極尚大喜屋 (加連威老道) (已結業)

今日lunch時段去左呢間尖沙咀極尚大喜屋，侍應態度極差，特別係一個阿姐，俾落單紙佢佢竟然話：「你疊好堆紙先俾我啦！」語氣態度極度惡劣。我以後都唔會再去，亦都會叫晒我所有朋友親戚唔好去幫襯！

生日月食放題，大吃大喝，大滿足！次次去食 「 極尚大喜屋 」都好full, 記得一定要預早book 位。食物款式繁多，刺身非常新鮮，甚至連比較少見既赤貝刺身同象拔蚌刺身都有！赤貝刺身，好大片，極具鮮味。象拔蚌刺身，非常爽口彈牙。其他刺身，帶子、三文魚、北寄貝⋯都很肥美肉厚，份量十足！必點壽司：- 海膽軍艦，色澤鮮豔金黃。- 長腳蟹壽司，好豐盛，非常新鮮，好味！其他推介：- 咖哩炒蟹， 咖哩汁味道佳，帶有椰漿香味，啖啖蟹肉，惹味。- 花甲粥，綿綿粥底夠鮮甜，大花甲真材實。- 炸榴槤，外脆內軟，流心榴櫣，齒夾留香！- 海蝦串燒， 海蝦大隻，爽口彈牙，外殻灑了少少盬，更加惹味。最后，更附送Haagen Dazs 雪糕，真係好滿足！😋食物有質素，選擇多，座位寛敞。服務好，速度快，而且沒有漏單情況，十分滿意！！

今日同朋友仔去 THE ONE 行街街,之後肚仔餓，朋友話想食日本放題 ，突然諗起之前食過嘅 （極尚大喜屋日本料理) 當時已經覺得佢哋款式多, 所以就即刻去食啦今日係閒日，所以唔使等好耐已經可以入座啦 望到個menu， 比起我上次食款式多咗好多， 原本唔係好肚餓嘅我， 突然餓鬼上身， 控制唔到啦首先有 ……咖哩蟹， 絕對唔係淨係得個樣， 都唔細隻㗎 ，啖啖肉，又唔係太辣啱曬我 刺身當然唔少得啦，款式多，有我鍾意食嘅象拔蚌， 帶子， 赤貝等等好鮮味 之後到壽司喇~ 有鵝肝啦、松葉蟹腳啦、估唔到竟然連海膽都有,海膽份量非常足,而且仲好鮮味啲, 一再encore 再黎就係炸物喇…… 我最鍾意食係天婦羅蝦， 炸得好乾身， 完全唔覺得油膩， 燒蝦我都好鍾意食好惹味， 燒帆立貝，配上芝士沙律醬好juicy， 但好飽所以食一粒就夠啦 之後我再食咗個蜆肉粥 ，啲蜆好大粒冇沙，好鮮味…… 嘢飲方便都有驚喜，唔只有罐裝嘢飲 ，竟然有COCKTAIL 同 MOCKTAIL選擇， 天氣咁熱,即刻覺得好消暑 最後 一人一杯雪糕，有HAAGEN-DAZS 同 MOVENPICK選……………… 好滿足呀 但遺憾嘅係

今晚又約左朋友食日式放題。一坐低, 個個朋友即刻 9 秒 9 劃紙, 你一句我一句, 次次都笑爆 !! 呢個亦都係一大班 friend 食放題既其中一個樂趣!主角當然係刺身啦, 無論係細盤既刺身, 定大盤既刺身, 都擺得好精緻, 賣相已經加哂分!! 除左睇得, 最重要當然係要食得啦! !  刺身款式相當多, 連長腳蟹都有得食, 絶對輕易回本!!!!長腳蟹大件鮮甜, 啖啖肉 !!! 刺身件件大件厚切, 新鮮肥美, 毫不吝惜!!!! 當中我最愛食既, 就係甜蝦刺身, 好新鮮, 每次最少 encore 3 轉 ! 除左刺身,  串燒當然亦都走唔甩! 咁多串燒當中, 我最愛食浦燒鰻魚串, 每次必點 !! 鰻魚大大塊, 色澤相當靚, 淨睇賣相已經相當吸引,  惹味醬汁塗得均勻, 而且肉嫩無骨, 啖啖肉, 回味無窮!!!!另一個大亮點係飲品, 除左有支裝 / 罐裝 飲品之外, 重有 Cocktail 雞尾酒 同 Mocktail 特飲可以揀, 超荀 !! 

