極尚大喜屋 (加連威老道) (已結業)

今日約左舊同事食飯，佢番半晝所以就揀左食星期六下午放題。好耐無食過呢間，所以再次光臨睇下水準keep 唔keep到。一早book左位，十二點去到坐底即刻落order!首先叫刺身，選擇好多！叫左蟹腳，帶子，三文魚，油甘魚，甜蝦，馬刀貝等等。全部都好鮮甜同肥美！放題黎講好高質，食到啲刺身既鮮味！特別要提下蟹腳，個蟹鉗超多肉，正！！刺身之外仲叫左海膽壽司，紫菜夠脆海膽無腥味！值得encore 回本！仲叫左好多天婦羅，有蝦南瓜茄子蕃薯，炸粉份量唔多，唔會食粉多過食舊料。特別個蝦係好彈牙，encore 左幾次！一口牛柳粒！蒜香味夠，size 啱哂兩個人食！壓軸既有雪糕！係hidden menu, 食到點零鐘就俾張 雪糕menu 揀！可以揀movenpick or hagandaaz ! 正呀 下午放題可以食到兩點半，呢個價錢同質數我絕對會再食

又是一餐我最喜愛的放題宴……食放題首選一定先食刺身，因為刺身可以睇得出放題的新鮮程度，呢間放題仲有長腳蟹食添，長腳蟹好鮮甜，雖然食它都幾浪費時間，不過，都食咗好多。刺身就好新鮮，至於壽司方面，的的骰骰，細細件，顏色好鮮艷，件件都做得好精緻，好靚。呢度仲有燒魚乾食 ，其實係燒雞泡魚乾先至啱，魚乾雖然燒得好乾身，但係食落都不會硬，好易咬開，表面搽咗蜜糖，好香好甜，好好味！仲有炸豬手，因為有好多蒜蓉粒，所以好香口， 豬手外表炸得好脆，但係咬落都好淋身，仲有少少辣，好惹味!其他炸物，好似芝麻雞翼，天婦羅等等都炸得恰到好處，樣樣都好香口，好好食！甜品同雪糕係放題必食，甜品做得不錯呢！

相隔上次黎尖沙咀極尚大喜屋只係數月之距，今次同朋友一行四人再來食佢既八點四十五分晚餐時段。食呢個時段真係唔講得少，因為真係太肚餓啦！準時入席之後我地有你無你，即刻先點個大大盤刺身。唔洗五分鐘，呢盤主角就已經送到黎。無論係三文魚、油甘魚、甜蝦、定係池魚，都非常鮮味。赤海蝦更加係比預期更鮮味，帆立貝亦都唔似其他放題咁細細粒，到喉唔到肺。除左呢Ｄ刺身之外，仲有我最愛既長腳蟹食！佢地會俾埋開蟹較剪同鉗你，等你唔洗咬崩牙，所食得好滋味。我地食完呢盤刺身之後只係熱左身，立刻再落order大殺四方。壽司我地一向唔會叫太多，但見到有中吞拿，都忍唔住叫左黎試下。一試之下又唔錯，無筋，但可以更鮮味，算係不過不失。燒蟹棒同燒三文魚腩亦都唔錯。海膽軍艦係我必嗌既，幾鮮味，唔腥。再黎就係源源不絕既熟食，實在不能盡錄。所以重點介紹下D正野俾大家。要讚既係呢個醬燒帆立貝。一向呢一味都唔係食個貝，係食個醬，而佢個芝士沙律醬比預計惹味，好唔錯。仲有就係呢D炸物。有外脆內滑既炸鮮奶同熱辣辣既炸芝士、仲有個人好喜歡既炸榴槤。榴槤香味俾想像中濃，鐘意食榴槤既朋友就岩晒咧。呢盤炸物既主角係剩低既芝麻雞翼！佢個雞翼炸得好脆之餘仲

第一次寫長篇的食評，真的是非寫不可！看到這家在OpenRice 上一直好評如潮，差評比例不高，於是約了人興致高昂一起來吃。去到店門口見到已有不少人在排隊，而且全部都是已訂位的，心想這麼受歡迎一定不太差。一入去，店面不大，坐位空間小，環境噪雜，與隔離枱的距離就像拼枱似的，基本上相隔了一個手掌位寬左右。服務人員態度尚可，唯其中一位金髮的為了加快傳菜速度，向客人大聲吆喝。這樣即使讓你可以令客人快速得到食品也沒用，完全沒了進食的心情了！食品份量按人數來分配，這一點很好，可以避免浪費，但是漏單情況十分嚴重。頭一輪下的單，在2.5小時後結帳時才送來。在用餐時間內經常出現沒東西給客人吃，請服務生幫忙問單的情況，應了一聲便不再理會，而當時他們並不是很繁忙。刺身，種類多但很不新鮮，不是沒味道就是只有腥味，而且還有筋，是吃過那麼多家放題之中最差的一家了！我們那麼愛吃刺身的都只點了一次就不想再吃了！壽司算不過不失吧！飯團份量不大，但壽司上那片魚生表面已經乾了！三色壽司及海膽軍艦算是還可以的，假如你不嫌棄海膽味重。火炙壽司比較正常。串燒，嚴重漏單，從一開始到結束一共下單4-5次，只在結帳時來了一次，而且只來其

