影片
營業時間
今日營業
12:00 - 15:00
17:00 - 23:00
星期一至四
12:00 - 15:00
17:30 - 23:00
星期五至日
12:00 - 15:00
17:00 - 23:00
以上資料只供參考, 請與餐廳確認詳情
相關文章
🐷~ 𝐵𝑒𝑒𝑟𝑃𝑖𝑔 𝑅𝑒𝑣𝑖𝑒𝑤 ~🐽【 大喜屋任飲清酒x任食新鮮蝦蟹🤩 】#BeerPig · #啤酒豬 · #酒肉朋友💖想睇更多美食 & 日常分享？快啲Follow @Beerpig.Foodie 留意有咩推介啦🌟·—·—·—·—·—·—·—·—·—·—·#🍻🍖 質素：🍱2小時晚市放題成人｜$308/ppl聽講最近極尚大喜屋多左好多新野🤩今日等小編會一會佢先～🍣刺身壽司小編推薦大家試試蜜柑鯛，蜜柑鯛魚肉本帶有淡淡既橘香無腥味，配搭柚子醋醬汁，開胃醬汁微微帶酸好有夏日感🌞焦糖牛奶鵝肝壽司係同壽司郎同款😆面層薄薄一層焦糖脆，鵝肝軟滑，一咬落去面層脆口中層軟滑細嫩，忍唔住encore多幾次🤤🍲熱食方面推出左兩款避風塘炒蟹· 咖哩大頭蝦兩款熱食都採用新鮮蟹同大頭蝦，放題任食都有新鮮海鮮幾抵，小編都幾欣賞個咖喱汁，微辣香濃星級鐵板厚切鵝肝多士鵝肝愛好者除左鵝肝壽司之外都唔好錯過呢款厚切鵝肝多士啊～鵝肝勁厚身🤩入口綿密，多士非常脆口，一啖咬落去好有滿足感極品金枕頭榴槤燒作為榴槤愛好者，又點會錯過任何食榴槤既機會😋燒榴槤既外皮香口，內裡軟嫩，份量都比想像中大件，啖啖榴槤肉食得好過癮🍻飲品放題仲有無限日本清酒·燒酒·梅酒任飲🤩一路飲酒一路放開肚皮咁食，今次真係可以飲飽食醉·—·—·—·—·—·—·—·—·—·—·🍻 #極尚大喜屋 🍖📍銅鑼灣軒尼詩道489號銅鑼灣廣場一期9樓🕵🏼♀️Find others in:#beerpig銅鑼灣 #beerpig日本菜·—·—·—·—·—·—·—·—·—·—·
繼續閱讀
每隔幾個月總會食放題一次，唔係自己想食，就係朋友想食，今次特別揀左嚟銅鑼灣嘅分店食，因為每年今日去銅鑼灣已成為習慣。極尚大喜屋嘅食物選擇多已經唔洗多講，今次介紹幾款之前未食過嘅，同埋個人嘅必食選擇。新品有 --焦糖牛奶鵝肝壽司: 朋友話最近每次去某連鎖壽司店都必食呢個，竟然見到呢度都有，一定要叫。我食完一啖都即刻同朋友講要嚟多round，真係好好食，件鵝肝面因為灑了糖做焦糖效果，鹹中帶甜嘅味道已經好吸引，而未完全融化嘅糖同埋已成焦嘅糖，令到件鵝肝多了一重香脆嘅口感。平時食鵝肝都係配多士，今次配上壽司飯同食，原來都可以好夾，而且飯粒索了鵝油嘅香味，入口就更香。咖哩大頭蝦: 驚喜位係個咖哩汁做得幾出色，咖哩味香濃不在話下，而味道係近似日本咖哩嘅特色--帶有鮮甜味，朋友話如果可以叫個白飯撈汁食就Perfect，真可惜呢度沒有白飯供應。個人選擇推介--海膽手卷、海膽魚籽拖羅蓉最中餅放題食嘅海膽都有咁鮮嫩嘅橙色已經夠吸引，入口仲要無腥苦味，而係微微嘅鮮甜，正！海膽魚籽拖羅蓉最中餅，睇完名加相都唔係好清楚咩係最中餅（之後上網查下，原來最中餅係日本嘅人氣甜點），上枱時，驟眼看都仍然唔知係咩嚟，仲懷疑個似碟仔果塊嘢食唔食得。輕輕一咬，原來真係食得嘅，口感似雪糕筒果種威化，但無果種甜味，配埋海膽、拖羅蓉食，感覺更突出了刺身嘅海水鮮味。避風塘炒蟹細細碗有齊蟹殼、蟹鉗、蟹腳。蟹鉗仲要幾大隻厚肉。避風塘醬料又係做得好出色，夠晒香脆惹味，呢個時候如果有碗公仔麵撈嚟食就好啦，可惜又係無🤣鮑魚想輕易回本，緊係要叫鮑魚啦。花雕醉鮑魚，酒味聞起上嚟好香，但入口唔會嗆喉；而飽魚口感爽脆、帶嚼勁。