極尚大喜屋 (銅鑼灣廣場一期)

營業中

休息中

🍣🍤 極尚大喜屋🍢🍱生日周接二連三飯局約朋友，揀餐廳都好多選擇！中午放假食餐好既，放題咩都有得食，好耐都無食過！已經唔知而家放題係點既，就試一試佢😆成人每位$218🔸刺身螺片，三文魚，赤貝 - 好新鮮，赤貝爽口，三文魚軟身不腍爛，螺片有少少冰味，但都無咩影響，爽彈不韌。🔸小食，前菜，飲品類 - 餐廳有日式餃子，章魚小丸子，前菜涼盤，飲品可以自取同任飲！飲品有好多款！自家制既茶有兩款，桂花烏龍，洛神花茶，都唔錯！另外我地雖然無飲酒，但餐廳既清酒，梅酒，啤酒任飲！仲有多款甜品！奶凍，豆腐花，韓牌，港牌雪條☺️🔸炸物，熟食，串燒類 - 我地叫咗天婦羅南瓜，蝦，蟹棒，炸粉略厚左少少，但都新鮮炸起。串燒有雞軟骨，七味雞翼，好香不油不膩！炸物我叫左香芋丸☺️炸鮮奶，唔甜又好好味！👍蟹粥，雪花牛肉鍋🍲熱辣辣，粥無以前咁好食，不過都仲有一大舊蟹肉！值得叫！好暖胃。牛肉鍋壽喜燒湯好香濃🥢整體來講，餐廳環境係舒服，食物充足。味道幾好！店內竟然有熱飲櫃提供，真係貼心！三小時任食，食到飽飽呀☺️另外題外話，午市原來有套餐，以後又多一個選擇！

之前朋友來電相約食晚市放題，我問邊間係極尚大喜屋，銅鑼灣一期九樓，因為要預備訂位，去到當日七點已經有好多食客，店員安排我們一行四人坐在卡位。個肚有啲餓，即刻去自助區攞咗，凍蝦、蜆、青口&一包熱麥精飲住先食住先，食咗之後跟住掃曲落單。等咗一陣我的至愛紅燒乳鴿嚟到，賣相好靚聞到好香，食落口皮脆肉嫩醃得好夠味，馬上去攞梅酒嚟送咁好味嘅紅燒乳鴿，簡直係黃金組合。燒香草羊鞍又係保持高水平的傑作。因為朋友推介鮮蟹粥，我响食放題從來不會叫，係我第一次食鮮蟹粥，果然鮮味十足粥底又綿，蒲燒鰻魚、比目魚西京燒都係佳作。松葉蟹膏手卷，我個人食咗4個蟹膏甘香無比。滋補花膠燉鮮奶，奶味夠香花膠補充骨膠原，食埋雪糕今晚放題真係完美。

今次就同朋友去咗位於銅鑼灣嘅極尚大喜屋食佢嘅晚市放題，今次想食嘅原因其實係因為見到餐廳有供應乳鴿。一諗到乳鴿有得任食都真係有啲興奮。燒香草羊鞍食親放題都一定要嗌，羊鞍羶味唔重，肉質鮮嫩，有質素嘅保證皇牌燒乳鴿賣相睇落都燒得好靚，油質分佈均匀。乳鴿皮都好脆，夠晒香口。有得任食真係好正。海膽手卷份量啱啱好，而且海膽鮮甜。滋補花膠燉鮮奶花膠真材實料，食落好有口感。燉鮮奶食落好香滑。餐廳整體嘅刺身質素我覺得都幾高，特別係食三文魚，咁啱每次叫嘅三文魚都好肥美，油脂分布平均。另外有款壽司都吸引到我留意，就係針魚。平時都少見有放題會提供針魚，針魚食落好爽口，而且感覺都好清新。燒溫室甜菠蘿食落咁多邪惡嘢食，就要食返啲燒菠蘿解下膩啦。菠蘿燒完之後真係好甜好juicy，我自己食親放題都一定會嗌。仲有好多嘢食講唔晒，但係我就真係幾鍾意自助區嘅甜品。真係忍唔住食完再食。講開自助區，就不得不提餐廳嘅環境。除咗座位坐得舒服，自助區都提供咗好多選擇，同時滿足到我好多個願望。如果係好鍾意食乳鴿嘅，就一定要嚟呢度食啦，真係好抵食。

