極尚大喜屋 (加連威老道) (已結業)

訂枱後當日CONFIRM BOOKING時話多BOOKING, 所以不能HOLD枱(之前問過可以HOLD10分鐘). 明白人地難處, 所以叫朋友早點排隊等入坐. 但入坐後一段時間, 並非爆滿, 這也算吧! 都算多選擇, 只是自己喜愛的並不多. 但喜愛嘅蟹腳很幼, 好似無有什麼蟹肉. 不過, 咖哩蟹是有D驚喜嘅!! 31對本人最大衝擊係...有蟑螂陪住你放題嗰吓先慘! 隔離枱嘅人幫忙捉蟑螂, 之後交給員工處理. 之後有人 (應該係負責人啩) 同我地解釋, 早一日放咗藥, 所以先會咁. 是與否自己諗諗. 噚日同事知我去呢間食, 都話佢都見過隻蟑螂係枱面行, 而員工亦不覺有咩問題, 可想而知, 並非一次半次嘅事.

大喜屋係食完一次又一次，不停地重複想食嘅一間餐廳。北海燒帆立貝一拎出黎好有味，上面燒到焦糖色好好睇，入面有一粒大大粒嘅帆立貝，出面係有青椒沙律嘅味道，熱辣辣都可以嘗試下。燒秋葵真心好鍾意食秋葵😍呢個我叫完一次又一次不停地refill ，連我都唔知食咗幾多串。可以放題任食燒秋葵，覺得好幸福，可以放膽叫。燒完上面有啲孜然粉嘅味道，但不改秋葵嘅特質。海膽壽司🍣估唔到海膽壽司既海膽係咁多而唔多飯，海膽好新鮮，顏色鮮艷，仲要有唔少嘅海膽添，海膽係口入邊溶化。刺身食刺身梗係要新鮮啦，呢個刺身都係新鮮嘅，今次試咗希靈魚，覺得口感脆卜卜都唔錯。但今次嘅蟹腳俾得唔足，可能我寫字寫得醜樣。咖哩蟹真係好濃郁嘅咖喱味，蟹入面全部沾滿咖喱味，食完好想叫碗白飯黎餸😂。榴槤炸彈呢個必食，不過要小心個口。出面香脆，入面既榴槤味好香，咬完之後啲榴槤味飛晒出嚟，但好熱，我太急想食，就辣親左口。入邊啲榴槤溶下溶下，啖啖榴槤。

呢間極尚尖沙咀分店日日都人山人海，平日晚上入座都8成full，要來就記得book位啊。餐廳食物款式多，服務不錯，上碟速度快，包你食得飽飽出門口。食放題一般都先食刺身，三文魚、甜蝦、赤海蝦、北寄貝、希靈魚等，除左刺身，壽司都好精緻，易入口，每件都唔馬虎，絕對有心思，有誠意。熟食方面，芝麻雞翼、炸榴槤、鰻魚串都好受歡迎。鰻魚串encore左兩次，雖然鰻魚唔係好食到完全無骨，但係蒲燒汁嘅味道甜得黎剛剛好。咖哩炒蟹、燒秋刀魚、燒元貝、牛肉鍋、一鍋粥、老火湯等，生熟食物款式齊全，味道一流。個人特別喜歡食燒元貝，沙律醬配搭得宜，令元貝味道提升。食飽仲有雪糕做甜品，一人一杯haagen dazs/ Movenpick ，真係為呢餐放題畫上完美句號。

今日係銅鑼灣廣場食左個LUNCH 放題, 第一次去這間放題店, 感覺好新鮮, 原因係食客自已DOwnload 個APP 之后就可以自已點餐, 又快又方便, 最窩心係無漏單, 值得一讚!食物有多款菜式選擇, 除左日式料理之外, 出面仲有港式魚蛋, 惹味又彈牙, 另外就係吉品鮑汁燴花膠, 成個佛跳牆咁, 花膠算幾大塊, 入晒鮑汁既香甜味道一口芝士, 炸得外脆內軟, 香甜芝士好CREAMY! 雞軟骨炸到金黃, 好Q彈, 仲有D特色壽司都幾精緻, 好似白松露吞拿魚壽司, 龍蝦膏玻璃蝦壽司, 味道新鮮又幾特別喎

