極上帝王水產

營業中

休息中

撞正男朋友同我一齊放假，就去一齊去旺角行街食飯，到了晚飯時段，就選擇佢平時最鍾意嘅日式放題，黎到兆萬見到巳經有好多不同選擇，今次就揀左帝王水產，六點呢段時間無咁多人，所以就好快可以安排到入座。入到店內，服務員很有禮貌地招呼我們坐低。見到幅圖畫的刺身很吸引，即刻叫左一盆試下。有好多不同種類食物選擇👍👍👍店員捧過來嘅時候，即時嘩一聲，七彩繽紛，魚生新鮮吸引，有三文魚，北寄貝，帶子，牡丹蝦，海膽同蟹柳等.....而且都是色澤紅潤，酸甜肥美，見件厚切，單是這一盤刺身巳經值回一半價錢～泰式蝦有小小辣辣地，但係好野味。炸物方面，試了芝士年糕及芝麻雞翼，每樣都新鮮炸起，香脆可口。燒菠蘿鮮甜好味，值得一試。當然唔少得甜品，我們每人食了兩款，分別牛奶布甸朱古力布甸，份量剛好，完全滿足我們每樣都想是的少少心態

🤤今日同朋友一齊飯聚，又唔想洗大錢，又唔知大家互相鐘意食咩，既然大家鐘意食海鮮，咁放題就岩哂啦！兆萬出名多放題，花多眼亂嘅我，🙊最後簡左極上帝王水產，🤣事關個名襯哂我地，大帝食靚海鮮！一入去就見到大大個冰櫃即刻心心眼😍，甜哂，勁多雪糕雪條放係眼前，同行三位男士對甜品0興趣，我見到就開心哂。除左有維記雪糕雪條雪米糍外，仲有d韓國貨係度，店家真係大方bo🤤。我地平日7點鐘就到左，但入面已經坐滿哂，要排隊等埋，好彩等左十分鐘左右就已經有得入啦。入到去嘅氣氛好熱鬧，好有日本慶典嘅氣氛，而員工都幾有朝氣。非常有聊嘅我地拎左人地嘅菜單黎玩😂，事關見到佢地嘅菜單有mark 左英文文字母係由a排到s，我地決定數齊咁多張睇下齊唔齊字母，彩下有無陰鬼我地。🤡又真係齊哂，頁頁嘅菜式都唔同，算你勁啦。落左單無耐，第一樣上檯嘅係刺身拼盤！！姐本身預左放題料唔會特別好，中規中矩就okay，但😱不得了，$249/位，4個人食爽埋都係$1000budget 姐，平時係日式餐廳點食到呢個份量嘅海產😱😱。放題！放題！放題！重要嘅野要講三次！重點在於任飲又任食，好似唔洗錢咁！ 三文魚最快被消滅，食落口肥美新鮮；海膽同

書展活動一輪後拿住戰利品去搵食！要去食得飽食過夠，當然之前就做足準備！食物選擇多，而且種類比較特別，有刺身、壽司，日本料理鐵板，應有盡有！同埋記得要訂座，有優惠㗎！我哋揀咗北海道海膽，味道鮮甜又唔腥！入咗點菜紙未有嘢食，出去出邊個雪櫃攞啲嘢飲，食吓甜品先！估唔到竟然有免費嘅果汁汽酒，仲要係日本製嘅添！到我哋熱烈期待嘅刺身出場啦！我哋幾個人超級大胃口，基本上全部刺身都點晒！沒有殻嘅甜蝦夠先甜，三文魚夠晒肥美， 赤蝦大大隻晶凝通透又彈牙又鮮味！仲有好多時令靚魚刺身，夠晒大滿足！後生仔就梗係鍾意食煎炸野啦，炸物又點少得呢？尤其是炸餃子係必食推介！而壽司我就最鍾意係蟹棒啦！半溶芝士蝦都唔錯，其他熟食都好正，有蝦又有東風螺肉，惹味十足！最後仲有熱辣辣嘅石鍋牛肉，牛肉夠晒嫩畫，湯底又夠鮮甜，再加埋甜品，今晚好令人滿意。

