極尚大喜屋 (加連威老道) (已結業)

好多放題依家都有自助飲品櫃同自助吧，可以自己攞，但呢間放題則始終如一，所有食物飲品都是剔紙由侍應送到，免除了客人走來走去的麻煩，而且廚房及侍應效率非常快，不需等太久。雖然飲品款式不是太多，但有特飲，同酒精飲品，特飲味道也不錯，不會太甜。食物樣樣都好新鮮，刺身還有長腳蟹，好鮮甜。壽司做得好靚、好吸引，細細件，為肚子省回不少位置。各款炸物都炸得很香兼脆口。今次來更有避風塘豬手，超香脆。呢間放題最矜貴的是有燒雞泡魚乾，魚乾搽上蜜糖燒香，食落甜甜地，咬落膠口，有嚼頭；其他燒物也好好食呢！雪糕甜品當然是食放題尾聲不可劃缺的一樣食物啦，今次揀了3.6牛乳布甸，好滑好香牛奶味，好食！

又約左果位「超為食舊同事」食飯，同佢食唔洗諗，一定係食放題先滿足到佢驚人既食量！今次選擇左交通方便的極尚大喜屋，由彌敦道轉入加連威老道就可以見到成堆人排隊，好容易搵。放題第一個動作，當然係整返碟刺身拼盤！推薦刺身松葉蟹腳，因為季節限定，當然要食左先啦。三文魚、油甘魚、池魚都好鮮甜，北海道帶子同埋甜蝦都係必點！酒紅黃昏　Tequlia Sunrise蔚藍天空　Blue Vodka點左兩杯cocktail, 兩杯都係甜甜地易入口的。霸王花煲豬骨湯難得見到日式放題有中式既湯可以飲，見特別就試下，都好鮮甜，夠火侯。日本溫泉蛋意式黑松露帶子沙律一向都鍾意食溫泉蛋，見到當然要點！沙律都ok，菜幾新鮮，調味都唔錯。呢碟壽司都砌得好靚。火灸壽司系列牛魔王必點。羊架唔會好騷，燒菠蘿都好味。最後每人食隻廣島蠔作結整體來說， 刺身、炸物、飲品的水準也不錯，而且餐廳交通方便，價格也不高，想吃放題真的可以來試試

又係食放題既季節。今日去左尖沙咀食放題午餐。其實食放題最抵食就係食午餐，因為價錢平之餘，晚餐都可以慳埋。叫左個刺身拼盤。好肥美既三文魚。刺身既水準不嬲都維持係新鮮好食既水平。仲有蟹腳可以食。蟹腳好甜好鮮，任食蟹腳，好過癮。叫埋個海膽軍艦同芝士鰻魚卷。海膽好新鮮，無陣油味，好味。鰻魚都整得好味，同芝士好夾。原來出左個新野，避風塘豬手。豬手啱啱整好，好熱。呢個避風塘豬手真係好惹味，少少辣，好開胃。叫埋軟殼蟹手卷！好大塊軟殼蟹，好香好滿足。叫埋牛舌。牛舌燒得好香。口感爽，仲好多水份。燒得水份仲保留到係入邊，出邊香料又夠，食幾多都唔會厭。再整個雞軟骨串燒。加檸檬汁，酸酸鹹鹹，好開胃。彈牙既雞軟骨，攞黎陪酒飲一流。有sake任飲，呢餐食得好開心。最後仲可以黎個季節限定既乳酪味haagen dazs雪糕。好滑好似手打雪糕咁。估唔到有haagan dazs食，好滿足。

放題是慶祝生日的好去處，這次，我和家人決定來這家被稱為大喜屋之中最高級的「極尚大喜屋」來慶賀慶賀～晚市分 17:30/20:30 兩個時段，我們選了較早的，有差不多三小時，可以坐到約 20:15。食物選擇超多！吃過這麼多放題未試過見到這麼多選擇，刺身壽司燒物熱食都有逾十樣，看得眼花瞭亂～刺身永遠都是頭盤～也沒有多想，乾脆每樣刺身點了至少四份。以一大盤裝滿冰的不銹鋼碗盛載著，令刺身長期保持著冰凍，而這裡的刺身好像真的比其他店的更鮮甜肥美～這裡還有冷熱清酒、梅酒和雞尾酒，喝幾杯都已回本了～燒物熱食都有相當的水準！其中最愛鰻魚串、北海燒帆立貝和燒羊架。帆立貝的配料和醬汁都很多，裝得滿滿的；羊架的味道不羶而且肉質非常鬆軟～天婦羅炸蝦亦相當不錯，蝦肉本身肥美，又炸得夠熱。還有貓山王，整個榴蓮波波都充滿著榴蓮香味，榴蓮粉絲必試！通常都比較少吃壽司，因為太多飯太飽肚了，但見有這麼多款式，姑且點一兩件試下～海膽三色花挺特別的，不但有海膽，也有三文魚、吞拿魚和甜蝦，十分豐富。最後有 movenpick 和 haagen-daz 雪糕，即使每人只限一杯也絕對足夠了，因為吃過這麼多食物實在飽到溜了～