小秘書每次去食放題🍱梗係要叫到成枱嘢先至安心😆 喺120分鐘內不停食呀食呀食... 究竟係享受、定搵緊自己笨？哈哈😝 點都好，最緊要係可以見到大家、壽星又開心🍻

得閒約下朋友吹水食放題，是小弟嗜好之一，尤其我好鍾意食壽司和卷物，任食收題一定滿足到我。呢間放題係我最愛之一，原因係D壽司同卷物好食，重有係刺身新鮮，那晚我柚子胡椒油甘魚，龍蝦膏帶子甜蝦，帝和蟹棒，松葉蟹膏燒赤蝦，拖羅等都非常有水準，迷你手卷我愛食芝士蟹籽，特新派的創作壽司卷物，Mix and Match 滋味不同凡嚮。燒烤野如燒牛油雞肶菇，大海蝦蝦，香草羊架有D穌，但我鐘意佢穌，羊架唔穌邊好食架。燒雞翼都好正，燒無咁肥呀。炸野必食貓山王，啲榴槤漿流出嚟超香，芝士年糕好食在佢夠煙韌，但芝麻雞翼油咗D，想食叫烤嗰D重正。我記得嗰日有海之咩宴揀，我食咗咖喱炒蟹，燒帆立貝，燒鰻魚串，全部都好食。重有係一品料理一定叫爆蒜片牛柳粒，D蒜片超香口又脆，牛柳又好多肉汁，成班叫爆左攪到口氣勁大!瑤柱蛋白炒飯也炒得干身，好香。飲品係無比個飲品櫃比你任揀，但係都有好野㸃，如果汁先生橙汁，道地綠茶，重有隻韓國啤，啤酒味都OK，食咁醒多炸野燒野，勁叫啤酒啦。食完必定要食埋雪條同雪糕，Hagen Daz 每人限一杯，街賣三十蚊杯架，那晚試了cherry 好好食，重有隻Movepick 士多啤梨雪糕，陳仔唔食比埋

呢間極尚大喜屋幾年前生日已經食過一次，今年生日決定再黎，測試下水準有無下降。熱食同壽司刺身嘅款式都一樣咁多選擇，真係試唔哂咁多樣，所以揀左啲之前無試過嘅黎試下。覺得最犀利嘅係有清酒梅酒等酒類可以揀，又多一個飲嘢好地方。先試左前菜胡麻豆腐，咁細件都有唔少份量嘅蟹籽。再黎就係雞泡魚乾，係即燒嘅，好香口，可以點多幾round送酒。呢個杏鮑菇串燒，好香牛油味，啖啖厚肉燒秋葵就好少見，用燒口感更豐富，無左個種潺味。牛油粟米！雖然唔係回本之物，但都覺得好好味，必嗌牛舌又爽又彈牙，令人回味。海膽壽司足料，不過食多幾件就會滯滯地。食到咁上下就想飲下湯潤下口，呢碗霸王花豬骨湯真係啱哂，煲得好夠喉。最後仲有個燒鯖魚，魚肉嫩滑，魚皮又薄又脆最正

今晚為咗慶祝生日，一行三人，就揀咗極尚大喜屋（因有時行街見到好多人排隊），所以就想試吓，lee間野book咗位都仲要喺樓下排隊同埋對資料先可以上去，真係好少見）。食物款式多；刺身方面有好少見嘅松葉蟹腳、池魚王、鮮赤貝、青枊貝、北海道帶子....其他常見刺身）大部份得好新鮮，唯獨是帶子好細粒（因將一粒切開一半上）同埋，他將帶子放喺甜蝦下面，令到食帶子時食到腥味）浪費了；跟住炸物系列：炸貓山王（好香榴槤味）同埋芝麻雞翼，炸得啱啱好好香脆😋；燒物系列：燒牛舌（好少見放題有得食，這裏燒得剛好，不會燒得過火👍🏻，燒有機菠蘿😋。一品料理：雪花牛肉鍋（有牛味而菜吸晒啲湯汁好好味），另外炒蜆同炒芥蘭都炒得好野味👍🏻，飲品選擇多，除咗一般放題有嘅罐裝飲品外，呢度仲有啲特色飲品（特飲含少少酒，但飲落似雜果賓治）；甜品方面：一人一杯名牌雪糕😋，而自家甜品就一般。但唯一不足之處就係冇燒鰻魚串，而我睇介紹係有。總括而言：值得推介，食物質素高，價錢合理，但食的時間太趕