今晚我地倆個無聊咁行下兆萬，差唔多到咗食飯時間，諗住行吓食吓，就發現左依間野，正正喺兆萬商場上面，勁容易搵，依排又成日落雨停下，最後決定費事亂咁行，同埋行到肚餓，又可以當避雨，就食耐啲，黎個放題，餐廳環境唔錯，好多野揀，由A到R，仼你揀，嘢飲方面，有樽裝，有罐裝，有紙包飲品，甜品好得意又靚又精緻！值得1提嘅係，海膽手卷仼食，仲要係細細卷， 有小飯，啱晒我呢啲咁鍾意食海膽嘅人，我就唔客氣叫咗好多，係咁食，座位唔算迫，有四人卡位，仲有個蟹蓋都幾特別，我去攞野飲嘅時候都幾多人食，個刺身就更加正啦，有生蠔，又有海膽，仲要有螺肉，下都有分唔同嘅大蝦，有類似泰式嘅蝦，基本大蝦，泰國虎蝦。喺燒物方面，最特別嘅係焦糖菠蘿，真係會再叫多幾客，燒蝦都好正，仲有天婦羅真係冇得頂，係一定要食嘅，你知啦放題任食，一定會上左一堆野，食唔切，咁我個天婦羅就遲咗少少食，之前都食過放題， 遲咗少少嘅天賦囉，個皮就一定淋啦，但真係無諗過，個皮不淋之餘，仲要唔厚，你會食倒皮薄餡靚，依個真係正！食到最後除咗食甜品，仲要有冇movinpick雪糕食，不過依個就要叫人開櫃攞嘅。因為佢係分開嘅，有另外一個雪糕櫃，就任你食任你拎。值

昨天去了位於旺角西洋菜街1號兆萬中心的極上帝王水產，兆萬中心絕對係性價比極高的放題集中地。來食放題，當然要食他們的刺身才返本。我們點了刺身拼盤，刺身好新鮮，而且都大大件，絕不欺場。生蠔也算新鮮，有淡淡的海水味道。海膽甘甜，份量也足料。雪場松葉蟹鍋，小小一碗，但蟹的份量也足夠。泰式柚子生蝦沙律，甜甜酸酸作為前菜，都幾開胃。豉椒炒蜆，都幾惹味。燒菠蘿，表面有焦糖，多汁又甜，好醒胃。飲品都幾多選擇，還有新款的白色可樂，內含膳食纖維啊雪條雪糕都好多選擇。甜品細細杯的，方便可以試多幾款。總結：這裡主打中低價的放題，所以客人流量相當多，最好先訂位，由於食物選擇很多，吃飽後才知道這裡還有端爐燒，下次再來食過。

今日一個人放假落咗去旺角行街，見有啲肚餓就走左去兆萬商場，見到呢座大廈有好多不同的放題，就選擇左呢間極上帝王水產食日式放題。只是晚上七點鐘，已經座無虛席，氣氛不錯👍👍😱食物太多選擇了，由A至R，日式，泰式，中式都有，任君選擇。一坐低，服務員立刻放低3款前菜，3款醬汁，十分細心，可以一邊食，一邊落單，食既時候，又不需要四周找醬料👍🏻海膽鮮甜無比，值得一試熟悉方面都毫不遜色，牛仔骨係我最愛，消至金黃色，香口又很入味，而且咬入肉嫰。不得不題，極力推薦要點的甜品，心太軟暖暖的朱古力，細細件，都有流心效果👍🏻👍🏻

無聊行徑旺角，見到（帝王水產)嗰名咁勁，兩條友就走上樓，試試吧！只是星期一，未到七點已經開始坐得滿滿人了，環境尚算坐得舒服，食物太多選擇了，由日式，泰式，中式都竟然可以一次食到，兩個人連加一，都是$418蚊，尚算可以！

超差服務，成隻手卷飛落我張櫈，話轉頭幫我抹，人影都無埋，最後找第二個，比2包濕紙巾我算。埋單3催4請，成半粒鐘都埋唔到，好耐無試過咁失禮，當堂話爆佢地，貼$買難受。。如果想挑戰自己耐性的，不妨試試

熱食唔熱，食物太咸或無味；黎錯食物，無叫的黎咗，落咗無黎，成日考我記憶有冇落到這落到哪食物，一肚氣，唔再黎食，唯一可讚侍應服務好，原可食兩個鐘俾多時間我，但食物不吸引又一肚子氣，冇心機食了

