極上帝王水產

營業中

休息中

旺角這座大廈真的有太多太多的放題了，要吸引食客，真的要不斷推出各種主題和優惠。這家只要提前訂座就有優惠送，所以記得提早訂座。今次我就食了炭燒A5和牛，牛味超香濃，入口即化，不過份量不多，食完仲很想再吃呀!!不過放題怎可把食量都浪費在同一種食物上?一定要分散投資，多試幾款!!刺身方面，最喜歡帆立貝，好甜!!還有赤貝刺身，夠爽!!壽司同樣出色!!飯細細件，不會太飽，可以多款幾款。燒羊架好好味道，一點點的羊騷味，好吸引!!另外燒鰻魚同樣是我最愛，一口一件!!辣煮花螺，口感剛好!!易咬!!而且這個辣度讚!!我自己都能吃下一整份~~避風塘炒蝦，很有風味，可惜每份只有幾隻~想食唯有再點。飲品方面真的很多~~眼見雪櫃中更有甜品蛋糕，不過怕吃這個會太飽~沒有吃到。另外，雪糕種類都很多，有很多款我都很喜歡!!

今日我friend介紹我黎到極上食，話幾好味 ，咪過來試一試及又可以同朋友開心食放題😃入到去環境唔錯，職員都好熱情介紹有咩特別推介。我地第一樣食嘅就當然係刺身啦。呢次嘅刺身好新鮮夠曬凍。三文魚好肥美，帶子又大粒又多冰凍💓 最值得讚嘅就係佢嘅蝦，又大隻又厚肉，好有口感。 刺身最緊要係上得快 呢點佢就做得超級好！壽司方面叫咗火炙三文魚，呢個真係入即溶 好好食呀😆😆😆 我地仲叫咗花之戀、海膽手卷、黑松露嘅三文魚。味道唔錯，我亦覺得上碟用樓梯盤真係好靚呀🤩另外想介紹嘅就係佢嘅壽喜鍋，裏面好多牛肉，加上有我至愛嘅生菜、菇同生蛋 真係perfect !!! 炸物也不錯呀炸雞翼，我最鐘意食呀甜品方面，有個朱古力tart佢個皮超好食，加埋朱古力雪到硬硬地，口感一流呀！佢仲有個法國國旗🇫🇷加埋做裝飾，完全適合打卡✌🏻💓

一早買左飛去睇Tim Cruise，睇戲之前我地約埋朋友仔一齊去食放題，睇Openrice餐廳有215個like，唔使諗即刻去！我地12:30上到去，第一眼就望到兩個雪糕櫃，正！先叫左d刺身先，三文魚厚身，呢個連皮既，皮好滑播！象拔蚌同榮螺片刺身都好爽口，質地又滑。北海道帶子刺身白雪雪，質地好軟熟柔滑，晶瑩剔透，蟹棒唔同一般超級市場買到嗰叫d，呢d比較滑d。壽司我地叫左好多，黎到都嚇一嚇，全部都係手握壽司，三文魚壽司既三文魚比較薄，更加容易食到醋飯香味，吞拿魚色澤一般，但係味道不錯，有魚油味。有黑松露壽司喎，我地每款都有叫，黑松露雖然只有少少，但係已經有豐富既黑松露香味，珍寶帶子壽司既帶子較為厚身，味道好香滑，油甘魚壽司一入口時帶點澀味，但係細味之下魚油味就散出黎，煙三文魚是煙薰過的，算是半全熟的三文魚，熟的三文魚有時會有點鞋口，但呢個半生熟仲係好滑，入口融化，比起上黎我比較中意煙三文魚呢！之後就試下熟食，熟食種類都好多，有泰式、西式、日式。我地見到有燒廣島蠔，估唔到Lunch Time都可以食到蠔，黎到有d驚訝，因為原來係無殻的，只有蠔肉，不過都好唔使拆肉都幾方便，廣島蠔係連埋芝士一

出單時間太慢，唔知係咪人手唔夠嘅關係， 啲嘢食除咗頭單之外差唔多都係凍嘅 地方太細 啲嘢食完要樓面執完先有位 再order其他食物 . 去到last order 會問你有冇漏單 有咩未落 , 好誠實同佢講好多嘢都漏單

為食怪癮又起，於是去了食放題。隨意選了位於兆萬9樓的這一間放題，本身都怕是一個伏，畢竟，兆萬早年以伏食出名呢😂與友人本來在open rice預約了座位，不過遲了就變成walk in了。由於也只是5時許，立刻就有座位了。一開始店員叫我們先點魚生類，會快一點來，第一碟來的魚生卻沒甚麼驚喜，三文魚，稍薄，劃了帶子也不見了。反而熟食有點驚喜，特別推薦燒菠蘿，竟然有焦糖在上。不過後期來的沒有那麼好吃。雖然有店員主動問是否有遺漏點單，但魚生數量的確常比點單少。甜點方面，雪條雪糕沒甚麼驚喜，選了不太美味的蜜瓜雪條整體算是平平淡淡的一餐。

