極上帝王水產

營業中

休息中

我本身訂位訂咗神戶屋嘅，但係原來平日唔開㗎，通常星期五六日先開午市，所以變咗上嚟呢間鋪頭。雖然變咗地方，但本身訂位送嘅生蠔都有，仲有一個火鍋，一盆燒一口牛。個火鍋因為我地實在太飽所以冇叫到，但係睇個名都覺得幾好食午市199四個鐘啊😍CP值高到癡線服務員超好，係咁比咗好多嘢我地，又見我地有咩麻煩過嚟幫我地，又好友善，真心好可以再回來😍😍

本來打電話訂係想食8樓神户屋，點知叫我地1去9樓，話啲野食係一樣，咁咪上去囉去到食落唔對路，問完服務員知道係同一個老細開，但9樓依間好唔得，黑松露飯靜係得黑椒味，鷄軟骨粒好唔得，熟食又凍，全部凍冰冰咁，好失望！唔好俾職員騙上9樓，8樓同9樓唔同，9樓啲野食真係好唔掂，食到冇晒心機，真係大伏，未試過食放題食到咁頹，以後都不會再來其他野包裝得好又點，野食完全唔得囉，實在不值這個價，總括來説就是慘不忍賭！

原本我打去訂神戶屋，侍應叫我們上9樓，以為是一樣，怎知…去了間沒水準的日式放題燒牛舌，雞肉串，黑松露雜菇炒飯是凍的炸雞軟骨有油益味， 鹽燒三文魚骨腩也是凍又硬燒羊架8成生食物水準奇差，以後冇回頭…

今天星期日中午約好朋友到旺角食放題，因為價錢真的好吸引，只需199就可以任飲任食兩個鐘。我們一早就訂了枱，準備大家歡度兩個鐘頭。我們到達時，店員帶領我們到有遮蓋窗口的卡位坐下，真的十分細心，值得一讚！👍🏻我們點了剌身，就去攞飲品，今天我飲了芒果啤酒，味道非常特別！當刺身送到時，我驚叫了一下，朋友點了太多剌身，我有啲擔心食唔晒而浪費食物！但剌身肥美到不得了～三文魚最好味，非常新鮮，帶子非常鮮甜，海膽好味到不得了！還有章魚及其他剌身都非常新鮮，可媲美酒店的刺身呢⋯⋯😋結果，不知不覺間就全部食晒，好好味！估唔到自己可以食這麼多呢！我們還點了炸榴槤及炸紫芋丸，非常可口香脆！最令我開心的是，店員送上兩款佢地新推出的食物，就是炭燒帶子及板燒一口和牛，只要加小許海鹽，就帶出食物本身的味道！👍🏻👍🏻👍🏻😋😋😋最後，我們飽到連甜品都吃不下！這間店舖的提供的食物簡直物超所值！非常新鮮！在此不得不讚！👍🏻

今日同朋友去左極上帝王水產食個午膳放題。一去到就見到餐廳有一幅非常有特色既木頭牆，好有日本風格！入到去，見到餐廳四周都掛滿日本旗仔，睇落好有日本地道餐廳既feel～由於係假期既關係，我地就事先訂座啦～原來訂座係有訂座優惠，可以揀北海道海膽、日本生蠔周雪糕杯～識食既我地當然揀海膽同生蠔啦～另外，佢地都有其他日式美食任你選擇～除左以上個啲美食，佢地仲有由A至R咁多張放題紙既美食比你揀～多到我地都唔知試到幾多款係野食未到之前，我地就攞野飲先啦～咁野飲都不外乎汽水同啤酒，不過最特別就係佢地有芒果啤酒！芒果啤酒飲落好有芒果味，配埋酒精濃度唔高既啤酒，飲落好易入喉，就算唔識飲酒既人都飲得到！野食終於到啦！近期佢地做緊promotion啦，所以就送左個燒帶子比我地試啲帶子大大粒，睇落幾新鮮，非常鮮甜～壽司黎啦～有我最愛既劍魚腩壽司同花之戀～魚生非常肥厚，而壽司舊飯又唔太大舊，相當唔錯之後，主角到啦，就係放題必食既魚生！！！個魚生拼盤裝飾得非常華麗，睇落極度吸引！真心要比10個likes！！！呢個拼盤有三文魚、珍寶蝦、有頭甜蝦、虎蝦、玉子、蟹柳、螺頭、鮑片、赤貝同希靈魚～ 每片魚生都非常新鮮，而且唔會