而家放題越開越多，本身都唔知食邊間好，係朋友介紹之下就嚟咗呢間極上帝王水產，聽個名好霸氣啊！今日因為太遲收工嘅關係，食咗最晏round，估唔到都幾多人，人氣十足！坐低就即刻嗌嘢食，餐紙都有十幾款，花多眼亂啊！但一黎一定係食咗刺身先啦！刺身上枱好靚，亦都有好多唔同款嘅選擇，例如三文魚、甜蝦、赤蝦、帆立貝、八爪魚等，食落覺得幾新鮮唔錯！好食！有個訂座優惠就係可以食北海道海膽，海膽真係好鮮味，入口即溶，正呀！炙燒羊架羊架好厚好juicy，食落去嘅時候肉汁仲喺度，唔會燒到好乾，好味！炸物平時好少食炸物，但係黎到放題梗係要放肆一下啦！😝😝 炸物上枱嘅時候全部都係熱辣辣，證明真係新鮮炸嘅！炸蠔幾好食，唔會好多粉。仲有一個幾特別嘅薯絲蝦，薯條加埋蝦呢個配搭幾新鮮，我哋食咗好多件！食左海膽好食嘅關係，我哋之後再嗌多兩個海膽手卷，手卷唔會好大，所以唔驚食到好飽！但係海膽嘅份量亦都充足，可以滿足鍾意食海膽嘅我！最後食咗佢哋新推出嘅蟹蓋燒，食法係首先將蟹蓋入面嘅忌廉芝士熱熔，燒一段時間之後再加入埋蟹籽、蟹膏、蔥、珍珠米撈埋一齊食，口感意想不到咁好！當芝士配上蟹肉蟹膏同埋蟹子呢個配搭真係好正！呢個真係大推介呀

放題勝在選擇多，時間亦足夠吃過痛快。泰式咖哩炒蟹肉不多但有獲氣，咖哩味香濃不嗆，小巧份量，可以試多d不同食物！笑了，未趕得及拍照，友人已把這個急著吃，避風塘香辣炒大蝦岀奇炒得香噴噴，有點辣的蝦🦐亦算彈牙。今天的主打鰻魚岀場，少有放題供應，即使有亦會價格較高。一人一份不用爭先恐後，激細件，但好鬆脆，要叫多幾件先回到本。點了燒和牛粒，店員會特別拿個得意爐仔預備。我們先等預熱，慢慢放上去燒，實在好玩又可食，啅頭十足。但煮時很彈油，遠離一點不要被油彈到呀。和牛賣相已好好，肥美多油香，食味亦高於預期。菠蘿🍍甜美大件，色靚，飯後果😍朱古力心太軟旦糕仔必不可少，的骰不太甜，小妹我好喜歡，一口氣食了4件。食後感：地方好坐寬落舒適，不經不覺就過了愉快吹水好時光。

極上播著韓歌，令大家全程食得盡興。我們經商量後叫了：芝麻八爪魚🐙前菜👍🏻芝麻海哲爽口非常😚壽司控搶先要了炙壽司，貪佢入口即溶，不過飯不太細件，食幾件好快飽左。花之戀好掂，唔多飯，三文加沙律醬組合無得輸。刺身切得大塊厚肉，最吸引係鮑片，口感好，蟹棒都叫左5條，餐廳一下子給十條有多，帶點鮮甜大滿足，但飽了不少。另外希靈魚好脆爽，海膽象拔蚌都幾好呀。炸榴連和牛奶也金黃香口，粉不厚，味濃郁😍飲品大路想飲的都有，樣款多，飲了不少。咖啡慕絲杯超細個，入口卻是不複雜，純☕️味，好滑溜！！！薄荷雪糕mint清新，質地煙un，食後口齒冰涼，岀色美味。另外還有朱古力味呢！當然雪米糍也是要吃一點吧🙈😆