約了朋友一起來''極尚大喜屋''吃放題，可以隨便點自己喜歡吃的可以吃個痛快。我們提早了一點點在門口排隊，說了訂位編號後拿了座位紙，夠鐘便可以準時入座吃放題攻略當然要先食刺身再吃熟食，這裡上菜的速度很快所以可以先點一輪，吃完再下單，就不怕放到滿桌子都是食物又放涼了，也不會浪費食物。這盤刺身最特別是有季節限定的''松葉蟹腳''蟹鉗剝殼後非常多肉，蟹肉很鮮甜，讚！三文魚也新鮮好吃，後來再encore一客了左邊是牛油果吉列蝦卷，右邊是海膽壽司，海膽一點也不腥，很甜很美味壽司我比較鍾情於火炙壽司，味道更香香脆的炸物，有芝麻雞翼、炸牛奶和炸榴槤波這個炸牛奶很特別呢，奶香濃郁雜錦天婦羅，非常惹味串燒點了牛舌試試看，肉質很嫩很有肉味健康之選，叫了小棠菜吃，不錯這個是即叫即做的瑤柱花甲粥，粥底很綿滑，味道很清甜，還有滿多的花甲呢雪條可以任點呢，雪糕就每人一杯，吃到甜品已經吃很飽了。可以一邊聊天一邊吃放題，渡過了一個愉快的晚上

兩條友黎食放題訂左尖沙咀加連威老道既哩間極尚大喜屋。位置幾好，地鐵站唔遠，隔離又有The One，食完放題可以再行下商場消化下。之前就book好枱，所以準時到同前台講就會帶你上去攞枱坐，環境幾企理又唔算逼，侍應一個人拎住幾碟野食都冇問題唔使逼黎去。今次叫左好多熟物，有牛柳粒、雞軟骨、又炸牛奶炸貓山王(鐘意食榴槤既人一定要點,正!!!)、仲有牛油粟米(幾甜又唔膩)、竟然連辣酒煮花螺都有、仲有川味牛展(一個字~辣)，咁當然仲有燒菠蘿、燒雞翼、天婦羅呢d熱氣首選壽司方面叫左d花之戀、鰻魚壽司、蟹子壽司，樣樣都係細細件，食完舊飯都唔會頂住個胃，唔會食唔落其他野食。重點係最後每人可以點一個Haagen-Dazs雪糕，正。

食完今餐更加深信食放題吾可以貪平,質素最重要今次我地訂午市段,估吾到一樣咁爆場枱面放齊所有用具, 什至有紙巾,勁貼心首先樣樣刺身都叫D,估吾到有季節限定既松葉蟹腳蟹蚶位特別鮮甜,連我最怕浸鹽水好咸既問題都無,正蝦類有2款,我特愛甜蝦,又有隻又夠甜! 毫不留情無限ENCORE, 成餐都無漏單另外回本之選有串烤鰻魚, 十分惹味質素同平時幾十蚊一串既居酒屋分別不大, 我喪食左7串壽司有好多特色款,我都係採取樣樣食既戰略,不過重點中既點係海膽軍艦我要大讚紫菜夠新鮮,上菜個時仲係全部脆口海膽高質無腥味, 另一無限食推介相比壽司,呢到既手卷飯量會較多,但見到佢面頭咁足料又吾捨得吾試,熟食我試完覺得以牛柳粒好正,,夠重蒜香I LIKE IT食完尾仲可以叫個水果refresh 下甜品有日本雪條,牛奶味同朱古加味兩款比較下,牛奶味更香口,岩我口味,朱古力味中間有小小酒味,都幾特色最最最後飲多支果汁先生夠晒飽

