極尚大喜屋 (加連威老道) (已結業)

我們一行四人，Book了17:30，排隊入座都要15分鐘，如果要19:30離座85折，19:00巳截單，叫了15分鐘都未來第一次點的剌身，上野速度極慢，由於我們本應想19:30前離坐享有85折，但排隊入座已浪費十幾分鐘，所以我們揀了20:15離座，19:45截Order，未到19:40巳走來話Last order，仲有無野欠😓從來未試過食放題會唔飽😟食物質量可以，飲品種類小，坐位窄，唔會再揀這間😑

服務態度差了很多，6:40坐低冇耐7:05就嚟催埋單，7:15第二輪點單後一直冇上過食物，7:30再落last order 極速要你點埋雪糕，所有食物都未到雪糕先上，問店員可否轉頭再食雪糕，態度極差話驚轉頭唔記得，7:45一次過上晒第2，3輪點單嘅食物，8:05話你知就夠鐘，8:15趕你就話出面好多人等枱，但見仲有好多枱都係吉嘅！d食物要好似玩勁食大賽咁要極速倒落口，最後食唔晒都要你走，不知所謂！食得咁辛苦以後請都唔去

呢間係我最鍾意嘅放題之一，次次食都唔會令我失望！刺身拼盤。好鍾意食甜蝦，好好食，粘粘地嘅口感，嗰種獨特的質感同鮮甜只有新鮮的甜蝦刺身先至有。第一次食赤海蝦，有啲鹹鹹地嘅感覺，鍾意食熟蝦嘅朋友應該都會鍾意赤海蝦。帶子都係我必食刺身之一，呢度啲帶子大大件，似係一件大帶子切開兩半，啖啖肉，真係食幾多都唔夠😍海膽壽司，鰻魚壽司。海膽壽司係回本必食，出面放題都好少有得食海膽，海膽實在太貴了。仲以為海膽好少，一件壽司都有兩片，感覺到海膽係我喉嚨中溶化，好鮮甜，唔係苦的。即刻encore 幾轉。鰻魚壽司不過不失，鰻魚無骨。壽司飯好少，薄薄地一層，覺得啲間放題好有良心，哈哈花之戀，中拖羅， 北海道魚子戀人。推介中拖羅，油香濃，完全感受到幸福的味道😍榴槤炸彈。好大陣榴槤味，連我唔鍾意食榴槤嘅朋友都食晒一舊，新鮮擺上台，攤一陣就好食啦，熱辣辣食，榴槤味更加香。平時食放題一定會叫串燒，雞軟骨就係我必叫嘅，卜卜脆，燒到啱啱好，又唔會話好油膩。而燒波蘿都值得一試，外表微燒，但食落仲好清新，好多汁。甜品。好多選擇，真係想樣樣都試下🤤牛奶布甸好濃牛奶味，細細件，兩三下就食得晒，焦糖軟芝士蛋糕，口感特別，芝士味再加海

今日有friend過來搵我，唔知食咩，我話咁就食放題啦～跟著響openrice度search咗好耐，一開始想去銅鑼灣，但係發覺呢間評價好啲，而且仲可以網上book位，所以就揀咗呢間。出品係好唔錯嘅，甜蝦同赤貝好食，蟹棒壽司都好好食！！！不過服務態度真係麻麻咯⋯⋯講咗關雪櫃嗰陣輕輕關，但係都仲係boom！一聲，坐雪櫃開口位旁邊好可怕咯！不過下次都仲係會嚟食嘅，因為真係幾抵食㗎～款式多而且好新鮮！下次見

係海膽啊，係海膽啊，係海膽啊重要既事要講三次，海膽軍覽係任食啊絕對唔係大量飯小小海膽個款，而且海膽新鮮鮮甜，好好食，要叫夠兩輪。刺身船就更加厲害應有盡有，而且非常新鮮，三文魚同甜蝦都非常鮮甜。極力推介三文魚，夠曬厚。創意壽司方面就好正，師傅好有心機，因為佢可以整到好細粒，但又不失外觀，真系佩服，整到波子壽司咁款，大家不容有失，一啖一粒，唔會頂肚。熟食方面，每次必點既就係牛肉鍋，因為sukiyaki 既底真系會上癮，而且啲菜啊，蛋啊加埋啲湯真系好好食中有蒲燒鰻魚串，唔洗食壽司都有得食鰻魚，真系正

有段時間無食放題了，朋友話來食就跟真系不得了。食物選擇之多真系不能盡錄好似點心紙咁剔剔剔，都有10張紙。先來刺身先唔洗講嘢，寫幾多真系來足幾多。不單止，中要非常新鮮，絕不馬虎。壽司方面絕對推薦海膽壽司啦，絕對無han料，比足海膽。夠鮮甜。叫左兩round。食完生嘢，熟嘢都要食，芝麻雞亦係我最鍾意食既，夠曬香口。天婦羅炸蝦呢家就退步了，蝦細左，粉多左。甜品可惜係個日雪條得返蜜瓜味道，好在都有每人限點一次既貴雪糕，分別有Hagen Darz同Movenpick 選擇。非常滿意呢次既放題，非常好食，食完個肚好似炸開咁飽