今日黎開銅鑼灣開工，放飯即時同同事搵下有咩筍野食😏經過一期，樓下已經俾兩個派傳單姐姐圍攻最後都揀左其中一間上到去，原來午市放題都幾爆，到門口仲要排隊先入得，心唸真係咁好食？！ 條龍真係唔算短，有相為證😂入去坐低，爭取時間叫左一輪刺身+壽司先🍣上碟速度都幾快，基本全程apps叫完落單,再出去拎下小食野飲番來，已經成檯都係野食👍👍岩哂我地呢啲急趕既香港人🫣先講🔆刺身-三文魚都新鮮，亦有我至愛既希靈魚，赤貝，帶子刺身都齊哂🔆壽司-我例排都一定會點既花之戀，火灸蟹柳壽司等，都好好味！ 至少擺出黎個賣相唔會嚇人先 （即時唸起之前放題既慘痛經驗）🔆熟食方面- 叫左蟹🦀粥 真材實料，堅有隻蟹係到👍👍讚 仲要啲粥好綿 ，仲有壽喜燒牛肉鍋，都好夠味，放左大半個鐘都仲熱，保溫一流，仲有天婦羅，燒物等都唔少款式選擇🔆小食-除左apps 上可點既之外，外面都仲有海鮮（硯，蝦）沙律，湯，前菜小食，章魚丸，炸餃子等，俾客人自取其實lunch hour 都抵食，一人$228 ,如果有埋老人家仲有88折，生日又有優惠，難怪要排隊食😅總括：款式同種類都夠，唯一不足既係前菜小食，點解會無我鐘意食既螺肉沙律同八爪魚沙律🤭🤭

久不久都會食大喜屋，因為每個人嘅口味都可以滿足到，而且性價比好高～最適合同朋友仔聚餐！QR code落單好方便，而且上菜速度都快，又唔會漏單~今次係食銅鑼灣嘅極上大喜屋，環境舒適光猛，有得坐卡位，唔會坐得好迫，自助區有海鮮、沙律、甜品、熟食同埋湯可以自取，另外飲品都有好多選擇，無論果汁汽水定係啤酒清酒梅酒都可以無限任飲～魚生全部都新鮮肥美，例如三文魚、甜蝦同埋帆立貝，呢幾款我就最鍾意。其他推薦菜式包括有泰式咖喱軟殼蟹同埋乳鴿，呢兩款係新㗎！乳鴿同酒樓食到嘅差唔多，仲可以無限任食，真係好鬼正～另外仲有芝麻雞翼、燒溫室甜菠蘿、燒香草羊鞍、西京燒比目魚、紫心香芋丸，呢幾款都係我平時嘅必食之選～全程食過唔停，夠晒過癮，一定會再次回訪！

性價比高放題細細個成日都想食，而家質素都依然keep到～要讚一讚佢地無漏單，食物即叫即做高質！🫶🏻⭐前菜自選區好多選擇，而且成日見佢地fill up，刺身未黎之前食前菜就岩曬喇～🤩⭐刺身全部都好新鮮，又厚切油甘魚，帶子必點，希靈魚、三文魚腩、劍魚，大赤蝦，北寄貝，甜蝦，虎蝦，等等都有得order⭐炸物咖哩軟殼蟹，香脆嘅，仲有佢個咖哩汁都熱同香，不過建議叫一份就夠，留番個胃食多D野！😉⭐熟食好多野可以叫，花膠都有得食😍燒蠔，扇貝，鰻魚都唔錯

同朋友去食飯每當諗唔到食乜既時候，最好就係去食大喜屋，因為放題乜都有一定有樣啱你食今次我哋就朋友選擇咗去銅鑼灣嘅極上大喜屋，質素依然keep到，而且款式都非常之多，食得開心之餘都傾得好快樂刺身拼盤當然係唔少得㗎啦，今日嘅鯛魚刺身都好新鮮我自己都好鍾意食鯛魚另外啲朋友仔非常之鍾意食海膽手卷，食咗好多，雖然唔係話好甜但係都新鮮特別推介係黃金焗蠔，又香又鮮甜蠔味好重，加上醬料一齊焗真係非常之香甜甜我自己就鍾意食炸鮮奶同埋炸榴槤波波，炸鮮奶呀熱食超好味，榴槤波波榴槤味超重呀，一咬開榴槤嘅香味即刻飄出，遠遠既朋友仔啊都聞到呀，榴槤味道亦都好甜非常出色泰式咖喱軟殼蟹亦都好推介大家食只不過今次嘅雪糕選擇少咗啲所以就冇食到下次再嚟食過啦