兆萬一向多野食，左揀右揀，就想試下新既。所以就同朋友來到呢間試下鋪頭都可以納幾多人，同埋睇得出佈置非常用心，即刻俾人一種係日本嘅感覺去得食放題，一定會叫番壽司。而呢個牛油果壽司係好夾唔會撞曬味 所以有番叫佢仲有炒牛柳粒，火候控制得好好，所以令到好有咬口但又唔會太老豬頸肉亦都係我至愛之一，豬頸肉最緊要爽口，而佢係完全做到我要求。自己可以一碟食曬，不過我係有d誇張 所以其實可以同朋友一齊share 食但係如果你都鐘意食豬頸肉，其實真係可以一個人食曬串燒又係大推好正因爲有燒汁。而蝦都好有水準呢個煲d蟹好多，好抵讚炸鮮奶，一咬落去就有鮮奶漏出，好鐘意咬完有野漏出，好驚喜而牛肉就幾好，不過不失佢仲有我最愛嘅炸雞翼，一流

五月三十日 晚市 性價比日式放題今晚既目標係位於兆萬中心既新開日式放題。一進門就獲安排卡位就坐，座位寬敞，足夠放置手袋及外套等隨身物品，抵讚。燈光偏暗，年紀較大的朋友出入注意一下。 先來刺身拼盤填肚，三文魚及帶子鮮甜厚實；甜蝦，北寄貝及蟹柳等亦算不俗。另外值得一題是海膽，沒有半點腥味，喜歡海膽的頭盤一定要選，可惜只能點一次。壽司及手卷類亦算不錯，飯團沒有過份鬆散。再來炸雞軟骨及凍豆腐，水準不錯，可以一試。下一道烤羊架及牛舌，羊架沒有蘇味之餘肉質鮮嫩亦不會太油膩；牛舌則比較普通，沒什麼驚喜。炸物方面炸薯蝦口感特別；而天婦羅亦算中上，粉漿不會太厚。擺放甜品的凍櫃種類眾多，布丁，雪糕等琳瑯滿目，必有適合你口味的一種。

每次係油尖旺食放題，硬係出現一個問題..... 漏單！但今次幫襯極上帝王，一張單都無漏喎！俾個 like 先啦！入咗單唔洗十分鐘，魚生已經上枱，都重未影完魚生相，其他食物已經陸陸續續上枱，速度極快，唔洗點等，而且服務員態度唔錯，又俾個 like。自己一直唔多留意一個好重要嘅問題，d刺身溫度，夏天當然怕keep得唔夠凍啦，今次特別留意下極上帝王嘅刺身溫度，夠凍喎，唔係涼喎，放心食嚕。刺身點咗三款蝦刺身，其實我唔多食有頭甜蝦刺身，食過幾次，總係覺得口感較梅，但今次食又完全無哩個問題，所以蝦刺身最快清哂！羊架醃得入味燒烤火喉啱啱好，唔會乾身，溫泉蛋好滑，七味雞軟骨粒外脆內軟。望望d單，好多野想食又未食，但肚腩又唔爭氣，呀！重有甜品未食呀！

