極上帝王水產

營業中

休息中

同朋友出開旺角又諗唔到食咩，放題係一個最唔洗煩嘅選擇😉 ⠀午市時段 HKD 189⠀▫️刺身選擇都幾多，蝦已經有4款🦐，當中推介：甜蝦 赤蝦 鮑魚片 榮螺片🐚，而其他刺身比較下就唔夠鮮甜啦🙈⠀▫️入座送咗一份雪場松葉蟹火鍋🍲比我地，不過湯底味道較為普通，蟹肉無咩味⠀▫️鹽燒活海蝦🦐蝦肉彈牙又鮮甜👍🏻，我地encore多幾隻😋⠀▫️避風塘香辣炒大蝦又估唔到夠惹味喎😋，蝦大隻彈牙，無雪味⠀▫️西式白汁藍青口🐚青口煮得太熟同無味⠀▫️鹽燒鯖魚🐟較為普通 魚唔夠香⠀▫️炸物當中芝麻雞翼最好食⠀▫️麻辣煮花螺🐚佢隻麻辣味有啲假😅，不推薦食⠀▫️天婦羅🍤味道係正常既，但比較細件同埋唔夠熱辣辣喔⠀▫️飲品⠀▫️Menu (無影哂)

突然好想瘋狂食壽司，所以黎到好多放題食既兆萬，揀左呢間之前好似無見過既放題餐廳試下🤩坐低後發現選擇比預期仲要多好多😳 menu由A到R既款式包括築地刺身直送、職人手握壽司、特色火炙壽司、名貴黑松靈壽司、手握壽司、即席手卷軍艦、創意，帝王卷物、日式 前菜 沙律、即炸天婦羅、和風小食、佐酒名物料理、唐揚之炸物、星空炸物、帝王和風料理、星級熟食、特色泰國菜&西式系列PP就首先食左泰式豬頸肉，比預期中辣，味道都唔錯之後呢碟日本紫薯餅，炸得幾好，仲有啲紫薯粒tim，紫薯迷不容錯過日本芝士年糕，外脆內煙韌，仲有唔少芝士無得輸！日式溫泉蛋，同芝麻醬好match，一啖食曬，勁流心，一個字:正迷你一口海膽手卷，細細一個，食完唔會飽到食唔落其他，海膽都新鮮火炙岩鹽燒三文魚腩壽司&火炙沙律燒三文魚腩壽司都燒得好正，岩曬唔係好想食生野但又好想食三文魚既我雞肉串，好夠汁，惹味喔話明水產又點會好似平時啲放題咁淨係得刺身呀，仲有大蝦同芝士焗蠔，真係停不了最後就當然係以甜品就完美句點

有冇人同我一樣✋🏼對三文魚總係朝思暮想😚今次約埋班朋友一齊食個放題😆💕🎌呢間店在兆萬，幾有日式居酒屋感覺🇯🇵全場滿座，不過座位有點點兒窄呢幸好服務態度很好😆有時催單會幫忙即時跟進每次最期待的環節刺身類：🦐有頭甜蝦比三文魚有驚喜✋🏼非常之新鮮，三文魚同帶子未夠肥美其他刺身略嫌有點雪藏味😉✨壽司類：強烈推薦大家食火炙類系列😍入口即融的感覺太棒了😆當然唔少得黑松露珍寶帶子壽司😍✨✨炸物類：🤣係出面少見的紫薯餅還不錯的，口感香脆😋另外我超期待的炸鮮奶🍼丫個皮實在太厚啦😢😢 唔太推薦-✨小食類：燒菠蘿🍍好甜好正燒雞翼普通🍗 推薦芝麻炸雞翼 (掛住食唔記得影)芝士燒蠔/牛舌👍🏻 泰式生蝦杯😋-不過要大大力推介佢地個本地製手工雪糕豆腐味係好味到食左兩杯仲有多款韓式雪條！芝士蛋糕味好正