跟細仔一齊去食晚餐，小朋友鍾意食壽司同日式食物，見有咁多好評，於是就去呢間試一下。早五日訂位，約左星期五六點半，問左小朋友$158，大約正價六折左右。當日十一點有WhatsApp 短訊confirm booking。 當日六點半準時到，可能因為早場，入座順利唔駛等。坐低就用手機scan QR code落單，好方便，飲品，甜品及部份小食就近入口吧枱自助。手機點主要刺身，燒，炸，蒸煮物。刺身好新鮮，赤海蝦好大隻，十級推薦，但象拔蚌唔知點解半透明狀態，食落口感麻麻。其他燒物推薦羊架，其他例如牛舌，雞翼都比較一般，個古法蒸龍躉真係可以不叫，肉好老，味道一般。壽司，炸物都一般貨色，$278不能要求太高。甜品都係雀巢雪條及一些韓文牌子，飲品啤酒最正，有喜力同asahi,要讚

鋪頭用ar code落單，超級方便，大部分都無漏單，抵讚！刺身：三文魚腩鮮甜肥美，油脂感好重，食落好滿足，另外仲有劍魚，油甘魚，帶子，大赤蝦，希靈魚，北寄貝，甜蝦，虎蝦，全部都好新鮮冇腥味炸物：乳鴿同軟殼蟹都好出色！乳鴿趁熱食勁正！因為佢即整，啖啖肉很滿足羊架：夠大塊而且唔太蘇啤酒竟然有得任飲，仲有花茶可樂添～出面仲有自取區可以拎嘢食日式前菜，中式熟食同一啲冷盤都有，款款都好吸引最後緊係唔少得雪糕(⁎⁍̴̛ᴗ⁍̴̛⁎)大滿足

大喜屋出名勁難book 當日平日食dinner 都full house 就已經知佢嘅質素係幾咁好啦記得上次黎嘅時候仲係用紙仔點數量 事隔幾年已經係qr code 點餐嚕年紀大左都知自己冇得20件30件三文魚咁食所以大家都係叫1-2件唔同款式刺身當日有三文魚 油甘魚 帶子 等魚類 而蝦都有三款 再加有象拔蚌同榮螺刺身就維持一向嘅高質 我諗係提供好嘅刺身係做放題餐廳一定要堅守嘅首要條件之後我地出左自助區，再試咗幾款凍海鮮、前菜同小食。 有得行下 自己夾下都幾過癮另外亦都點左幾款壽司同火炙壽司同手卷，其中令我印象最深嘅係火炙左口魚壽司 火炙逼哂啲魚油出黎 超正另外我都有叫燒波羅、雞軟骨等等嘅例牌野 味道都尚好除此之外 值得一讚嘅係服務質素，隔一段短時間就會有職員收碟同協助客人 嗰日我地咁岩慶祝生日 佢地更幫我地清好枱面 再為我地送上蛋糕 為我朋友帶黎一個滿足嘅生日飯

食放題一定會諗起大喜屋呢個名今日同朋友試銅鑼灣極尚大喜屋 第一樣必點嘅當然係刺身新鮮 厚切 款式又多 Encore左幾次食完刺身就出去熟食同前菜區行左一轉 拎左啲凍海鮮 值得一讚refill 速度 每次出去都會見到凍海鮮係鋪滿左之後我地再試下唔同熟食 例如串燒 蟹粥 另外唔少得壽司 同卷物 飯嘅份量細細地 咁就可以食多幾件啦再叫左女仕們最愛嘅花膠 食多兩件都覺得自己發塊臉滑左又彈左下次試下殿大喜屋先！

好耐都無同朋友仔食放題今次肥妹留定肚仔，盡情地食食食店內環境闊落寛躺，座位舒適放題食物飲口種類選擇多餐廳用QR Code 下單，十分方便上菜速度都快，而且無漏單👍🏻 —-✄———-✄———-✄———-✄———-✄—-✾ 晚市放題 $268♡ 刺身一坐底就叫輪刺身食先刺身好新鮮，三文魚厚切肥美甜蝦鮮甜；赤蝦大大隻赤具北寄貝爽脆；帶子厚身爽口♡ 壽司卷物壽司卷物選擇多，而且細細粒食多幾件都唔驚🤭呢度有肥妹愛食左口魚邊，即刻叫番件略略燒過令左口魚邊油脂逼出，油脂感滿滿🥰♡ 一品料理、煮物估唔到有燒乳鴿食，當然要食番隻表面薄脆香口，肉厚唔韌有用椒鹽調味，鹹鹹香香極尚花膠盛宴好滋補，花膠厚身爽滑入味花膠燉鮮奶香甜嫩滑，滋補養顏要食多啲🤭鮮蟹粥清甜，粥底好綿👍🏻加左粟米同紅蘿蔔粒粒增加口感蟹肉新鮮，唔會霉！！極品麻辣牛魔王上枱仲滋滋聲，熱辣辣麻辣味無蓋過香濃牛味而芽菜吸收曬湯底麻辣汁麻麻辣辣好惹味，辣得過癮仲有粒牛丸，喜出望外係爆汁牛丸可惜得一粒🥲♡ 串燒菠蘿好甜好juicy，食時仲爆汁💦翠玉瓜燒得岩岩好，爽脆多汁雞軟骨有咬口，幾惹味牛舌爽嫩，越嚼越香👍🏻👍🏻♡ 天婦羅、炸物天婦羅同炸物都係新

