極尚大瀛喜日本料理

營業中

休息中

今晚5點幾屋企人突然心血來潮想食放題，照打電話去問一問啦，侍應話可以walk in 但要有人取消先得。今日仲要係公眾假期，平時呢間野都一定full Booking，每次經過都勁多人排隊不過決定試一試walk in，真係等唔到就食其他嘢啦唯有！去到拎飛後等左大約45分鐘，7點10分終於叫到我地，入面原來環境好大好多位。嘢飲方便有好大個雪櫃任拎飲品，有道地綠茶、烏龍茶、汽水、支裝綠茶等等，亦都有暖櫃放暖嘅麥精，檸檬茶等等。沙律菜、中華沙律、螺肉、生果等等都是在沙律吧自助拎的，其他熟食都是由手機自助落單。嘢食方面比我想像中少嘢食，但食物質素是OK的，刺身夠新鮮、熱食夠熱，值得一讚的是燒比目魚和蟹粥，repeat咗10次魚同3次蟹粥牛柳粒、天婦羅OK，羊鞍一般，唯一扣分的地方是店員態度有待改善，其實都知道夠鐘需要離座，但都唔使成支烏龍茶掉咗我呀我即刻話咦支嘢⋯⋯但店員竟然答我你自己出去拎過支囉⋯⋯其實我係覺得好浪費啫，成支掉咗埋單計每人$300元左右，我覺得間唔中食下都唔錯嘅

朋友推薦到極上大瀛喜，地方很大，午餐有自助午餐及午市定食，由於我們不想吃太多，所以選擇了定食。我們點了四品魚生丼、壽司定食等等，午市定食有包括：前菜、麵豉湯、飲料、還有甜品，其中壽司定食更有配烏冬。前菜有兩款螺肉+海藻，味道可以，麵豉湯裡面有蛤蜊，味道也不錯，我點那個四品魚生丼，刺身新鮮，飯也非常大碗，但放了太多醋，有點酸（飯太大及有點酸，只完成了半碗）、飲品都是罐裝的如可樂及道地綠茶。吃完飯，還送了一個小小的雪糕糯米糍，感覺不錯。

成日想食放題都要出到尖沙咀、銅鑼灣，終於元朗都有似樣既放題食啦。座位略為狹窄，同隔離枱距離好近，出入拎野食都唔係太方便。食物種類都算多，刺身、燒物、手卷、卷物、天婦羅、鍋物、甜品都俱全，可以試好多野食！壽司都有特色款，其中池魚王既肉質都幾甜👍卷物同軍鑑都係細細舊，可以試多幾款唔同味道，款款都味道唔錯！海膽手卷都好迷你，雖然份量唔多，當過下口癮。刺身冇漏單，份量都好足，三文魚好厚切。仲叫左好多燒物，羊鞍燒得又香又淋，好多燒物都味道好好。由其燒菠蘿好多汁，少少酸好解油膩！元朗人終於唔洗再出市區食放題啦👍

元朗放題唔算多，要數就腳當然係位於形點呢間早鳥17:30-19:30，人均$200加一，價錢合理食物款式都幾多，自助網上點餐，出野快又無漏單情況。自助吧有螺肉、八爪魚、中華沙律、青口、番茄仔、鮮果等冷盤，亦有宮保雞丁同燒開邊蝦等香口小菜，滿足部分中意buffet有得出去行下夾下野食既食客心理宮保雞丁味道香辣醒胃，開邊蝦燒至爽彈香脆，直頭可以連殼食最愛嘅燒鰻魚，肉質鬆軟厚嫩，塗上鹹香既鰻魚汁甘甜味美，唔係間間放題有㗎！刺身款式幾多，有劍魚腩同希靈魚，可惜唔太新鮮，唔夠鮮甜，嗌完一round放棄左帆立貝夠大隻，有$5銀咁大，覺得幾creamy香口，不過忌廉味有啲搶，掩蓋左芝士嘅鹹香，食落有啲漏。羊架肉多過膏，口感無咁肥膩，啖啖肉，但火候過左少少，偏熟同乾身，入口尚算稔軟，唔難咬創作料理之一，同樣係我黎呢間放題必點，有芝士鰻魚同玉子三樣我最鍾意食嘅元素，配搭得天衣無縫甜品有西式糕點、葡撻同輕盈嘅乳酪，仲有女士必食嘅養顏糖水煲底好多桃膠同雪燕，以鮮奶同冰糖煲成，清甜不膩，滋潤養顏，正呀

