極尚大喜屋 (加連威老道) (已結業)

有時覺得食放題又係食下魚生同壽司，冇咩驚喜，估唔到又有驚喜！黑松露北海道手卷真係一試難忘既手捲！手捲上既刺身非常豐富，有三文魚、甜蝦、三文魚籽同吞拿魚蓉，味道甜而新鮮，鮮味係口中爆發。就咁望落去時完全黑松露的足跡，諗住一陣叫多次就算，原來黑松露係同飯粒撈埋左一齊，變左黑松露飯，味道超級香，又唔會搶走左刺身既甜味，好正！五香煮和牛筋腩質素同超老字號既牛腩店比得上，係炆左好耐，味道香濃，香料突出，肉質細嫩，運個根同蘿蔔都係完全入味既狀態。辣酒煮花螺對放題既辣野都冇咩期望，點知依個花螺好好食。花螺個辣味好有層次，先麻後辣，好似雞煲既味道。壽司質素不錯，火灸左口魚口感好好，香而不油膩。海膽吞拿卷味道香，估唔到入面就有青瓜，會來爽脆既清新感。油甘魚同三文魚都係超厚切，非常肥美同新鮮，可以瘋狂食。甜品好多款，仲有Haagen Dazs雪糕，牛奶布甸夠哂滑，馬卡龍甜而不膩，口感軟硬適中。