已經差不多滿座咁！😯而且地方好多，自助區都好多飲品雪櫃、小食、又有甜品🍰雪糕機🍦已經好花多眼亂啦😫😂🤪都唔知食咩自好！咁就叫左啲刺身開下胃先😋啲甜蝦好新鮮！而且一啲雪味都冇！特別推介甜蝦、吞拿魚同北寄貝！因為真係好甜，而且佢薄切得好（但唔會太薄），唔會一味大大塊，剛好的厚度增強口感！八爪魚都唔錯🐙👏🏼👍🏼再來我細姨叫左啲炸物、個炸蠔好鮮味呀！而且炸粉唔太厚又唔會成口油😋雞翼都好香、可惜我麻麻地面頭既芝麻所以少試左一隻咁啦！😂😅另外仲有個炸榴連😂😋好香呀、炸左香香地好夾🙈😋食食下又出去自助吧睇下，其實都好多小食、我除左攞左啲沙津菜蕃茄仔之外，個中華沙津都好食！不過畀我老媽子話我食都應留肚食返啲貴啲既😅😂返到位就見天婦羅🍤都到埋，都佩服佢啲炸物唔油膩👍🏼而且夠哂熱，即叫即炸即上除左蝦好食之外，我特別

呢一兩年都少食放題，但聽朋友講元朗都開左極尚大瀛喜就忍唔住去食下！元朗本身都好少高質放題，之前食過啲日式放題質素直情比唔上個價錢，但呢間本身都有啲口碑，開到入嚟元朗我諗都會差唔多！就book左個期同朋友去大拆一番，事關之前經過過都見到人潮洶湧！一入到餐廳都見到環境幾大，自助吧空間都算ok，唔會太窄！入座後枱與枱之間就有啲近啦，不過都接受到嘅！同朋友太餓一入到去就喪點左好多頁menu唔同款式嘅食物，但原來佢每一頁嘅食物都會分開上，同埋上菜都好快！所以好快打爆左張枱，都係一樣好事嘅上菜快！不過二人枱就容納唔到姐，下次嚟要醒目啲分開點或先點左少少先。講番食物，我最愛係佢地嘅刺身，選擇都算多，其中我最愛珍寶赤海蝦，珍寶size食落好滿足！啖啖肉好鮮甜又肥美！第二就鐘意油甘魚，佢仲比左腩位，食落都有啲魚脂香！另外壽司細細件好岩食，唔會太佔肚量剛剛好～除左壽司同刺身必食之外，仲有炸物燒物手卷蟹粥等等都好吸引～手卷仲有海膽可以揀添，雖然細細件但都幾鮮甜，可以點多幾件！炸物最正一定係榴槤炸彈，榴槤控一定好鐘意，入面有濃濃嘅榴槤蓉醬可以一啪啪幾粒！仲有炸蠔都正！另外仲要嗌花膠，大大塊仲有冬菇係側邊添！食

一直聽朋友講呢間放題唔錯，上星期同家人終於去試一試，食物水準不錯，除了壽司刺身仲有好多款式小食甜品飲品任君選擇，侍應服務亦不錯，住新界區的我對我來說是一個不錯的選擇！

好耐無食放題啦，就同朋友去左元朗一間好人氣嘅放題日式餐廳度瘋狂一番。必要做嘅就係訂位，都早左好多訂位，因為真係好多人去食！聽就晏就去食會抵啲，但打工仔只好食夜晚啦！首先點左好多刺身先啦，回本嘅重點梗係刺身！點左油甘魚、珍寶赤海蝦、北海道帶子、甜蝦，刺身都好鮮甜，特別油甘魚又幾厚切，赤海蝦勁大隻，真係令人好回味！另外佢地仲有花膠食添，係放題中都唔多見有花膠食啦，所以都幾加分！另外天婦羅、燒菠蘿等嘅燒物炸物質素都唔錯！我自己就幾鐘意個蟹粥啦！出面嘅吧枱食物都好豐富，有熱食沙律等等！甜品係激多，有雪糕機唧乳酪雪糕！又有好多唔同款嘅雪糕雪條～而飲品都起碼有十幾款，真係好多選擇！