一餐慶祝生日晚飯 ，選上了 加連威老道大瀛喜 ，食物種類夠多， 魚生壽司也新鮮 ， 基本上 上菜 和收拾碗碟 速度也快、但熱食偶爾要追單，雖然時間只有兩小時，但ken哥努力跟單至最後一分鐘，抵讚。

中午都咁鬼長龍， 真係好誇張呀一心以為 book咗枱嚟到就有得食， 原來個個都book咗枱其實呢條龍就係book咗枱嘅人排㗎😂如果同朋友仔冇地方去上傾下計坐下食下飲下我覺得 呢度可以食三個鐘，的確唔錯早餐都唔食留番個肚嚟食放題已經好肚餓喇，食 咗 壽司 有啲飯落下肚先 ，先再慢慢食下其他嘢啦😂首先全部新鮮即製出嚟㗎， 左口魚，帶子，蟹柳，蝦， 全部都係我嘅至愛，好好味呀焗帶子用咗沙律醬， 蟹子同埋菇 一齊去焗 酸酸甜甜咁好惹味帶子沙律 加咗黑松露 配埋帶子一齊食， 做開胃前菜很不錯跟住就係先食凍食啦, 刺身一定係少不了重要大量咁食先最痛快， 甜蝦， 鮑魚片，三文魚 ，帶子， 仲有我最鍾意嘅長腳蟹呀， 食完仲要encore多兩次先飲品係要用order紙點㗎千祈唔好自己去攞呀， 因為你度長期爆滿， 啲職員成日行嚟行去如果自己行出去攞 ，會驚撞親你食完凍食食下啲熱食小食先，蒜香牛柳粒 都幾嫩口蘆筍珊瑚蚌 ， 爽口又健康，唔使下下食咁多肉咁漏 ，份量細細份，啱曬我同我老公一人食少少先可以再食下其他嘢咖哩炒蟹雖然唔係話好大隻，但係 size都算係咁上下而且個咖哩味 唔會太辣有啲帶甜，都幾風味不

平時見咁多人去排隊諗住去試下有幾好食，咁啱見到5:30有85折就諗住試下餐廳D位太窄， 一D私人空間都無，格離枱傾咩都聽得清清楚楚，枱與枱之間得個一條罅隙仔，最唔掂就係送嘢食嘅速度，得2個鐘食嘢時間，第一轉叫嘢食，都要等成10幾分鐘先上得一碟花之戀，20分鐘後先有嘢飲同魚生，諗住距上得咁慢又得個2個鐘咁咪再叫定第二轉，第一轉嚟整後都已經食左一個鐘，距就已經吹買單，話仲有一個鐘，吹買單唔緊要，但咁嘅送食物速度真係好唔掂，飲完一支清酒，想飲第二支嘅時候都要等成20幾分鐘，咪問下D職員可唔可以幫我睇下支清酒會唔會留左單姐，點知個職員答：我地唔同部門嫁，你再等多陣，最後前前後後等左半個鐘頭先有支清酒，哩間嘢一定唔會再去！

揀咗晏晝去，價錢平少少， 又冇咁多人。好彩有book位，雖然係平日晏晝，但係都有好多人食，唔知係唔係第二日係公眾假期，好多人都揀今日嚟食，極尚大喜屋睇嚟人氣都不錯。 一坐低，梗係即刻叫嘢食，放題就係要食得夠盡！刺身拼盤：見到枱面放咗個蟹夾，原來有松葉蟹腳食，不過我哋都懶得用手，甜蝦，池魚王先係我哋嘅重點！池魚王唔係間間放題都有得食，食過一次之後就上癮了，雖然冇三文魚咁有油脂咁，但係勝在鮮甜。甜蝦係我哋必食，一次可以食10幾隻，不過見到啲甜蝦咁大隻，我哋都唔夠膽叫太多，寧願分批叫比較新鮮。甜蝦真係好好食，蝦味喺口腔中不斷盤旋。之後我哋再叫，數量唔多，佢哋都用好大盤冰裝，保持新鮮👍燒鰻魚：每次食放題都叫，熱辣辣嘅鰻魚外層脆脆，正。牛肉湯烏冬，冰稻庭烏冬：雖然知道食放題要烏冬好唔抵，但實在太愛食烏冬了，份量唔多好快就食完，過下口癮，烏冬彈牙，湯汁濃度不過不失。火炙壽司：最愛食海鹽左口魚邊，好鍾意入口即溶的感覺😍😍天婦羅蟹棒：好大支蟹棒，淡淡都係肉，唔會成層粉🤤雪條都有，不過實在太飽，都食唔落了😂