又來到兆萬試下一間新嘅放題😛有好多唔同種類嘅選擇 👏🏻一開波當然要order一輪刺身先啦！刺身質素一般 最好食係有頭甜蝦 蝦味都好濃嘅👍🏻赤貝都有佢天然嘅咸香 😉相反三文魚就無咩味 有點失望😟之後都叫左不同款式嘅壽司壽司唔算大夠 一啖一口💓火炙三文魚壽司又岀奇好食喎可能用火槍燒過 逼返啲魚香岀來我同朋友仔都encore左幾次💓蟹棒壽司雖然普通 但呢到嘅蟹棒大大條 口感不錯呢💓仲有黑松露系列 黑松露醬都算多 濃味👍🏻熟食方面最愛牛舌 同黃金燒蠔基本上去親邊一間放題都會嗌💓呢到牛舌都幾厚 可以的💓黃金燒蠔嘅醬汁好正 燒蠔又唔算細隻👍🏻💓仲有泰式生蝦(掛住食無影相😂) 生蝦汁夠唒辣🌶💓燒菠蘿🍍燒過特別香甜 呢到仲有冰鎮菠蘿架任君選擇🙈呢個每人只限一條 係韓國嘅雪條芝士味雪條 咸咸地 nice這個任食的 聽講係香港品牌豆腐味好濃 雪糕都好滑食返個豆腐雪糕 清一清喉嚨👍🏻呢到服務好好 有咩甩漏都即刻跟進見到店主好有心 問返我地意見希望之後可以做得更加好‼️💓

最近我同我個friend 係旺角行街 (平時我地都只會食朗豪坊food court 今日我地行行下發現左原來有好多野食 特別係兆萬中心！ 今日我地就試左間日本放題 叫做 極上帝王水產 個名幾有霸氣一入到去環境都唔錯 個天花掛左好多旗仔幾有日本feel 食放題喎 緊係要睇下有咩食啦 正常日本放題有嘅野例如 刺身 壽司 炸物 小食 天婦羅 都有 但係最令人意外嘅係佢依到唔知得日本野 西式食物如卡邦尼意粉 泰式食物如生菜包都有 真係好多選擇 值得一讚 好似話六月會再轉menu 會有更多食物提供比我地 真係要試下而依間餐廳食物質素都唔差架佢啲刺身新鮮 唔會只係一陣雪味 個人認為有頭甜蝦比冇頭甜蝦甜同有蝦味 特別推介 而壽司方面呢 佢啲壽司都幾大舊 而且都好足料（特別係卷物同手卷) 熟食方面 我就推介 紫薯球 因為唔會太多粉 而且好有紫薯嘅味道 芝士年糕都唔錯 裏面有好多芝士 不過牛舌甜甜地 但有少少過咸 可以改善 不過個生菜包值得一讚 佢個肉碎有泰色辣味 酸酸地但唔會太辣 而且生菜爽口 唔錯!野飲方面都幾多選擇 佢有lime flavour 嘅sparkling water 係無糖 岩哂我呢啲

上星期同朋友喺旺角行完街，突然間好想食海膽，佢就提議食呢間嘅放題，話呢間啲海膽好新鮮，上到去食咗一大盤刺身後，我就點左一板我最愛嘅海膽，海膽係要另外加錢嘅，對比返海膽嘅質素，真係一啲都唔貴好抵食！加埋紫菜食重正，我最後再加多左兩板，兩個人食三板都唔過份吖！食完海膽到壽司🍣，叫咗吞拿魚同油甘魚壽司，味道唔錯！細細件可以食多幾件！食放題都唔少得燒羊扒，羊扒燒到七成熟剛剛好，好嫰！到邪惡嘅炸野，炸魷魚、炸魚、炸蠔，粉漿唔厚而鬆脆，啖啖肉！在帶咗個韓式牛肉煲，湯好清甜加上白菜同粉絲送飯一流，辣酒煮田螺，田螺肉好大粒，辣汁夠野味！朋友最鍾意呢個白汁煮蜆，蜆肉鮮甜加上香濃白汁忌廉味！甜品方便揀左movenpick 雪糕，我同我個朋友食到捧住個肚咁走，我哋約定下個月約班朋友再食過，多啲人可以點多啲嘢食，試多啲其他種類嘅食物！