這家絕對推薦訂座!!一來人真的超多，就是訂座了，眼見平均等候時間都要45分鐘才能入座!!二來訂座優惠太多，因為優惠不斷更新，所以不多說，建議訂座時查詢清楚。店內座位很多，點菜時最好注意別一次過點太多，怕沒位置放~食放題最重要當然就是刺身，不得不說，我覺得這裡的刺身新鮮度不錯，沒有雪藏味道。不過種類比較少一點，就蝦比較多款式，建議點選泰式虎蝦，配上每枱附上的助料中的泰式辣醬，超級配，味道一流。另外，附上的小食超好味道，酸蘿蔔和中華沙律好好味道!!刺身之後推薦必點的是蟹的料理，麵豉湯鹹味適中，而且真的有蟹。還有蟹粥同樣令人驚喜，超多份量的蟹，配上雜菜的粥，甜甜的，吃著感覺溫暖!放題少有的泰式食品同樣推薦，冬陰公湯內的芽菜已經吸收好了湯的精華所在，酸辣之中帶著香芧蒜香，好喝!!最後來一個冰棒作總結，開心。

食放題最好就係午餐時候，價值相宜而且有足夠時間消化！今次試下呢間極上帝王水產，因為訂座有野送！可選海膽、生蠔或雪糕！食放題仲有得食movenpick 雪糕😍😍放題重點一定是食刺身！呢度刺身都有好多選擇，比較冷門的赤貝、帶子、象拔蚌都有！個人最欣賞佢既八瓜魚刺身！平時都係食熟八爪魚，今次食刺身係爽滑鮮甜！另外帶頭甜蝦都好好食！夠大隻，夠新鮮！encore幾輪都唔夠！另外熟食都唔差，最最最喜歡係蒜蓉炒什菌，超濃郁蒜味，加入牛油炒熟，食後真正的齒頰留香！牛舌亦非常美味，夠稔滑！羊架煎得恰到好處，內軟外香，推薦！仲有一款熟食推得推介！就係避風塘炒蝦，非常足料，有蝦仁同原隻蝦，蝦肉新鮮有彈性，避風塘口味夠香口！辣味適中，鐘意食蝦可以一試！飲品櫃都有好多飲品，應有盡有，連最新既可口可樂plus都有！緊貼潮流👍🏼👍🏼整體覺得呢間放題質數唔錯，可以推薦比朋友一試！

兆萬一向都係食放題嘅勝地，喺樓下揀下食邊間見到呢個好似應該唔係開咗好耐嘅放題餐廳，擊傷帝王水產，個名聽落去好似好勁就試吓佢啦🤣一上到去見到都有見好多人喺度等位，不過服務生都安排得好快就有枱了放題只亦都有唔少張，都係以填紙仔型式落單嘢食就係上面嘅呢啲，嘢食選擇種類都幾多，有日式泰式甚至係西式另外呢兩張就係入座嘅時候比嘅，就係一人點一個/一枱點一個既(只可以點一次)出邊嘅嘢飲選擇都幾多，而令我驚喜嘅竟然有呢個日本果酒(仲有其他口味)白桃味好香，酒味唔算好重哈哈大家關心嘅刺身來了新鮮程度算係中上，尤其推介三文魚同甜蝦，另外蛋都唔錯呢度嘅牛肉壽喜燒，甜豉油湯底比較濃郁，肥牛份量幾多，鍾意食佢啲菜吸收左湯底嘅精華甜甜地又爽口加州卷就正常水平，另外呢個和牛卷都幾得意，幾香口仲要推介炸鮮奶真係好好味！出面炸到金黃色，有啲煉奶，外脆內軟得來裏面既鮮奶好香滑另外，香芋丸亦都唔錯點咗好多唔同嘅嘢食，最後仲食埋H牌嘅雪糕做結尾，一個大滿足嘅放題體驗