兆萬放題多，都試過幾間，今次見呢間食評唔錯就走來試下。呢度環境都OK，唔會太逼，坐得幾舒服。菜單上款式多有熟食、炸物、手卷、壽司，當然唔少得刺身啦！飲品同平時放題大同小異，大約差不多20款，全部都係罐裝飲品。刺身首先來左一大盤刺身，有帶子、三文魚甜蝦、松葉蟹棒等等。職員用左d野來裝飾，好靚，隔離枱見到係咁望住，哈哈！刺身都幾新鮮，款式多，口感不錯，讚！壽司叫左幾客壽司，雖然話係放題，但係質素一d都唔差，拍得住板x同元x，飯亦都唔會散開左，幾好。芝士年糕上來係熱的，真係即炸，好軟熟，食完再叫多兩客，好味！栗子蕃薯餅同平時係日式餐廳食嘅質素一樣，絕不馬虎，好有口感，蕃薯迷必食！炒雜菌雜菌幾新鮮，味道清清地，算不錯了。芝麻雞翼/天婦羅芝麻雞翼來嘅時候仲係熱辣辣，雖然睇落去有少少深色，但入邊有汁，唔會太乾。天婦羅的粉幾薄，都係即炸，不可天婦羅汁就稍微淡左少少。枝豆平時食放題，我都喜愛叫枝豆。呢度既枝豆都新鮮，不會太老。水蟹粥睇落去賣相一般，但食落幾清甜，仲見到一絲絲的蟹肉，不錯！薯絲蝦、炸鮮奶、榴連炸彈、芋丸都係現炸，要趁熱食。蝦尚可，炸鮮奶略甜左少少（自己口味較淡），但朋友話好食。榴連炸彈味

又心思思地想起食過任飲任食的極上帝王水產放題，那新鮮鮮甜的刺身,帶少少羊騷味及羊味濃郁的羊扒，鮮甜的海老蝦及蜆.....。想起尤覺回味無窮，於是預早訂了位與先生到旺角極上帝王水產食放題。極上帝王水產位於兆萬中心9樓，雖然要由行人電梯上到3樓再轉電梯，個中都算有點曲折，但見到餐廳裡面一樣差不多滿座。餐廳全部都是卡位，湖水藍的海水顔色，有種令人置身海洋的舒服感。任飲任食放題$263/位。原來加價了呢，比上次貴了$33/位了，不過，現在物價飛漲，外面的餐廳也是一樣都加價了，計算一下，這個任飲任食放題還是十分抵食。放題食物非常多。除了有我非㸃不可的刺身及羊扒外，還有帝王和風料理，西式系列，特色泰國菜，特色火針壽司，日式前菜沙律，和風小食，築地刺身直送，手握壽司，名貴黑鬆露夀司，高級爐端燒，星空炸物，即炸天婦羅，星級熟食，唐揚之炸物........還有多款甜品及有廿多款飲品。令我有點花多眼亂之余也格外興奮。雖然不是第一次食極上帝王水產放題，但還是一樣令我期待及興奮。先㸃的必定是我心思思的海鮮刺身。刺身顔色亮麗材料新鮮，其中最喜歡三文魚入口油香軟滑，八爪魚味鮮甜，刺身鮑魚帶少少𡁻口味清甜...。還

今晚與朋友又來到旺角行女人街及欣賞街頭歌藝。旺角美食非常多，放題，火鍋，韓式，泰式，越式，四川麻辣......，嘩，真是非常多選擇，我們最後還是決定今晚食任飲任食$263/位的極上帝王水產放題。餐廳座位𤔡卡位式設計，天花頂上挂滿了一條條的旗子，充滿著日本的氣息。對刺身情有獨鍾，所以先㸃刺身。那顏色鮮艷的刺身拼盤，鮑魚片刺身清甜，鮑魚味濃郁。日本有頭甜蝦刺身，甜蝦蝦味夠清新鮮甜。挪威厚切三文魚刺身十分油香新鮮，口感柔軟。帶子薄切，晶瑩剔透分外甜。鬆葉蟹棒刺身帶著蟹味十分清甜。大北寄貝刺身顔色鮮紅，令人喜愛，味道清甜.....。燒豬頸肉雖然不是很爽口，但以放題來說，還是極不錯的。炸物我也非常喜歡，尤其是炸蝦，炸南瓜，海老.....香草烧羊架非常入味嫩香。灸燒雞中翼。雞肉嫩滑多汁，燒到剛剛好。其實放題種類非常多，有職人手握壽司，唐揚之炸物，特色火針壽司，即炸天婦羅，星空炸物，高級爐端燒，西式系列，有日式前菜沙律，和國小食，即席手捲軍艦。築地刺身直送，特色泰國菜....飲品也有廿多款。還有甜品颜色非常吸引，食完炸物，再食甜品，消滞又好味。嘩，放題真是十分好味，任點任食，不知不覺，食到太飽了。