極尚大喜屋 (加連威老道) (已結業)

極尚真係好唔錯，特別係尖沙咀分店。為咗慶祝父親節，一家人來到尖沙咀吃放題。呢間放題日日都大排長龍，來吃的客人要預先訂座，否則要等訂咗位嘅客人入座後才能入進啊。食物款式多，生熟食物樣樣齊全，服務質素高，基本上每食完一碟就會有侍應上前收碟，上碟速度亦快，唔會漏單。食物味道唔錯，放題來說算是上等。餐廳環境又衛生，難怪平日5:30入座都爆滿。點放題當然要吃刺身，三文魚、甜蝦、赤海蝦等，樣樣新鮮兼厚切，款式又多，仲有北寄貝、帶子、希靈魚、油甘魚等，光吃刺身，任食放題真係抵到爛。除左刺身，手卷同壽司都細細件，一口一件，易入口之餘又唔會因飯團大件而快飽，可以留肚吃到更多款式，咁先係吃放題嘅攻略！熟食方面都毫不遜色，芝麻雞翼係我嘅大愛。炸至金黃色，脆口又入味，而且咬入肉嫩，配上芝麻特別香。仲有燒元貝，沙律醬多，酸甜惹味，大件好滿足。燒魚干同燒秋葵都好特別，飽飽地個陣咬兩啖，胃口都返晒黎！咖哩炒蟹都好正，蟹肉鮮甜，咖哩入味，好少可以係放題食到咁入味嘅炒蟹。甜品有幾款cake可選，四方形細細件，一口cake食落唔漏，仲可以點埋雪糕食，有最令人期待嘅haagen daz添，真係超值！

又係極尚系列嘅日本放題，一向都算有質素保證，之前去過觀塘食，今次就去尖沙咀試吓有乜分別.....入到去坐底座位相比觀塘算係比較窄，出入唔太方便，但情調唔錯，較適合情侶約會，我今次一家三口👨‍👩‍👦就論盡少少喇......不過環境一樣算清潔企理，侍應都有禮貌而且非常有效率，點菜後上菜速度都幾快，由交比侍應到上菜都係3幾分鐘刺身款式唔多但好新鮮串燒鰻魚特色壽司真係唔錯，仲有個中拖羅蓉手卷掛住食唔記得影😅最精彩嘅海膽軍艦誠意推介如果鍾意飲酒嘅呢度仲有冷/熱清酒🍶、梅酒同特色雞尾酒🍸任你飲，唔似其他得啤酒咁悶燒牛肉鵝肝壽司都好好味其他好似天婦羅🍤等其他嘢都唔差不過同其他比較就唔算好特出......限時兩個鐘其實以上菜效率嚟講都好夠嘅......算係貴精不貴多之選啦

父親節就嚟 為咗答謝老豆咁多年嘅照顧點都要請佢食餐飯咁啱老豆又鍾意食日本嘢於是就上網搵下睇下有邊啲日式放題咁啱見到呢間係喺尖沙咀 好方便 而且評價都唔錯於是就決定食呢間一入到去 環境就唔算太嘈吵 可能因為book咗枱嘅原因 佢畀咗卡位我哋啲梳化櫈都幾舒服嘅 主要食物 特別嘅係 餐廳有唔少創作嘅卷物 同埋特別嘅壽司 餐廳特有嘅海鮮 即叫即做 北海道燒帆立貝有啲油膩不過濃味 始終都係正啲尚壽司拼盤初初唔知係啲咩 原來係壽司拼盤覺得幾特別 除咗擺盤精美之外好少有日式放題會有壽司拼盤 而且啲壽司全部都係原創 特別推薦 岩鹽鵝肝牛肉同埋松葉蟹膏燒赤蝦刺身選擇非常之多 有時令嘅松葉蟹棒 啖啖肉 非常滋味而且大部分刺身都非常厚切 好大嚿 油甘魚有咬口得嚟又唔滯上菜速度非常之快 而且好少漏單見到老豆都食到冇停手食物選擇豐富 雖然比起其他日式放題貴但一分錢一分貨 嘢食質素的確係比較好呢間一定會有下次👍👍