旺角日式放題餐廳愈開愈多，質素就真係食過先知😌今次就同朋友來到兆萬中心9樓既［極上帝王水產］食飯😎睇到升級版有生蠔、甲羅燒都只係加$50當然毫不猶豫就決定升級啦餐廳室內掛滿色彩繽紛的旗幟，感覺有點日式居酒屋的窩心坐位方面就有點逼，建議早點來睇下有冇卡位～食物款式好多，花多眼亂，我地都好認真咁睇哂有咩食😂😂 我地一來就點了好多刺身，自製了一個豐富刺身盛😬😬幸好餐廳沒有自行減單，足料比哂我地，抵讚海膽份量有半板，係估唔到質素有驚喜啵色澤靚味道鮮甜生蠔有手掌咁大隻，又夠肥美其他刺身有三文魚、帶子、希靈魚、大蝦、生蝦等，款式都好多火灸三文魚腩必食之一，最愛就係入口即溶既感覺，滑不溜口黑松露帶子、油甘魚壽司其實都食到有點飽，不過黑松露壽司點都要食既 如果可以再多點份量就好喇😌甲羅燒 好彩店員會主動幫手燒，因為我地都怕自己整會整親🙈🙈 我地見到個大大蟹蓋係爐上面，已經好興奮～哈哈 燒熱之後，將蟹籽、蟹膏、煙肉碎等材料再拌勻就食得啦👏🏻👏🏻 蟹膏份量好多丫 味道就會有少少咸，所以係配埋飯團食就最好～泰式豬頸肉岩哂愛食泰菜既朋友，醬汁好入味，仲有少少辣牛肉烏冬我地掛住食，都冇影到其他食物😅😅飲品櫃 係

又黎食放題 我已經第二次食啦這間主打海鮮放題，一進餐廳，環境寬闊，座位舒適，而且冷氣設備十足，店員帶位非常有禮貌亦細心問候冷氣會不會過凍，好細心。第一時間坐下就開始填點餐紙，食物種類選擇夠多，有十五張不同的款式的餐紙供顧客選擇 ，刺身，沙律，壽司，天婦羅，燒物，卷物, 鐵板燒樣樣俱全…首先點了一盤刺身, 款式夠多, 大路如三文魚, 帶子, 甜蝦, 吞拿魚, 海膽都會提供。驚喜的是, 以這個價位的放題連象拔蚌也可以找到, 實在抵食! 擺盤吸引, 令人垂涎欲滴。三文魚刺身，塊塊都厚切，食落真係好爽口鮮甜, 唔會仲係冰感, 而且完全沒有腥味.點了一個海鮮鍋，海鮮鍋入面有蔬菜、豆腐、蟹肉、魚、冬菇。海鮮鍋湯底味道很濃，很鮮甜，特別開胃。 令人喜出望外的是焗牛舌, 蒜蓉濃郁, 爽口有嚼強卻不韌 。值得一提的是，作為一個不想拆蟹又愛吃蟹的懶人，燒蟹蓋絕對是一個好好既選擇。全個蟹蓋都是釀滿蟹肉，啖啖鮮甜蟹肉，配以芝士香味，香滑忌廉和牛油焗煮再連飯一齊食不會喧賓奪主。整個環境佈置充滿日式氣氛，餐廳面積雖然不是太大，但麻雀雖少，五臟俱存。 所有汽水、雪糕、甜品均自助形式，極為豐富，烏龍茶，韓式啤酒以

餐廳內插上各種日式旗幟，好有日本節慶氣氛。放題選擇甚多，由A到R，真係任君選擇。刺身刺身夠新鮮，而且賣相一流。而家仲有海膽送，要把握機會。蟹肉味噌湯味道清甜，真係有蟹肉而唔係蟹柳。甲羅燒呢到獨特嘅地方就係有甲羅燒。可以燒蟹蓋同和牛粒，但係要預訂 。蟹蓋上嘅蟹膏攪拌米飯， 融為一體，一入口即刻感受到濃烈嘅蟹膏郁香。和牛粒燒上一陣，即可以灑上晶鹽，感受獨有嘅肉質鮮嫩。辣螺肉辣得過穩，又夠香，食得辣嘅必試。天婦羅新鮮滾熱辣炸出嚟，十分香脆，蝦重好彈牙添。紫薯餅外層脆卜卜，內裏熱辣辣，好香紫薯味，味道濃郁。總括嚟講，呢到嘅放題值得一試。

話說之前去咗成個月旅行，翻到黎都冇食過放題，係咁洗朋友腦話要去食放題😂，終於等到佢肯陪我食。見到呢間評價好似唔錯又就腳，就bk咗位食呢間。比起預約時間早咗啲到，都等咗一陣，因為見餐廳幾乎滿座。放題既重點梗係刺身啦🤤，刺身都頗新鮮，最中意八爪魚同埋甜蝦，三文魚都幾肥美，但有啲冇切斷😢。不過最驚喜既係原來訂咗位係會送生蠔同海膽㗎！壽司叫得唔多，驚好快就食飽。整體黎講都算唔錯，我個人就最中意赤蝦壽司（雖然唔記得影相😂)，赤蝦夠晒大隻又鮮甜。兩位會送一個鍋，我地揀咗日式和牛壽喜燒，味道唔錯，個湯幾濃味。熟食方面，叫咗啲天婦羅同炸物，味道唔錯，炸得又脆口，個人覺得薯絲蝦幾特別而且幾好味，所以都encore多round！不過如果可以有埋天婦羅汁會更加好。話說呢度仲有分西式、泰式菜揀，選擇勁多！因為我都幾中意食泰國菜，平時食放題除咗生蝦好少見到其他，即刻叫咗嗰泰式蝦餅試下，好彈牙，超中意食，梗係要encore啦！另外仲叫咗香蒜片和牛粒，幾重蒜味，但又唔會蓋住啲牛味，味道算唔錯，不過稍嫌有啲筯，整體黎講ok！食飽飽梗係要食甜品，好多都係韓國貨！我最後揀咗好耐冇食既melona雪條，正！