今日同家姐去旺角行街兼食呢間極上帝王水產放題，六點幾入座都已經開始多人喇！證明人氣都幾高，要食就要早d去排隊喇！入到去侍應會即刻介紹優惠，有咩問題都可以問佢地既，就算幾忙佢地都好樂意解答你既問題！今日等我食到盡頭介紹放題必食啦！前菜：有個芝麻醬豆腐（encall），溫泉蛋沙律！刺身：生蠔，帶子，甜蝦，虎蝦仲有螺！（完全無腥味，仲有夠曬新鮮），各種特色的壽司（包你有驚喜）炸物：私心推介既南瓜仲有露荀bb，一口薯都好正！即炸無難道呀！！熟食:一口牛(encall)，麻辣螺，蟹粥，牛油炒磨菇，燒雞脾菇，燒海蝦用有良心既價錢食到有質素既放題，好難得！講完都眼濕濕，因為真係唔貴！好味到眼濕濕放題：極上帝王水產

五一黃金周幾個深圳嘅親戚黎左香港玩，行完旺角，佢哋話想試吓香港嘅放題，我就帶佢去咗兆萬樓上嘅呢間極尚帝王水產食放題。食物種類好多，主要食日本菜，仲有中式、泰式同西式食物！放題當然整返盤刺生先，生蝦、甜蝦、希靈魚、帶子，我哋仲另外加左一板海膽，所有刺身都勁新鮮，好鮮甜！海膽原舊，唔會散，濃郁海膽味，正！我最鍾意食牛舌， 呢間既黑椒牛舌厚薄剛好，調味十分到位！燒豬軟骨脆得黎啖啖肉。鐵板薯仔牛肉粒，牛肉粒夠juicy，連配角薯仔都好甜好粉。輪到炸物類，大蝦天婦羅粉漿脆得來夠薄身，原隻蝦都好大隻，炸魷魚彈牙，炸魚外皮酥脆好食，里面保留肉汁！任飲飲品都好多選擇，主要係香港同韓國嘅飲品，而甜品就係一口慕絲蛋糕同啫哩，放喺甜品櫃自取，味道唔錯，但建議可以有更多選擇！我班親戚好滿意，話下次黎都要再食！總括來講，服務好食物水準高嘅餐廳，一定會再食過！

食放題最緊要係咩？就係要瘋狂睇哂A-Z menu有咩啱食，然後叫到成枱都係野，食到個個捧住個肚行唔郁為止😂 今晚黎極上帝王水產，可以話滿足有突！ 同其他放題一樣，呢度有勁多張唔同顏色既menu。特別之處係佢地做埋少量泰式同西式熟食，例如燒豬頸肉、carbonara等，好好好好多選擇。一開始梗係黎一大盤刺身影相先啦😂 賣相唔錯，刺身亦大致新鮮，最推介係甜蝦刺身，真心好新鮮好好味，忍唔住encore左幾次！再黎一大堆壽司。想講佢地啲火炙三文魚，特別係有沙律醬嗰款真係超·級·好·食！我一個人都食左8件😂😂 另外個花之戀同軟殼蟹手卷都唔錯，下次黎都會再叫。熟食方面，我地4個叫左一大堆炸物同燒物。燒雞翼幾好食，如搽埋蜜糖喺面燒會更好😋佢地仲有較少見於放題既炸鮮奶，味道唔錯唔會過甜，係略嫌餡太少。最後，我不得不提佢地既甜品。佢地個雪糕櫃係近年我喺放題餐廳見過最正既一個！本來預計都係得最常見嗰啲平價品牌，但佢地居然入口同本地製造既特別雪糕雪條都有！我超中意呢條cheesecake味雪條，好似超市都賣緊$2x! 仲有最尾張圖嗰款大阪雪糕，個豆腐同薄荷味又特別又好食，真心食到好滿足！總括而言，呢間放題性

