極尚大喜屋 (加連威老道) (已結業)

同屋企人慶祝生日,所以揀左間好耐無食既放題,媽咪鍾意食多花款d ar,所以黎左極尚大喜屋,我地一家人食飯都好怕等,所以book左8:30台,我見無咩做,收工就早d過去呀,8:10去到,都要排一陣隊,8:30姐姐準時叫book台既人入座,無book果d唔知排幾耐lu,條街太熱唔想再留係出面😂😂先黎一round刺身,新唔新鮮我唔太識食,不過都算黎得足,另外order既野食都算黎得快,但想提一個咖哩蟹,平時我好少食蟹,都係我屋企人叫,黎到賣相都幾吸引,原隻蟹上的！但係食落蟹肉好梅,台面上只得較剪,問職員都夾蟹既鉗佢話無,但隔離台有,佢只係講洗晒,洗晒唔係應該去廚房拎番個洗完既出黎咩?服務態度麻麻地,最後隻蟹由於無鉗,都只係食到1/3隻,放題唔係咁浪費嘛?

入到嚟見到好大疊落單紙，估唔到呢度都仲係用緊落紙嘅方式本以為呢間放題都係傳統個啲，食差唔多款式嘅野，估唔到俾我哋發現咗張cocktail/mocktail落單紙雖然選擇俾出面酒吧少好多，不過已經夠滿足我哋呢啲初入職場嘅小薯仔大家都好興奮想試下佢，而且睇落亦好特別三杯嘢飲嚟到，睇落有少少奇怪不過好彩飲落都OK橙紅色嘅tequila sunrise有果味，而且亦有出面飲到嘅漸層效果，酒味唔重，適合少飲酒嘅朋友藍色嘅vodka偏甜，相對上冇咁特別綠色嘅green seven好重薄荷味，應該都溝咗少少七喜三杯都帶俾我哋味覺上嘅衝擊可以叫哂佢同朋友一齊飲嘢食方面都好正，海膽軍艦好靚，又足料有好多瓣，而且每瓣都幾大塊味道咁鮮甜同creamy，香港人實鐘意食鰻魚壽司同帆立貝壽司都唔錯，飯好細舊，上面嘅鰻魚完整咁包住個飯，食落好滿足刺身拼盤都好豪華，三文魚刺身好靚好肥赤貝同帶子好新鮮爽口，而且份量唔吝嗇呢度啲刺身真係幾高質嘢飲幾特別，有呢隻士多啤梨味嘅蘆薈飲品個樣都幾靚，蘆薈又美顏，啱哂在座嘅女士不過可惜士多啤梨味有少少假最後呢個天婦羅都幾讚因為佢係一次過炸，然後逐檯上，所以真係熱辣辣，海老外脆內軟，

這𥚃面的座位不是很窄，而且又不用起來自取飲品，點單又不用等很耐，經過計算差不多沒有遺漏單，服務又好，起碼吾黑面，厎有笑容，唯一就係要預定，排隊時又比較熱，呢個價錢，算劃算，食物也很新鮮，魚生過得去，起碼上檯都想照相再食，如果多些海膽或者魚生種類拿更好。

嚟食放題好鐘意食炸嘢吉列嘢一次過叫咗炸芝士年糕，炸鮮奶條，炸香芋波同芝麻雞翼芝士年糕炸得香脆，一睇就知係新鮮炸起，個皮勁薄，入面年糕同芝士流心食落唔膩香芋波一如以往嘅Q彈，一人一粒唔使爭芝麻雞翼炸得比較耐，食落口超乾脆，啱哂鐘意香口熱氣嘢嘅人最後呢個炸鮮奶都十分有驚喜，條鮮奶入面有少少融化嘅感覺，食落軟綿綿又唔會太甜燒雞脾菇都隱約見到燒過嘅坑紋，不過串燒香味唔重，食落有點牛油，都幾夾燒鰻魚都特別整得好食，而且唔吝嗇北海燒帆立貝好jumbo size，表面好焦香，似落咗少少芝士係沙律醬面鰻魚壽司卷都幾多肉，而且醬汁調味足夠甜品我哋嗌咗好多唔同款試，有冧酒提子cheese cake，檸檬cheese cake，抹茶紅豆cake同macaroons人頭計就有movenpick同haagendazs揀味道值得大推嘅雪條，有朱古力味同牛奶味兩種，座上食過嘅朋友都話好好食，出面又未見過呢隻包裝