最近去咗旺角兆萬中心食放題——極上帝王水產本身自己都有固定食開幾間放題，之後朋友推介去呢一間試下，都好有驚喜。環境方面都唔錯，多卡位。食物種類非常多，連港式小炒都有，服務員態度都良好。飲品種類都好多，尤其是可以試吓韓國芒果汽酒，推薦推薦首先，一開始就叫左刺身。種類都非常之多，我認為三文魚，甜蝦的質素都中上，幾鮮甜，其他種類都不錯。而且海膽份量好多，最岩鍾意食海膽嘅朋友！而且賣相都唔會好馬虎，最啱影相呃like 👍哈哈壽司方面都好多種類，十分推薦。炸物方面都幾出色，炸牛奶，炸芋圓，自己本身都鍾意食，而呢度有真係幾好食。熟食方面就叫左雞翼，焗蠔，焗蝦，牛舌。兩份港式小炒，炒蝦，炒腩肉。燒物都唔錯，尤其是午舌，特別推薦。最後，甜品種類都多，仲有唔同嘅韓國雪糕。整體來說，食物種類多，價錢都合理，下次都會再嚟食！

熱辣辣就想食日本刺身，最抵食一定係放題啦！即刻約埋成班朋友去到兆萬搵食。兆萬都算係放題嘅集中地，好多選擇，結果同朋友揀咗呢間新嘅一齊試吓。上到去真係好似大阪嗰啲水產店咁嘅裝修，而且氣氛好熱鬧，感覺唔錯。二話不說即刻寫返個刺身拼盤先！上枱好快，我哋仲睇緊其他嘢食嘅時候就已經到啦。刺身相當靚仔，三文魚脂肪均勻又厚切；有頭蝦、北海道帶子極之鮮甜；螺有咬口又冇雪味;值得推介嘅係大赤貝，肉質爽口又唔腥。麻辣煮花螺，麻味夠香，花螺煮得入味，送酒一流。呢度任飲嘅啤酒係黑啤，出邊好少見，麥味重，唔錯。燒牛舌厚切，食得出牛肉嘅脂香，又係送酒恩物，返叫咗兩碟。燒羊扒又係勁正，羊肉同脂肪相間，齒頰留香，鍾意食羊嘅不能夠錯過。另外值得推介嘅就係炸物，雞翼做得外脆內juicy，雞軟骨大大粒，加埋辣椒粉，惹味又邪惡！總括嚟講呢間放題刺身新鮮，熟食亦都做得有驚喜，絕對值得再嚟。

其實食日式放題都食過好多，今次就去兆萬9樓 一試，呢間場都幾爆一出𨋢就成堆人，好彩預早book定位等一陣就快有位，其實食過咁多放題，佢裏面有啲咩食大家都心中有數，只不過係價錢同食物質素嘅分別。呢度有三個時段平均價錢都係二百零蚊左右連啤酒汽水任飲，都係照舊限時兩小時，各位幾點去就睇餸食飯。事不宜遲梗係要先揀個刺身拼盤先啦，我覺得呢度嘅刺身都幾新鮮喎，本身鍾意食三文魚嘅我就覺得呢個三文魚十分之肥美，好食到要另外再齋叫一碟三文魚刺身，仲有赤貝非常之爽脆囉，而其他海鮮都不過不失。咁除咗刺身之外我有幾種款式都想特別講多少少 ，第一款就係佢嘅雞軟骨呀咁炸得好鬆脆呀 ，而且仲係熱辣辣，代表即做。仲有呢個焗蠔，非常之香，佢入面有啲芝士黏住蠔，食嘅時候估唔到芝士同蠔嘅味都幾咁夾呀，所以都encore咗兩次。辣酒煮花螺呢個菜式喺大排檔先會有，估唔到連放題入面都有，估計佢用啲辣嘅醬汁去煮，味道都唔錯。啲炸物都幾吸引， 芝麻雞翼炸得好入味 ，外脆內嫩。炸可樂餅就好似日式咖哩豬扒飯嗰塊炸薯餅咁，入面充滿薯蓉啦同埋都幾嫩滑，都幾得意。炸蠔又係香脆啦， 食完幾件呢啲炸物之後飲啖汽水當堂「据」晒。其實仲有好多其他都未