之前尖沙咀有大喜屋，每一次吃日本放題也要出到九龍區😁現在不用了，元朗地標YOHO MALL有一間極上大灜喜，多次路過，但人很多😅唯有我打去book，怎料一book已經要10天後了😝一踏入放題餐廳，以為地方很狹窄，怎料原來向咗行直入仍有很多位置供給客人食用，一坐下當然要立即叫大量刺身，我最愛的壽司不需10分鐘就在我面前， 刺身拼盤終於到了，我亦叫了自己喜歡的壽司😁全部也很新鮮，而且上菜時間非常快令我最難忘的就是大大隻的甜蝦😘非常爽口又鮮味，相信我吃了超過40隻😝到尾聲的時候當然要吃他不同種類的雪糕，飲料😬選擇甚多我一定會再來惠顧

呢间全新日本放題，除了環境大之外，食物款式可以話係應有盡有， 自取區的飲品、食品、雪糕、甜品等等，簡直多得數不勝數……先從刺身講起， 雖然唔係食咗好多款式， 但係樣樣都整得好乾淨，好光鲜，食落口感覺都好新鮮和鲜甜。壽司都好新鮮賣相都吸引 都係標準傑作燒物就真係要一讚啦， 燒蝦又大隻又彈牙，蝦肉新鮮唔會霉; 燒日本蕃薯，燒牛舌，燒鰻魚同埋燒菠蘿全部都燒得恰到好處 ，唔會燒到燶曬，或者唔夠熟，啲牛舌好弹牙，菠蘿仲好鮮甜。葡撻、吉列炸蝦、都可以在自取食物區攞得到 ， 葡撻熱辣辣，外皮焗得好脆好好食。甜品今次食咗軟雪糕， 牛乳布甸，同類似啫喱物體的甜品， 其實選擇都仲有好多 每款都做得好精美，食落亦唔會太甜， 飯後甜品令放題食得更圓滿。

以前都唔知道原來元朗咁多好嘢食直至到近期朋友搬咗入嚟住先發覺原來真係好多正嘢其中一間就係呢間呢間放題其實係其他地方都有好似好多人食過但係我未試過喺度嘅門面裝修都好乾淨好新潮我去嗰日就唔使排太耐可能係因為平日刺身同壽司嘅選擇都幾多尤其鍾意佢嘅火焰壽司蒜香牛肉好香啲飯又唔會太硬剛剛好刺身擺放非常精緻而且夠晒鮮甜肥美唔會有雪味另外一樣比較特別嘅嘢就係呢度有花膠任食花膠大大塊加埋啲醬汁同埋菜簡直係一絕當然唔少得叫炸物啦特別鍾意食炸年糕同埋炸榴槤炸年糕比出邊更加好食因為炸得好香脆而入邊就煙煙銀銀炸榴槤就係流心嘅令一樣令我開心嘅就係有自助雪糕機有成10幾間配料可以揀連醬汁都有六七款呢個係比較少見嘅連蘋果味嘅都有啊而且普通嘅雪糕都有十幾款最特別嘅係佢有香芋味嘅阿波羅雪糕已經好耐冇食過啦以後有朋友生日都會帶佢食

由於而家返工係天水圍區，好多時都會去元朗嘅商場行吓尤其係YOHO MALL。返工咁辛苦當然要食D好嘢黎獎勵下自己啦。早排知道呢度新開左間放題，同事即刻話要book位試下，好彩同事醒目有book到位就算book咗位都要喺鋪頭出面排長龍㗎，所以唔想等位嘅話就記住要book咗位先嚟喇。放題野飲選擇好多，好開心有清熱飲！食放題會食好多熱氣野，我成餐飯就只係飲佢佢仲有一個位置係Flo前菜嘅，每個人都會拎嘅就係黑松露炒雜菌，我同我朋友都拎咗三四轉，去到第三轉嘅時候成個盤都空晒要等佢refill了。刺身就一如預期咁都尚算新鮮我點幾多件佢就黎齊幾多件，仲有得叫大隻既刺身蝦！海膽手卷都非常唔錯，唔會有腥味同埋佢細細件唔會食完一個海膽手卷就飽晒同埋非常貼心嘅係佢設有暖野飲嘅櫃唔係每個顧客都會想飲凍飲非常加分！