第一輪刺身個盤砌得好靚啊，揀咗三文魚、帶子、甜蝦、蟹棒！加上因為預先有訂位嘅，所以隨刺身附送上海膽同埋生蠔啊！海膽仲有一板咁多！👍🏻🤤仲有張入座即送嘅紙，有得兩揀一，松葉蟹火鍋或者和牛壽喜燒，揀咗後者，不過嚟嘅時候好似上漏咗個牛，搵唔到😂真係好鐘意火炙系列嘅壽司，特別係火炙三文魚腩，入口即溶嘅感覺，正！而且壽司細細嚿合理size，一啖一嚿，食多幾嚿都唔怕太飽！仲有個黑松露壽司，黑松露油甘魚壽司真係好正！黑松露同油甘魚真係好夾個味！鐘意！迷你軟殼蟹手卷，推介！個人每次都會叫軟殼蟹手卷，呢個都好好食，份量剛剛好！天婦羅都嗌咗幾款嚟試，試咗海老、一口薯、南瓜，雖然份量同寫嘅有所分別，但真心推介一口薯，好正啊，咬落去好淋啊啲蕃薯！亦都試咗啲炸物：炸牛奶、芝士年糕、榴槤炸彈！其中榴槤炸彈真係好正！食榴槤嘅人真係要試試！好驚喜！好濃榴槤味！蟹肉味噌湯，真係有嚿蟹棒，正！但個味噌湯太鹹，實在鹹到飲唔落。另外雞串、羊架都係我係放題必食嘅！雞串真係無得彈，正常水準；羊架就都可以，啲肉好淋，嫩啊！ 芝士焗蠔又係encore之選！啲焗蠔好正～仲試咗鯖魚，第一次上個嚿幾好，啲肉都嫩，但第兩次個嚿就有啲過熟。嗌

出菜就慢左d，例如刺身就出得慢d，因為只見一個人負責切魚生，不過都幾新鮮， 服務招呼 ok， 跟柯打快 天婦🍤羅炸得又好食喎， 飲品選擇就少咗啲， 食物就不過不失， 地方就淺窄左，但地方我就覺得ok。

今日同朋友出黎旺角行街，因為都好耐無行旺角，行到咁上下，同朋友傾緊食咩好之際，剛去經過兆萬，同朋友決定一起食放題，之前聽同事推薦過極上帝王水產，咁就同朋友決定一試。侍應招呼我地入座，就講解第一轉刺身同鍋物給我們。因為我地行到熱辣辣，所以沒有叫火鍋，反而點了刺身。這間放題真的有好多款式選擇，有日式、泰式及西式等。真係花多眼亂。好唔容易先選擇到想食的食物，馬上便落單。由於我同朋友都不是大胃王，所以為免浪費，我們點了很少食物。很快第一轉刺身拼盆到啦！刺身食材非常新鮮，還有生蠔及海膽，而我個人比較喜歡貝類刺身，食落非常鮮甜，各魚生都是厚切，食落會更有口感，真心推薦這家放題的刺身。芝麻雞翼不會炸得太乾身，雞肉亦很滑，而且是即炸，所以口感更好。七味雞軟骨不算辣，很鬆脆。黃金燒日本廣島蠔很推薦。蠔非常鮮味，配合芝士同沙律醬，完全係絕配。泰式生蝦杯，生蝦爽口，味道酸酸辣辣很開胃，做前菜好岩。炒牛柳粒有點似小炒餸，好夠獲氣，牛柳粒都夠淋同入味。推薦推薦。天婦羅，我地只叫左蝦天婦羅，因為喜歡食蝦，原來天婦羅是即叫即炸，所以上枱後仲脆，都係好驚喜。鹽燒海蝦，唔會好咸，海蝦很彈牙鮮甜。食到一半有點口渴，就去雪

今日放工，約左朋友去旺角行街，經過兆萬時，被極上帝王水產負責派發傳單的職員截住做推廣，我同朋友不約而同突然有想食放題的想法，睇到傳單上價錢覺得合理，於是臨時改變計劃，先食放題，之後再行街幫助消化。入到餐廳，覺得餐廳環境乾淨企理，各職員都好友善，被安排好座位後，職員就放低鍋物柯打單、刺身首次柯打單前，簡介柯打同塲內環境，同朋友商量後，決定先落刺身柯打。係等刺身來臨的時候，就先到飲品區攞飲品。雪櫃內，飲品種類多而大眾化，不單止本地，出產自韓國的都有。仔細睇下有咩食的時候，發現確實有唔少選擇，主要係日式同泰式為主。正想將已選好的時候，首次柯打刺身就送到黎。賣相相當吸引，份量、擺盤並不馬虎，而且還有生蠔及海膽，食材口感亦非常新鮮。享用緊刺身時，我地所點的食物，都陸續送到黎。這個泰式生蝦沙律，口感清爽，酸酸地做前菜最岩，而雞軟骨佈滿辣椒碎，但不算辣，也不厚炸粉，黃金燒日在本廣島蠔真的很出色，蠔鮮甜美味再配上芝士一點也不膩，很推薦這個。牛柳粒配合青椒真的絕配，不油膩而且牛柳粒夠淋，天婦羅是即炸，食落海佬仲熱辣辣，好好食，一定要試。鹽燒海蝦都OK，蝦入口爽口彈牙。食飽後，就到甜品時間。雪櫃內的雪糕同