服務非常差。今早突然想食放題，於是便打電話來查詢有沒有開和訂位，服務員說不能訂坐，所以我和老公便在12:00pm前到達門口等位，首先來到門口，還未能入座，但見很多服務員在店內，但我站在門口reception位置很久都沒有人理會我，那都算吧，因為未開門不想招呼客人不打緊。點知排隊輪到我們時，安排座位的服務員說我沒有訂位，叫我到另一邊排隊，當時我立即問他為什麼其他人可以訂位，而我不能訂，他很不耐煩的說，其他客人是前幾天訂的，見他這樣不耐煩我就不再追問，只有乖乖的去再排隊，但我覺得應該需要給我解釋為什麼即日不能訂位，我之前也是即日想食才訂位。然後到坐下，我跟另一名服務員說想要牙簽，她也是很不耐煩兼很兇狠的跟我說: 。我真的覺得我到底做錯什麼，俾錢食餐飯，又沒有人鬧人，為什麼要受這種待遇

香港人最鍾意食嘅係放題，而刺身呢樣野真係一面好貴嘅嘢嚟嘅，對於我呢啲窮人來說真係好難接受到有食得多又食得平你講嘅道理，而今次我終於第一次同朋友嚟到元朗呢一間大灜喜都食呢個放題、呢間係我第一次食嘅，雖然之前都食過呢個集團嘅好多間餐廳，但聽說呢度嘅質素亦都唔錯嘅，所以我呢個星期六就嚟咗一班朋友去試一下，一開始當然係試吓佢嘅刺身啦，對於我最鍾意食甜蝦嘅一定要多點好多，上面嘅甜蝦都處理得唔錯， 唔會搞到霉霉爛爛，以佢嘅課亦都算係新鮮，以佢咁嘅質素真係唔怪得知成個場都爆曬啦，以佢嘅熟悉例如羊架，凡立貝，芝士焗蠔，辣花蜆都非常之有水準，建議大家過嚟食下，特別佢嘅晏晝亦都唔算貴

星期五晚市 7:30入座每位$268 加一大讚呢到既魚生刺身 雖然切得唔夠厚身，但勝在 好新鮮！多選擇，有罕見既馬刀貝、油甘魚、鯛魚💕壽司方面，黑松露帆立貝，也是值得推薦！甜品方面，tiramisu 好食到，我食左7杯🤤

放題時間說明兩小時，一個鐘已經不停收野趕人走，服務態度好差，未食哂都強行收走。建議不如直接改食用時間為1個半鐘，唔好寫二個小時，跟本唔能夠安安樂樂食兩個鐘！去過唔同地區同一集團店舖食飯，元朗呢間態度同服務係最差！

中秋前同兩個好朋友食飯，見一排冇黎過就食放題。訂左8:30，黎到見到都多人等位，又有個牌寫住full哂，心諗都冇新聞講到市道咁差啫。入到去見到啤酒得番d平野，有小小失望，到點野食個時，見到有幾樣新款食物，但諗番好似都係用d平食材去代替貴既食材咁，睇黎真係有影響喎。野食保持到一貫水準，黎得快，冇點漏單，成晚係漏左一個牛油粟米，算好好啦。但一過左9點，我出去拎野飲就望到成個場有一半係吉枱黎，唔知係因為臨近中秋定真係因為市道唔好啦。點都好，元朗天水圍黎講，放題係呢間最抵食。