小弟一向嗜食日本菜，尤好刺身壽司。得知元朗Yoho 有新開日式放題餐廳優惠，第一時間訂枱同老婆撐枱腳！餐廳新開張兼暑假期間有特價時段，9:00入座只需每位$210！價格比同一商場其他日式料理餐廳平一大截，抵食！餐廳裝潢尚算豪華，座位寬敞，有自助沙律吧，甜品，靚湯，飲品，啤酒；可算應有盡有。先以自助沙律清清腸胃，加上蔴醬特別醒胃。點菜紙印刷精美，選擇甚豐，串成厚厚一本，分類整齊，甚為方便。上菜次序怎為隨意，熱盤先到再來刺身壽司；既然吃放題，也只好入鄕隨俗。刺身點了油甘、劍魚腩、珍寶大赤蝦、帶子、八瓜魚、北寄貝、希靈魚、呑拿魚及三文魚；冰盤墊底配上冒煙乾冰瓶，賣相一流。所有刺身都很新鮮，味道鮮甜，以放題來說，質素很高，絕對不容錯過。壽司選擇亦多，點了松露赤蝦、深海池魚、赤貝、蔥花吞拿魚軍艦、三文魚子軍艦及三文魚腩。手握壽司飯量不多，魚亦新鮮，尤以深海池魚最為出色，心水推介！火炙壽司亦極為美味：和牛甘香；左口裙邊油香濃烈、入口即溶；鰻魚鬆化。熱食亦多樣化，唯胃納有限，只點了炒青菜炸雞翼及炸榴連波，味道不錯，下次來再多試幾味。以質素論，食物及環境皆屬優質，就算是正價也是物超所值，現在暑假優惠更

之前一路忙足幾星期終於有機會，可以入元朗搵返好耐冇見嘅朋友，探下又玩下佢個BB，當然唔少得一齊食飯餐啦。 一路都唔知原來元朗都有個咁大嘅新起既商場， 人流都好多吓而且好闊落唔會覺得好似啲舊式商場好擠迫。 行落去都好舒服，餐廳款式又多，我同個friend講話想食放題跟住佢就帶咗我去里一間 叫做，極尚大瀛喜。之前就未食過，第一次食嘅今次係。 估唔到都會有咁多人排隊，十分之旺場。 係門口等嘅時候已經流晒口水， 見到一盤盤刺生送到上人地既枱。 等左陣比左一個卡位俾我哋坐， 坐低已經即刻執起個本落單簿， 成本字典咁 已經知道有好多野可以叫黎食。事不宜遲即刻叫咗刺身嘅組合先。刺身全部都大大片，完全冇留手， 比足晒。 而且仲好新鮮，睇落已經滿分。 食落去從仲令到你更加唔想停口， 唔小心食多左幾片， 另外仲有原隻刺生蝦大大隻。 係刺身都有好多款可以揀。海膽手卷， 唔係間間都可以任叫。壽司方面全部嘅飯都係細細夠保證你唔會因為食飯食到飽。 唔似得平時一般放題，飯仲大過舊肉。大量飲品同沙律，甜品，任你揀。 今次真係十分滿意。 竟然元朗都有咁高質放題食。

今日收工同屋企人喺附近食日式放題，咁我就揀左形點裏既極尚大瀛喜。 呢間嘢長期都有好多人排隊，估唔到晚上九點鐘呢段時間，都依然係大排長龍， 場面墟撼。好彩都係等左一陣就有位了。 餐廳裏面好大，全店已經爆滿，人山人海。座位分開幾個section坐，感覺好整齊和乾淨。頭盤當然係叫刺身喇， 刺身種類都算多。 我們隨意點了幾款，分別係三文魚，北寄貝， 牡丹蝦，希靈魚和俄羅斯甜蝦。 刺身非常新鮮夠冰凍，非常美味三文魚刺身特別大片， 肥瘦比例適中，仲好香魚油味，入口即溶而牡丹蝦就好像手一般咁大隻，鮮甜，爽口，嫩滑， 仲有少量蝦膏， 忍唔住食左好多隻呢度竟然有我最鍾意食既海膽手捲， 手捲迷你的，紫菜帶脆口， 海膽鮮甜而無腥味。幾片嘅海膽再配少量既壽司飯， 份量啱啱好， 我毫不留情地吃了好幾件當然唔少得叫鰻魚壽司啦， 鰻魚嫩滑而且沒有骨， 當中配搭一小片芝士，非常惹味而且唔會太流，送到枱上還是帶暖暖的。魚籽壽司唔係間間都有得食， 意外地呢度竟然有得食。 大大粒既魚籽，醬汁爆滿，好juicy飲品分門別類，選擇又多，真係想飲乜都有最後梗係試下罕有既阿波羅芋頭雪糕啦， 香濃嘅芋頭味，食落去唔會太甜，真係好滿足