在尖沙咀看完電影，肚子餓想食放題。被安排坐卡位，很寬敞，有別於一般狹窄的放題店。先點飲料，難得有暖清酒，馬上來一壺濕濕口。另外，亦點了我最愛的梅酒。甜度適中，酒味濃郁，沒有偷工減料，推介。前菜點了麻醬豆腐和雞泡魚乾酒。豆腐嫩滑，麻醬惹味。雞泡魚乾送酒真的一大享受，燒得香，味淋汁出色。冷稻庭烏冬 - 烏冬煙韌，配秘製汁料及海苔，吃出鮮味。雪花牛肉鍋 - 最喜歡壽喜燒的醬汁，甜甜的牛肉配上滑蛋是最正宗的和式食法。燒雞脾菇 - 香濃牛油味，好吃。另一牛油粟米同樣出色，香又甜。燒元貝 - 醬料過多，有點膩。燒鰻魚 - 大推，香濃魚油配惹味燒汁，吃一串不夠喉。刺身 - 最愛帶子、甜蝦、赤蝦及三文魚，鮮甜味美。燒秋葵 - 孜然味香天婦羅 - 粉槳不會太厚，南瓜粉粉的，好吃。榴蓮炸彈 - 榴蓮愛好者必點！燒牛舌創作壽司燒鯖魚限定Haagen-Dazs: 蜜桃乳酪

入座既時間係2:30 ，3點落場....所以食有有啲趕急都正常....店員好快咁落完單就即刻上左沙律、水果、甜品蟹柳沙拉， 配搭醬汁是不錯的👍🏻專家說生果要餐前食， 所以我好耐之前已經習慣左😁3.6 牛乳布甸， 係幾好味， 但勁細兜🤷🏻‍♀️冷烏冬 正正常常🤔冇咩特別烏冬壽司set 價錢黎講唔貴🤔麵鼓湯有啲咸， 內面配料冇乜戲肉來了，是肥牛烏冬，本來食頭兩啖都覺得唔錯..但食到第三啖我嘔左出黎🤮🤮吐都吐唔切... 有隻死左既烏蠅🤦🏻‍♀️🤦🏻‍♀️嚇到個心離一離， 好彩冇掛住傾計唔小心食埋落肚🤢🤢後來店員即刻幫我收返入廚房，但由於廚房轉左檔， 所以換左個牛肉鍋俾我食🤔湯底送飯是不錯， 加上牛肉不是太un 👍🏻👍🏻不過認真，食物放入口最緊要衛生....今次真係怕怕冇下次🤦🏻‍♀️

第一次黎，下午5點半有85折，未到5點門口就已經排長龍，5點20左右就已經可以入入啦滴食材好新鮮，刺身鮮甜爽口海膽軍艦，海膽入口即融烤牛舌超正的，服務好好叫左個霸王花湯都好足料，最後每人會有一個哈根達斯總體來說唔錯唔錯，會有第二次

同友人行完街真係好餓，等到夠鐘終於可以入去醫肚！大家食放題已經食到好有默契，劃食物時劃得相當順利。因為餓自然食得快，食物都跟上我地嘅進食速度，上得好快！好多放題都有自助區，但呢間無，所有野都可以落單，啱哂我地呢啲唔願郁嘅懶人。先上小食，燒魚干好味！是微溫熱的，好香。冷烏冬，好正，唔會太冰凍，烏冬好滑，好鍾意呀~牛肉窩，牛肉好味！有牛味，蔬菜都吸收哂湯汁，好入味。燒雞脾菇，燒得好好味，熱辣辣又多汁。粟米都好出色。燒鰻魚，味濃，好味！刺身都好新鮮！燒秋葵，好少見，好香孜然味！壽司擺得好靚，都好好味！最後忍唔住叫多個湯烏冬，同冷烏冬一樣好味，牛肉好味，烏冬連埋甜湯一齊食，作為烏冬控好滿意！甜品有haagen daz嘅白桃雪糕，係季節限定架！