係出面有店員俾咗呢張紙我哋，跟住上面嘅枱號，上咗小樓梯入餐廳，全程都有人guide住發現張紙都幾特別，有生日，行李同BB車，唔知係咪會有特別待遇呢一坐低當然係立即叫個大大個刺身拼盤打卡啦，可惜唔係個個朋友都食刺身，所以叫嘅份量都唔多，絕對係量入(食得落)為出(落單)嘅策略叫咗甜蝦，赤海蝦，帶子同三文魚三文魚都係腩位，幾靚幾新鮮甜蝦同赤海蝦都大大隻，肥厚肉美，食落甘甜叫咗花之戀同呢個明太子車海老卷每件size都好好，一啖食哂呢度嘅飲品都係要落單嘅，有茶飲，有汽水，亦有減肥可樂蒲燒鰻魚，鰻魚皮係脆嘅！燒得好靚而且啲蒲燒汁好入味，厚厚嘅肉又夠彈牙，真係想係咁encore牛柳粒同炸蒜片呢個配搭都係仍然咁正嘅，啲蒜片夠厚，又香牛柳粒唔多，如果多人食可以叫兩份添燒雞翼，我鐘意食燒到好脆，入面嘅肉白雪雪又夠juicy一人一隻食到lam lam脷清酒會有兩個杯俾你自己倒，飲落去都幾暖胃壽司好多好豪華，特別係個穴子好搶眼足足3件壽司咁長火炙嘅壽司都好香，醬汁配搭都頗佳不得不提仲有佢呢度嘅冷氣好強勁，出面熱辣辣，入到嚟真係舒服哂不過要提醒返女士們，坐耐咗可能會凍，最好都帶定件褸著

嚟到彌敦道旁嘅呢間放題，地點十分就腳，啱哂成班人嚟聚舊一入到嚟斟咗豉油同芥末先，呢度嘅芥末味道都幾辣同嗆喉，唔係流嘢而且每張枱都有骨盛同一啲碗同匙羹俾我哋用食日式嘢好鐘意食燒物，一開波食個燒菠蘿開下胃菠蘿燒到外面乾身，內裡好juicy，而且好香燒烤味，幾甜又多汁，係幾好嘅飯前果鹽燒海蝦嘅蝦殼燒到好脆，入面嘅肉質幾嫩滑，加埋檸檬汁味道不錯燒牛舌雖然係薄薄哋，但勝在好香口，食落有牛舌嘅油香雞翼預先剪開，幾乎唔需要自己拆骨雞皮好香脆，簡單嘅檸檬同鹽已經好好味臨尾硬係要食個烏冬先捨得走呢度唔單止有熱嘅牛肉烏冬，仲有幾少見嘅冷烏冬烏冬面頭有好多白蘿蔔蓉，浸係冷麵汁入面，亦有少少海苔扁身嘅烏冬幾索汁，食落雪雪聲幾好食呢排天氣咁熱，食呢個都幾啱最後甜品食咗支牛奶味嘅雪條，外表係牛奶冰，入面先係牛奶雪糕咁嘅設計食落冇咁易溶，而且一小口一小口咁咬好正 牛奶味好濃郁，幾好食

尖沙咀有3間大喜屋，就呢間評級最高。Book 左檯都要係樓下排隊先配到位。都係兩本書仔✔️✔️剌身都係10款度，都okay 新鮮D 海膽軍艋好好味，忍唔住叫完再叫。杯cocktail 就差少少，好似7喜加水多d最搞笑係個貓山王炸ball，當附近其他客人都order 個時。真係一陣陣。鰻魚串同牛舌串燒都好正。個辣酒煮花螺就，一客就3粒。order 真係要2客起跳。壽司款式都夠多，細細件，唔會太快飽。