好耐無食過放題 同朋友出到旺角 一於就即興去食放題！ 平日7點半左右到 好彩都有位 兩個人有卡位坐 都坐得好舒服😆 店內裝潢都好有日本居酒屋的設計！入到去職員都好好人 會同你講解 刺身單會優先處理😛 呢間店有大量既野食 真係好多選擇俾你揀😆 仲有雪場松葉蟹火鍋 同 日式和牛壽喜燒鍋 比你揀！ 我就揀左壽喜燒👍🏻 可惜入面無牛肉 不過味道方面就比滿分！刺身拼盤 我好怕海膽有陣腥味 但我都有試吃下 結果入口即融 無腥味而且好甜！ 有頭甜蝦 去頭甜蝦 帶子 都好新鮮好甜！不過厚切三文魚就稍為遜色 相對之下無咁甜推薦 黑松露系列！ 油甘魚壽司同帶子壽司 真係超級超級好食！ 而火炙岩鹽/沙律三文魚腩壽司 就不過不失😋 食落去都入口即溶！ 極上芝士鰻魚卷 同 牛油果軟殼蟹卷 可能鰻魚同軟殼蟹都好細 所以就食唔到佢哋嘅味道😟 牛油果軟殼蟹手卷 反正就可以食到軟殼蟹黃金燒日本廣島蠔 - 呢個我encore左一次😛 配埋啲醬汁 好好食香草燒羊架 - 食羊架最怕有膻味 但係呢個燒得好好 唔會有個陣味鹽燒牛舌 - 完全唔得😟 硬到咬唔到 仲無味燒汁雞肉串 - 普通日式味噌煮蜆 - 好濃 夠晒味 可惜有大量既

旺角食放題，第一時間就會諗到兆萬中心。去到樓下發現有新店進駐，見到個名好似幾吸引，就試一試啦！充滿日式風格既裝修。食物選擇都幾多，無論係壽司，刺身，泰國菜，熱食，天婦羅都有齊。比較特別既係黑松露壽司，仲有一口海膽手卷可以任食。刺身都幾新鮮，特別係帶子同北寄貝最好食。好彩我朋友醒目有訂位，有得送海膽，雖然唔係特別鮮甜，但至少唔會腥同苦。松葉蟹鍋，廚師好細心，蟹鉗位置已經拆左殻，食既時候都好方便。娃娃菜幾甜，湯底清清地，有淡淡蟹既鮮味。我好鐘意食海膽，當然唔會放過呢個機會，等我不停嗌海膽食先！壽司一口一粒，方便進食，又唔會太過飽肚。雞翼表面灑上香草，幾香口，不過略嫌油左小小，但味道都OK既。冇漏單情況，價錢唔算貴，店員服務態度好，值得一試。

總是喜歡到處嘗鮮 不如今次試試帝王海產入到去有日本風的感覺挺可愛的而且充滿魚味應該是準備緊刺身 好似太早到 嘻嘻有好多選擇有張餐單係專點黑松露壽司的中意黑松露的bb們有福了可以狂點壽司類不得不說係幾好食既每樣細細塊 唔易飽可以繼續大食特食牛肉肉質結實 中意大大啖食肉既應該會好中意炸鮮奶外面有層煉奶 再炸加埋得脆口既麵包幾香甜脆口的蟹鍋係真蟹唔會有腥味 仲幫你拆埋蟹腳幾方便粟米係香甜既我食曬成碗 牛油同蜜糖既香味都足蝦可以一嘗雞串亦不算差蝦肉結實有蝦既甜味雞肉算係嫩的芝士年糕有重重的芝士甜香味仲有小炒豬頸肉油香味足夠而且味道調得唔錯同樣既 牛柳粒小炒又ok wo衰鬼同樣 味道亦係非常足既有些少大排檔小炒風味最後有許多甜品有我最愛既糯米滋即刻去拎左好幾個食