見平日無甘多人排隊就去試個呢個放題好無食，成日都見好多人排隊搞到我就郁郁好想試，今日終於都食拉到 入到去坐像當然要叫我最愛既刺身拉，三文魚、赤海蝦、油池魚同蟹腳仲要有我最愛既鮮赤貝，全部都勁新鮮，三文魚仲要好厚，食落好有口感，食一次真係五夠阿，值得一試 配菜方面無諗過有泡菜，我都係第一次係放題見到，以為得韓國餐廳先有，岩哂我中意食韓國野又中意食日本野既人，一舉兩得，壽司叫左五多，叫左幾舊有特色同必食既三文魚壽司，可能其他人覺得好細件，但對於我黎講係一件好事，五洗甘大舊好方便就食到燒物都係一樣我其他好愛既食物，出乎意料有雞脾菇，又係我第一次見到，燒得五會太乾，有小小汁，我覺得味道岩岩好，可以一試，燒物當中牛舌係好出色，真係好好食，食到我生停過，一叫就叫左10串同朋友一齊我食 除左呢d當然五小得必叫既芝士年糕，平時食日本野我都必叫，今次當然要食多d，竟然無令到我失望，好好食，五會好油膩，中間既芝士仲要好多另外比我見到有炸鮮奶，出面既放題我都無見過，真係驚喜一浪接一浪，食到好多平時好中意竟然係呢到見到牛柳粒都好食五會太硬，另我最驚喜就係呢杯野飲，五想飲普通既汽水就試左佢地自己整既特色飲品，

we were around 9 person ,delivery of orders was slow and some orders did not arrive, unlike the other branches which were fast and complete, hope they improve.... 

一直以黎出尖沙咀都見到有大喜屋但好多人唔想排隊，今日早去竟然唔洗排隊，所以就即刻去左食 坐低第一下當然叫刺身拉，竟然有得食蟹腳，好多放題都好小有得食蟹腳，真係好正，諗都唔洗諗就叫拉三文魚、油池魚、蝦全部好新鮮，一定要點！除左呢樣竟然仲有特色野飲，都有成5種甘多，哇，好吸引 個螺肉雖然好辣，但好好食，令人想繼續食落去，好惹味芝士年糕就最正，一叫就叫左6件，熱令到芝士岩岩好除左芝士年糕佢竟然有炸鮮奶，我真係第一次見，無諗過有甘多出面放題無既野 仲有我平時最鍾意既菇，一定要食，出奇地好好食，唔會太乾，值得一食燒雞翼雖然間間都有，但我覺得比起其他好食，諗番都想再食多次仲有個牛柳粒，好好食 完全唔會好硬身，煮得岩岩好，一口一粒 炸物方面天婦羅既蝦婦羅好好食，炸粉唔會太厚，食落岩岩好唔記得講壽司，仲要有拖羅，平時出面食都好貴一件☺低番晒 無諗過期待左甘耐竟然無令我失望，仲要有好多出面放題無既野食，味道仲要好好食，可以再一試

同朋友行完夜街就上左黎呢度食放題，呢度都有唔少野食。霸王花煲豬骨湯，好清潤。叫左好多我最愛嘅壽司食，推介海膽軍艦，好好食，好鮮甜，海膽份量好足。帝皇蟹棒火炙壽司顏色好吸引，食落都唔錯，香口味濃。刺身選料新鮮，味道甜美，叫左幾round。意式黑松露帶子沙律，組合味道令人一試難忘。燒物，全部都燒得剛剛好，冇過火，食得到食材本身嘅味道。蒲燒饅魚串，鰻魚肥美鬆化無細骨，好好味。蒜片炒牛柳粒，牛柳粒配搭蒜片，幾惹味。牛肉湯烏冬，牛肉係半生熟，再放入d湯到就啱啱好。當日嘅季節限定雪糕係櫻花口味，第一次食，味道幾清香，甜而不膩。食物質素同服務都唔錯，值得推介嘅放題。