平日嚟到尖沙咀食放題，已經預先book咗位，估唔到都勁多人，要係出面排隊入座入到嚟即刻叫咗佢招牌嘅鰻蒲燒魚同辣酒煮花螺辣酒嘅辣味都唔惹小，煮到成個螺肉都好入味香濃，而且得幾粒，三兩下就俾我食哂兩隻焗帆立貝都好靚，入面嘅厚大帆立貝肉用蟹柳碎，三色椒粒同沙律醬覆蓋住外面焗得金黃，入面嘅醬料亦十分濃郁鐘意食沙律醬焗貝類嘅朋友一定唔好錯過熱嘅牛肉湯烏冬都有驚喜牛肉係半熟嘅，浸浸下個熱湯就熟埋，呢個溫度煮得啱啱好，肉質彈牙烏冬嘅質地都好Q彈，口感似稻庭烏冬不過可惜紫菜較淋，如果可以上菜先自己落，口感會較佳壽司有花之戀，親子花之戀，三文魚腩，吞拿魚腩，每件都幾靚好特別要一提嘅係有兩舊deluxe同supreme壽司有一件係有拖羅蓉，海膽，煙肉碎用料夠豪華，一啖食落去係鮮甜，煙肉脆卜卜又增加咗口感嘅層次另一件係有黑魚籽醬，食落亦覺得設計好有心思最開心係臨尾有得食Häagen-Dazs落完order紙，轉個頭店員就即刻攞俾我哋佢哋做嘢真係幾快手叫哂佢唔同嘅味道返嚟試，仲有最新出，仲買緊廣告嘅白桃紅桑子口味雪糕雪糕比想像中甜，即使有raspberry都唔會特別酸而且食落有粒粒果肉，係真係幾好食嘅

上星期朋友搵到新工 見好耐無食過好野😆 就一於食朋友最喜愛既放題 今次簡咗最想試但又唔多易book位既極尚大喜屋 食5點半 第一個時段 餐廳🍴人都唔少 平日夜晚都有九成幾既入座率 認真旺場👥👤👥
我地一坐低即刻睇下有咩好食 選擇算好多 雖然無自助區域同飲品都並非自取 但上菜速度都相當之快 野飲我簡咗特飲🍹 綠野仙蹤🧚‍♂️ 外表都幾靚 成份其實就係奇異果🥝汁 七喜同爆珠 味道都唔錯👍🏻 奇異果汁味唔算太濃 主要係七喜 加埋爆珠就有口感 整體都幾好 值得一讚就係上野飲速度好快 雖然寫話即叫即制要十至十五分左右 但五分鐘內都送到😗另外我仲嗌咗杯仲夏紅日 其實係雜果賓治😬 味道都唔錯同平日嘅雜果賓治差唔多 唔會話太淡🤣食物我地剔咗一堆 牛油粟米同燒菠蘿都係我每次放題必選 兩樣都整得正常👍🏻 燒菠蘿同粟米都幾甜 好味🤤 鍾意食小食既我就唔會放過嗌沙律🥗同泰式鳳爪既機會🤣 中規中矩 唔會太辣同菜都幾新鮮😊 食壽司就最驚會「妹仔大過主人婆」 即係下面舊飯大大舊而上面淨係得好少料 好彩哩度大方😎 兩者比例唔錯 而食材亦新鮮 我食食下都食咗十件壽司🍣 而北海道燒帆立貝係我極力推介 賣相吸睛 又熱辣辣 帆

一家人黎食放題，雖然而家放題愈黎愈多唔同嘅選擇，但今日就想翻兜呢間😋一如概往book左位都要早啲黎排長龍入去食。一坐低就點點點，刺身依舊新鮮，壽司唔會話舊飯太大，食到你飽曬😆熱食送到出黎仲係熱辣辣嘅，但雪糕每人限量得一個咋😫漏單情況都有但唔算嚴重。掛住食都冇咩點影相🙈呢到有樣野唔好，就係坐得好逼好逼，不過啲員工個個都好快好專業，係咁窄嘅環境都做到咁快👍🏻整體質素的確冇以前咁wow，可能真係太多比較啦而家，不過有機會嘅話我都會再翻兜😝

