極尚大瀛喜日本料理

營業中

休息中

男朋友剛轉新工比我早收，今天佢來荔枝角接我放工，因為時間好早，我哋未到7點就來到yahoo mall，佢又揀咗食極尚大瀛喜日式放題，我知佢上次食過之後，一直都想再來，哈哈⋯食過翻尋味，由於未到7點我哋完全唔使等位直接入去，價錢都係$258/位任飲任食，超抵食。大約7:30外面就開始好多人喺度等，我哋真好彩，完全唔使等就食到美味。花之戀壽司，細細粒一口一啖好好味，三文魚腩壽司，好肥美，燒鰻魚，我最鍾意既，不過今次好似唔夠鰻魚汁，有點缺陷，但一樣肥厚好味，刺身，有我喜愛既三文魚，鮑片，希寧魚，珍寶蝦全都是肥美新鮮，天婦羅，我都只㨂咗蝦，蟹棒，南瓜，男朋友唔太鍾意炸物，偏偏我鍾意，呢碟幾乎我食曬，鮮帶子，因為漏單，我哋再重新落單，男朋友對帶子有一定要求，佢話呢碟一般，炸雞翼，炸榴槤，真係非常好食，榴槤都係我既喜好，佢完全唔好。蟹粥，佢話要食的熱嘢曖胃，我試咗覺得麻麻，粥還粥，蟹還蟹。