好一段時間無去極尚大喜屋啦，一如既往，平日八點幾入座都係好full，好幸運地今次有卡位坐，享受倍增。極尚大喜屋嘅刺身有十幾種，有蟹棒、甜蝦、三文魚、北寄貝等，要讚下嘅係帆立貝，鮮甜得好犯規，點咗三輪都有點佢，蟹棒都係另一款要點完又點嘅item，舊蟹肉係可以成條咁拎出嚟。日式放題當然好怕係眼闊肚窄啦，叫咗、上咗就開始食，未必到齊就叫下一輪，不過極尚大喜屋做到好高效率收落菜單，上菜都好快同埋唔見到有流單嘅情況出現，變相叫太多嘅機會少好多。全餐最矛盾嘅係壽司嘅款式實在太正啦，忍唔住叫咗好多，推介三文魚腩同左口魚群邊。芝麻雞翼係熟食嘅推介，而串燒牛舌同蝦都係好正，不過如果要食多啲刺身又唔浪費，一人先點一串會適合啲。最正嘅係，以名貴雪糕作結，有Häagen Dazs 同Movenpick 揀。

本身對放題既感覺一般般，無他，年少時經常俾朋友帶去一d $200內既放題，一係就三年都等唔到佢上菜，一係就刺身一咬落去會出雪水，諗起都得人驚，所以放題飯局我避得就避。不過今次同事生日揀左食放題，佢地又話無伏既，所以就試下。食後感：完全對放題改觀！先講d同食無關既野：1.) 上菜速度：好快手，成程無甩單，跟足晒叫既份量，非常好2.) 服務：一般既放題屋儼如戰場，唔好話服務唔西口西面已經還神。呢度我覺得算唔錯，全程加水拎紙有問必答，最緊要係無人西面！食物方面，基本上無邊件係唔好食。必點既刺身無伏，新鮮無雪過籠，壽司細細件份量剛好 (推薦極壽司，特色得黎好食)，海葡萄沙律都好正。熟食方面，燒雞翼一般無乜特別，反而芝麻雞翼絕對係驚豔，一定要試！燒凡立貝都值得一食。澱粉質系都無伏，我叫左個冷烏冬食，都幾多配料！最後仲有高級雪糕作結，正正！非常滿意既一餐，唯一要彈既係要排隊排好耐…

Happy Friday 最好緊係食餐勁既！ 聽人讚左大喜屋既放題好耐，今次即黎試下！一坐低即刻有本成吋厚嘅點菜紙等緊你，即刻狂風掃落葉式點菜！一黎叫咗盤刺身先，池魚王係強烈推薦要食，鮮甜爽口，食落充滿鮮味，回本！海膽軍艦都係必食，師傅落海膽好大方，每件軍艦都有滿滿既海膽，鮮甜到不得了！燒物都好正！牛舌，雞翼，鰻魚都燒得好好，皮脆得黎仲keep到有汁，好好！熟食好多款，連咖哩炒蟹，辣酒煮花螺都有，好多選擇！甜品有Haggen daz同movenpick揀，好完美！

今日我地7個人一齊黎到呢間極尚大喜屋日本料理餐廳，因為有朋友預先預訂左，所以基本上唔需要點等位，已經可以安排入座。原先有一轉係6點半入但book唔到位，full哂，所以簡左8點半入座時間。星期一至四：$268/位。呢度一個價錢包左任食任點，同任飲，壽司既款式同食物有較多既選擇，而且賣相亦唔錯。以下壽司既擺法好靚呀好有心思，上既時候都有種新鮮既感覺。而雪糕則每人一客，到差唔多完既時候，職員會派一張Order雪糕紙，有Haagen-Daz同Movenpick選擇，味道唔錯

聽人話依間唔錯所以就試下同朋友食8點半個場，未夠鐘仲有半個鐘已經有好多人排隊餐廳都幾多野食，一坐低就叫左好多先黎碟卷物同軍艦，有海膽、蟹子、三文魚，都好好味再黎係壽司，D海鮮都好鮮甜火灸壽司，燒得好，帝皇蟹棒黃金燒一定要食刺身好鮮甜炸貓山王、紫心香芋丸，係流心架，要試下沙律：泰式鳳爪好好味霸王花煲豬骨湯，好好飲，飲左3碗蒲燒饅魚串，正北海燒帆立貝，正雜果賓治同薑汁菊花綠茶，好味！酒紅黃昏，入口好香