有時覺得食放題又係食下魚生同壽司，冇咩驚喜，估唔到又有驚喜！黑松露北海道手卷真係一試難忘既手捲！手捲上既刺身非常豐富，有三文魚、甜蝦、三文魚籽同吞拿魚蓉，味道甜而新鮮，鮮味係口中爆發。就咁望落去時完全黑松露的足跡，諗住一陣叫多次就算，原來黑松露係同飯粒撈埋左一齊，變左黑松露飯，味道超級香，又唔會搶走左刺身既甜味，好正！五香煮和牛筋腩質素同超老字號既牛腩店比得上，係炆左好耐，味道香濃，香料突出，肉質細嫩，運個根同蘿蔔都係完全入味既狀態。辣酒煮花螺對放題既辣野都冇咩期望，點知依個花螺好好食。花螺個辣味好有層次，先麻後辣，好似雞煲既味道。壽司質素不錯，火灸左口魚口感好好，香而不油膩。海膽吞拿卷味道香，估唔到入面就有青瓜，會來爽脆既清新感。油甘魚同三文魚都係超厚切，非常肥美同新鮮，可以瘋狂食。甜品好多款，仲有Haagen Dazs雪糕，牛奶布甸夠哂滑，馬卡龍甜而不膩，口感軟硬適中。

星期日 放假出開尖沙咀 行街街， 心晴靚靚， 行到攰 同朋友仔搵個地方坐低食下野傾下計，知道極尚大喜屋呢度嘅放題可以食三個鐘，咁就可以 慢慢休息下下野傾下偈佢哋嘅飲品都幾多款式下試咗去基本刺身都好新鮮， 仲有長腳蟹鉗食㖭忍唔住食咗幾轉好少可食放題啲壽司會擺得咁靚， 果然係色香味俱全， 手握嘅飯團結實度剛好唔會鬆散散， 刺身嘅味道配搭非常協調，很好吃極速咁食完一輪壽司，捲物， 補充 左足夠嘅澱粉質 醫飽曬肚， 就可以慢慢咁試下其他啦香噴噴嘅牛油粟米，好吸引喔 朋友仔點咗個牛肉烏冬， 細細份剛好，不會 食完太飽食唔到其他嘢小魚乾用嚟送酒就最好啦 味道一流食飽飽開始可以食啲甜食啦 你個燒番薯仔係我嘅最愛， 煙煙靭靭 仲好甜添衝鋒陷陣咗一輪 已經好飽喇， 係時候食返啲甜品， 牛奶布甸同埋班蘭芝士蛋糕都好好味呀，唔會太甜最後隊埋牛奶雪條就非常滿足啦

今日一行4人去極尚大喜屋食晚飯, 好在BOOK左枱，如果吾係，有排等。一黎當然叫刺身啦, 啲刺身好新鮮，三文魚，油甘魚，甜蝦，帶子，北寄貝，樣樣都好鮮甜好新鮮，最緊要係切魚師傅完全冇留手，樣樣都係厚切，好滿足。尤其係海蝦，又鮮甜又大隻，真係好正。第二推薦係火灸壽司。火灸三文魚望落新鮮，食落入口即溶，恰到好處；再黎火灸芝士蟹棒亦都吾錯，蟹棒大大條，夠入味。第三推薦當然係放題吾少得既芝麻雞翼，呢度嘅芝麻雞翼一定係即叫即炸，因為一擺落口差d盪熟個嘴，外皮夠脆之餘肉質亦唔會太鞋。同埋中意食榴槤既朋友，一定要試下榴槤炸彈，大大舊榴槤肉，炸皮吾算厚，一咬開香味四溢，食完一個又一個。另外，點左我自己好中意既芝士焗扇貝，醬汁夠味之餘又唔會搶咗扇貝嘅甜味，非常好食。辣酒煮花螺亦有驚喜，都算新鮮同大粒。蒜香牛柳粒夠入味，岩晒重口味既我。最後當然吾少得hagen daze或者movenpick雪糕，今次有朱古力、士多啤梨、雲呢拿同芒果任擇，味道都算多。作為一間日式放題食店，種類雖然同出面坊間一般放題食店冇乜大分別，但食物嘅質素就好有水準。而且值得一讚，每次要加熱茶既時候，店員態度都好好，難得！