從未試過lunch 去食放題，今日好早完成手頭嘅工作可以食個長lunch, 就walkin 黎左極尚大喜屋，248加一，野食同夜晚一樣，但係唔使排到人山人海咁，坐得鬆動d, 食得仲舒服。刺身好多款揀，三文魚肥美，油甘魚夠香，甜蝦夠爽甜，正。海膽軍艦，海膽好新鮮，安哥首選。Toro 壽司粉紅色好吸引，味道唔算肥美，但新鮮度滿分。和牛鵝肝火炙壽司最正，牛肉味濃，鵝肝夠香。左口魚邊充滿魚脂香味，必食！帶子沙津燒好香芝士味，會食上癮。牛舌燒得剛剛好，好滋味。甜品時間一定要燒得暖笠笠嘅燒菠蘿，香甜juicy。炸物甜品最重型就係貓山王球，好香好濃嘅榴槤肉！香芋球同炸脆奶都幾好食。限定每人一杯嘅haagen dazs ，係放題嘅完美句號。有機會再食，一定搵lunch time 食, 放題都係輕鬆食好！

最迎其實都有減肥衝動，但係每次朋友叫食放題，基都係會同自己暫時放低減肥plan先，下次再努力過，好似上個禮拜咁，基去咗間好正嘅放題，幾多好野食，基完全好似去了勁食比賽咁，刷到盡。我好鍾意食海膽，簡直用痴來形容，係咁叫海膽軍艦，真係好食到無朋友，想叫十次，隔離見基我食到咁盡，眼瞧瞧我一於少理。那晚個咖喱蟹都好好食，肉蟹大大隻，D咖喱汁夠香辣好惹味，有多肉，叫了5次啦都食唔厭。另外D一品料理基都有encore，瑤柱花甲粥，露筍炒珊瑚蚌，燒凡立貝，每次都有encore 2至3次，但越食越想食，又叫埋芝士年糕，幾好味，入面D芝士夠軟又香濃，重有芝麻雞翼，個炸脆皮奶好好食，外脆內軟滑，叫了5次。朋友軍佬係沙律怪，全部D黑松露帶子沙律，柚子大蝦沙律，蟹肉胡麻豆腐，海葡萄沙律統統食齊，基我沙律唔太喜，但有吃胡麻豆腐， D豆腐豆味好濃，豆腐又夠嫩滑，好吃。燒物簡直是基最愛，所有都好吃，無得頂，牛舌，日本燒肉，青花魚，雞翼，菠籮，秋葵，雞脾菇，全部都好新鮮，即叫即燒都冇咩點漏單仲有任飲7喜，韓啤，道地綠茶，果汁先生，可口可樂，飲到唔記得幾多枝了，很多很多，重有D刺身，甜品基評分: *味道(基基基基)**

原來想去大喜屋，但因為經過呢間，見得2枱人排隊，甘就排下啦，因為9點15分有折，我地8點幾就等啦，等第三枱，甘霖住打電話去訂位吾洗系條街度企得甘辛苦，但佢話系無得訂位，全部要walk-in，，，因為我真系無試過食放題要系條街度等，不過都無所謂啦，無得訂位，甘等到9點半終於到我了，遲個15分鐘都吾緊要啦，點知佢話呢度系訂枱既，我已經呆左，話後面先系等walk-in，甘都好啦，排個邊囉，過多十幾分鐘，我見walk -in既人都無入過，我就上去問佢到底幾耐先會比入啦，等左成字，終於有人理我，佢話要比訂左位既人入哂先，我話好，甘仲有幾多人，佢話前面仲有七十幾個人訂左等緊未入，仲要一邊話一邊走，我已經嬲嬲地，我再問佢，點解我地打黎你地話無得訂位，佢話呢啲人全部上網訂，我話甘姐系吾系你呢度無得訂位啦，佢仲要全程背住我，小朋友都無呢個系無禮貌既行為，你甘大個人答人就吾可以比小小尊重同禮貌咩？生意好，但人吾好，點長久？我就已經都吾會黎，朋友問起我都吾會介紹去，連禮貌都無，點驅使我去幫襯你間店？