花菇紅燒鮑魚，食完鮮鮑魚，緊係食埋呢個乾鮑魚，芡汁味夠濃，鮑魚、花菇都夠入味，而且夠腍，輕易嘴嚼。自助區美食藤椒魚皮坊間都唔常見嘅惹味小食竟然都有！魚皮夠爽、夠鮮；藤椒味夠香、夠辣，勁好食！可惜嘅係魚皮切得較幼身，食起上嚟有d唔夠暢快。炆猪手豬手入味，但又唔會煮得太腍，反而仲有煙韌嚼勁嘅口感。個人總評係，雖然唔係每樣都好好食，例如燒牛舌，今次就過左火喉，肉質韌到我都咬唔開。不過整體而言，都係值得推介嘅，抵食、選擇多、材料新鮮、烹調入味。
繼續閱讀
在銅鑼灣的極尚大喜屋享受了一次令人驚喜的如自助餐般的日式放題。餐廳的環境舒適，空間寬敞，平日顧客眾多，好在有訂座🤍🌟食物種類多元化，熱食有海鮮、蒸魚、蒸點心、炸雞等。🌟乳豬必食，皮脆肉嫩，要留意出餐時間吃最新鮮的☺️🌟湯類有烏雞蟲草花湯、花膠湯羹等，湯頭香濃熱食方面🌟避風塘瀨尿蝦和小龍蝦鮮美可口，蒸魚的口感滑嫩，搭配各式蒸點心（蝦餃 燒賣 粉果）、乳鴿、羊架等等，食物的質素和味道令人印象深刻。餐廳的新菜式方面，🌟避風塘炒蟹的肉質鮮嫩，搭配獨特的調味，值得一試。🌟咖哩大頭蝦則是另一個亮點，新鮮蝦肉彈牙，咖哩醬汁濃郁，非常惹味。🌟壽司和刺身部分也相當不錯，如：海膽三文魚籽撻，味道鮮甜夠創新。🌟油甘魚、左口魚裙邊、三文魚腩、大蝦等也新鮮。🌟特別是焦糖牛奶鵝肝壽司，外脆內滑的口感讓人難以忘懷，與傳統壽司相比，這道創意料理增添了不少驚喜。🌟甜品方面，餐廳提供的韓國、法國及本地牌子雪糕，口感滑順，味道香濃，特別適合在飯後享用。🌟豆腐花和布甸的口感細膩，蓮子紅豆沙甜而不膩，讓人感到清新。🌟乳酪也相當受歡迎，搭配新鮮的水果，既健康又美味。🌟飯後水果方面，有哈密瓜、西瓜和桃駁梨等選擇多多。🌟榴槤控必食燒榴槤，口感特別，炙燒過後甜味更出眾，值得一試。
繼續閱讀
大喜屋又有新菜式❤️💜新菜式有好新穎✨️避風塘炒蟹大大隻嘅新鮮蟹，炸得好酥脆又唔會油膩，而且配搭大量嘅炸蒜 ，真係超惹味超滿足 ！鍾意食辣嘅人就啱晒🌶️焦糖牛奶鵝肝壽司，同某大型迴轉壽司店同款同味道✨️刺身款式多：三文魚，希靈魚，帶子，海螺，油甘魚，劍魚，甜蝦，赤海蝦，八爪魚，馬刀貝最正仲有松葉蟹腳，池魚，泰國虎蝦❤️全部都鮮甜肥美✨️壽司款類多：鵝肝，海膽，三文魚，油甘魚，芒果軟殼蟹卷✨️蒜蓉川式燒蠔 超多超多蒜蓉，係多到可以用匙羹先食幾啖蒜蓉先，蠔又勁大隻勁肥美，搞到忍唔住食左幾round ✨️鮑汁燴干鮑花膠鮑魚同花膠與鮑汁搭配蔬菜一起燴煮，善用鮑魚醬汁的鮮甜，讓蔬菜嚐起來更入味可口❤️自助區位置很大又企理，甜品，前菜，沙律，飲品，海鮮，應有盡有❤️
繼續閱讀
黎銅鑼灣極尚大喜屋記得一定一定要BOOK位。我六點到達，門口已經塞滿準備入場既食客，聽到WALK-IN要等至少1小時，真係覺得個FRIEND好叻，早早BOOK左位。除左食刺身，仲有食比目魚西京燒、鮑魚皇帝蟹黃粥、北海道帶子刺身、黑松露蟹肉芝士軟殼蟹卷、串燒廣島蠔、花雕醉鮑魚、避風塘炒蟹、黑椒牛柳粒。每樣都好有特色。比目魚西京燒甜甜地，魚肉嫩滑，燒得啖啖入味。鮑魚皇帝蟹黃粥有驚喜，粥身滑滑，鮑魚同蟹黃配埋一齊，好鮮甜。北海道帶子刺身新鮮到爆，點少少醬油，勁鮮美。黑松露蟹肉芝士軟殼蟹卷芝士味濃但唔會壓過蟹肉，炸得金黃脆口，好正。串燒廣島蠔好Juicy，燒得啱啱好。花雕醉鮑魚酒香撲鼻，凍食好啱呢個天氣。避風塘炒蟹蟹肉緊實，辣味適中。仲有黑椒牛柳粒.....樣樣都好好味。QR點餐快，食物轉頭就到，整體感覺非常好，值得再嚟。
繼續閱讀
您可能會有興趣的...