最近我同女朋友都愛上左放題，早幾個星期食完而家又想食約埋女朋友同佢媽咪一齊去食，見家長梗係要搵一間質素有保證食放題就係因為貪佢食物選擇夠多，而且主打嘅刺身必定係要新鮮三文魚鮮甜肥美松葉蟹腳清甜新鮮池魚我就最鐘意，好少放題會有得食食落口爽脆彈牙，我叫左兩三轉北海道帶子都係我最愛之一，清甜燒魚干個醬汁好香濃，點少少沙律醬好好食送酒珊瑚蚌好大隻不過味道就淡左啲鹽燒牛舌燒嘅火候啱啱好，食落爽口因為我試過有啲燒得過咗龍係咬唔開以往食鰻魚飯一碗都百幾蚊，呢度蒲燒鰻魚香濃醬汁，仲要係任食真係咩都抵返晒北海道燒帆立貝真係覺得好有誠意，佢裏邊有芝士蟹子仲有蟹柳佢嘅沙律醬分量適中而且面頭嘅芝士燒到脆卜卜佢呢度甜品款式都算多，不過我最鍾意嘅都係食佢嘅哈根大師焦糖雪糕

朋友成日叫我放題一係唔食一食就食好D,我成日都覺得無分別,但o係佢地gei"鼓勵"下我終於第一次食高級放題.6點鐘正式入場,我地已經好快手睇食物選擇立刻劃,佢地話分秒必爭,的確係,全店full house,所以等上菜都要段時間.極尚果然係極上,D刺身每一款都好新鮮,擺盤非常霸氣!貝類係推薦項目,好新鮮好有咬口單單係沙律都有咁多選擇,諗左一輪,我gei決定係柚子大蝦沙律,加多個蟹肉胡麻豆腐.沙律D蝦好彈牙,加多柚子令海鮮腥味減少.胡麻豆腐夠曬滑,加上有蟹肉,絕對系會再叫gei作品雖然個個都話放題千其唔好食壽司,因為壽司好飽肚,但見到佢有咁多選擇我都係忍唔住叫左一堆千島大蝦同帝皇蟹棒黃金燒果然係推介,啖啖肉,食到火炙感覺~好多放題gei壽司都好散,好似求其塞堆飯粒畀你咁,但呢度D壽司飯粒唔粉容易入口,D紫菜仲會脆添~餐廳上菜速度好快.就算你叫燒物炸物都好快到,首推燒菠蘿~多汁又夠厚蝦D肉略嫌粉左D.炸物真係好好味,唔會好油,天婦羅蝦好彈牙,而南瓜都好甜~~朋友叫左芝士帶子食,芝士味好濃,不過帶子肉未夠鮮味牛油粟米好甜好入味,絕對可以翻兜終於等到最後gei甜品時間,佢D甜品選擇真係太~~~~

人大左，真係少左好多機會食放題，一黎愈黎愈貴，二黎質素參差嚇親人。大喜屋系列係少數身邊既人都會讚既放題，咁食餐當預祝情人節都好。9:30後入座有85折，臨走先知，絕對加強左我encore指數！食放題揀刺身先是常識吧，又鮮甜又好味，肉質都幾實。推介大家一定要食甜蝦同赤海蝦，一d霉都無，而且都挑得幾乾淨添！舊羊架食落幾嫩口，唔知係我過分左定點，肉質仲有少少奶香同草味，羊羶得黎唔會太搶，以放題質素以言，佢羊架係頭2位。佢d特色壽司都幾得意，最好係佢舊飯都好細，唔會想用飯餵飽你果d，良心！我之前聽講極尚最特別係海膽，不過我話你知，呢舊炸貓山王是係極品，未咬開已經有陣陣榴連味飄出，外面少少脆，內面又軟又夠熱，食得出唔係普通既榴連！見到隔離有16個女生gathering,搞到我想即刻組返隊放題團,再黎食多次！

