極上帝王水產

營業中

休息中

話咁快一個long weekend就已經過去啦，又係時候收拾心情返工。是日係長假期後嘅第一個工作天，無咩心情做野，唯一期待嘅就係放工後約朋友食日式放題。講到食日式放題，又點少得黎兆萬呢？ 朋友話想試呢間位於九樓嘅極上帝王水產，話有好多野食，我見個名咁得意，咪一於試下囉。傍晚七點幾到達，餐廳已經坐左唔少客人，好彩有訂檯咋。坐低之後第一件事就梗係叫刺身啦，因為第一輪柯打可以以靚靚嘅刺身盤送上，落完刺身之後，就可以慢慢睇下有咩食啦。上圖睇到，選擇真係好多，要小心唔好「眼闊肚窄」呀。刺身同花之戀好快就到啦，刺身賣相真係非常吸引，亦都好新鮮，厚切三文魚顏色鮮艷，甜蝦啖啖肉，至於蟹棒更加係爽口添。無幾耐之後，其他食物都陸續到啦，值得一讚嘅係麵豉湯煮蜆，味道香濃，至於小食，好似八爪魚同海蜇都整得非常入味，如果每次嘅份量可以多一d，咁就完美啦。炸物方面有炸餃子，雞翼，天婦羅，蝦餅同廣島蠔，全部都係即叫即炸，上菜時熱辣辣。炸雞翼入口微辣，廣島蠔入口鮮甜，蝦餅爽口彈牙，入口亦都唔會太油膩。雞肉串味道香濃，非常入味，真係令人食到停唔到口。至於避風塘炒蝦，入口辣辣地，幾好味。麻醬豆腐入口好滑，麻醬味道都好香，

之前同同事一齊食飯，見呢間放題個名好似好勁好好食咁咪揀左呢間。一上到去，同事已經發現呢間係佢之前食食下野火燭果一間，咁無影響既，就入座食野啦。劃晒紙之後等差唔多15分鐘先上野，好記得第一樣上既係壽司，點解？因為佢舊飯好難食呀！舊飯係濕到一個點，一d粒粒分明既感覺都無，漿糊咁樣！d炸物，好似有一份係雞軟骨，又乾又硬，𠝹口既。炸蠔，我懷疑唔係炸，係用油泡出來，完全唔脆，個面係腍既。要講合格既食物，都有既，榴連炸彈同雪米糍囉。呢間野真係貼錢都唔會再上去食，blacklist！

今日同朋友行兆萬睇玩具，行完一輪在沒有收獲嘅心情下四圍望，見到餐廳嘅宣傳海報，就係咁就決定同朋友上去任飲任吃了，雖然附近都有超多選擇，但係因為個價錢同周圍差不多，所以便試試，如果好下次又多個地方選擇，就係咁所以上了去，一出升降機就見到個大大招牌，而下面就係自助雪糕吧，見到已經極其待，雖然地方唔算好大，但座位都闊落舒服，全部都係梳化位，當然要爭取時間，嘩入單紙嘅分類超多，由A 開始...到Q嘅選擇，真係太多了當然重點就係個刺身呢，有十幾款任點，朋友好似發了狂咁入，就係咁我們見到一份超級刺身在眼前，用樣樣齊去說明，証明了唔會因為因多人少，會就住上枱，朋友知道我愛吃刺身，所以特意為買不到玩具嘅我寫滿了！刺身新鮮，種類多，絕對有啱你嘅口味！當中最愛珍寶赤蝦刺身，夠晒大隻而且味道爽口鮮味！而壽司亦好多款選擇，因大家都吃得所以分量多了，個人較喜歡火灸系列，芝士醬大蝦經火灸後感覺更香，有入口充滿芝士嘅味道！又有手握壽司，啲蟹子差啲滿寫出來！而這裡有嘅日本水蟹粥，味道鮮甜，粥底夠綿而平時最愛嘅東陰功亦有，味道正宗，唯湯裡見不到什麼材料！重有比較特別嘅日式溫泉蛋，一口在口中流出蛋黃，正！喜歡吃炸物嘅朋友