大喜屋我諗無乜後生食知係乜了, 朋友生日聚會, 幾個大食怪去任隊既好地方,不過大喜屋都有幾個唔同LEVEL既大喜屋, 價錢同食物質素去區分, 今日去食尖沙咀極尚大喜屋一如以往去到就瘋狂剔野食, 魚生, 串燒, 炸物, 鍋物, 講真如果樣樣都剔哂, 每樣食半啖我都包你係會飽到碌出去,因為佢食物種類真係好多好多~ 魚生巡個例都要叫一盤乜Q都有大大盤黎影下相, 食到好既三文魚同甜蝦既地方好多~ 所以我重點無放係佢地身上,今次驚喜係佢既池魚王, 油甘魚, 赤貝... 池魚王肉質好爽口, 好濃魚味, 油份平均, 赤貝既新鮮程度用爽係唔夠形容, 係應該用脆囉~燒物係我第二主打, 燒牛脷, 鹽燒雞翼真係閒閒地食到5-6串, 到壽司啦~ (食放題食壽司係咪傻架, 成舊飯, 飽哂啦) 咁諗就錯啦~ 壽司我淨係食佢既海膽壽司, 我可以講大喜屋D師夫幾大方~ D海膽係滿滿的, 勁甜勁濃味~ 一次剔8件佢都照俾~ 下次可以試下剔16件~ 哈哈食到尾職員每枱派一張雪糕紙, 原來係雪糕界LV既 MOVENPICK, 不過每人只限叫一杯~ 講真以食物質素, 價錢去比~ 真係好扺食~

儘管大喜屋已經出左名一排，但本人現在才有幸食，難得加拿大友人探訪，當然食好啲😋🤭我哋當日食下午時段，可以任食3小時而且午市時段冇坐滿之下，被安排四人坐六人座位，坐得好舒服。☺️上菜速度快而且無漏單點嘅刺身都俾得足，三文魚好香，帶子鮮甜，甜蝦都可以，同外面差不多。燒既壽司都係比得好足，味道唔錯。😋🙏🏻我最愛嘅海膽壽司居然可以任叫，而且叫咗三四輪都冇漏單，值得一讚！😋唔會話飯多海膽得小小，蟹子都係十分脆，咬落爽口👍🏻👍🏻👅 食物質素十分好，而亦冇漏單情況，飲品都幾多選擇，可惜雪糕只能叫一杯。整體也是10分滿意😍👅，一定會再來。

一直覺得日式放題價錢偏貴，小女子不算大食，感覺上好像不太化算。不過太久沒吃也有點想盡情點菜的感覺，於是決定拉男友一起吃『極尚大喜屋』的星期六午市，比晚市便宜，又可以盡情點菜。中午12:30來到，餐廳已坐了8成客人，果然不愧為『極尚』＠＠ 我們也隨即坐下快快點餐！第一時間當然是點刺身！有三文魚、甜蝦、帶子、油甘魚、池魚王、松葉蟹腳……選擇比平時的放題多很多，而且都是色澤紅潤，鮮甜肥美，件件厚切，單是這一盤刺身已值回一半價錢了～壽司也有很多款式，小女子大推「海膽壽司」，海膽份量足且夠鮮甜！另外，「極壽司」和「尚壽司」也蠻特別，值得一試呢。炸物方面，我們點了「炸貓山王」和「芝麻雞翼」：一口咬下炸貓山王，裡面的榴槤醬如泉湧出來，又香又濃，榴槤必吃～大大隻的芝麻雞翼很香口惹味，肉質很嫩。兩款炸物都超正，必點！再來的是燒物類，有燒牛舌、燒秋葵、燒蝦和燒雞翼，燒得剛剛好，不會過火之餘能帶出食品本身的味道，個人尤其喜歡秋葵和牛舌。限定海鮮盤「燒帆立貝」，新鮮帆立貝配上芝士沙律醬，口感和味道都很豐富，不過頗為飽肚，所以每人吃一件就收手了。「蒲燒鰻魚串」也是限定料理，作為鰻魚控的我不能不吃LOL。肉贊軟綿