好耐無去食放題喇！成日經過呢度都見到有人排隊，去試下先都好多野㨂喎！不過點解無左E既？唔通係神秘餐單？唔好理佢喇，好鬼肚餓，好想食飯，叫啲壽司食下先！火灸壽司幾好味我好鍾意食飯咖，燒完啲魚油入晒飯，好香！玉子上面仲有芝士，好特別喎佢地仲有創作壽司，排得好靚喎！然且細細件，我個咀咁細都一啖食得晒，仲可以留番啲位食其他野添！迷你手卷好可愛！一啖食得晒食完壽司就梗係飲番杯清酒啦有凍有熱㨂添，我就㨂左熱既，暖下個胃食完飯，可以開始食其他野喇！咦，呢度有蟹食喎？其他地方唔係好覺，試下先嘩蟹鉗好大隻，不過點開好呢？本來想舉手問咖喇，好彩個朋友拉住我，指下張枱原來一早就放左係度啦！好細心！刺身都好大件好鮮甜食完啲生冷野，想食下啲熱野，原來都好好食！我本身想叫埋炸榴連咖，不過我朋友唔俾我叫好想食呀食到最尾串有Haagen Dazs雪糕添！不過就限住一人一杯，如果可以食多杯就好喇

又係時候約下朋友聚會。一講起，發覺原來無同佢食過放題，聽人講大喜屋都幾好，所以就去試下呢間。預約左五點半，五點已經見有隊龍係度等，真係不得了。雖然好多人好多枱，密集得黎都好整齊，我同朋有兩人食都坐得好舒服。因為太肚餓喇，九秒九叫左啲野，上菜速度都好快。先叫左啲刺身，一般類別都有。食刺身要新鮮，如果唔係會無味，仲要留意有解凍問題，有時會未解晒。呢度刺身無上述問題，食落鮮甜有魚味，都唔會好似食冰咁。個蝦都好好味。識食蝦頭嘅記得要食埋個頭，蝦嘅鮮味仲係度。另外其他野食都好ok，壽司有誠意加創意，放得靚仔，有啲款出面舖頭無，初頭都驚試新野出事，食完又覺得幾有水準。仲有就係啲炸物、天婦羅等等。全部即叫即整，燒物嚟講，羊架同雞翼都好味。我自己就鍾意食個螺。食到最尾，差啲唔記得未食手卷。四款細細粒，試晒都唔會好飽。最重要係啲紫菜仲脆，咁先證明上菜速度有幾快。我㨂食店其中最重要考量就一定係有無酒飲啦。啤酒都係Hite嗰啲，不過我今次狂飲清酒，唔好以為放題就質素唔好，呢隻都入得下口咖。我叫左四五壺⋯⋯

今日放工約埋幾個同事一齊食好西！！！我地揀左公司附近既極尚大喜屋。我地叫左好多野食壽司同剌身方面，壽司同剌身的材料新鮮唔係Ｄ隔夜材料，由其係個甜蝦剌身味道鮮甜，高度推薦，我地食完再叫！！羊架口感嫩口，有點奶香同草味，以放題質素以言，已經好正。芝士年糕好流口咁，夾心既芝士真係好邪惡！五香煮和牛筋腩，質素出面既牛腩店有比得，係炆左好耐，香濃的味道，肉質口感細嫩，連根同蘿蔔都係口感一流。最後當然吾少得hagen daze或者movenpick雪糕，今次有朱古力、士多啤梨、雲呢拿同芒果任擇，味道都算多。同埋而地有啤酒飲，而隻叫Ｈｉｔｅ係韓國啤酒黎，易入口唔會太苦。