尖沙咀除咗係購物天堂仲有好多美食收埋咗係橫街窄巷。而今日發掘到嘅係一間連鎖集團式嘅日本放題餐廳一如既往餐廳服務態度令人滿意，面對着餐牌上面林林總總嘅美食真係好難令人選擇。而我覺得最值得推介嘅美食就係牛舌同埋雞串，用火灼得牛舌同雞軟骨串嘅肉汁都出晒黎，加埋檸檬汁嘅鮮味簡直係味覺嘅享受而其次不得不提嘅係刺身拼盤，任意配搭嘅魚生同埋蝦嘅刺身放喺充滿冰粒嘅小盤子上，顯得刺身嘅日本風味同埋吸引到唔少人為食物打卡。魚生三文魚鮮嫩好感新鮮嘅食材令我下次都咁想去呢間放題食嘢最後仲有品牌嘅雪糕食，即使你係一個細食嘅人食返杯雪糕都已經抵返晒

上星期媽媽生日，見d 相有我最愛的長腳蟹，就揀呢間同阿媽一齊嚟呢間慶祝！！刺身：呢間嘅刺身真係好有看頭佢嘅赤蝦、蟹腳、珍寶帶子、深海池魚，都係貴價野，好少放題咁齊全！重點係好新鮮仲有剪刀剪蟹腳，蟹腳真心唔錯，我食左幾轉！鮮甜！海膽軍艦，鋪滿海膽，唔苦而且有甜味有toro壽司，不過我食果件就還好原條穴子壽司醬汁幾好味另一個令我驚訝嘅係呢度嘅熟食幾特別，而且味道好唔錯！有花心思五香煮和牛筋腩雖然我諗應該唔係和牛，但質素唔差！！真係筋腩位，肥瘦適中，入晒味。避風塘炒五香豬手呢個真係好似大排檔菜式，雖然唔夠大排檔咁有鑊氣，但係都幾惹味。豬手唔乾身，蒜香味重.甜品同飲品都有好多選擇，鐘意飲雞尾酒的話可以一試！甜品：我每樣都試d,最好味係牛奶布甸、班蘭椰子芝士餅每人一杯哈根大師 食完好滿足！！ 雖然價錢有點貴但係質素高！！

想食放題緊係去間近嘅禁啱喺尖沙咀 the one對面就有一間極尚大喜屋喇！其實大喜屋集團都有好幾間嘅，有大喜屋，極尚大喜屋，澱大喜屋，豪華指教為左至右，右面最華麗。當我好肚餓嘅時候就出左第一樣食物，入面有牛油同吉列蝦，而個吉列蝦唔會話淋哂咁，好似一早整定咁嗌左啲魚生，都好新鮮，而且冇漏單仲俾多左tim啲沙律份量啱啱好，唔夠先再嗌然後嗌左一串燒雞脾茹試下，好juice，最後忍唔住嗌多左兩串芝麻雞翼真係好好味，好脆好香，仲好多汁，唔會脆得黎乾真真咁！個芝士年糕都好煙煙韌韌咁，不過我就冇食到夾心嗰啲芝士因為我唔鍾意芝士。唔鍾意芝士都嗌芝士年糕就知咩事啦甜品方面都有好多選擇，最鍾意就係個斑斕芝士蛋糕，真係 好 好 味， 有芝士又有斑斕味好香而都係一人一樣HäagenDazs 雖然係貴過大喜屋少少，不過都係值得嘅！

今日又去咗食放題啦，今次就近近地去咗尖沙咀呢間極尚大喜屋度食，放學之後再慢慢行完街過去都得👻因為我哋8:45pm先食,而且又預先book咗枱，所以一去到就有位，唔使再等😆😆睇一睇餐牌，真係覺得有好多唔同款嘅嘢食同埋嘢飲，不過我哋都唔係好大食，所以每樣都係最多叫一兩分，每樣試少少就算啦😛嘢飲方面竟然同平時食開嘅放題有少少唔同，會有啲特別小小嘅野飲同埋仲有cocktail。我就飲咗杯香蕉朱古力冰，味道不過不失，下次再有機會應該會飲cocktail hehee都見到我哋雖然每樣嘢食都唔係食咗好多，但係邊食邊傾就已經好滿足，而且又唔使食到飽晒咁咁有罪惡感🙊最後埋單之前，店員仲俾埋呢份甜品menu我哋，每人只係限叫一杯雪糕，好彩有留肚食啫😛

雖然尖沙咀依家食過好幾次，但都係食晚市！今次選擇去食午市，食物選擇同晚市差不多，冇漏單，服務員都好有禮貌，午市雖然吾係好多人，但岀品食物品質乾淨整齊都幾好！Openrice 訂位或電話訂位，去到都吾洗點等就可以入座！芝麻雞翼，炸榴槤係必點！