今日同老婆二人世界，訂左位食極尚大喜屋放題，咁就唔使煩食D乜因為咩都有得食，而且食物質素又高先嗌左D野飲解解喝先，老婆罐清涼爽好特別阿，飲落有啖啖粒狀涼粉先食下小食！LEE個係極尚秋日海の盛宴入面的蒲燒鰻魚串，燒得帶點焦黑褐黃色，蒲燒醬香撲鼻而來，鰻魚肉好柔嫩，超讚鹽燒雞翼都燒得好乾身香口雞翼lover再點埋芝麻雞翼，LEE款就JuicyD，外皮香脆惹味點左幾款壽司食，細細地一舊就唔怕食完就飽哂，有D特色創意壽司配搭都幾新奇特別LEE個軟殼蟹手卷唔好睇佢咁大舊好似好飽肚咁，其實入邊包左好大隻軟殼蟹再加小小飯，啖啖肉，新鮮炸起脆卜卜好好食一大盤刺身送到! 一如既往咁新鮮好味，刺身厚切又鮮甜香蒜牛柳粒熱騰騰GE天婦羅都好好食，炸衣夠晒薄，鐘意食香口野就唔好錯過！甜品仲有老婆最鐘意的HAAGEN DAZS，試下LEE款期間限定口味 FROZEN YOGURT，清清地唔太甜又解下膩，好滿足GE一餐！

數數手指超級耐無黎呢到食放題 難得朋友生日又有藉口去大食一餐我地訂左星期日午市時段 準時12點排隊入座極尚吾單止食物高質 食物選擇都係極尚級別當然Round one 叫刺身壽司先近期我的最愛係油甘魚 好中意佢既香味值得一讚刺身夠厚切 口感一流另外推介北海道帶子刺身 勁鮮味平時壽司店既帶子刺身咁貴 真係不停食都回本壽司款式好特別 真係睇見都興奮不過每件飯量吾多 吾怕食到飽晒牛油果三文魚龍蝦沙律壽司 入口好香牛油果味仲有回本之選中拖羅 吞拿魚油香真係令人回味不過我最最最愛一定係帝皇蟹棒黃金燒粗身蟹棒加芝士炙燒plus沙律醬 邪惡度爆表炸物方面榴槤控吾可以錯過炸榴槤即叫即炸夠晒熱辣辣 咬到入面有半融榴槤蓉紫薯丸都係必點 吾太甜但又好香除此之外 我仲食左兩隻温泉蛋勁中意外熟內生既蛋哈哈飲品都係一般放題既款式不過想推介呢個霸皇花豬骨湯夠重味但吾係得個咸字 好少放題有湯水 仲要好飲喎最後待應一枱派一張雪糕單今期既期間限定係乳酪味當然揀佢喇咁新款朋友仔就要焦糖脆餅值得一提人巨呢到杯裝size同平時便利店賣$30杯既大小一樣吾同平時餐廳細杯size就係咁試下呢樣試下個樣就飽到hihi

朋友從外國回港渡新年，想一試香港的美食，當然要帶他一試香港的放題。我地一開始就拎晒全部單出黎剔野食，有好多選擇，點菜單都有a~j咁多，我地張張紙都揀d黎食左第1 round先。而且仲有仲夏夜酒祭既特飲可以揀，有tequlia有fruit punch，我就揀左杯mint seven黎試試，淡就淡左d，不過黎開胃都唔錯。咁食放題梗係會叫刺身啦，唔食又點叫去過放題呢。三文魚(厚切夠肥)、松葉蟹腳(枱面一早準備定剪刀同鉗比你mok蟹殼，唔洗用牙咬既)、仲食左北寄貝、北海道帶子、仲有必點既蝦，呢度有兩種蝦，甜蝦+赤海蝦，個人偏好食赤海蝦，我覺得鮮味較重，但係兩種都係必點既野食。食左幾輪刺身梗係要食翻d甜品緩衝翻成個味蕾啦，又有芝士蛋糕、又有慕絲蛋糕、又食左個焦糖軟芝士蛋糕，有好多甜品可以選擇。