星期一夜晚九點後入座都仍然人山人海就可想而知呢間放題既受歡迎程度，今次係第三次去食水準不變，除咗刺身新鮮壽司質量亦唔錯，細細舊一啖入口，熱食種類亦都好多，串燒、燒鰻魚同羊架等等，基本上食兩round就飽晒，值得一讚嘅係燒翠玉瓜同燒菠蘿，夠juicy好味埋單二百幾蚊一個人性價比高

今日同媽媽去左食極尚大瀛喜日本料理，同大家推薦幾樣值得一試既食品食放題點少得食刺身，刺身方面極之推薦北海道帶子，顏色非常白透，食落更入口即溶，一d腥味都冇，食多幾件都唔膩，不蓋係本店超人氣之選鍋物方面推薦雪花牛肉鍋，鍋入面既牛肉份量好足，叫一次都夠兩三個人食，個湯係壽喜燒湯，唔會太甜，配埋豆腐金菇娃娃菜，好似打左個邊爐咁滿足！串燒方面鐘意食牛舌既朋友有福啦，牛舌燒得幾好，唔會太un，個味道都唔錯。鹽燒海蝦都一定要試，雖然佢d味都係個殼到，但入面既蝦味道好鮮，唔會一d味都冇甜品方面中西式都有。中式方面有木瓜雪耳糖水，木瓜味好足，可能因為我平時鐘意食甜野，我覺得糖水可以再甜d，平時鐘意食野冇咁甜既朋友應該會好岩。西式方面推薦楊枝甘露布丁，布丁入面有柚子肉同西米，味道非常正宗，好好食呀值得一讚既係呢間放題既上菜速度都幾快，漏單問題亦都唔大，比起其他放題店黎講完全係小問題元朗人想食放題唔洗去咁遠呀

平時食放題多數去旺角，呢晚想近近地去yoho既極尚大瀛喜日本料理，好難得元朗有間咁高質甚至好過好多mk既放題 首先飲品黎講，一般放題店有既飲品佢都有，仲有啤酒題供，見坐隔離台既一對老友仲飲得好盡興添 連熱飲既盒裝都有，熱朱古力正呀！不得不提，我地去既果晚有淮山蟲草花膠湯，勁好飲，飲落完全係老火靚湯既味道，一d都唔稀，擺明落足料，見唔少師奶包括我媽媽都走去encore！ 出面仲有一排櫃放左熟食冷盆， 選擇都幾多，鐘意食泡菜既朋友可以試下佢個泡菜，仲幾正宗，又唔會太酸！ 放題食物方面，我推介大家試下佢地c紙上面既創作料理我點左個芝士鰻魚玉子燒，本身以為佢係壽司，點知上到台先知係冇飯，又幾特別，令我諗起岩哂平時食塒司唔食飯既人，面頭既芝士有微微烤過，中間係多汁嫩滑既燒鰻魚，底層係玉子，呢個配搭又幾特別 甜品方面都有幾多其他放題店好少見既野，例如萄撻，入面d蛋非常滑又夠甜，忍唔住食左幾件。白雪雪好似糯米糍果個非常好食，皮薄夠痴牙，入面d cream都好滑，個size可以一兩啖食哂岩岩好！