刺身放題是丈夫大愛，刺身、壽司皆合他胃口；幸好預早訂枱，不然一定被人山人海的等位大軍嚇得立即閃人。大瀛喜價格相宜，環境舒適，氣氛熱鬧，上菜時間合理，食物質素理想，自助吧枱應有盡有，絕對是喜愛日菜的最佳選擇。魚生刺身船，有噴煙小瓶裝飾，氣氛一流。魚生數量及種類均是我們自選的，新鮮味美。劍魚腩肥美新鮮 😍，吞拿魚就瘦了一點；赤蝦夠大隻，去半殼及去蝦腸，誠意可加，值得一讚 👍壽司款式衆多，池魚王、三文魚腩、赤貝、松露大蝦，均是肉多飯少，新鮮質優。劍魚腩肥美嫩滑，鰻魚就不過不失。一品娃娃菜，內有花膠冬菇，交足貨！青菜也是必食之一；冷盆櫃內十多款涼菜，實太多了，不能每款也好好品嚐😂😂，只能選擇其中幾款。三文魚籽及蔥花吞拿魚，小巧精緻；勝在任食，不夠喉可以番叮，亦可以預留 quota 品嚐其他的，實行小食多滋味 😂😂。甜品部的迷你甜品，吸引力強勁，迷你蛋撻仔，小糕點、就連馬卡龍也有供應，賺定的一餐。😁😁😁自助雪糕吧，令人有興奮直跳的感覺 🎉🎉 軟雪糕機，自己來吧！動手拉雪糕吧！還有大量的配料如朱古豆、糖醬等，應有盡有，夠興奮吧！！😂😂再來一個雪糕櫃 😍😍，雪糕、雪條、雪米糍，琳瑯滿目，應有盡有 😍

呢排媽咪爸爸去咗旅行，屋企又變咗無飯家庭🤣不過今晚同家姐細佬家庭樂🤭去食難得有大集團進駐元朗嘅日本放題！而因為啲時段係限定嘅，所以呢我哋食唔到早嗰轉，啱就揀咗九點嗰轉嚟食！大瀛喜係坐落喺元朗大型商場 yoho mall🤩地點非常方便，而且入邊個環境都唔細！放題來講呢大家重視的都會係刺身啦，因為要靠佢番本😁刺身選擇方面沒有大驚喜，不過質素方面新鮮的!最🤩就有海膽手卷啦，佢唔會好似其他某啲放題咁樣呢個海膽好少個飯好大舊😭不過如果出軍艦就更加欣賞啦！熟食方面天婦羅熱辣辣上場，粉薄香脆！我地即刻encall👍🏼嘢飲方便呢，我覺得都有驚喜嘅🙈因為我食過好多間放題呢其實佢都冇維他檸檬茶😢但呢間有維他檸檬茶，仲有菓汁先生的楊枝甘露！ 當然仲有好多你平時會見到的選擇！係甜品方面佢竟然有我哋細個嘅阿波羅雪糕😱仲有香芋味呀，而且唔會太甜！超贊👍🏼👍🏼

前檯的員工態度開始轉差，打電話訂檯時和等候座位時詢問他們時的語氣和態度都變得不耐煩。訂座時留了人數，他們confirm booking 時我發現他們紀錄的人數有錯並表示沒有這個人數的檯預留給我，所以要我等後備檯，我表示不願意等後備檯，他們的員工態度很差地反問我：「咁而家你想點丫？」新開張時態度和食物質素都非常好，隨著人氣上升，態度卻慢慢變差。

位於元朗Yoho mall大瀛喜，有兩輪時段畀你選擇 ，今次我選擇了第二輪，即系9pm。因為餐廳位於商場入面，所以泊車都非常方便，可以直接上餐廳。華麗的門口，已經被吸引住，我到達時已經有數十位在等候中。開始點餐，放題第一擊，刺身是常識吧。三文魚，油甘魚，虎蝦，北寄貝，甜蝦，新鮮是基本的要求 ，佢哋都畀到我，重點係 全部都砌到好大嚿，口感非常滿足。尤其是三文魚，有我半隻手掌咁大， 誇張。壽司：左口魚 ：外面燒到少少金香，油份十足。 蟹柳棒 ：大大嚿蟹柳棒,加上少少芝士在上邊,感覺唔會孤獨 。三文魚籽軍艦： 三文魚籽鋪滿整個壽司，唔係度度都可以畀到呢個感覺。炸蝦天婦羅，蟹柳天婦羅：薄薄嘅粉漿，油嘅溫度控制得非常之好，令到成件事好鬆脆香口 ，蝦嘅鮮甜非常突出。甜品：自助雪糕機，馬卡龍飲品當然任飲，有十多款俾你選擇。整體上環境非常之好，地方算係乾淨，上菜亦都好快，加單都唔會太耐，食物方便全部都係非常新鮮，熟食選擇都非常之多 ，價錢合理。