之前不嬲有食開呢間放題，其餘分店都好有水準，但今次呢間真係食到有d唔順氣。首先食物方面都keep到一貫應有水準，刺身新鮮熟食夠熱，但上菜非常慢，算係我食過咁多間之中最慢第一round叫d野夠膽死最尾先到，跟住有d野仲要漏單，最後問last order果陣同個職員講漏單好嚴重，換返黎既一句叫我繼續等，自問都好聲好氣咁問d侍應但竟然得到既係比人西面，成晚都無見過一個職員會笑，全程西口西面，做到咁d野幾好食都無用，以後都唔會再黎呢間分店

經openrice訂位，可能冇細心看清85折的收費細節。5:30到達，其他食客已經入座，知客店員冇其他人要招呼，她語氣平淡的講了什麼7:30前離座有85折，我只是帶有疑惑的問了一句，她臉上便一幅不耐煩，冇乜嘢比「西口西臉」更貼切去形容，未入座，心情已經大打折扣。座位方面，可能一分錢，一分貨，迫過大家樂，百貨應百客，我就唔欣賞。如果一齊去的人多啲，相熟的人迫啲，可能是優點。食物方面，可以話包羅萬有。魚生方面，視覺效果遠勝味覺，基本上是亳無味道。熱食相對出色，芝麻雞翼最好食，但如果主力食熱食，又諗唔到點解來呢度。總括而言，二佰幾蚊一位，一定係抵的；但講食物質素、招呼、環境，就唔係咁好。

對於不是特別喜愛日本菜的我說，日式放題並不化算。不過，凡是總有例外，說的就是極尚大喜屋。早幾年試過晚市，感覺很不錯，美中不足是限時。所以，今次就試星期六午餐放題，貪沒有時間限制十二時準時到達，店外有很多食客各就各位，不過不消幾分鐘就入坐。一坐下，店員就積極主動前來問有沒有食品下單，服務態度良好和親善。食物款式方面，冷盤各種刺身齊全，連長腳蟹都有。不過驚喜在於連中式海鮮熱盤都有；當然，最期待其中的一款少不免是哈根達斯雪糕。味道方面，絕對見得人，烤菠蘿和海蝦不停叫了又再叫。三百元都不用，這樣性價比高的餐廳，日式放題就會立即聯想起極尚大喜屋。

小編呢日心血來潮想食刺身又想食燒物，所以最後就揀左放題啦！講到放題，系香港數一數二出名既，就應該非大喜屋莫屬！見佢最近仲做埋周年優惠85折，就試下佢分店之間比較出眾既極尚大喜屋啦！佢分左兩個時段做優惠分別七點半前或九點三後。小編就揀左九點三後先黎食。好多人呀！要等成半個鐘先入得( ･᷄ὢ･᷅ ) 當然，最好就提早訂位啦。入到黎座位好迫，坐得好吾舒服！隨便影下啲野先，嘻嘻！開波緊系叫刺身先啦！種類都算多，食落算新鮮，吾錯呀！鰻魚，正正子！一定要叫呀！٩(˃̶͈̀௰˂̶͈́)و刺身加舊飯，細細舊，吾怕食飽飽，系良心壽司呀！凡立貝，都吾錯！雞軟骨，正常！咖哩蟹，吾系間間放題都有，可以試試！燒菠蘿，多水多汁！總括而言，小編食完就覺得麻麻，原因系店內環境太逼、成日漏單、食物質素一般，純粹種類系比較多。 以佢三百蚊左右既價錢就吾系太抵啦。如果下次有機會再食，小編會揀翻普通既大喜屋就足夠啦(=ﾟωﾟ)ﾉ

之前想食極尚大喜屋好耐 今日終於決定黎試下 因為8點幾先黎到 所以唔洗點等就有位呢到基本上普通日式放題你可以食到既野都有 值得一提既係呢到有cocktail 同特飲 唔洗淨係飲汽水好啦 首先梗係要講下刺身作為一個三文魚控真係要好好表揚下 肉質唔會太梅 又好新鮮甜美至於另外既油甘魚同希靈魚 亦都十分新鮮同無怪味 連唔係好like佢地既我都幾鍾意呢到仲有原隻蟹鉗 應該係其他放題少d見 蟹肉都非常高質D北寄貝 就同平時食到差唔多 唔係好特別壽司我地只係試左d special既壽司整得好精緻值得推介係牛油果軟殼蟹壽司 同 三文魚香芒加州卷 係牛油果配軟殼蟹口感十足 芒果三文魚出奇地夾跟住就到天婦羅! 蝦天婦羅上果陣係熱辣辣 炸粉唔厚 係原隻蝦咁炸 而南瓜天婦羅都係岩岩好唔會太淋我地仲試左炸鮮奶 芝士年糕 同榴槤炸彈 尤其係個炸鮮奶特別值得推介 唔會太甜又外脆內軟除左以上既野, 我覺得芝麻醬豆腐同牛柳粒都好好食 豆腐好滑芝麻醬又好濃味 至於牛柳粒就有口感得黎又唔會硬總括黎講 呢到性價比真係幾高 每樣野食質素都唔差 又同其他類似放題價錢相近 值得一戰