同朋友喺旺角行完街…..諗唔到食咩，岩見到有人派傳單有間新開嘅放題幾底就想去試吓啦！！入到鋪頭環境都闊落，有啲日本feel而且都多人食放題就一定會帶刺身啦⋯⋯挪威三文魚、象拔蚌、北海道帶子、甜蝦樣樣都好，而且口感都唔錯！由於本人鍾意食熟悉多啲所以主要都叫熟食為主🤣🤣芝士焗蠔勁多芝士👍牛舌又大大嚿又淋又入味！清酒煮蜆啊、辣味螺樣樣都好入味又好食。壽司種類繁多而且仲有黑松露壽司🍣特色火炙壽司丶即席手卷軍艦…真係多不勝數。而且壽司嘅材料都好新鮮味道非常之好食品質素都挺高炸物方面：炸物炸得香脆，而且送到上枱仲係好熱辣辣架所以好香口 羊架一啲都唔“So”又林又入味加埋薄荷醬好清新！！必點係芝麻雞翼好正炸粉吾厚。又有少少辣味。又香脆，encore左幾次最後點少得甜品👅香蕉味嘅雪條好正同韓國嗰個香蕉奶味係一模一樣㗎！！中意香蕉奶的朋友仔吾好錯過丫**店舖職員送餐快速而且都好少留單的情況出現，不時有職員問是否送齊東西感覺很貼心**

食放題ㄧ般都是刺身拼盤一捧出來十分震撼，而這裡的是意想不到的大，與一般的放題店不一樣，簡直是帝王式的享受。在食物方面，生蠔是最好吃的，size絕不小，味道鮮甜，更有檸檬提供，令鮮味增加，連不常吃生蠔的朋友都覺得容易入口！這一定能滿足到生蠔愛好者，十分推介！海鮮種類也很多，味道絕不遜色。特別喜歡溫泉蛋沙拉。作為飯後甜點也是不錯的選擇，沙拉酱份量非常足夠，配菜也很新鮮，溫泉蛋也做到流心的效果，值得多叫幾份！(我已經吃了幾份。咪執輸😂😂)壽司種類很多樣，特別推介的是芝士煙三文魚和芝士鏝魚壽司，💃煙三文魚的味道十分香口，能吃到燒烤後的味道，芝士不多不少，吃完不會覺得膩，對於芝士愛好者的我，真是十分滿足！每次吃了放題都捧着大肚腩走

繁囂的鬧市，寧靜的美食大家覺唔覺得如果一間餐廳，可以任飲任食加上寧靜既環境會係一件難能可貴既事？ 我就剛剛比我遇到咁難得既機會啦。 位於旺角既繁華鬧市中的<極上帝王水產>，係兆萬9樓，行完街去食非常方便。上到去唔會有人大叫口號，取而代之既係有禮既態度，細心既講解，真係堅加分，因為本人真係覺得一日係咁叫日語口號真係好無聊，所以<極上帝王水產>真係比到我一份與眾不同既感覺。去到飲品櫃就見到我最愛，碧泉密桃茶。正野食方面真係幾好，刺身好新鮮，份量唔慳家，雞翼好香脆，生蠔好鮮甜，牛舌好入味，羊架調味好。基本上野食方面就係好，而且上菜快，唯一美中不足既係甜品比較少d，但我唔係甜品控，所以對我影響不大。雖然我鐘意食刺身，不過今次就推薦兩個熱鍋 - 雪場松葉蟹同日式和牛壽喜燒鍋，兩個雖然都係細細個， 不過材料多味道鮮，如果唔係要食其他野一定叫多一轉有機會都會再去試下，感受下寧靜既放題。