今天和朋友去THE ONE買東西, 見午飯時段加連威老道愛賓商業大廈1樓的極尚大喜屋外集有不少人流。步上梯級, 看見里面已坐了不少人, 坐下翻開菜單, 原來好多刺身跟料理從A-M中你可以隨便選擇。 首先叫個A單中的刺身系列,是去食放題的主力食材 , 這裡的松葉蟹腳刺身食出凍蟹腳的結實多肉、甜蝦刺身色澤可口、三文魚刺身是食得最多, 全部肉質鮮美似剛空運抵達。 C單之壽司火炙系列, 岩鹽鵝肝牛肉口感棉柔，能夠食鵝肝自然拉高左食材質量，及松葉蟹膏燒赤蝦微微焦香鮮味，燒出新味道，以前未見過其他放題店有。B單中的壽司及F單中的一品料理都很吸引, 怕太飽浪費食物, 只好留待最後食D單的卷物系列, 海膽軍艦比我想像中新鮮, 不其然地吃了兩件。 再叫其他餐單，加唔少甜品、雪榚，真是飽滿，又可一面食一面飲野傾談。

好耐之前已經食過極尚大喜屋的放題啦，真的有點懷念佢的美味呀，於是相約好友一同再去聚一聚啦！立刻攞哂d點菜單出來，選擇我們的最愛啦！由於在門外排了一陣先可以入座，天氣又熱，當然要叫點凍飲啦，好彩有解綠茶可以消消飽肚感呀！我們也是魚生刺身愛好者，三文魚刺身真的是無比厚切呀！忍不住要來過close up! 當然油脂感十足，新鮮肥美！火灸壽司🍣細細件，份量剛剛好，其中鰻魚燒得很甘香，沒有半點泥味！岩鹽鵝肝牛肉也香味十足，牛肉味濃！全部也是高質的表現呀！特色壽司🍣賣相精緻，同樣有實際呀！其中最愛吞拿魚蓉的壽司，上面放上一點海膽，味道立即提升了，鮮味十足呀！燒牛舌外層燒成金黃色，只用上鹽來調味，已能帶出牛的香味，加上牛舌口感很好，很軟腍！芝麻雞翼、炸榴蓮球外層很香脆，雞翼滿有咸香，也很嫩滑！榴蓮球一咬下去就爆出榴蓮醬啦，很濃郁呀！炸天婦羅🍤新鮮炸起，粉漿不算厚，喜愛吃香口野的人必選呀！牛油粟米粒粒飽滿，充滿牛油香味，又香又甜又多汁！接近尾聲的時候，侍應會給我們每一選一杯H 或M字頭的雪糕，吃點甜品中和飽肚感呀！上菜速度快沒有漏單，而且食物質素佳，是我心中日式放題的Number 1 選擇呀！

呢間我已經食過好多次，每一次去都覺得越來越好食，不停進步緊價錢我覺得正常，唔算貴我個人好中意食蝦，所以今次刺身我主攻食蝦，味道一d都唔腥，而其他魚生我都有叫左少少，全部都新鮮海膽非常甜，絕對一定要食！估唔到放題都有咁高質素嘅海膽食左口魚壽司好食，入口即溶再來多碟壽司！全部都好食，而且魚生係非常新鮮，無得輸！霸皇花湯，我飲唔岀有味精，好似飲緊老火湯咁，飲左2碗日式放題，竟然連水煮魚都有，真係正！因為呢個水煮魚絕對唔差，中意食麻辣嘅一定要試牛舌同雞翼好味！鰻魚好多汁，燒到皮有點脆脆地，而入面係好軟身！而羊架我就無食，朋友食左炸榴連真係好香，芝士年糕熱辣辣，食到停唔到口有好多特色酒同野飲，不過今次我都無叫，因為想留肚食熟食同壽司到最後食返杯Häagen-Dazs做結尾！下個月有朋友生日，再來食呢間

朋友請食飯，一於提意佢食放題，因為可以無限食唔洗睇價錢呢間我未食過，朋友話好味魚生刺身有驚喜，新鮮！而且夠涷處理得好好，蝦唔霉，赤貝同象拔蚌食落去好爽口，油甘魚都好好食蒜香牛粒，食落去仲有肉汁，唔錯牛舌真係要一試，因為燒到好香，而且食落去唔硬，我地叫左3轉壽司好唔好食，就要睇下d壽司飯整得好唔好，呢壽司飯唔係涷冰冰，而且食落去係軟身，好多款壽司都好好食炸野應該係即叫即炸，因為食個時仲係好熱溫泉蛋好滑，一口食落去好滿足，我自已1個食左2隻麻辣酸菜魚，魚無骨，值得一讚，材料充足！甜品一d都唔求其，味道係絕對可以接受到最後原來仲有Häagen-Dazs雪糕食，1人1杯。呢間放題真係好值得去食，因為全部都好食！而且種類多！