Book左8:30，準時可以入去。地方好大，員工好有禮貌，離開都會跟客人講88。點了食物，大約10分鐘便有食物了。三文魚甜蝦，炸物，好多都高水準，好好味。不好飲的有藍色果杯cocktail，勁重藥水味。叫番瓶裝飲品最安全😋

學䘨放暑假，約埋同學仔食收題。成班話揀呢間話刺身呢間正，有名牌雪糕食。我地特登中午無咩㸃食野，係為呢餐博殺! 赤海蝦，池塘，油甘魚，希靈魚，帶子等都有食，幾新鮮，D魚魚味唔錯。飲品有可口可樂揀，係我地至愛，勁叫。壽司，卷物，軍艦，手卷唔算款多，但款款好食，叫齊，食呢D日本野叫了8轉啊。那晚燒鰻魚和帆立貝好食，帆立貝加芝士焗，特別香。串燒是我打，狂叫，款式不多，但重覆叫先回本，燒海蝦，雞翼，菠籮，牛舌，日本煙肉，羊鞍，青魚，雞脾菇，D羊鞍羊味好勁，我唔like，班死仔話好味，一來十幾隻，反而我覺得牛舌係極品，切得好薄，食落好鬆，有牛味。天婦羅也是款式唔多，但炸得好食，又叫了七、八次。我推介冷稻庭烏冬，好滑好消暑。甜品D芝士餅好好食，但馬卡龍甜左D，食埋名牌雪糕比利時朱古力超好食。其實款式不是人地講勁多，但9成野都好味。

極尚有得任食海膽壽司, 海膽鮮甜, 放題來說, 份量算多(我試過有d放題比得指甲感大ge份量海膽）, 仲like佢每件壽司米飯唔多, 又整得精緻, 叫多幾件都ok! 其他熟食都好多choice, 味道都ok, 值得來試試! 唯一係座位細小, 要遷就下！

今天致電查詢有關booking事宜，職員李先生態度惡劣。並說所有booking都只會在晚上10:00後處理。職員態度極差，指每天300多個客，我們就是這樣服務的了

每次去尖沙咀經過極尚大喜屋都見到大排長龍的情況，一直都放入我的「放題口袋名單」，由於太耐都無食過放題，所以今次專登訂定位，同朋友試試，解構其箇中長龍之謎🐉今日天氣炎熱，大家都比較口渴，所以一入坐就點了幾款飲品，飲品款式頗齊全，港式韓式甚至啤酒都一應俱全這裏有我十分喜歡的解綠茶同有落足料自家製的韓式柚子茶🥃，淡淡的柚子味，不太甜很適合我的口味除了飲品外，仲有琳琅滿目的前菜小吃提供，有我最愛燒菠蘿、蟹肉胡麻豆腐、有機甜酸蘿蔔、黑松露帶子沙律，食完十分開胃極尚大喜屋其中的極尚海之盛宴很吸引我💕 咖哩炒蟹，辣酒煮花螺，北海燒帆立貝完全是為我這個海鮮控而設的，海鮮迷不要錯過其中蒜蓉蘆筍炒珊瑚蚌更是令我一點再點，爽嫩的蘆筍再配上爽口的珊瑚蚌，超有口感🤤之後我們都及不及待點一大盆刺身當中包含了幾款刺身 : 有北寄貝、三文魚、甜蝦、赤海蝦和北海道帶子，連比較少有的鮮赤貝和松葉蟹腳都有，而且全部都十分肥美新鮮，令我們都覺得大滿足❤️而壽司方面種類都較其他放題的多，但我就點了些加了芝士的芝士系列，例如有芝士海蝦、芝士玉子、芝士蟹棒我亦點了龍蝦沙律露筍卷和尚壽司，後者更是這裏的皇牌，兩款都十分特別，口感豐富滿