今日難得放假同媽咪去旺角行街 諗住行一陣食嘢，食完嘢就去買太子花園街 ，(因為媽咪未去過花園街)完全唔使諗呀同媽咪梗係食放題啦，因為佢超鍾意食放題， 去openrice搵到兆萬上面有幾間，媽咪就揀咗一間叫極上帝王水產（應該係覺得佢個名好聽）岩啦天氣咁熱，都唔想食粉麵熱辣辣既野第一時間緊係攞野飲啦，出面熱到死，好口喝，呢到有sparkling water正丫，出面唔係間間會入呢隻架，岩哂我，唔想飲咁多甜野，又有汽解渴例牌又係落左刺身先啦，特別鐘意食珍寶赤蝦刺身，啖啖肉丫，同有頭甜蝦刺身，鮮甜花之戀都唔錯，花黑松露珍寶帶子壽司，陣陣黑松露香火灸壽司，樣樣都好好味，必食，火灸沙律燒三文魚腩壽司，入口即溶既感覺，仲有芝士醬大蝦，好重既芝士味，鐘意芝士既必定會鐘意，沙律燒松葉蟹棒壽司好好黃金燒日本廣島蠔，有芝士沙律醬，唔會好''溜''喎芝士龍蝦黃金沙津船，都唔錯，龍蝦爽口媽咪好鐘意食個榴槤炸彈，真係好香，比起出面其他店，佢真係用榴槤蓉做，榴槤味好濃，超正竟然有泰式小食點喎，哈哈叫左炸蝦餅，同海鮮春卷甲羅燒，呢個超好食，等蟹殼芝士溶左，撈埋啲蟹膏，蟹籽同青蔥，再撈好，超超超好味，第一次食，加埋壽司

係旺角要搵食日本放題，實在有太多間可以選擇，朋友介紹話呢間唔錯，所以黎試下，店員態度都好nice, 我冇book位，但都好努力幫忙安排座位，食放題必食當然係刺身啦，我叫左知咩都齊既，試下邊款最正先再encore,但我冇諗過竟然會有生蠔食，而且都好大隻下，好鮮味，好有口感，好正，海膽亦好新鮮，好似食緊牛油咁滑，超有滿足感，蝦亦叫不同款式，每款都有不同口感，同樣都你鮮味十足，我比較鍾情於玻璃蝦，三文魚係厚切架，質感口感同樣一流，而其他壽司亦相當不錯，同樣鮮味十足，另外甜品都有好多種類，亦好有特色。

行街無聊求其想食日本野，就搵咗兆萬嘅呢間放題，見到都幾抵食咁，就兩個人上咗去食，坐低見到食物嘅選擇都好多，都有成百幾款，無論刺身、壽司、燒物、熟食同甜品都好多。飲品亦都好多選擇。坐低佢亦都有啲一啲小食同醬汁擺低。三文魚刺身都幾新鮮肥美，甜蝦刺身都好食，仲有蟹棒唔錯。鰻魚壽司都好食。跟住叫咗海老天婦羅，同埋燒海老都好食，唔會太老跟住仲有個炒蝦都好食。牛舌亦都好識好Q彈，醃得好味。走嘅時候仲有雪糕俾你食，攞咗一支乳酪藍莓雪條都幾好食。不過如果想來食最好訂位，因為好多內地人一團團訂定位上嚟食。

平日同男朋友去食呢間新開左冇耐嘅放題刺身呢大多數都幾新鮮見到三文魚都肥瘦適中嘅大大份，夠厚身而且都好快第一轉壽司類唔錯推介呢一個燒三文魚壽司炸雞軟骨幾好食有少少辣辣地又唔會太油膩炸雞翼唔錯呀，炸雞翼榴槤炸彈等等都幾有水準同出邊差唔多佢哋炸榴槤可能冇落咁多色素，所以呢個樣唔算好金黃，但係味道都夠㗎而且入邊榴槤味夠曬牛舌細細塊唔會太易飽總括嚟講呢間選擇都幾多真心有好多好多唔同類型嘅嘢食價錢都算係中規中矩

第二次黎食，水準超高同價錢成正比明知係試作品，但第二次黎食都係要叫食，因為真係好高質炸食高質仲要有送😍😍😍😍😍😍😍😍😍😍😍😍😍炸尤魚份量ok，不過有d硬。整體比高分