🅓🅔🅛🅤🅧🅔 🅓🅐🅘🅚🅘🅨🅐 🅙🅐🅟🅐🅝🅔🅢🅔 🅡🅔🅢🅣🅐🅤🅡🅐🅝🅣 ⠀/)＿/)☆ 超多野食~ ⠀⠀ ／(๑^᎑^๑)っ ＼ ／|￣∪￣ ￣ |＼ ／ ⠀|＿＿_＿＿|／ 間唔中就要食次放題，Unlock一下空虛既胃，同屋企人出街食飯，要揀岩佢地心水有難度，但呢間放題係無敵，就算你係玻璃肚唔食得生冷野，都唔洗怕因為佢有好多熱食，連熱飲款式都多，佢地見到個自助區咁大仲興奮過我，有沙律吧、甜品區、小菜區、飲品區，質素仲要係唔差，而可以落單既食物都好多，基本既刺身又新鮮又厚切，完全滿足到中意食三文魚既我，亦有蟹粥、乳鴿、焗蠔、串燒，佢可以食2個鐘，但我地食左1個鐘左右，其實已經飽飽地，再慢慢出去自助區 睇甜品，仲有好多野都未試到架，下次都會揀呢度，試埋其他野食先！！

日式料理備受很多食客的喜愛！而位於銅鑼灣一期9樓的極尚大喜屋！交通便利，逛街購物之外！相信也是飽口福的首選！餐廳坐位舒適，地方乾淨整潔！自助區裡配有多款新鮮海鮮，食客們可以隨自己喜好選擇多款新鮮水果，看賣相已令感覺飽了眼福！任食任點的新鮮刺身，三文魚香滑！海蝦刺身鮮甜！虎蝦爽口彈牙！帶子除了口感爽彈，還鮮甜美味！👍👍👍👍有驚喜的就是炸乳鴿了！賣相討好的即炸乳鴿！皮脆肉嫩！香味四溢！想不到吃日式料理還有炸乳鴿吃！燒羊架，醃製好的羊架燒出來味道剛剛好！蘸上少許檸檬汁味道更有清新開胃的感覺！好正😋😋😋😋蒜蓉粉絲扇貝，香味濃郁，好惹味！榴槤炸彈，爆汁的榴槤炸彈口感一流！我的至愛😋😋😋😋燒菠蘿，燒後的菠蘿酸甜多汁！正好幫助消化！👍👍👍👍香噴噴的燒鰻魚，喜歡吃鰻魚的食客不容錯過自助區裏配有多款冷熱飲品，相當多元化飽餐後的甜品，選擇頗多！

對於日式放題店嘅記憶已經遙遠到呢…..真係去到要講「想當年」🤣🤣今次難得去食，實行要「報復式」咁食❕呢度食物款式都多，有啲海鮮、前菜、水果、甜品都可以去自助吧攞。另外，除咗啲無酒精飲品，仲有啤酒、Sake、燒酒、梅酒無限飲添，抵飲呀😆😆∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 刺身、壽司類刺身新鮮，甜蝦、帶子爽甜，三文魚充滿油香，北寄貝、赤貝爽口😊壽司size 好精緻，呢個size可以試多幾舊。三文魚、花之戀鮮甜，火灸左口魚邊、帆立貝送上黎仲係熱架❕而且壽司飯質地唔會過軟過硬，壽司醋調味啱啱好👍🏻❥ 燒物、串燒類濃濃香草味嘅羊鞍，口感唔韌、有油香，可以encore❕菠蘿燒到超甜，甜到好似啱啱搽咗糖咁。牛味香濃嘅牛舌爽彈，味道唔會過鹹。雞軟骨串燒唔乾，非常爽口😋❥ 炸物、天婦羅類小編咬咗啖脆炸貓山王，濃濃榴槤香+香脆表面～愛榴槤嘅朋友仔一定要叫嚟食呀❕芝麻雞翼外脆內嫩多汁，唔油膩👍🏻呢度嘅天婦羅蕃薯係用日式甜蕃薯仔去整，粉漿唔厚，仲甜甜地🍠另外，仲有個芝士竹輪天婦羅，食落啖啖芝香🧀❥ 煮物、一品料理類呢度有乳鴿食架🤩鴿皮薄脆，入面肉質唔