因為小表妹放暑假，所以就同佢食放題慶祝下，等佢可以食餐飽！北海燒帆立貝帆立貝外表燒到微脆，用沙律醬調味，甜甜地，表妹超鐘意，不停encore。海膽軍艦好少放題提供到呢個質素嘅海膽，幾鮮新，份量仲啱啱好，唔會話少過飯好多。刺身除咗香港人食開嘅三文魚、呑拿之外，最鐘意係餐廳會提埋長腿蟹，放題價錢食到自助餐質素！另外，赤海蝦都值得推薦，大大份，新鮮，冇雪藏味。蒜茸露荀炒珊瑚蚌又係要加叫嘅一樣餸，珊瑚蚌好爽口，露荀又唔會好老，好新鮮！極尚咖哩炒蟹咖哩味重，係甜咖哩，唔會好辣，醬汁濃郁，應該加個碗白飯先夠！榴槤波波每次放題必食！卜卜脆，咬一啖，啲榴槤蓉流哂出泥，味道香濃。鹽燒雞翼燒雞翼～我鍾意食～鹽燒雞翼簡簡單單已經好好味，單骨嘅煮法啱哂我呢啲懶人。雪糕食埋個雪糕，成餐飯就完滿啦！有Haagen Dazs 同Movenpick ，仲有期間限定款！

多年後又再次光臨大喜屋，食物的水準依舊保持和當年一樣，怪不得在日式放題餐廳一直保持人氣頗高。刺身、壽司、串燒、炸物、天婦羅、沙律、雪糕等各类美食及飲品全部任食，還有Haagendazs每人一杯。咖喱炒蟹惹味且蟹肉飽滿，酸菜魚魚肉挺嫩的不是特別辣但是入味，燒帆立貝是必點菜式之一，帆立貝大顆配上芝士沙拉等配料超級好味！！甜蝦、虎虾、象拔蚌、帶子等各類刺身都十分新鮮，飲品多达十幾種可選，晚式還有特調飲品。

每逢週末的時間，也會同男朋友一齊去搵食順便拍拍拖！我地好耐都冇食放題啦，於是一早就book定位大吃一頓呢！訂了位仍需排隊等候安排入座，可見此餐廳的受歡迎程度，令我們更加期待呢！冇吃早餐的我們，第一時間準備點野食啦！梅酒（左）及coca cola plus (右）男友叫了梅酒，佢話果味十足好易入口，佢encore 了兩次呢！而我為了減低罪惡感，於是叫了plus的可樂！刺身拼盤我們期待已久的刺身終於出現啦！只看色澤已經知道它們好新鮮啦！三文魚超級厚切，油脂感十足，相當肥美！甜蝦也十分彈牙鮮甜，帶子、松葉蟹腳等也是高質選擇！北海燒帆立貝我十分喜愛的帆立貝當然要必點啦！用上大量的芝士及洋蔥等一同燒起，味道更香濃，帆立貝肉也保持幼嫩！蒲燒鰻魚串男友大讚這鰻魚燒，因肉質肥美有彈性，沒有半點泥味，外層燒成金黃色，配上燒汁甜甜地！正呀！燒羊架（後）及燒菠蘿（前）羊架燒得甘金，沒有羊騷味！比得上大西餐廳的水準！燒菠蘿用上新鮮的菠蘿🍍，外層有一點焦香，咬下去即流口大量汁液，很鮮甜呀！天婦羅🍤放題當然要點炸物啦，全部即叫即炸，粉漿沒有過厚及沒有油味，炸得剛剛好，保持食物的滑嫩感覺！炸榴蓮（左）及芝麻雞翼（右

朋友有得極早收、我放假、諗住中間點尖沙咀食野。同朋友次次食物都好難reach 到大家岩食既。唔記得邊個raise 左話食放題 大家又無人reject 就book左呢間。book 5:30因為有85 折。但折完都要$509@2不過如果$200 落到樓就會真係好難食。真心好迫 又要答枱野食上既speed都正常但唔知點解我地既食物出得慢過人地lol無溜單但haagen daz/ movenpick係限一人一個真心小家，來貨價都係$5-6 咁上下姐、同埋最多味食兩杯就飽。sashimi 一般、sushi幾好、野飲正常選擇： 茶、可樂、韓野飲都有少少都ok!但真係好好好迫 一食飽都走啦 咁迫你坐埋我果份我情願元氣食仲開心😑