成日都有人話兆萬係食垃圾，不過凡事都總有例外。呢間餐廳相信係我食過當中最為好服務，而且又新鮮，食物質素亦高的餐廳了。晚市時間已經全場爆滿了，而且已經有人係門口等位了。餐廳裝潢簡單，簡單的日本圖畫，簡單的旗、布。食物選擇非常多，日本菜固然種類多，就連西式、泰式都有，真係滿足晒不同口味嘅朋友。而且放題就係要選擇多！打頭陣就是刺身拼盤了。望到都知道三文魚有幾厚切啦，而且三文魚的數量都唔少喔，每塊都係三文魚腩，真係好正呀！拼盤除左有平時都見的甜蝦、帶子、生魚片外，仲有一板海膽，兩隻生蠔，虎蝦、赤蝦。而且份量都好足，三兩人食完呢盤都已經唔洗再叫第二輪啦！接住落嚟又點少我壽司呢？食壽司最怕就係多飯細刺身，但係呢度個飯糰唔大，反而刺身係完全包曬個飯的，絕對係真材實料呀！一口手卷係我每次放題都必食，感覺成個都充滿海膽是一件很幸福的事。相信而家的放題餐廳都已經唔會再整好大份的手卷了。而海膽手卷真係好多海膽嫁！係日本食過可樂餅念念不忘，嚟到見到竟然有，立即點一份先，果然同日本的味道一樣喔！表面脆脆的，內裡充滿餡料，正！最後當然要試下豚肉拉麵啦，湯底是微辣，而拉麵的軟硬適中，豚肉切成薄片不會太難咀嚼，細細碗

世界盃期間我接近每晚都出街食飯睇波，同朋友開心吹水，上星期喺兆萬等朋友嘅時候見到有間放題好抵食，即刻訂定位，今個星期去慶祝人哋生日。標榜有成200款食物，真係照顧晒每一個朋友唔同口味嘅胃，刺身、熟食、料理、拉麵、壽司、甜品樣樣都齊。我哋有五六個人，俾咗個U型 sofa 卡位我哋，可以一邊食一邊用自己手機睇波，久不久興奮大嗌兩聲都唔會嘈住人。未有嘢食之前去雪櫃拎野飲先，任飲來講飲品質素算係好高，竟然有日本有汽果汁酒，超級市場都要10幾蚊罐。我哋食放題第一件事就係食刺身紙，雖然我哋淨係叫咗一round，但係師傅真係冇托手踭，我哋寫10件真係出10件。有我最鍾意嘅甜蝦，同埋唔係每間放題都有嘅希靈魚。元貝新鮮又鮮甜，虎蝦同埋特大赤蝦都夠彈牙，仲有時令魚，真係驚喜十足。仲有只限點一次嘅蟹鍋，又有蔬菜又有蟹棒，飲兩啖湯到先甜過人。仲有跟人頭計份量嘅日本海膽，鮮甜冇腥味，分量雖然少，少食多滋味。同埋估唔到東風螺都煮得咁香辣好味，咖喱魷魚好有掃街風味。免費任食嘅雪糕係大阪牌子？食落感覺好似gelato,我都食咗兩杯，都真係唔錯！至於大過我塊面嘅益力多冰，就係限量嘅，屬於特選雪糕，我見7-11要買＄20

本身book 左8樓既神戶屋日韓放題，早左到話要等幾張台，轉頭就叫我地可以上九樓呢度食，野食一樣，位都闊啲，因為都肚餓所以就即刻上左去食本身見到環境都ok，野食真係可一不可再😑甜品冇野揀，得啲迷你杯甜品cream 同啫喱（好難食），仲有雪米糍仔，馬卡龍仲要加錢，香港放題真係第一次見🤨芝麻雞翼簡直不堪，得刺身叫做還可以。。。都仲有牛油粟米ok ge😂平時放題都會送雪糕，呢間話有訂位先有不過竟然冇movenpick同哈根大師，最後食左條鳳仙，好彩都啱我口味。。。不過呢個價錢食真係唔值，有大把好過呢間🙄平時都唔會專登係到寫食評，因為今次真係好失望😑

又去咗旺角食日式放題喇～今次約咗朋友仔一齊去呢間極上帝王水產補慶祝番大家嘅生日...睇吓同之前食過嘅放題有冇分別先環境都ok, 多以卡位為主。點餐紙分A、B、C、D....好多張，種類都幾多！開頭會先來default咗有嘅自選幾樣嘢，有水蟹粥，海膽或生蠔。另外第一輪又點少得刺身呢～三文魚、北寄貝、甜蝦、帶子、八爪魚質素都合格嘅！另外有手卷，仲有海膽揀添～呢樣較驚喜，因唔咪間間放題都有海膽食架！呢度嘅壽司款比較多喎！賣相都唔錯，但三文魚子杯原來係三文魚蟹籽杯來的～@@熱食類叫咗羊架、燒鯖魚、焗蠔焗蝦都幾好味～而塊牛舌就同平時食嗰啲燒烤牛舌口感好似唔多同...放題啲炸物我都覺得水準唔差喎，尤其啲炸芋丸炸榴槤都好香口。炸天婦羅都好夠脆！再食番啲沙律清清地中和吓冇咁熱氣吧。另外有我至愛的溫泉蛋，yummy~飲品種類都唔少，拎韓式飲品感覺上特別啲同抵啲，哈！XD甜品細細杯幾好，可以試哂唔同款，不過我太飽食唔落了～.～朋友比我仲細食，好在呢間每位價錢都可接受啫^^*