臨收工前一個鐘收到朋友問旺角日本放題去唔去。本身對魚生加旺角區一般般，不過見朋友噅到代甩底友食蹬腳飯，就幫下口啦。踏入餐廳見萬國旗式裝飾充滿日式放題感，當然食物先係正題，所以全檯人一座底就努力研究多張入菜紙，並即時填、填、填。雖然自己唔多食生嘢，但日式放題又點可以唔食刺身、壽司呢？輕嚐幾塊三文魚、北極貝、 象拔蚌、希靈魚全部無因為放題就將貨就價，交足貨鮮味十足。雖然自己無食到帶子、生蠔但係同檯朋友都話唔錯。壽司除魚味鮮亦應記壽司師父一功，魚肉與飯緊緻度剛剛好無揸流灘。偏好熟食，自然食多幾碟； 雞翼、豬柳、牛仔骨味味都交足水準。天婦羅香口好味，最正羊扒食幾塊感覺賺晒。估唔到今次蹬腳有口福食到好味底食嘅放題，$200晚飯時段明顯底過晒啲自助餐啦，仲包羅萬有生熟都好味。

店內的食物餐紙由A去到M。基本的壽司刺身手卷天婦羅樣樣齊，更有西式食物供應，食物的選擇多不勝數，而我最愛吃店裏的芝麻醬凍豆腐，豆腐香滑，芝麻醬的份量剛剛好，我們一次過吃了5碗！另外，溫泉蛋沙律亦值得推介，蛋黃從蛋白湧出來，攪拌了生菜及蕃茄後即可食，一碗份量有一隻溫泉蛋，個人認為可以再生一點，喜歡蛋黃滑溜溜的感覺。或者再來ㄧ碗烏冬加在ㄧ起吃,很match😄😄還有，只限order一次的鍋有兩款，有一款叫松葉蟹棒蟹肉鍋亦值得一試，蟹棒很札實的感覺、湯底真的很鮮甜，吃到底後會全喝光光的，蟹肉份量適中，但足夠每人都可以嘗試到一點點，還要留位置給其他食物呢！另一個鍋叫壽喜燒肥牛鍋，足料湯底偏甜，喜歡吃甜的人可試試看！ㄧ大班朋友聚會必選

店舖不算大，枱與枱之間排放得有點擠迫。裝橫具居酒屋一樣，充滿日風！食物種類多，有18張點餐紙，除基本刺身壽司之外，西式意粉餐湯同泰國特色菜都有！訂座的話會有多一張點餐紙，可以揀生蠔或海膽。仲有一張入座即送： 鱈場松葉蟹火鍋 / 日式和牛壽喜燒鍋。刺身食物質素：厚切三文魚，北寄貝有驚喜，送嘅海膽尚算鮮甜味及有海水味。壽司有部分特別款，例如黑松露、火炙、海膽，仲有小杯呑拿魚蓉，都各有驚喜。全細細件，小食多滋味卷壽司，尤其是有牛油果那款壽司反卷，是我最喜歡的壽司反卷之一。牛油果本身的甜味，把牛油果加進反卷裡面後，壽司反卷味道也因此變得很甜。炸雞亦：雞亦炸得金黃色，內肉質嫩滑，日式炸鮮奶；外皮不厚，內好香奶味炸榴槤：外香脆，內香滑，喜歡榴槤者必叫！炒蝦：惹味，蝦好新鮮。菠蘿好甜，多汁！炒雜菇：好白牛油味，好爽口！蕃茄沙拉：清新，加胡麻醬，好香滑。牛厚切牛舌，爽口！ 鯖魚有驚喜，再叫一碟蟹湯：少咸，有蟹腳幾件，比預期中足料最後記得記得食埋雪糕先走，仲有多韓式雪糕、雪條