休息咗一段時間，慶祝返新工！喺Vibes飲杯quick drink之後就去隔離嘅極尚大喜屋食8:45，早咗到，喺門口排一陣隊等入坐，店員每位都派定一叠點餐紙，等大家一埋位就可以即刻落單😲埋枱落單後5分鐘到，食物就陸續嚟到面前，好嘢開餐！爭取時間排住隊落單：今次好好彩有得坐卡位：有得飲酒，不過我冇試：呢度竟然有得飲解茶同果汁先生：首先嚟到嘅係海膽軍艦，以為只係會喺壽司飯放一塊仔海膽，原來都幾足料(如圖)，色水金金黃黃，質感軟滑，食落唔會腥唔會嗆喉，好有濃郁嘅海水味，值得一讚係食嗰陣紫菜仲係好脆嘅！之後嚟嘅係刺身，今次點左松葉蟹腳、三文魚、油甘魚、帶子、馬刀貝同赤貝，全部都好新鮮！！！最好食係油甘魚，師傅俾咗腩位我哋，油脂豐富又夠肥美，好好味😍燒物揀咗味醂魚乾，好香脆魚味又濃，好啱送酒，可惜唔係星期五，唔敢飲酒😅甜品有蜜瓜雪條、Haagen Dazs雪糕同Movenpick揀，幾肥都要食埋佢吖！Anyway，今次已經食咗我成個二月嘅Quota，嚟緊要努力減磅啦！

我同朋友一早約好左去人人好評既極尚大喜屋，之前食過大喜屋已經覺得好好食，唔知極尚係點架呢平日都唔會咁早收工，而佢得6點同8點9兩個時段，我地就揀左8點9我地早左少少到，就係門口排住隊，店員已經拎定紙俾我地點食物，果然服務好等左一陣就準時入座啦～黎食放題乜都要試食下魚生真係好好食呀，好鮮甜！特別推薦三文魚、象拔蚌、長腳蟹當然仲有熟食同壽司啦😍鹽燒雞翼、芝士年糕、炸牛乳鮮奶等等都好好食，食到停唔到口！當然仲有軟殻蟹手卷、牛肉鍋每樣野都水準都相當高最後仲有Haagen Dazs雪糕同甜品作結，好開心

係香港開始興放題我就試過好多放題，好多好食唔好食，食完出事既都試過，但呢間絕對係我美好回憶之一！仲記得當時呢間啱啱開張屋企人就帶我黎食，論食物質素絕對係一眾放題裏面數一數二。隔左幾年，終於有機會再黎到呢度食放題，啲食物種類又比以前多左選擇，目不暇給。黎食放題當然盡可能咩都要試下，整體魚生既質素一如既往咁好，特別推薦三文魚、油甘魚、象拔蚌；至於熟食更加大有進步，牛舌、炸北海道牛乳、天婦羅、鹽燒雞翼、芝士年糕、牛肉鍋等等，每樣野都水準都相當高！甜品當然都唔少得！最後仲有Haagen Dazs限定雪糕，要捧住個肚先返到屋企。

晚市同屋企人去食放題，入坐都無咩野，見到有幾個小妹妹都幾好禮貌，感覺上係part time黎。一開始好快就黎左個刺身，但大部分魚生都唔新鮮，跟住再叫既野有3-4成都無黎到，而且愈黎愈慢，係餐廳既個個侍應都黑哂面，我比點野食既紙佢地，好耐都無人睇到，跟住d侍應見到係我後面一手搶左我張紙，感覺好似比人搶野咁。我地食兩個鐘，到食淨一個鐘（真係仲未食飽）既時候已經叫我地埋單，然後5分鐘後個女人一路傾電話一路示意你張單搞店未，我話未搞店，佢話我地好多枱呀！快d埋左去啦！我心諗你地好多枱點解要催我？關我咩事？到最後我地全部人都食唔飽，因為落左好多野都無黎，而每人要接近$300 埋單，我完全諗唔明點解要比tips佢地，貼錢買難受。。。。。好啦，我最後寫左意見書，放左係枱面，侍應姐姐都無打開過，執野果陣直接將張野一齊掉左去😊我諗好多食客都會同我一樣感受，麻煩花少少時間，寫上openrice或其他地方，唔好再增加受害者吧😊

之前係尖沙咀返工咁耐都冇試過佢哋嘅放題，所以放工之後就決定要去試吓佢哋呢一間野啦。首先講吓座位先啦。講真嘅餐廳空間好有限，所以記得動作唔好咁大啦。咁再講佢哋嘅食物質素，基本上都係好好味，無論落幾多次單，食物嘅水準都keep得好好。特別係嗰個炸雞翼真係好好味。刺身啊壽司都好新鮮。而且我哋咁啱安排到坐卡位❤️至於點解為有驚無險呢，因為食蝦嘅時候我怕整到成隻手都有陣味，所以對除咗啲飾物落嚟啦，點知走嘅時候話搵唔番喎！好彩最後原來GAP左係個褲袋度😂