唔知點解一有時間就想去食或者自己胃口大食掛，所以鍾意去D任飲任食嘅地方嘆一嘆，可以食到不同款式食物又多嘢飲無拘無束享受，又其韓式同日式放題簡直係至愛，都係食肉不過係唔同肉食落各自各精彩，啱啱早幾日又去咗食放題，約埋一班人食咁先可以食到不同嘢食，就去咗呢間日式放題開餐一來到先點左刺身先，再睇下有乜好嘢食，原來食物款式都有好多種類，淨係壽司口味已經有咁多款式，再加埋他款式真係睇到眼花，唯有樣樣叫D來食，不過都要食咗刺身我個人比較鍾意食三文魚，所以淨係食佢已經足夠，入口肉質嫩滑又肥美啖啖肉，一陣間就食晒即刻order過再繼續品嚐咁先滿足輪到壽司仲有我一定必食嘅鰻魚壽司真開心，再飲番啖汽水繼續作戰，其後又食咗不同特色小食，食落又估唔到咁好味所以冇揀錯來呢度食飯，睇見大家食得相當滿足，眨吓眼又到尾聲又係時候出去攞甜品食埋佢先至最Perfect享受一餐日式放題。

一聽到話食放題個人即刻開心死，諗起裏面有把嘢食包你食得滿足之餘，都係俾一個價錢已經可以慢慢享受真開心，其實而家日式放題已加多咗不同特色美食，有時去到先知道係呢度都有得食真係有驚喜，就今次咁行開兆萬買嘢順便係附近食埋飯，點知又俾我見到呢度都有放題食夠方便即刻唔諗就上去開餐睇吓有冇驚喜，我地一坐低好自然叫咗個刺身拼盤食住先咁先似食放題，而且刺身款式有16款真係比其他放題店仲多啱晒我地口味，出去攞埋嘢飲就準備食剌身，眨下眼已見刺身出場一睇已知份量十足又可以食到各種刺身就咁食佢已值回票價，刺身當中有晒我最喜歡嘅珍寶赤蝦，甜蝦，虎蝦同北海道帶子，估唔到有齊晒可以瘋狂一輪再encall 夠晒滿足，食完刺身仲有大把美食等住來輪到有火炙壽司同壽司一齊來，眼見有咁款式真係唔知食邊樣是好，唯一辦法食多幾件由其火炙壽司食落超水準正，講明係食放題又點會少得炸物同爐端燒我都唔執輸食件香草燒羊架入口肉質香嫩多汁，再食炸物咬落外脆又內軟食得夠滋味，不知不覺已品嚐到各款美食最後唔少得食埋甜品咁先至係完美嘅日式放題。

話説最近聽我個friend 話旺角兆萬中心個到開左好多新野食 咁我地就去睇下啦 揀揀下我地就入左間食放題嘅 個名幾型架 叫做帝王水產其實點解我地入去呢 係因為佢真係好多野食揀 睇下佢啲落單紙由A 去到R 就知佢有幾誇張 花多眼亂！我地一入到去坐底啲職員即刻送上左小食同埋做緊promotion 嘅清單 我地就要左個松葉蟹火鍋 雖然佢份量唔多 個勝在個湯清甜 裏面有小蟹柳同幫你剝埋殼嘅蟹鉗 唔錯！至於壽司方面 每樣都色香味俱全 賣相吸引 而且味道幾好 個人特別推介佢嘅鰻魚壽司 火炙三文魚同埋花之戀 值得一提嘅係佢鰻魚壽司啲紫菜仲係脆身一咬即爛 個鰻魚汁唔會蓋過鰻魚嘅味道 而佢啲卷物都好食 佢足料得黎又大舊～佢啲熟食都唔差架！佢嘅芝麻雞翼同炸蠔一上黎就熱辣辣，咬落去啲油要小心唔好燙到個咀，蠔都唔算細隻，起碼咬落去唔係成咀都係粉，算幾真材實料！不過成間店最正嘅都係刺身 食落估唔到佢都幾新鮮冇咩雪味 最有驚喜嘅係希靈魚 好味得黎冇腥味 正正子👍🏻講完食物講服務啦 侍應服務非常好 親切 唔使舉手都有人收野同收單 快手快腳 最後我地出左去門口食左個阿華田雪米糍作結尾 happy dinner！