小妹是個放題狂迷，基本上不同店舖的放題都食過，相比之下，小妹鍾情極尚大瀛喜，不論食物質素、食物選擇、服務、環境等都是值回票價！這間位於元朗yoho既極尚大瀛喜好受歡迎，好多人去食，擁有很高人氣！幸好小妹早些book位，稍等左一陣就入內啦！單單食物紙都有12張，由A至L咁多！每張食物紙選擇都密密麻麻、圖文並茂，令人食指大動！這裡優勝的地方，是擁有一個很大的自助吧，超級多甜品、沙律、熟食、飲品都可以自取！好滿足！自助吧推介要食味咐八爪魚、士多啤梨夾雲呢拿雪米滋、蛋撻。八爪魚好足料，一舀都是滿滿的八爪魚，不會好似外面太多醬少八爪魚。士多啤梨夾雲呢拿雪米滋味道一點都唔假，食完會想食第二粒。見身邊好多食客都有拎蛋撻，於是試下，果然夠新鮮，酥皮好夠脆！椰汁桂花糕、紅豆糯米卷、忌廉糯米滋、薯角都好好味！薯角更是非常脆身，不會有多餘的油，七味粉又好夠，正！即使小妹不吃生野，都覺得呢度性價比幾高，因為款式夠多，食物質素都好好！佢炸物好出色，一D都唔油，保持脆身！炸蝦餅、紫心香芋丸、芝麻雞翼是我的最愛，要ENCORE！天婦羅都是另一個推介，特別是秋葵蝦天婦羅，在其他地方吃不到的！想不到秋葵和蝦肉都幾夾！如

日本🇯🇵放題點可以5試-極尚大贏喜首先真係上菜速度快👍🏻野食種類多刺身任食❤️❤️❤️對我地中意試5同野食既小仙女😆點可以錯過？即刻開始講1.刺身2.蟹粥3.咸蛋雞軟骨4.酒煮青口5.燒波羅6.榴槤炸彈（一定要食⭐️⭐️⭐️⭐️⭐️）7.燒牛舌8.冬陰功（新野食😂好5符合日本🇯🇵野食）不能盡錄😂總括味道好吃😋😋😋睇相😌再介紹出面仲有湯飲，熟食同樣有十幾款，冷盤沙律🥗出面自取🙌🏻飲品除左汽水，仲有酒精類飲品，選擇好多🤘🏻再加埋有雪糕🍦食😆😆😆好豐富不過有時會有漏單情況，可以重點🤘🏻但試過突然最後先尼🤦🏼‍♀️甘搞到好失預算😂但要book位，walk in 未必入到去，好爆場🤪🤪🤪人均$258+1放題首選No.1————————————————滿分5🔆🏝環境🔆🔆 🔆 🔆🛋服務🔆🔆🔆🔆💲價錢🔆🔆🔆 🔆🔆😋食物質素🔆🔆🔆 🔆💥翻兜指數🔆 🔆 🔆 🔆🔆————————————————📍餐廳名稱：極尚大贏喜📍地址：元朗yoho mall#極尚大贏喜 #food #foodies #美食日記 #美食分享 #放題

難得今日放假可以接老婆收工，就預早BOOK定枱拎定位同老婆食放題。因為早去的關係5:30至7:30 係特價時段，只需要$200一位。餐廳座位都多，我見有條隊可以排WALKIN的。餐廳座位舒適，枱位SIZE 就一定唔夠(因為要叫勁多野食, 點會夠放呢XD)。不過勝在服務十分好，侍應上菜又快，連收碟和例骨杯的時間都好快! 服務態度一流。無論食自助餐定放題，我都有一個小習慣，就係先食杯雪糕，所以我就即刻走左去拎支MEGA食。順便就走過旁邊拎埋野飲。選擇都夠多夠齊。我同老婆分工合作，佢就負責叫野食，我就負責拎飲品同其他小食。 餐廳的小食、甜品都有好多選擇，另外重有糖水同TUM小朋友一流的軟糖。當中最特別係有葡撻食，好味我最愛食三文魚，所以食放題就岩哂! 餐廳三文魚肥美、厚切。其他小食都唔錯，推薦大家一家要食芝麻雞翼、吉列鵪鶉蛋、黃金醬燒帆立貝。芝麻雞翼大大隻，又炸得香脆肉軟。吉列鵪鶉蛋就夠哂特別，上菜時我以為自己叫錯左野。黃金醬燒帆立貝就非常JUICY。200蚊有呢個食物的質素，我覺得係超值LA~